صفحة 3 من 20 < 1 2 3 4 5 6 7 8 9 10 11 12 13 > الأخيرة » عرض 40 مشاركات من هذا الموضوع لكل صفحة

نسمات 12-17-2013 01:25 AM http://www.zilfawi.com/e3lan/3/1.jpg الشاعر / احمد الناصر البارحه يوم العباد البارحه يوم العباد رقود=النوم مايطري على بالي مجروح روحٍ وخاطري ملهود=ياناس خلوني على فالي تبكي عيوني والدموع شهود=اي والله ابكي صاحب غالي يازين مالك بالعذاب فود=ارفق باحالي يابعد حالي ودي بوصلك يانعيم العود=ودي ولكن ماتهيالي اللي ذبحني بالعيون السود=من قبل اعرفه خاطري سالي ترى المحبه مابها منقود=والله فلا اسمع هرج عذالي ياعود ريحانٍ عليه ورود=ومنين ماهب الهوى مالِ هبي بريحه ياهبوب النود=يطفي بعض همي وغربالي الحب يذبح والشقا محدود=ماهي سواليف على الخالي يامنوتي ياغاية المقصود=زولك يورى لي ويبرا لي

بندر الساكت 12-17-2013 01:52 AM https://encrypted-tbn1.gstatic.com/i...8jvP3bThHjEYwT الشاعر سلطان الهاجري مرحوم ياحب ترعرع بالأعماق متغذي دم العروق الصخافيفي كل عضو له مقر وميثاق بين الضلوع العوج بين وخافي يروق مع روقه مزاجي اليا راق ويحس بي اليا لحقني أخلافي ويحس بأشواقي اليا صرت مشتاق قدام يصبح فالامور اختلافي واليا هنا علقتها فوق معلاق وسليت سكين الخيانه ياكافي ودعتك النسناس ياورد الأشواق كرامتي تحكم علي بأنصرافي قطفت منك ما تهيا وما لاق ورميت باقي ذكرياتك خلافي لا دمعة طاحت ولا خاطر ضاق ماقول غير اللي على البال كافي يكفي ثلاث سنسن مرت على ساق عين فراش لك وعين لحافي واليوم في تسعه وتسعين طقاق قلبي كذا طبعه اليا عاف عافي https://encrypted-tbn3.gstatic.com/i...NvmCYHPK2k1Ibu الشاعر / رشيد الزلامي

بندر الساكت 12-17-2013 02:31 AM http://upload.wikimedia.org/wikipedi...ibinHameed.jpg الشاعر الأمير تركي بن حميد لا والله الا اقفوا وساع النحايا ما هللوا ولهم على الحزم معلوق يتلون من تبدي عليه الخفايا عقله رزين ومغلقن له بصندوق يبون براق صدوق العشايا تشبع رعاياهم بعرفج ورقروق أقفوا بغرو ما يطب القرايا تجيه حاجاته وهو مايجي السوق أنا مريض ودوروا لي دوايا من ما البرد والا ترى النقع مطروق https://encrypted-tbn3.gstatic.com/i...1zVUoMIkexSb9P الشاعر الامير / راكان بن حثلين

نسمات 12-17-2013 02:56 AM https://encrypted-tbn0.gstatic.com/i...-4Hv8jm7OCpyFI الشاعر الامير / راكان بن حثلين الـلـه مـن قـلـب غـدا فـيه تـــفريق يـتـلي ضـعـون مـبـعـديـن الـمـنـاحـي قسم بـتـغريب وقـسم بـتـشــريـق والقـسم الآخـر مـا ادري ويـن راحـي لي صاحـب مـا فتق البيت بي ويق ولا عـذبـه طـرد الـهـوى والـطـمـاحـي والله يا لولا افـاهـق الصبـر تـفـهيق وارجي عسى دربه يجيلي سماحي أبوي يـا حامي عـقـاب المـشافيق لا طــيــر الــذلان ضـــرب الــمـلاحـي راعي الـدلال بـل وصـايـف غـرانيق الدلال فـيـهـن أشـقـر الـبـن فــاحــي وحامي حدور الخيل وقت التزاهيق وكـريـم سـبـلى في ا لليال اشـحاحـي ذبـاح حـيـل عـلـقـن بـل مـشـانيق حـيل الغنم مـع مسـمـنـات الـقـاحـي سوقوبها شـقح البكار المـلاهيــق مـثـل الـقـنوف اللي بـها البرق لاحـي ترى لها رجال قرومن مطاليق كسابت العليا الطيور الفلاحي الشاعر الأمير محمد السديري http://t2.gstatic.com/images?q=tbn:A...JbL8kS5aY2GWjL

