|
[align=right]
هلا هيود ^^ طيب نشرحها مع إنها عآدي .. تصير بـ أحسن العآئلات ^^" عندنا بـ حآيل .. ما تطلع العروس قدآمـِ المعآزيمـِ إلا نآدرا ً .. و إذا بـ تطلع ينبهون بـ كروت الدعوة .. يعني فيه زفّه بـ الحفل خوذوا إحتيآطكمـِ .. لكن قليل اللي تطلع بـ الحفل .. أغلب الزوآجات تكون الزفه أو الدخله قبل الحفل بـ ليلة أو ليلتين .. و سآعتها تكون العروس في بيتها ما تحضر الحفل .. بس الزوج يجي يسلمـِ على الرجآل و يمشي بدري .. و إذا بـ تحضر الحفل تكون في غرفه خآصة .. ما تطلع برا لـ صآلة الحفل .. يجون أمها و قرآيبها و صديقآتها يسلمون عليها بس .. أما بآقي المعآزيمـِ ما يحصل لهمـِ شرف شوفتها ^^" يعني الزفة ما تكون في الصآله قدآمـِ الحريمـِ .. أما قبل الحفل بـ كمـِ ليلة .. أو إذا بـ نفس ليلة الحفل .. تمشي من الصآلة على بيت زوجها مبآشره .. نآدرا ً اللي يطلعون قدآمـِ الحريمـِ و ينشآفون ليلة زوآجهمـِ .. أنا من هـ النوع .. ما أحب أطلع قدآمـِ النآس و المعآزيمـِ .. أبي من صآلة حفلي لـ بيتي على طول .. ما أبي اشوف أحد ^^" و أي استفسآر آخر حآضرة ^^ مع الإعتذآر لـ شل الحل بـ غيآبكـ ^^"[/align] |
[align=right]
يا آهلين بـ روووح ،، والله شكلي بتعبك ،، وبكثر آستفسار ؟؟ لآنو والله العظيم ،، آول مره آسمع ،، زواج و ماتظهر العروسة ،، غريبة كيف ينبهوا بـ بطاقات الدعوة ،، ؟؟ وليش ياخدوا أحتياطهم ؟؟ ليش آيش بيسووا المعازيم ؟؟ بس كيف الدخلة آو زفة قبل الحفل بليلة أو ليلتين ؟؟ يعني تسووا زواجين ،، مره تطلع للمعازيم ويوم الحفل ما تطلع ،، ؟؟ حتى مو قادرة أتخيل الزواج بدون عروسة ،، والله !! بس تصدقي ،، والله عجبتني الفكرة ،، آنا شايلة هم هده اليوم والله ،، آستحي اطلع قدام الخلايق ،، وخايفة من اليوم ،، بس والله لو آموووت محد يطاوعني ،، [/align] |
[align=right] آهلين ،، بالبطه نونه ،، سوووري ما شفت ردك ،، من الصدمة × زواج بدون عروسة × والله آحس آنا اللي عقلي آتلحس ،، لآني آول مره آسمع بكده ،، << ما خلت آحد إلا علمتوا بعاداتكم !! والكل مو مستوعب الفكرة ،، [/align] |
[align=right]
هلا هيود ^^ لا عآدي مو مشكله .. كلي لكـْ قلبي .. شرح مفصل الله يعينكـْ علي ^^" إذا سووا الزفه قبل الزوآج بـ ليله .. خلآص ما تحضر العروس مو لآزمـِ تحضر الحفل .. و إذا بـ تجي تكون في غرفتها .. و معروفه عندنا .. صآلات الأفرآح فيها غرفه خآصة .. حتى مكتوب عليها لوحه من برا { غرفة العروس } ^^" و إذا بـ تسوي زفتها مع الحفل بـ ليلة وحده .. تجي من العصر لـ الصآلة .. و تكشخ و تسنع عمرها مآكيآج و تسريحه و لبس .. و تخلص على بدآية الحفل .. ثمـِ يأخذونها هي و زوجها على بيتهمـِ زفه يعني ^^" و فيه بعضهمـِ تدخل الصآله على الحريمـِ عآدي .. و تصير زفه عآمه مو خصوصيه .. ثمـِ تروح مع زوجها البيت .. أما التنبيه بـ كروت الدعوة .. عشآن إذا دخلت هي يمكن يدخلون معها أخوآنها .. أو حتى المعرس يدخل معها الصآلة .. فـ لازمـِ الحريمـِ يكون مستعدين و عآرفين إن فيه زفه .. مو خبط لزق يدخلون على الحريمـِ ^^" و احيآنا ً يمنعون الأطفآل عشآن ما تخرب الكوشه ^^" على حسب أهل الزوآج إيش مخططين ؟؟! على فكرة .. إذا بـ تسوي زفتها قبل الحفل بـ ليلة .. و تبي تحضر حفلها بعد .. بـ تعيد المآكياج و التسريحه و ترجع تلبس ثوبها من جديد .. يعني حآلة و عفسه !!!! ليلتين طآقه المكيآج و الشعر و كآشخه بـ الفستآن :2wtfg: عشآن كذا أغلبهمـِ يوفرون .. إذا الزفه قبل الحفل ما تحضر الحفل .. و إذا بـ نفس الليله تسوي اللي تبي .. أما تجلس بـ غرفتها بـ القآعه أو تطلع قدآمـِ المعآزيمـِ .. <~ رآجعه هنا ^^"[/align] |
والله ياخيه حنا ماعندنازفه ولانعرفه ولانبيه ;)
والحمدلله مانشوف معرس ولاعروس الوحده بس تخلص من المشغل تروح لبيت رجله وشوله زفه وخرابيط هذولي امهاتنا ماعرفن لازفه ولاشي لان هذ عاداتنا والحمدلله متمسكين فيها تقبلي مروري |
[align=right] آهلين بـ الروح ،، سبحان الله ،، آختلاف كبير بيننا ،، فهمت آلحين ،، بس تعب ليلتين ،، << ما تحب المكياج ،، طيب شوفي آحنا كيف ،، ؟؟ آحنا بالقاعة جناحين مستقلة وغرفة ثالثة ،، حسب تفصيل القاعة ،، وحدة لآهل العروسة ،، وحدة لآهل العريس ،، والثالثة إذا كانت في عروسة تانية ،، من ناحية بطاقة الدعوة ،، يكتبوا بالآول مقدمة ،، بعدين آسماء العوائل ،، والعنوان ... الخ وممنوع آصطحاب الآطفال ،، وكاميرا الجوال << لآزم وكمان بعض العوائل يكتبوا آسم العريس والعروسة ،، والبعض يكتفي بالعريس وعائلة العروسة ،، والدخول لآزم ببطاقة ،، مافي سردادي مردادي ،، ;) و وقت الزفة إذا بيدخل العريس وباقي الرجال ،، المطربه تقول قبل الزفة بربع ساعة ،، عشان النسوان يتغطوا ،، يعني ما نكتبها بالبطاقة ،، وآلبعض يسووا دويتو ،، بس المطرب مايظهر بقاعة النسوان ،، بس صوتووو ،، بعد ما يتصوروا ،، تبدأ الزفة ،، آما الزفة عندنا شي تااااني ،، والله العظيم ،، الفرح كلووو زفات ههههه ،، زفة للعصير ،، زفة للقهوة والشوكولا والتمر ،، وزفة إذا في فرقة آستعراضية ،، هده للمعازيم ،، قبل لا يظهروا ،، العرسان ،، زفة بروجكتر ،، عرض صورهم كل المراحل ،، من هم صغار الين صور الخطوبة والملكة ،، شوفي الحين الكرف بعينوووو ،، زفة العروسة تطلع وحدها من البلكونة ،، وزفة للعريس يطلع وحدو من البلكونة التانية ،، وزفة لما يلتقوا بمكان وآحد ،، زفة لما يبدلوا الدبل من اليمين لليسار << آعتقد كده ،، زفة لما العرسان يرموا الورد ،، زفة يرقصوا سلوه :h63: << حسب العائلة ،، زفة لما يمشوا على المسيرة ،، وينزلوا لتحت ،، بس الدرج يوصل لخارج القاعة ،، عن طريق البروجكتر نشوف باقي الزفات لآنها خارجية ،، وهده على حسب تصميم القاعة ،، زفة