صفحة 18 من 20 « الأولى < 8 9 10 11 12 13 14 15 16 17 18 19 20 > عرض 40 مشاركات من هذا الموضوع لكل صفحة

نسمات 01-14-2014 01:44 AM http://www.alsh3r.com/cdn/poets/3040.jpg الشاعر / احمد العولقي صبآحك اشرآقة دفآ .. ياللي بآلرآحه غفآ ، وارتاح من طول السهر .. والا حبيبك بالمسـآ سهرآن يشكي .. للقمر .. عن بعض لحظات الجفآ .. وعن بعض لدغات القهر .. عن قلب شآقي واكتفى .. وعن ضيقة تسكن بالصدر .. قالو مفاتيح الفرج .. تلقاها في عز الصبر .. وين الصبر . ؟ يوم الصبر .. ! خلص وهمّي إحتفى .. يرقص على أبسط عذر .. والفرْح هآرب واختفى .. والحظ ( قآتل بالأجر ) .. وخلقي تغيّر موقفه .. متشبّث بحبل الكدر .. فلا تقول لي صبحك .. دفآ .. ! ما دامني .. لين الفجر .. أكتب قصيدي واحرفه . . تستسقي من عيني .. المطر .! ولا زلت صآحي ما غفآ .. جفني .. ولا مات النظر .. للحين بآقي على الوفآ .. واشوفك ادمنت الهجر .. والا الحزن ما تعرفه .. ! لا جآني يكسر لي الظهر .. شف لي رجول ٍ واقفه .. للحين تنطر ع البحر .. شف دمع عيني .. هاااا شـِفَهْ .. وشلون ع الخد انحدر .. شف كل حروفي نازفه .. والصبر من يآسي .. انتحر .. شف بسمتي لك زآيفه .. كآبرت .. بس جرحي كبر .. شف عمري .. إنته شآيفه . ؟! هذآ انتْ ضيّعته هدر ........ هذآ انتْ ضيّعته هدر ................ هذآ انتْ ضيّعته هدر http://www.alsh3r.com/cdn/poets/2964.jpg الشاعر أحمد محمد الرشيدي

بندر الساكت 01-14-2014 02:00 AM http://www.alsh3r.com/cdn/poets/2964.jpg الشاعر أحمد محمد الرشيدي يا شاعل النيران في تالي الليالي مشتاق والدخان في ليله طوافي وفشبة النار ارتسم وجهك يلالي يطلق على ضيّ اللهيب القوافي مشتاق لي والشوق في ناره لفالي مجنون انا فام المعانيق الدوافي يا بنت روضتي معاليق الوصالي والليل جيش في مخافيقي الخوافي يا شيخ حيَّرني وحط نفسك بدالي مجنون انا بحبه وهو لقلبي عوافي لا ترقي في قلبي ترى قلبي مثالي لكن بسيف الشوق عذبني يوافي جتني ومن جتني السوالف بي طوالي روحين في روحن ولمساته شوافي http://www.alsh3r.com/cdn/poets/3061.jpg الشاعر أحمد حنّان

نسمات 01-14-2014 02:10 AM http://www.alsh3r.com/cdn/poets/3061.jpg الشاعر أحمد حنّان لا تنشدَ أللي بيبكي حين يلقاك ليهَ البكى يابعد روحي وغالي لي فكرتِن في خيالي بعدِ فرقاك لا جاتني ضلِ فكري في إعتزالي ياأللي تِضَوِّي الثريا من سجاياك على هواكم من القلبِ إشتعالي يا مِسهِرن عيني خذني في حناياك عمري إنتهى وليلكم شايل هلالي متى أرتشف سلسبيلِن من شفاياك ريقه كما شربَةِ الماي الزلالي توعِد وتخلِف وتزعِلني وأرجاك وتجفاني ألفين مره في وصالي ويعود قلبي إلِّيَ مثلِ ماجاك تعبانِ مكسورِ نبضه في إعتلالي تسبِقني أحزانِ عيني في سواياك ما حيلِتي فيكِ يانهرَ الجمالي أغراني حسنك وعودك مع حواياك والحينِ كِلِّي قِساوه في إحتمالي لا ريدك في عيدِ فرحه ولاني أبغاك حَطِّيتِ لي حرزَ أبوزيد الهلالي http://www.alsh3r.com/cdn/poets/1479.gif الشاعر طامي الرياحي

بندر الساكت 01-14-2014 02:22 AM http://www.alsh3r.com/cdn/poets/1479.gif الشاعر طامي الرياحي يالساني تكلم وارسلي ياهجوس وشرحي كل علمٍ صار فيه التباس انعكس فهم الامه والزما ن مغكوس وامتلى قلب بعض الناس حسرة وياس كم شجيعاً على جمر الزمان محموس ويتصبر ولو شرب المراره بكاس ويترجا عيال الخايبين الهيوس وان تمرد على واقع زمانه يداس من همومه عروقه ناحلاةٍ يبوس مير وشلون يعدل وقت مسعاه خاس يازمان اتلعجايب يازمان الفلوس يازماناً على الطيب صعيب المراس يازمانٍ بك الثعلب يحد الضروس واعتلت فيك هامات السلق والبساس والله اني من دروسك خذيت الدروس درس مع درس زود ضيقتي والعماس وانت ياللي ماجربت الزمان النحوس اعرف ان الزمان اليوم فيه انتكاس وانشد اهل المعرفه طيبين النفوس واقتبس منهم العلم الصحيح اقتباس وابتعد عن مرافقة الرخوم النجوس وش تبى من مرافقة الضعوف الخساس مايحامون جنبك في النهار العبوس لو بوقت السعه عندك طوال الحساس واحدٍ فوق صرح المجد ماله رموس لا تحطه على جنبك نهار الدواس في الرياجيل فرقاً واضحٍ ومحسوس كانه الفرق من بين الذهب والنحاس اصل صم الصخر ماهوب مثل الطعوس ميز الفرق وانته فيك خمس الحواس والمجالس بعظها مالك ابها جلوس لو على التجربه يدفعك بعض الحماس مايجالس هدوس الناس غير الهدوس والمثل قال كلٍ له مع الناس ناس طول عمر الرجول رجول والروس روس بينهن فرق شاسع بالنظر ما يقاس الردا في الردي طول الحياة مغروس وابيض الوجه له بالعز والمجد ساس لايهمك ولوطالت قرون التيوس ما تدوم السعادة والهنا والوناس ماحداً من مقادير الزمان محروس كل عوداً لو ابطى مقتفيه اليباس وان تحداك وقتك دوس الاخطار دوس لا تلبس من ثياب المذله لباس لو حنتك الليالي بامرها حني قوس لا تنزل مقامك وانت في القوم راس كل سبعٍ فروس يجيه سبعٍ فروس وان تهاون عزومه يفترسه افتراس واعرف ان الليالي حدها حد موس من تراخالها ترميه تحت المداس والرجوله ماهي في لبس زين اللبوس والتقصوي بجمع المال لؤلؤ وماس كم غنين عن الفعل الجميل محبوس حابسه شح نفسه ياعساه الفلاس وكم فقيراً لهامات المعا لي يجوس لابسٍ بالفخروالعز والمجد طاس لويقظي حياته في تعاسه وبوس نحو فعل الجمايل يدفعه قو باس ومن تجرا على حلف اليمين الغموس بشره بالتعاسه والندم والفلاس لو جمع مال بقعى حاسه الوقت حوس والنهايه قبر مظلم ومترين لاس http://www.alsh3r.com/cdn/poets/3441.jpg الشاعر ناصر الجابر