بندر الساكت 12-17-2013 03:12 AM http://t2.gstatic.com/images?q=tbn:A...JbL8kS5aY2GWjL الشاعر الأمير محمد السديري لولا الهرم والفقر والثالث الموت يالا دمي بالكون ياعظم شانك سخرت ذرات الهوى تنقل الصوت وخليتها اطوع من تحرك بنانك جماد تكلمها وهي وسط تابوت تاخذ وتعطي ماصدر من بيانك وعزمت من فوق القمر تبني بيوت من يقهرك لو هو طويل زمانك لولا الثلاث وشان من قدر القوت نفذت كل اللي يقوله لسانك http://www.laqeah.com/up//uploads/im...772de7df30.jpg الشاعر / بندر ابن سرور

نسمات 12-17-2013 03:36 AM http://www.laqeah.com/up//uploads/im...772de7df30.jpg الشاعر / بندر ابن سرور لاتسقط شرفها) الله من شي بحالي نحفها-- من مالجى بالقلب حالي نحيفه من كثر ماتكتم تزايد تلفها-- بين كداها بالعروق الصخافي كم واحد له حاجة ماصرفها-- يصد عن صرافها لايضيقه يخاف لايقضب نديم طرفها-- قلبه صدى واطراف جسمه نظيفه والله خلق بيد الذلول وعسفها-- للي يبي المنهاج مثل القطيفه والفضل للي مدها ماقصفها-- وانهج من الدار المحل للمريفه وانصحك ياللي غرته ماعرفها-- شيب تشيب مايحول رديفه رديفها يركض ويركز هدفها-- وقت يقص العظم من حد سيفه وان جتبك الدنيا وجابك صدفها--لاتعتزي بأهل النفوس الضعيفه وأنصحك نفسك لاتسقط شرفها-- ترى بعض بيض المجالس مجيفه الشاعر نمر بن عدوان http://forum.bdr130.net/images/13/11...A8%D9%86_n.jpg

بندر الساكت 12-17-2013 03:53 AM http://forum.bdr130.net/images/13/11...A8%D9%86_n.jpg الشاعر نمر بن عدوان ياسين يام عقاب ياسين ياسين ياشبه عنز الريم ترعـى وحدهـا بنت الرجال وخالط ٍ عقلها زين وروايح الرحيان ريحة جسدهـا جتني عطا ماسقت فيها تثامين شيمة فهود كل مـن جـا حمدهـا للظيف لطفين وللضد قاسين وجيرانهم مامرحـوا فـي ضهدهـا ماسقت فيها غير خمسه وتسعين اصايـل والكـل تسبـق بيدهـا لو من جلب للهند للشام للصين لابواب مصر الباب نجـد ٍ بلدهـا فاقت نساها في مزهاها مزايين كل النسا ياليت وضحـى بعدهـا فيها خصال وافيات من الزين وفيها مثايـل ماحصينـا عددهـا ياحاجي ذي حجنا بين زيمين مسك وزباد وعطـر شـاه نهدهـا ان شافت بي غيض قامت تراضين مثل الشفوق اللي تلهله ولدهـا ماناجت الغطروف بالمنطق الشين ولا قط بالخملات وكد وعدهـا ولاعاتبت بالهرج الادنى والاقصين وعلى الجيران عضت بيدها ياغصن موز ناعم ٍ بالبساتين اللي كما بيـض القميـري نهدهـا وجدي عليها وجد منهم مساجين متحسر ٍ يشرب كرابـة كمدهـا او وجد من خلوه ربعه امقفين او وجد شيهان شهر من شياهين قصرت اسبوقه باشهب الملح لدها ما انساه انا والله دين ٍ باثر دين مادام روحي مالحت في لحدهـا https://encrypted-tbn1.gstatic.com/i...3J658GseM_IRSO الشاعر / بدر الحويفي

