صفحة 19 من 20 « الأولى < 9 10 11 12 13 14 15 16 17 18 19 20 > عرض 40 مشاركات من هذا الموضوع لكل صفحة

بندر الساكت 01-20-2014 02:37 AM http://www.alsh3r.com/cdn/poets/483.gif الشاعر ضاوي العصيمي ماضمني من هالفسيحه كود حضن الزاويه اعيش فيه العمر كله في رضايه وزعلي فيه (استضيف الليل) الابكم والرياح العاويه بحداثها مسرح هواجيسي يغيض ويمتلي ليل الشتاء والصيف ابد بطوالها متساويه ماتختلف تكشيرة اخصامي ولا ضحكت هلي متى تجود تشيل عن صدري هموم" ثاويه متى الكرم ينبت على كف القدر ويمد لي متى تعود وتطرد اشباح الظلام الكاويه متى متى ( تشرق ) وديجور الغداري ينجلي عيني روي منها عطشها والمسامع راويه ياقربها من مسمعي .. يابعدها عن منزلي حاولت ادورها وحصلت المنازل خاويه ومات الامل لحظة قريت الياس في وجه جملي ياعاذلي تعبت اعد السارحه و(الضاويه) واحسب تكاليف الحياه وشرهتك ياعاذلي ياعاذلي وفر كلامك للنفوس الغاويه عن الذهب والماس واللولو قنوع" بهللي ونا ادري ان باقي قدم بيني وبين الهاويه وفي كل لحظه بالحواجب والعيون تلد لي عزمت افك اسر الذراع اللي زمانه لاويه هيهات انا كلي حبيس" بالحديد مكبلي هذا كياني جمرة" مسجونة" في زاويه تشعلني الاحلام ساعه وانطفي في معزلي http://www.alsh3r.com/cdn/poets/402.gif الشاعره أمل ثابت المرزوق

نسمات 01-20-2014 03:12 AM http://www.alsh3r.com/cdn/poets/402.gif الشاعره أمل ثابت المرزوق ايه أنا بكره بسافر ياسحاب العشق لكن!! أوعدك اني م بنسى كل لحظات الحنين وأوعدك يبقى أملنا يجري دايم في عروقي مثل غيم ٍ يا حياتي بالمحبه دوم ماطر ايه أنا بكرة بسافر // فوق جنحان الطيور وأعبر بلاد وشواطي وأحضن أمواج البحور أرسي ف المينا لوحدي ودمعي يرقص فوق خدي الحزن بكى الدفاتر ، والورق دايم يقول: ما قويت أبعد عن اللي فاح عطره في ودادي والقلم أقسم بدونك انه ما يكتب قصيدي غير كلمه فيها اسمك، غير همسه لك يا سيدي يا سحاب العشق أقسم كل مافيني يبيك والقطار اللي جمعنا ذات مره عنك يسأل: وين خلك؟ ليه ترحل؟ وش جرى بعد اللي كان؟ جاوبه قلبي وتنهد ، قال يا خلي ظروف باعدت بين الأيادي والهوى خان العهود بس تأكد ايه تأكد كل ما حولي شهود بان صبري في انتظارك يالغلا ماله حدود كل طيوفي السبع تشهد بإن قلبي حيل صابر وان صحرا الشوق تنبت من دموعي لك وتزهر ايه انا بكره بسافر يا سحاب العشق لكن! في عيوني دمع يلمع مثل لمعات النجوم يا ابتسامة فرحي انتا يا أمل كل الوجود يا وجع قلبي وحزني شوف آهاتي شهود ايه انا بكره بسافر وأحمل اقلامي معاي وألبس أثوابج يا غربه واشتكي همي لسماي // وابيديني أحمل البرواز فاضي يا غلاي شق صمتي شق سكوني وقام يردد لي صداي بكره حان الموعد اللي ما تبي تشوفه عيوني ايه انا بكره بسافر يا سحاب العشق لكن! أوعدك باللي خلقنا اني ما بنسى الحنين http://www.alsh3r.com/cdn/poets/2361.gif أشجان نجد