نسمات 01-14-2014 02:38 AM http://www.alsh3r.com/cdn/poets/3441.jpg الشاعر ناصر الجابر عذبتني وأنت متعذب على شاني هذا هوى النفس لصارت شقاويه لاتحسبني عليك اليوم زعلاني إن كان ياصاحبي بدلت بالنيه ياشوق من هومشى فوق الوطا فاني أرجيك رجوى عليْ بالهون داريه في كل يوم لكم بالحيل شقياتي ثمن غلايه إبودك وإدمح السيه ياما إنصحوني إربوعي مير شفقاني والنفس بك ياوزين الروح مبليه ليلي قضيته على مركاي سهراني والعين عن لذ نومه تقل محديه والله لوعارضنلي دعج الأعياني ماشاقني غيرأبو خد يْن خمريه عوده غضيض ليان غض رياني من تحته الماجرى في بارد الفيه والعين لاحددتبه عين شيهاني لضفت الريش بالمرجاع مدعيه وسطه نحيل يضيمه ثقل الأمتاني يمشي هوس بإدرجاني رادع إشفيه هافي حشا مايذوق الزاد جيعاني ماعذب الجار بالروحات والجيه أقسمت باللي تعلا فوق الأكواني ماأنساك مادام نفسي يالغضي حيه عطني عهد ياعشيري ماتناساني وأعطيك بالعهد والميثاق طلحيه أنت الذي وسط قلبي حط نيشاني بيت الضماير ختمته ختم رسميه ذبحتني ياوليفي ذبح نصراني ليتك تكرم وتذبح ذبح سنيه ونيت ونة صريع صابه إجناني شلق إثيابه وصابه مثل مابيه يامنوتي دفني تراي برداني مسكين عريان والأيام شتويه ياليت موتي وأنامن فمك روياني ذبيح ذوب العسل والروح مفديه وأنام نومة هنا والطرف جذلاني وصلك إمنايه وروحي لك رجاويه كل المشاكل سببها بعد الأوطاني داري إمشرق ودارالزين غربيه ياقو قلبك عليه تقل صواني قاسي ولافيك يالمجمول ماويه أنا الذي غاوي يازين شرهاني من غيركم وسط جوفي حط ماريه خليتني ضايع منجوم قياني في صحصح قفر بديار خلاويه أطرد سراب إبسراب منه عطشاني عج ومعاصير وامحول سناويه مايسمع ألاقنيب الذيب سرحاني خالي خلا مابها حتى جلاويه والله لولاك يامردوع الأوجاني ماخف عقلي تقل مصروع جنيه بعت وشريت الغلا لكن خسراني رميتني بين ربع لي شناويه ماطعت أنافيك قول إفلان وافلاني وناديت بإسمك تراني فوق عليه ياللي رحل ماصخف ليه ولا أسقاني من حالي ذايب معسول بشفيه هذا صحيح نطقبه صادق إلساني آقولها بالمثل مردود مثنيه عذبتني وأنت متعذب على شاني هذا هوى النفس لصارت شقاويه http://www.alsh3r.com/cdn/poets/1089.gif الشاعر ناصر السحيمي

بندر الساكت 01-14-2014 03:04 AM http://www.alsh3r.com/cdn/poets/1089.gif الشاعر ناصر السحيمي حايل يا حيي و ان سمعتوا بحايل ارخوا مسامعكم ترى الشعر مضمون متولم(ن) فكري لبدع المثايل من قاع جوافي و القوافي لها لحون خبري بشعري ما يفوت الجزايل يقطع صليب القاف والسيف مسنون يا محمد السالم يا طيب الفعايل ان عدوا الانساب و الجد مصيون نسل الطواله شمري يا قبايل شيخ(ن) على الطنخه و به طيب مكنون يا كثر ما تسمع (هلا) بالحمايل كلن يجيب الطعم و الشكل و اللون غير إنها تفرق و فيها دلايل متواصله من شمر العز و العون و كم شمري زرنا و شفنا الصمايل في طربة العزمي ولو كان مديون من عقبها ياقاف انخ الرسايل في مدح ابو سلطان و القاف موزون خيرة بني عمي و يضحك و اخايل نشوة كرامه بين ضلعان و شجون عز الله اللي وافي(ن) بالسلايل من صلب قحطان العريبه و لا يهون كلن على ذا القاع رايح و زايل ما فيه غير الصيت و المجد مخزون يا فيد و خراشه و ذيك الطوايل شطر(ن) انا جبته و بكتاب مدفون حايل يا حيي و ان سمعتوا بمايل الميل ميل القلب و ابليس ملعون http://www.alsh3r.com/cdn/poets/74.jpg الشاعر ناصر السبيعي