نسمات 12-17-2013 09:40 AM https://encrypted-tbn1.gstatic.com/i...3J658GseM_IRSO الشاعر / بدر الحويفي والله يلولا غايتي مانقل الطير ...................مانقل على كفي خفوق الجناحي ابي اليا فزت تقل شعف معصير ......................واقفت تعقد مع سهال فياحي ليا تلني واقفى يخطرف له السير ..................جايع وحاديه الزعل من صياحي لاطقها بالصايدين المواخير .................طاحت تدوس ونجم الطير صاحي وليا حصل جول رتوع ومخامير .................في ماقع عن نشر الادباش زاحي وتركزن له تقل شول معاشير ................وغزن غلبهن عقب ماهن مطاحي منهن علق اللي مثل بكرة الظير ................ونكد عليهن عقب ماهن ضواحي وجيته يمزرها على القاع تمزير .......................يشلق معلق ثديها بالجناحي هذيك والله منوتي يالمناعير .............ان كان انا مجنون وان كنت صاحي وكل برايه له تصرف وتدبير ............ولاحد(ن)على الدنيا جلس واستراحي وارزاق خلق الله وهايب وتقدير .............ورزقي على مجري هبوب الرياحي ولا ينقص الرجال كثر المخاسير ...................لصاردون الوجه ماهو سفاحي والقل ما عذرب رجال بهم خير ...................والمال ماعز الرجال الشحاحي مار اتركوني يالوجيه المسافير ....................هذاالذي وافق عليه اقتراحي ************ أمير شعراء النبط ابن لعبون http://s.alriyadh.com/2013/03/28/img/831558282055.jpg

بندر الساكت 12-17-2013 04:56 PM http://s.alriyadh.com/2013/03/28/img/831558282055.jpg أمير شعراء النبط ابن لعبون ياعلي صحت بالصوت الرفيع *** يامــره لاتـذبـيـن الـقـنـاع ياعلي عندكـم صـفرا صـنيع *** سـنها ياعـلي وقـم الـرباع نشـتري ياعـلي كـانك تبيـع *** بالعـمـر مـير مـاظـني تبـاع شـاقني ياعـلي قـمرا وربيع *** يوم أنا آمر وكل أمري مطاع يوم أهلنا وأهل مـي جـمـيع *** نازلـين عـلى جـال الرفـاع ضـحـكتي بينهــم وأنا رضـيع *** ماسوت يكيتي يوم الوداع هـم بروني وأنا عـودي رفـيع *** ياعـلي مـثل مـايبرا الـيراع طـوعوني وأنا مـاكـنت أطـيع *** وغـلبوني وانا ظفـر شـجـاع وجد عيني على ظبي تلـيع *** عندكم كن في خده شماع شـيبتني وانا تــوي رضـيع *** جاهـل تو في سـن الرضـاع سـايمـين الهـوى يامـن يبيـع *** سايمين الهوى لاهل الرفاع وأنت يالايمي جـعـلك تضـيع *** ماتمـاري بهـا مـثل الشـعـاع ودي أسـلاه والـكـون الفـنيع *** سلوتي ياعـلي مـاتسـتطـاع دون مـي الظـبي وأم الوضيع *** والثـعــالـب وتـربـيع الـشـراع وراس ريع دخل في بطن ريع *** مســتـطـيل ووديـان وسـاع https://encrypted-tbn1.gstatic.com/i...G2nxTqHt94uxLE الشيخ / ساجر الرفدي

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010

mamnoa 5.0 by Abdulrahman Al-Rowaily