بندر الساكت 01-20-2014 03:37 AM http://www.alsh3r.com/cdn/poets/2361.gif أشجان نجد الله يحنن قلب ((طه)) على حسين ويرجع زمان الصدق من غير صفعات مافيه أقسى من فراق المحبين إليا شربوا من حرقة المر لوعات وش حال..؟! قلبً عايش(ن) بين نارين نار الفراق,ونار نقل الإشاعات ياوارف الأحساس رايح على وين..؟! أتعبت روحك وأنت ترقى الطويلات عشقً ..صدق ماهو مجرد عناوين أحساس طاغي فوق كل العبارات مايكفي التشبيه أغلا من العين الله اكبر كيف ..؟! للعشق سكرات اقوى من المعسوف مابين سهمين وأحلا من الشهد المصفى بكاسات أيوه ( ياقلب )العنى قلت: بعدين وأليا سألتك صدق ,تقول : هيهات اتعبتني خليتني بين ..بينين أشكيك وأشكي منك كلي معانات إن قلت لك هذاوعد والوعد..دين تقول :أفكر والوعد بالمجرات مدري متى ..؟!! تفهم ..وتقرا البراهين.. وتعزف من المكنون أعذب هتافات الله يحنن قلب (طه) على حسين ويرجع : :زمانٍ ضاع وأطوي مسافات http://www.alsh3r.com/cdn/poets/742.gif الشاعر / سالم الشمري

نسمات 01-20-2014 08:47 PM http://www.alsh3r.com/cdn/poets/742.gif الشاعر / سالم الشمري تمـرّ السـنـين وتنــطوي صفـحـة الماضي *** ولابـــد مـــن بــــين الـعــرب تحــصل الفرقا الأقدار تجـعل كل مـؤمن بها راضي *** وياكم دارن مخضـره وأصبـحت برقا تـدور الليال بعـمـر الأبـشار تعتاضي *** والأرزاق ربـي كافلـه غـربن وشرقا كلّن ولــه دكتور وعلاج ومحاضي *** يبــين الحــزن بـــعيــون مـــن دمــعـــته غرقا ولكن طريق الحب ماصار له قاضي *** ومــن طـــاح بـــه تنــزل حـــوالـــه ولا ترقا درب الهـواء غصبن مشيته مانا راضي *** وانا المشكله نارن بجاشي غدت حرقا أفكّر وأردّد مامضى وأشغل الفاظي *** على كثـرة الأحـزان وهجـوسنا هرقا ذبحـــني غــرام اللــي لــلأجـراح نقّاضي *** وكــله سبب منــهو سرق حــالتي سرقا أحبــه وأفكّر بــه وجـاشي لها هاضي *** غــلاها كوى قلـبي بـوسـط الحشا عرقا سكن بالخفوق وحبّها بالجسم فاضي *** هذيـــك الفــتاة الحلـــوة السمــحة الطـرقا أنا أشـهد شــهادة حـــق ماغيرها عاضي *** وصحيــح العـذارى بالحســن بيـنهن فرقا http://www.alriyadh.com/2009/01/14/img/131002.jpg الشاعر سعد بن جدلان الأكلبي

بندر الساكت 01-20-2014 11:59 PM http://www.alriyadh.com/2009/01/14/img/131002.jpg الشاعر سعد بن جدلان الأكلبي آه يا قلب ياللـي دايـمٍ فـي ذهـول والله انـه ثقيـلٍ ليـن جــوه الثـقـال يا قطـاة العبيّـه يـا هيـام الـذلـول يـا عيـون النـداوي يـا رقبـة الغـزال نور وجهك على من شاف منـك القبـول نور صبـحٍ تبسّـم فـي رهـاد الجبـال كنّي اقـرا علـى طـرّت جبينـك تقـول انـا قلبـي يحبـك يـا حبيبـي تـعـال كـان قدّمـي حـدٍ فالحـب راح امهبـول والله انـه خطيـرٍ لا يجينـي اهـبـال المحبـه جملـهـا مـرسـلٍ وامعـقـول لعنبـو مـن يقـول ان المحبـه اخـبـال والذي ليلـة الاسـراء عـرج بالرسـول ان حبـك لحـال وحـب غيـرك لحـال http://www.alsh3r.com/cdn/poets/3418.jpg الشاعر / ثامر راشد المنصوري

