|
شوفي حبيبتي
الموت ماهو حل تدرين ليش لانك لو حاولتي تقتلين نفسك وتخلصين من عذاب اهلك بيجيك عذاب اشد وهو نار جهنم الله يبعدنا عنه لان المنتحر خالد بالنار وصراحه استغرب ان الاهل يمدون يديهم عليك بدون سبب بس مالك الا الصبر لان صبرك على اهلك يعتبر جهاد ونصيحه لاتخسرين نفسك خليك قويه ودايم استغفري ربك واقري سورة البقره ويس تريح القلب وادعي بجوف الليل لان الله يكون نازل ويستجيب لدعاء عباده ولازم اذا دعيتي تدعين بقلب خاشع متضرع وبحكم انك مظلومه الله راح يستجيب لك بس لازم للدعاء شروط اولا تبدين باسماء الله الحسنى ثانيا تبدين ضعفك لله بقولك انا عبدك الفقير المحتاجه لك مالي قوه الا بك كذا يعني ثالثا تطلبين حاجتك رابعا وهذي اهم نقطه وهي انك تختمين دعائك بالصلاة على سيدنا محمد صلى الله عليه وسلم وان شاء الله الله يفرج كربتك ويرزقك بالرجل الصالح عاجلا غير آجل والله لو تشوفين مصائب غيرك لاتحمدين ربك وتشكرينه بس انتي لاتخسرين نفسك ومالك الا الصبر وصدقينن ماراح انساك بدعائي |
السلام عليكم ورحمة الله وبركاته
بالمقام لأول أختي الكريمه أبعدي عن أي تفكير يغضب الله منك والشيء الأخر بعد اللجوء الى لله سبحانه أقتربي الى اسرتك أعطي نفسك الثقه اكثر شاطريهم بكل كبيرهوصغيره حتى لو تشاهدي منهم مايزعجك عبري عن رأيك بحريه أقتربي الا أمك ابوك اخوك اختك من يفهمك اكثر أجعلي كلامك معسول وحلو لاتحتسي من اي كلمه اي ما كانت فاهل تتوقعين أن عائلتك يتمنو لك القهر والحزن لاا ابد صدقيني كثير مانجرحت بكلمه من والدتي اخوي اختي فاكتشفت انها تصب بصالحي هل تخبرين الثوب صح يجي فيه مخبأين أجعلي أحداهم منشق او منقطع فاجعلي الكلام المشين فيه والمخبىء العدل أجعلي الكلام لطيب فيه فاحفظيه وعلمي ان الدنيا لاتقف عند نهايه او بدايه عند زواج اوطلااق مهما كان فاكوني انثى من الطراز القديم صبوره وقويه وصدقيني سوفا يتغير كل شيء كثير من يمر بظروف ولكن يستطيع ان يتعامل معها فا بسطي الأمر وجعليه أسهل من السهل نفسه أذكري محاسن اهلك من يوم نشأتك وسوفا تعلمي انك بخير وان عائيلتك تحبك أسأل الله ان يجعلك من كل هم وغم فرجا ومخرجا |
ρυяє нεάят ≈ النوووفي مشكورين على النصيحه اقسم بالله اني ابكي كل يوم وانا اعيش بذل وإهانه ماادري وش اسوي والله إني ادعي الله إنه يصبرني أخوي النووفي تقول اجلسي معهم وتقربي منهم انا اجلس معهم بس ماشاءالله عليهم مايتركوني بحالي يتكلمون علي والله إن معاملتي معهم زينه بس هم الله يهديهم مايحبوني لأني انصحهم واصحيهم للصلاة وخاصة صلاة الفجر لانهم ولاعمرهم صلوا في المسجد إلا الجمعة وأحيانأ بعد والله إني بديت اكرهم لدرجه كرهت شي اسمه رجل وكل اللي يجون ويتقدمون لي ارفضهم بسبب اهلي لكرهي للرجال احس إن كلهم مثل اخواني وأبوي والله تعبت نفسيتي آآآه الله يصبرني وادعولي تكفون الله يجزاكم خير إن شاءالله .. |
يسلمووووووووووووووووو
|
| الساعة الآن 11:36 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010