هـب الشــــــمال وبالسماء بارق ونو=وقلبي على مي الـمـنــاشـي شفواي
مــــا قـلت الا يالــيت .. أو قلـت يا لــو=ولاني عــلــــى تـغـــيــيـر الاقدار قاوي
أرجـــي وأنا قلـبـي مـثل مجدب الدو=أرجـــي قـــــراح ملـوعــــــــات الهواوي
اللي بردهــــــــا كــن يســطـع منه ضو=وبين الشــفـق والجمر برقه سناوي
يــجــي أو انـــي آرده وردت الجـــــــو=واروي قــرب قلـــب من العام خاوي
مــا قـــول لـــه كـــثــر و لا قــول له شو=مــــاوي .. ولاهــــو في عطاياه ياوي
الصـــيف مقــبل .. والحيا مقفي تو=وأنا على درب الـمـــواصــــل حفاوي
قــم يافــهـــد ياخــــــــــوك في دلتك سو=كيفٍ على خمس التصانيف حاوي
في راس مشــــرافٍ قبل غيبت الضو=مع رفـقـة تعــــرف حقوق الـمــخـاوي
يمكن لـيــا مـــن الجــــــمــــاعــه تحاكو=وأدرت فــنـــجـــــال مهو كالـقــهــــاوي
أســج وأغـضـــي عـنـك يامـبعد النو=لو أن قـلــبـــي في مــفــالـــيــــــك داوي

يـانــجــــوم اللــــيل و سكـــون السحر = ويانـــظـــــر عــين ٍ مـــع الأفلاك داج
لـــو هــجــوســـي شـفـع وأشعاري وتر = كـــان مــاحــســيــت بالصــدر إنخلاج
مــابـغـيــت أحـمّل ظـــــنــونـــــي وزر = وســـقـــتــهــا بـالـخـير والدنيا فجاج
مـــــار ياصــعــب الغـبـيـنـه والصـــبر = تـغـلــب اللـي طــبـعــه يـفــل الحجاج
ويافــهــــد بـعــض البـشــــر علة نحر = مــايــفــيــد الــكـــي فــيـــهـا والعلاج
جـيـــت انا لـــه غـيـــث وأطباعي زهر = وجـــاء مـثـل طــبع الصباخي ماتداج
الــردي قــــربــه تــصــــــــاديد ودهر = الضــــمأ بـيــره ونـســــمــاته عجاج
والــقـــهـــر كــــل الـقـهـر كل القـهـــر = مـــن ورد عــــــذبك وأســقاك الهماج
أيه آبــخــــلـــيـــه فــي درب الـســــهر = يــضـرب الــدنــيا ويــســلـكـها فجاج
وكــل قـشـه تربك أحــمــــــول الظهر = بأتــركــــه للأرض يـكـيـفـنا إنحراج
ودام مــانــعــرف تـفـاصــيل الــقـــدر = فالـــنوايا خـــير والــــخـافـــق هجاج
الله أكــــبر كـــيـــف يـغــلـبـــنا الكدر = وعــندي اللي شــوفــتــه سكــرة مزاج
هـي بدر لا وش يـــجـــيــــبـــــه للبدر = البــدر مـــافـــيـــه ثـغــــر ولا حجاج
الــــــــــبرد والجـــمـــر والشــهد بثغر = جل مــن جــمـــع لي بــثــغــــره علاج
والعــيــون اللــي بــسـلـــهـامــــه صبر = وكــيــف لا سـلـهــم كبتت الإحتجاج
والـنــحـــــر واللي على درب الــنـحــر = يــنــطـــــوي حــولـه من المجدول تاج
أتــنــفـــس مــن هـــــــواهـــــا وانتثر = لـين تــجـمــعــنـي على صفحات عاج
وين مــاوجــهــت لاقــــاني عــطــــــر = في ربــوع مـــابـــهـــا مـخـلــــــوق داج
لأحـتـوتـنــي فـي مـثـل مجــرى النهر = وإقـفــلــت بـكــفـوفــهــا خلفي سياج
ماســـألـــت الـنـجـم هــو كـــبر القمر = ولا سـألـت الشـمـس هي مثل السراج
وش ابي بك ياســوالـــيـــف الـــعــمـر = وليـت مـالــي فـي ســـــوى أرضه رواج
الـحـــيــاة بلا حــبـايـب كـالأســـــــــر = والأســر مـع مــن تـحـــبــــــه إنفراج