نسمات 01-22-2014 12:56 AM http://www.alsh3r.com/cdn/poets/3418.jpg الشاعر / ثامر راشد المنصوري قالوا حبيبك وجهته للشمالي وده يسير صوب ناس عزيزين جور الليالي و الدروب الطوالي جارت عليهم و اجعلتهم بعيدين قلت السموحه ما عطاني مجالي ولا قال وده يلفي اليوم غالين ولا اخبر غيري وسط قلبه بغالي ولا غدينا وعدنا حن دنيين راح وتركلي قلب ما بات خالي وبعده تعب هالقلب ولا باتت العين قالوا حبيبك غايبن له ليالي لا هي طويله بيرجع بيوم الاثنين يمكن زيارة صوب عمٍ و خالي حدته يسري دون علم المحبين ولا عزا ما حط عنده مجالي و الكل عارف وش هو حالي المحازيين اصبر عسي صبرك يرده عجالي و ادع ان ربك يحفظه كان هو وين قلت الليالي ما عرفتوا الليالي تذبح وسيع البال لا حب غالين ليله طويل ولا لعينه مجالي تطرف وحوله المخاليق ممسين خبري علي ان ما بحوله شمالي و اهله جنوب الدار ماهم قريبيين و اعرف ربعه من صغير العيالي و اكبر رجال القوم والي متوفين ماهو عزا والله كل العزا لي فقدت غالي ما اخبر سريته وين فقدت منهو ما يعين بمالي ماله شبيه بين كل البلاديين قالوا تحبه قلت ماهو لحالي قلبي وروحي اجمعوا له محبين هو راس مالي وكل حلي وحلالي وهو غياتي فالعمر وهو قرة العين الزين منهو له حميد الخصالي ولا شفت مثله زين يرقى على زين مبطي غلاه من اول العمر وتالي اعمى عيوني من الهوى تسعة سنين يا زين قربه وش حلاة الوصالي الله يرده ويحفظه كان هو وين و الله يرده صوب داره عجالي و يا مرحبا به ولا يسدن ملاايين http://www.alsh3r.com/cdn/poets/1661.gif الشاعر قرناس بن غازي الكرشمي

بندر الساكت 01-22-2014 01:30 AM http://www.alsh3r.com/cdn/poets/1661.gif الشاعر قرناس بن غازي الكرشمي لاوالله الاعكرالبعدجوّي وامسيت قلبي كاثراتً طواريه برقٍ سراله في بواكيرنوي جددهوى غروٍتجددمكاويه راع أشقرًفوق الردوف متطوي يتبع هوى وضح ٍ تلبي مشاهييه باالودطال وهزني من علوي هز المقام اللي تعاقب سوانيه ياريم جيتك جرح صعبً بروي أما أنهني والا أعط للروح باقيه وأرفق بقلبً من غلاك متروي مادام عن غيرك عيافً ضواميه وفي مثل سلك العنكبوت متلوي أخررجاء حضً تشيب مهاويه عن ماتقرأبه العيون متثوي وليا أنتهض كني على مكره أدعيه والحق على قلبً ربيعه مذوي قربً على بعدٍتضيع الحيل فيه يامحكمين الراي أناويش أسوي لامن رجاًيذكرولانيب ناسيه دايم وفكري مع خياله مخوي يفوتني هرج أكثرالناس ماوحيه أسج مدري ويش أسرح وأضوي وليا انتبهت لعاذلي عنه قلت أهيه لوأن قلبك بالغرام متكوي مالمت مجروح الضمايربغاليه http://www.alsh3r.com/cdn/poets/377.gif الشاعر / زيد الرويس