نسمات 01-14-2014 03:15 AM http://www.alsh3r.com/cdn/poets/74.jpg الشاعر ناصر السبيعي البحر هذي حدود البحر من يرفع شراعه قلت أنا والريح قلت الريح بإذن الله تطيعك والزعل قلت الزعل ماهو لمن مثلي بضاعه وأنت بعضك يارفيق العمر يكفي عن جميعك مايبعدني مكان ولاتغيرني قطاعه كم قسى باكر بوصلك قلت ياباكر تبيعك والزمن قلت الزمن ماهو قليل إن غبت ساعه ما استطيعه وأنت اشلون لاغبت أستطيعك إشتريتك بالف صبر وألف سمع وألف طاعه شوف كم مرة شريت ارضاك مافكرت أبيعك كنت في عمري يقين وصرت لا حساسي قناعه من شرب صيفك وضم اشتاك يستاهل ربيعك http://www.alsh3r.com/cdn/poets/464.gif الشاعر ثامر شبيب

بندر الساكت 01-15-2014 12:07 AM http://www.alsh3r.com/cdn/poets/464.gif الشاعر ثامر شبيب ياللي حرمت القلب مبطي من الصوت لاتحرمـه هالحـيـن رد الرسـالـه ايام عمري معـك لحظـات وتفـوت وش تنتظر لاضاع عمـري بدالـه ؟ يعني عشان اسمك على القلب منحوت ماعـاد تسئـل ليـه وش هالنذالـه ؟ ان كان قصدك شوفتي وسط تابـوت خلنا علـى ماقيـل كلـن بفالـه !!! اليا طرى طاريـك حسيـت بالمـوت اليا متى هالحال ماهـي بحالـه .؟؟؟ من غبت وصارت غيبتك شي مثبوت والناس تنشـد ليـه ثامـر لحالـه .؟ زعلان حدي منك ضايـق ومغمـوت وكل من سئلني عنك ضقت بسؤالـه عز الله اني معـك مانـي بمبخـوت امشي يمين الـدرب تمشـي شمالـه عزآآآه يالدنيا عقب بحـت الصـوت صار الرجى منك ترد الرسالـه !!!! http://www.alsh3r.com/cdn/poets/1102.gif الشاعر / ثنيان الرشيدي

نسمات 01-15-2014 12:25 AM http://www.alsh3r.com/cdn/poets/1102.gif الشاعر / ثنيان الرشيدي www.youtube.com/watch?v=0-UH0RGJgsw http://www.alsh3r.com/cdn/poets/216.jpg الشاعر ذيب الشمري،

غدق 01-17-2014 07:41 PM . . . http://www.alsh3r.com/cdn/poets/216.jpg . . . يا ناشدتني عن شطير المخاليب .................... اللي سرى في ليلة خرمسيه عليه انا مثلك جروحي معاطيب .................... وانتي تزيدين الجروح الخفيه والذكريات اللي تشب اللواهيب ......................... لو ما طلبناها تجينا هديه اقدر اصحاب القلوب المصاويب ...................... لو يحذفوني بالجحيم اللظيه مكتوب جاني غير كل المكاتيب ....................... مشاعر من عاقله واجوديه بنت الرجال مكملين المواجيب .......................اهل المفاخر طيبين السجيه جاني سؤال عذب الروح تعذيب ................... اشد من ضرب السياط القويه واشد من ضرب السيوف المحاديب .................... وامسيت مستسلم ورافع يديه اشعيل اعرفه دون شك ولا ريب .................... بالمعرفه ما هو غريب الهويه لو هو صغير ولا مظاله تجاريب ....................... بالطيب دايم عالي المعنويه اطول عمار من البشر نوح وشعيب ......................... كل بيومه واجهته المنيه ولو كانت الدعوى فزوع ومطاليب .................... بين البشر ما نعتبرها قضيه في لازمك تمشي طوال الاشانيب ...................... ما يرجعون الا عليهم رضيه ولو البكا والنوح وتشقق الجيب .......................... يردلك نور العيون الشقيه ارسل لك صفوف البنات الرعابيب ........................... جميع وحده تدعي شمريه يبكن ويلبسن الثياب الغرابيب ........................ في لازمك مثل النحل بالخليه لا شك ما تنفع جميع الاساليب ....................... ادعي عسى الرحمن رب البريه يجعل له الحور الكواعب معازيب ......................... بين الحدايق والقصور البهيه في جنة يصفى بها البال ويطيب ........................... ويجمعكم الله بالنهاية سويه . . . . . . آلشآعر:حمود آلشمري

نسمات 01-18-2014 11:21 PM . https://encrypted-tbn2.gstatic.com/i...IpvyYpwo3PrOBx . . . آلشآعر:حمود آلشمري http://www.youtube.com/watch?v=CX5FKmk63DA http://www.anhaar.com/arabic/thumbna...=article_large الشاعر حمود السبهان