بالله ياللـي خـــــــــدودك ورد =حــني على اللي عـيـــونه جرد
أعــطــــي خريف الـوصـل حقه =من قــبــل مايقسى علينا البرد
حــتــى لـــو إنــي نـويـت أبـعـد =يطــردنـي الشوق يمك طــــرد
ياكـل كـيـفــي مـهــو بـكـيـفــي =ولا هـي ســوالـيـف حـظ و نـرد
ترابـــط أرواحـــــــنا مـحـتـوم =مـايـصــلح نعـيـش فـرد و فــرد
قصـــايدي تـبــخـــل بـذكـرك =وانا مـــن الشــــوق اجيبه سرد
أحــيان تـجــي لشـوقـــي طوع =وأحــيان تآتي بــيــوت ٍ شــرد
فــيـــك الـهــواجـيــس مجبوره=لا مــن ضـمـــت يـم بـيرك ترد
تـبـيـنـي أصبر؟؟ خلاص أصبر !=وأتــرك ربـوع الخــواطــر جرد
أصبر إذا هــالنحل يصـــبر=ولا يـلامـس خدود الورد

حبي وتقديري / فالح الناهي

ياوطـــنا ياوطــنا تـبـطـي أذيال الـمـجــــوس=يـبـطــي الحـــوثـي ولا يـاطــا مـن ترابك شبر
لا نوى الباغي يدوس أرضـك على راسه ندوس=وإن تجــرأ .. !! يصـبح ترابك لـجثمانه قبر
إنـت يا أطـهــر بـقــاع الأرض من الله محـروس=فيك مكه ،، فيك طيبه ،، فيك للـهـــادي خبر
فيك فـريّـس العروبه ،، فيك للـهـيجاء قبوس=فـيــك هـاوين الـشــهاده ،، فيك راعين الصبر
فيك أحفاد الصحابه ،، بعد عيسى والبسوس=يـشـــهـد القــــرآن وأيضاً تشـهـــد أنباء الزبر
فـيـك مـن هــدو بـنـاء كـســرى وخلوها دروس=وفـيـك مـن زاحــو حـكــم قـيـصـر وخلوها عبر
وجـيـت يالحوثي وفي بالك طموحات وهجوس=لـعــنــبــوبـكـم ذي بـلاد العـــز يامـــــال الثبر
لـو جـبـل دخــان مـع غـيره لكم حصن وتروس=ياتـلامـيــذ الـروافــض مــالـكـســرتـكــم جبر
دامـكـم مـن فــرقــة الشـرك والـوجه العبوس=اللـقـاء مــعــكـم غـنـيـمـه لـو تـولـــون الـدبر
يابو مـتـعـب لا دعـاء الداعـي رمـينا بالنفوس=نكـتـب الأمــجـــاد بالــدم مـاهــي بـالــــحــبر
يا وطـنـا والله إنـه تـبـطــي أذيال الـمـجـوس=يـبـطــي الـحـوثـي ولا يـاطـا مـن تـرابـك شبر

تفكر .. في عجــايب صــنع رب الكــــون سبــحانه=إلهي مـــــاخـــلــقـــته باطـــــــــــــلاً يامـــنـزل القــرآن
خلقك الله مــــــن مـــــــــاءٍ مهــين وحـــــدّد ازمانه=تبارك مـن جعل هالـمـــاء يصــير بقدرته إنسان
نشيت بظلــمة الرحـم وسبحت بوسط جدرانه=وإذا جــاك أمــر رب الـروح تخرج صارخ وعريان
تفـكـر بالســــــحاب يـســـاق يسقي الارض هتانه=تـفـز الأرض وتلبس ثوبها مـــــن زخـــرفٍ وألوان
تفـكـر بالـــذي رسّى الجــــــــبال وثبّت أركـــــــــانه=تعالى مـــن نصــــبها فــايق القدرة عظيم الشان
تفـكـر بالفلك وإعـــــجـــاز خلق الكـــون وإتقانه=نهــار ولــيل وبـرد وحــــر تداخـــــــل كلها بإتقان
تفكــر بالسـماء الـمــرفــــــوع وين بروج عمــــدانه=تبــارك مــــن رفـــــــع سَمـكـه وعـــــلاّها بلا عمدان
تفكـر بأخــتلاف الناس بأشـــــــكاله مـــــــع ألوانه=ولو كـــــــــثر الـبـشــر يبـقـى لـكــلٍ خلــقةٍ ولسان
تـفـكـر بالـــــــــذي سخّـر لطــــير الجــــــــو جنحانه=إذا إتغـــــير علــــيه الجو هاجر من وطن لأوطان
تفـكـــــر بالــذي نـــزّل مــــــع جـــــــــــبريل قـــــــــــرآنه=به العلم وبه الطب وبه النصره على الشيطان
تفـكـر بالــــذي أرســــــــــل مـــع الـمـبـعـــوث فرقانه=لينصــــــحنا ويخـــــــــبرنا بغـيب الـوقت والأزمان
تفـكــر بالـــذي أنـعـــم علـــيك بوافـــــــر إحــسانه=جعلك الله مـســـلـــم .. مــتــبـع مــن أمة القرآن