نسمات 01-22-2014 01:46 AM http://www.alsh3r.com/cdn/poets/377.gif الشاعر / زيد الرويس نويت اركض على درب السهر وارتاح من اوجاع الزمان وضيقة المجروح وابشعل في ظلامي جرحي المصباح واعلّق دمعتي في ليلي المذبوح علشانك يابو رمشٍ صويبه طاح تنطّحت الغموض ولا لقيت وضوح كأن الناس في بعدك طيوف اشباح وكأني من بعد ما رحت مالي روح لو ان الصبر لابواب الفرج مفتاح تركت اغلى الليالي بالحنين تروح ولكن المصيبه شوقي الفضّاح ترك لي دمعتين وقلت له مسموح احبك وان بغيت الصدق سدي باح على وجهٍ حزين وناظرٍ مفضوح كثير من الوله في وحدتي يجتاح تسلل داخلي في صمت يغري البوح إذا كان السهر متعب تعبت ارتاح من اوجاع الحنين ولهفة المجروح http://www.alsh3r.com/cdn/poets/800.jpg الشاعر هادي الرزقي

بندر الساكت 01-22-2014 02:03 AM http://www.alsh3r.com/cdn/poets/800.jpg الشاعر هادي الرزقي اغيب واسج وادله واتذكر واجيك واحاول انساك وانسى ،ويتجدد غلاك ان جيت موجة بحر ،وان رحت غفوة دريك ياشين وجه الجفا عقب الغلا ياملاك اصبحت تالي زماني مثل ذبّاح ابيك يوم ابتلا في زمانه صرت انا مبتلاك لا واهنيّه جلاوي والاّ انا محتريك لو كان طلاّبته عشرَه وان اطلب رضاك ياغيمة الصيف من يشربك مايرتويك وانا شربتك ظما لكن رويتك هلاك اسرفت في حالتي وانا اطلبك وارتجيك واخون عهدي معا نفسي واجدد ولاك ماكنّ لي قلب ؟ مدري 00كنّ مالك شريك؟ ماكنّ به ناس؟مدري00 كنّ مابه سواك؟ احاول اقول لالدّيت يمّي مابيك واقول للقلب لالدّيت هذا بلاك هذا وهذا وهاتيّا وهذي وذيك والاّتنهّت والاّقلت ويلي علاك ياسيّد الخود بعت الخود قبل اشتريك في نظرة العين في سلاّمتك في هلاك يابنت زيزوم قوم وجيت عندك مليك ماجيت اقول ان حبي فوق عن مستواك جيتك ولع واشتياق اروح عنّك واجيك وارخص جميع الغلا لكن مارخص غلاك http://www.alsh3r.com/cdn/poets/1502.jpg الشاعر / خالد العرجاني

نسمات 01-22-2014 02:18 AM http://www.alsh3r.com/cdn/poets/1502.jpg الشاعر / خالد العرجاني الي عطاك الحب ومن قلبه اهداك أجمل غرام(ن)صادق(ن)منه وجاك لاتتركيه بسبةالي حكالك العاذل الي قام يوشيك وغواك والي حكالك في حبيبن يحبك تراك لاصديتي بالهرج يقفاك يسعى على الفرقابأيت طريقه لايجرفك باحكاه لك جعلني فداك وشهو مصيرك لبعدت بي الخطاوي مشين مصيري لانوت تبعداخطاك لاتجرحين الي فوائده مكانك ولاتحرمينه لذة الحب وياك انتي ولاغيرك بعيني لحالك ولاكل زينن فاتنن به حلاياك تفداك كل بنتٍ(ن) بنجدالعذيه وكل البني بالمملكه من فداياك وتفداك طلة نانسي بنت عجرم وهيفا واليسا كلهم فدوت احذاك وتفداك عينن ماتبي غير شوفك ومن البني ماهمهاغير لقياك كم صارلي شفق(ن)على شوف زولك وملهوف للبسمه وشوفت ثناياك تدرين نبرة صوتك حيل اوحشتني لبى الحروف الطالعه من شفاياك خلي الزعل عنك وهرج العواذل على احر من الجمر اتحراك http://www.alsh3r.com/cdn/poets/2534.jpg الشاعر هاني الحارثي