بندر الساكت 01-19-2014 04:03 PM http://www.anhaar.com/arabic/thumbna...=article_large الشاعر حمود السبهان انا الغريب بدنيتي يامزنه المزن المزون يا حايل حالت حايله ياحيل كل الحايلات انتي الوفا يا أمنا أنتي المشاعر والشجون هذا اجا وياه سلمى هناك عقده ونايلات يا دار حاتم عذبه المناهل يا أجمل لحون انتي مدينة خالده مثل الجبال النايفات انا تاريخ امجاد ومستقبل يفاخر لو تبون من خير امة امتي رقت سنود العاليات سلام يا شمر معطر بالزهر من كل لون واللي سكن حايل ونال من العلوم الطيبات http://www.alsh3r.com/cdn/poets/3071.jpg الشاعر / حسن الكميت

نسمات 01-19-2014 04:55 PM http://www.alsh3r.com/cdn/poets/3071.jpg الشاعر / حسن الكميت يا حِب أنا داخل على الله ثُم عليك بطلبتي يكفي على قلبي عنا تعمير أعلى ناطحه ماكنت مصدَر علَّتي أو كنت أصلاً غلطتي بل كنت من أجمل فراشة كالورود الفايحه ولاصرت للسبع العجايب ثامنٍ بمهمتي أو معجزه فوق الثريا بعد رحله ناجحه بس صرت أشبه بالمكوك اللي توجس نجمتي صار اللي صار وما تأملته شظايا طايحه آمنت بانياب الزمن يوم المقدَّر قسمتي من بعد فقدان الأمل توطين حلم النازحه شنَّت عليها فرقتي غارات تقصف غايتي حامت عليَّ الصدمة بجثة صمود الطامحه عِقب افتراس الصبح لليل المَجَمِّر حالتي عيَّت عيوني الصلح مع نفسي بحال البارحه كِنَّ السهر سنيور ينهش ليلتي من راحتي وكِنَّ الهواجيس ابمعاناتي طيورٍ جارحه من حمَّل الجاني على المجني بكسر مرايتي غير النجاسه اللي على رِجْسَ الكلاب النابحه http://www.alsh3r.com/cdn/poets/774.gif الشاعر طلال الشعلان

بندر الساكت 01-20-2014 01:53 AM http://www.alsh3r.com/cdn/poets/774.gif الشاعر طلال الشعلان خيوه قربني من أحساس دنياي عندي أمل لكن بصيصه هقاوي مرات أزعل لاتنبأت وش جاي ومرات أحس أني بحظي شقاوي مرات اطرب لاعزف همي ب ناي وكثير يصلح عزف همي غناوي أرع المثل خذ أغنية أنت معاي والا أنت ناوي تبتعد ليه ناوي رحلة طويله كم تصحح بها خطاي وقصة حزينة قالها ب ليل راوي وطب البياض ولالحق صيفي شتاي اواه أصيح من الدفا والبلاوي مره حلمت ب بسمةٍ طبت شفاي طالت أحلامي ولا نفعتني الدعاوي خيوه أنسى وشوف بالعين دنياي كيف الأمل ماله بصيص وحراوي http://www.alsh3r.com/cdn/poets/2248.jpg الشاعر / ظافر العتيبي

نسمات 01-20-2014 02:20 AM http://www.alsh3r.com/cdn/poets/2248.jpg الشاعر / ظافر العتيبي لغلا نبت لبذر العواطف والشعور فالقلوب الي سحاب الوصال يعلها وانت يالي تزرع الحب في وسط الصدور كان ماسقيت المحبه بوصلك بلها لاتخليها فتذبل كما ذبل الزهور دام عندك عقده الحبل بالله حلها وارحم الي من سببكم غدا وضعه دبور ماصفى جوه ونفسه تزايد غلها لد لي بالعين تكفى ترى القبر محفور من لنفسي ياهوا البال غيرك من لها يابعد من يسكن الريف والي بالقصور يابعد حيي وميتي وناسي كلها http://www.alsh3r.com/cdn/poets/483.gif الشاعر ضاوي العصيمي

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

mamnoa 5.0 by Abdulrahman Al-Rowaily