لما يكتبوا بالآتجراف لذكرة ،، << هده ضرورية ،، زفة لتقطيع الجاتوه ،، زفة لما يشربوا العصير ،، زفة إذا بيدخلوا الميز << هده كمان حسب العائلة ،، وبعدها تفتح بوابة الآساسية لقاعة النسوان ،، وزفة لما تمشي ع المنصة ،، لين توصل للكوشه ،، وبعضهم الزفة تكون من تحت الآرض << حسب تصميم القاعة ،، وإذا داخلين الرجال كمان لهم زفة ،، يعني ما توصل العروسة للكوشة إلا وهي مكروفة ،، كرف ،، وكل زفة لها ميوزك خاص ،، :2wtfg: وآخر زفة لما يطلعوا السيارة لين يوصلوا لبيتهم ،، طبعاً يكونوا من الآهل ،، ويصوروا بالفيديو ،، ما ينتهي الزواج إلا على وجه الصبح ،، والفجر يأذن ،، و صباح اليوم التاني ،، زفة الصباحية ،، :dxtg4: << يطولوها وهي قصيرة ،، والله خساير ع الفاضي ،، بنتظر رآيك ،، ؟؟ :);) [/align] |
[align=right]
يووووه تعقيد ^^" قسمـِ الله يعين العروس و اللي بـ يمشي ورآها يصور .. لفه طويله ^^" بس فيه بعض أوجه التشآبة بيننا و بينكمـِ .. يعني مثلا ً الزفة لما يدخلوا العروس و العروسه القآعه .. كل وآحد مع جهه .. و لما يتقآبلوا و يمشوا مع بعض .. لكن ما عندنا تبآدل دبل إحنا ^^" فيه عندنا عروض البروجكتر .. و أحيآنا ً من صآلة الرجآل يسوون عرض لآيف .. و عرض لـ صور العروسين من يومـِ و لآدتهمـِ لـ حد الزوآج .. لكن كل هـ الزفآت متوقفه على دخول العروس .. إذا بـ تدخل و تسوي زفه في قآعة الحريمـِ .. يسوون جميع ما سبق .. و بـ تكون الزفه من لحظة دخول المعآزيمـِ القآعه .. لـ حد ما يمشي العروسين لـ بيتهمـِ .. بس ما تطول حفلآتنا إحنا .. على السآعه 2 تكون القآعه فآضيه ^^" أما إذا ما فيه زفه و العروس ما طلعت لـ القآعه .. تجلس المطربة تغني و الحريمـِ يرقصون طول الوقت ..!!! يعني نضيع وقت الزفه رقص ^^" و هذي تقريبا ً زوآجاتنا و حفلآتنا .. أما انتمـِ ما شآء الله .. شكل حفلآت زوآجكمـِ رآيقة ^^[/align] |
أناضد هذه العادة السيئة |
موضوع رائع يسلموووو
وبصرااحه نحن عاداتنا يدخلون اخوان العروسه فقط واعلق ع الاخوان اللي قالوا كيف يدخلون والحريم بكامل زينتهتن وعطورهن طيب المعرس راح يدخل وهذا رجل ونحن بالعايله يدخلون اخوانها ومحارمها فقط ويصورون معاها ويطلعون ومره 2 يدخلون مع المعرس واساسا يخبرون قبل لايدخلون اللي تبي تحتشتم تحتشم واذا ع ريحه العطر ترى صاله الحريم والرجال ريحتهن كامله عطر وبخور بس للاسف صاير في بعض الاعراس اخوان المعرس يدخلوون هذا اللي ارفضه كيف يدخلون والعروس مومتغطيه تتفاجأ انهم قدامها مافي اي مشكله ان اخوان العروسه يدخلون وهذا راي ^_^ تحياتي لج: روح الامارات |
هيوده وروح
ماشاء الله اعراااسكم شكلها حلوووه هههههههــ نحن مافي كل هذااا :m9asmilies-com::m9asmilies-com::m9asmilies-com: ههههههههــ |
| الساعة الآن 11:51 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010