نسمات 01-25-2014 07:45 PM http://www.alapn.com/ar/imgrachive/a...6507/albkr.jpg الشاعر : عبدالله البكر شعشع النور وتلاشت ظلمت الليل الكئيب وأستلذت عيني بتلوين فستان الحياة وأطلق الخافق تناهيت .. اللقا بعد المغيب وأعلن أسرار المدينة وسط مملكة الشتات ويوم قرّب يكشف الخافي ويرضى بالنصيب !! وينشد اللي ماتقول ومايقال إبها ردات إرتبك .. وأتعثرت كلماته ب (( لفظ الحبيب )) والخجل .. قام إيتباها بالخدود المزهرات قال : انا فاقد كلامي !! وأرتجي شوف الطبيب ؟ آتكلم .. وآتكلم .. وآتكلم .. في سِكات ؟ سِل مني سيف سلطان اللسان اللي يصيب وإنعطى بنت ٍ تشيّد بالوفا مستعمرات من قرب منها بعيد .. ومن بعد عنها قريب تفهم أسرار النفوس .. وتحكم أطواق الثبات جندت جند ٍ تجيد البوح بالراي الصويب حِنجرة .. ولسان .. وأسلوب .. وجميل المفردات الطفل لاجاع يقصد بالبكا .. شرب الحليب والرجل لاحب يقصد بالسهر .. كثر الغلات كم من إنسان ٍ تسمى في ضواحيها غريب ؟ هدّه الحب وترك له صفحة ٍ للذكريات لبستني ثوب عشق .. ورشته مسك ٍ وطيب وإجلست قدام عيني تنتظر مني سِوات ؟ جيت أبوصف حسنها .. قالت : تمهل يالبيب !!! ماتعرف إن النجوم أوصافها متقلبات ؟ قلت : وش جاب القمر .. للي تحلى باللهيب ومن يقول إن الجواهر والحصى متشابهات ؟ تسمعين اللي يقول : إن المرايا تستجيب ؟ ماإستجابت لين شافت صورتك بين البنات ثم حلت بي طلاسم شوق وإحساس ٍ عجيب في هدوء ٍ صافح كفوف الخجل .. وقت السبات وإبتدا جو إرتباكي بآخر القصة يطيب وإنجلت كل الغيوم .. وواجه النور النبات إجتمعت من الشتات وقلت : يا (( لفظ الحبيب )) إنتمي للي تحبه .. ليين ياصلك الممات http://www.alsh3r.com/cdn/poets/1054.gif الشاعر خالد العاصمي

بندر الساكت 01-25-2014 08:01 PM http://www.alsh3r.com/cdn/poets/1054.gif الشاعر خالد العاصمي انزل حبيب الروح في مهجة الروح يوما اشوفك نازل في روحي ارتاح يازين انا قلبي من البعد مجروح وبعدك ترى يازين سبب لي جراح دنياي عقبك مابها نور وصبوح دنياي عقبك كلها ليل واشباح تراك والله دايم الدوم مسموح يابو جبينن كنه البرق لالاح ولو ان مالي في محبتك مصلوح اليوم الي اشوفك فيه هو يوم الافراح http://www.alsh3r.com/cdn/poets/1081.gif الشاعر ثواب بن زيد

