|
قناص الشمال
الله يجزاك خير على هالخطوة اللي بتعملها ويجعلها بموازين حسناتك وكل الشكر لك لمرورك |
بدر البدور
الله يجزاكم خير على تبني هالولد ويجعله في موازين حسناتك وكل الشكر لك لمرورك وتفاعلك مع الموضوع |
أمـــل
شاكرة لك تعقيبك يالغلا بس طيب ليه نقوله انه مو اخونا دامه راضع معنا ويعتبر اخونا من الرضاعه وامي هي امه وابوي هو ابوه انا من وجهة نظري اقول ماله داعي نعلمه هو مين؟؟ دامه صار بالحقيقه والواقع اخوونا .. انتظر تعقيبك يالغاليه |
[align=right]
شلون بـ الضبط ما أعلمه ؟؟ ما أقول له إنك يتيم ..!! لا مستحيل هذي .. بـ النسبة لي ما راح أخبي عليه .. عشان كذا فيه حلقه مفقودة بيني و بينك اختي .. انا مستحيل أخبي عليه أنه مو ولدنا .. أو إنه يتيم ..! صح راح أربيه و أعتبره واحد من أولادي .. لكن ما راح أكذب عليه و أقول له .. إنك بـ الواقع ولدي أنا ..!!! لـ أنه حتى بـ النسب ما راح ينسب لنا .. فـ أكيد راح يشك .. ليش أنا أسمي غير اخواني ؟؟!! فـ تلقائي راح أقول له قبل يسأل .. عشان ما أربكه بعدين .. *** أنا قلت راح أربيه كـ ولدي ..! و أعامله كـ واحد من أولادي .. لكن هل راح يعتبرني أمه ؟؟؟!! حتى لو كنت مرضعته ..! هذا اللي مخوفني .. عشان كذا .. أقول أكفله بدون ما يعيش عندي .. يكون الضرر النفسي أخف .. عـ الأقل بـ الدار بـ تكون نفسيته مستقره .. أما عندي أحسها راح تتأثر .. لـ أنه كل يوم بـ يكتشف بـ عائلته .. شي جديد ..!! و يمكن يضايقه .. حتى لو ما بين لي أو لـ أخوانه .. لكن يبقى يحس بـ النقص بينهم ..! و إنه مو مثلهم .. *** لكن لو جلس بـ الدار .. راح يكون فيه تفاهم بينه و بين الأولاد معاه .. يكونون مارين بـ نفس التجربة .. فاهمين بعض و يقدرون مشاعر و ظروف بعض .. هذا كل اللي أقصده .. لـ أني أنا كـ أم أو أخت .. ما راح أفهم نفسيته و معاناته و الظروف اللي يمر فيها .. فـ تصرفاتي بدل ما تنفعه .. يمكن تدمره أكثر ..!!! لكن لما يكون وسط ناس فاهمينه .. و أشخاص قادرين يحللون نفسيته .. و يدرون إيش الأفضل له .. أضمن له ما تندمر شخصيته .. و يصير نموه بـ السالب بدل من الإيجابي .. *** أتمنى وصلت فكرتي أختي .. أنا ما أرفض إنه يعيش مع أسر ترعاه .. لكن أنا أبين ليش انا خايفه .. من إني أكفل يتيم و يجي يعيش عندي .. بس هذا اللي أبي أوصل له ..[/align] |
امــــل
شاكرة لك تعقيبك يالغلا وفهمت فكرتك واقتنعت فيها كل الشكر لك |
كفالة اليتيم بس 100 ريال تدفع شهريا
او 1200 سنويا ويعطونك صور اللي انت كفلتهم انا افضل الشهري احسن انا حبيت اوضح الكفاله كم للي حاب يكفل يتيم والفلوس توصله رابطة العالم الاسلامي موسسة مكه الخيريه للتوضيح فقط نائبه اعذريني يمكن مو لموضوعك بس شفت اعضاء تكلموا بالكفاله وحبيت اوضح لهم ان الكفاله مبلغه بسيط جدا |
يسويها البخت
مشكوووره عالتووضيح يالغلا |
| الساعة الآن 05:24 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010