لله درك .. يالســـنـــــــــين القـــــــــــــــــديمه=يامعـــــــــــــترك همــــي وطيش اللـــيالي

ليت اللــــــــــــيالي ماطـــــــــــواني سديمه=ولاضيّقت ســـــــــــــــــود المشــــــــــاريه بالي
ليتي مــــــــــــع الجــــــــهال نفسي سليمه=صغـــــــير مــــــــــن دك الهواجيس سـالي
ماضـــــــــــــقت مـــــــن فل الزمان وبريمه=ولافـــــــــــاقت الفــــزعه حدود إحتمالي
أستسهل أســــــــــــــوار الحـــياة العظيمه=وأحلامــــــــــــي أكــــثرها تجاوز خيالي
طفلٍ يداعب بعــــــــــــــد ساعه خصيمه=يناااااام والخــــــــــــــــــاطر من الحقد خالي
الخيمه أكــــــبر قصر والقصر خيمه=وألعــــــــــابي أغـلا حيل من جمع مالي
حلاوتي تســـــــــــــــــــــــــــــــوا بعيني غنيمه=أضحك لو إن الدمـــــــع بالخد سالي
طفــــــــــــولةٍ بيضـــــــاء.. بريه.. غشيمه=راحت كما الأحـــــــــــــــــلام تالي بتالي
والعمــــــــر يمضـــــــــــي والليالي مقيمه=تاخـــــــــــــــذ ولاتعطـي سوى بري حالي
والله ياذيك البيوت القـــــــــــــــــــــــــديمه=يامــــــــــــــــــولد الذكــــرى وبارد ظلالي
يابيوت طـــــــــــــــينٍ لـــــــــــــه معـزّه وقيمه=مــــــــيلاد عـــــــــــــزي بالسنين الخــــوالي
رحـــــــــــــتن معا من عاش عمره بشيمه=وزلتن كما هـــــو من على العمر زالي
اللــــي بناكن في جـــــــــــــــــهاد وعزيمه=وحط الغـــــــــــــريس وحط بير ومدالي
الله ياحـــــــــــــــــــــــر الحـــــــــــــــرار العديمه=والله ياعظــــــــــــــمٍ مـــــــــــن الوقـــت بالي
كم لي وكـــــم لك والليالي هزيمه=ماكنك الا طــــــيف ياعـــــــــــــــز غالي
لـــــــو كنت جنبي والخـــــــلايق غريمه=مازاد جهلي قــــــــــــــــــبل لبســـت عقالي
واليوم انا رجــــــــــــــــــــــلٍ يعــزوي حريمه=ومعـــــــــناز مــــــــــن صارت يدينه ثقالي
وعز الرجــــــــــــــال اللي دعوني لضيمه=وريف الغــــــــــــرير اللي به الوقت مالي
ودرست في صـــــــــــــــف الحياة الحكيمه=وفي قفــــــــــــــــــــــــرها دورّت ظــل ومفالي
إرخي لنفســــــــي لــــــين يبخل كريمه=وأشـــــــــــــدها يامــــــــــا بعمـــــــــــــره تغالي
عــرفــــــتها بنتٍ تجـــــــــــــــــــــبّر كصيمه=واليوم ملّت مـــــــــــــــــــــــــــن لِيان الزوالي
يومـــــــن طــــرت ذيك الليال القديمه=هي معــــــــــــــترك همي وطيش الليالي