نسمات 01-25-2014 11:28 PM http://www.alsh3r.com/cdn/poets/1081.gif الشاعر ثواب بن زيد يا فكر هوّن مالك اليوم سجات ولك سجةٍ تعجبكِ لو هي طويله نويت اجيبك للجبال المنيفات اللي مبادي روسها مستحيله إلا على اللي في نظرهم طموحات ماهيب نظرات الذليل الذليله وأحلى ليال العمر وأعز الأوقات لقيا الرجال أهل النفوس النبيله وإن كان للعالم والأوطان قادات قاداتنا رمز لنا نتمي له اجعل قبل هذا المثول اعتبارات والقاف حمله لو ثقل نرتكي له لو كان ثقله ثقل شمرخ وأبانات يثنيه شوقي يمتي وإن ثني له شوق مِعه زفيت رحب وتحيات ويعطره ورد الصباح وعليله يامير شوفك للرياجيل غايات حققتها واليوم هذا دليله اليوم هذا يوم عيد ومسرات الله من يوم سحابه نخيله شرواك نوٍ وابله له مساحات يحيي القلوب وكل هم يزيله يا مرحبا يا مير يا صادق الذات زميلنا يا عز من هو زميله يا مرحبا وانسوقها بأعلى الأصوات أجمل تراحيب لمتعب جزيله أبن المليك اللي هجوسه صعيبات وراية مثل قدح الزند للفتيله ابن (الهزبر) اللي اللي جهوده حميدات يشيل ما لاكل عاهل يشيله لا ضاقت صدور الرجال الوسيعات ينصون عبدالله عما كل عيله وحنا الحرس لبنة عطا من سنوات ولاضاع جهدن من سنين انعبي له بندق ودبابه ومدرج مطارات باق البحر لن راد ربي نجيله وحي الحرس حي اتساع المجالات حي العيال أهل العقول الثقيله حي العيون اللي لها بعد نظرات ماهي أسيرة ضعف ولاقتيله حتى غدا للكيف نكهة وميزات طير عماس الروس بنه وهيله حرس وطن فالبر والجو قوات وفي كل حرب الناسياسه وحيله ولنا مواقف حازمه وانتصارات ومعنا دوا اصحاب القلوب العليله ولنا مع مستور الأحوال وقفات المد وافي والعطايا جزيله ولنا فالأقصى والموالي علاقات ولنا مواثيق عريضة طويله ولنا مع هذا وهذا حسابات ما تنتهي في يوم واحد وليله ولنا وعد ولكل دوله سياسات والرجل يفهم والهبيله هبيله وأهل الفتن ومروجين الاشاعات مروجين الكذب قاله وقيله مقصودهم من سابع المستحيلات والفكر ضايع والروابع خبيله للمحكمة قاضي وللحق جلسات في حينها ولكل غاية وسيله اقولها واعيدها عشر مرات العدل عدل ولا ورى العدل ميله ومنا الملوك امعدلة كل عيلات وسادو بحكمن مايحكم مثيله مابوشو وسط الجزيره بشاوات قوه وتكبيرة رجا وتهليله حنا لبدايات اللياللي نهايات نور يشع وصوت حقٍ نشيله حنا سنا نور يزيل الظلمات على كتاب الله وسنة خليله نموت دون الشرع والشرع مامات والمسلم الصادق الاهه وكيله http://www.0ksa.com/qaaf/amasi2/amasi3_03.jpg

بندر الساكت 01-26-2014 10:44 PM http://www.0ksa.com/qaaf/amasi2/amasi3_03.jpg الشاعر / ثامر جدعان كم عصيت الشعر ليله ثم كسرت القلم ثم بكيت الدمع عاصي كل قانون بليد عازف الناي اعتقلته لاجل يعزفلي الم بعد ما ذاقه لكاس نصفها دم الشهيد لا تظن أني أسيرك من بعد ذاك السقم ذقت لذاته وطعمه شوفه بمجرى الوريد أمسحه دمعك خلاص أبتدى وقت الندم ذكرى ايامي انتهت أصفقت ايد بأيد هيه لا تبكي كفى قلبي اللحظه اعتصم بين ما سمي غياهب ينتظر ذاك الوعيد مات ذا الشوق بيديني واعتلى ذيك القمم وداع ذا اللحظه انا عاشق أسمي شهيد أقترب وقت النهايه أصبح الليله عدم والسبب ذيك الخيانه بين أضلاعي نشيد ثارت البارح بصدري وانثنى ذاك الشهم مات مات مات صاحب الحرف العنيد أرحلي روحي خلاص مسامحك والله قسم أذكري ضحكي أمانه يوم ما كنت الوحيد ليه خنتيني جفى ثم أنكستي العلم ليه قوليها هنا ليه ما صنتي الزهيد أحبك لا كرهتك لا كرهت عصيان أحتدم كرهتك أي أحبك لا جنون في فكري السديد لبيه لا قلتي هلا والموت من جرحك نعم يا شعر علمني انا مجروح ثم مات الرشيد الف جلاد وناقم ثم سياف وجزم يقطعه راسي لاني عاشقك عشق الوليد بس لا تنطق توقف التزم صمتك وسم هاك بيدينك وحزم حولي أكفاني وزيد عقب ما جتني رماحك بوسط هالصدر أستلم سم جثماني لتحفر قبري الليله اكيد http://www.alsh3r.com/cdn/poets/1614.gif الشاعر / صالح سيف ميزر العازمي

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

mamnoa 5.0 by Abdulrahman Al-Rowaily