القناعة بنا دوووم

[poem=font="simplified arabic,7,white,bold,normal" bkcolor="black" bkimage="" border="double,8,black" type=2 line=0 align=center use=ex num="0,black""]
ياهيه لو نبحث عن المصلحه يوم=مبطي اغْتَنِينَا ياسعادة هْلَيّل
الجود يستر من ورَى ضعفنا قوم=والطيب فينا صدق ماهو تَحَيّل
ماهو ضروري نسهر الليل للنوم=نسهر عشان النوم فينا يقَيّل
تبت يدين اللي لوَى مده اللوم=إقْطَع حباله لو ظلاله طْوَيّل
كان الزمن صكات بقعاء به تحوم=حنا إليا مال الزمن به نْمَيّل
المال يفنى والقناعه بنا دوم=واحلامنا نصف الحقيقه تَخَيّل
العافيه يشتاق لَهْ كل محروم=إسْأَل مْجَرِّب لا يغرّك هليِّل[/poem]

وحشــة جفاي

[frame="9 80"]
[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,9,black" type=2 line=0 align=center use=ex num="0,black""]
دمعه وضيقة مكان وشرهة حبيِّب=والهم فيني وصل من حسرتي حدَّه
مايذبح الطيب غير الخيِّر الطيِّب=اللي تقهوا حياك وهقوتك لدَّه
يمرني ضيف ظلم الوقت ياقريِّب=واذبح على صوت عدلي وقفة الشدَّه
نظره تِمِر الصديق وتترك الخيِّب=لو طال فيها الجدال وطالت المدَّه
الشيب لو نَسْأَله وش عِلْمِك مْشَيِّب=قال البلاء وجه صبري تفرزه غدَّه
الله يعين الزمان بخاطر الثيِّب=ويعين موعد لقانا يابحر جدَّه
ماعاد وحشة جفاي تخاف وتهيِّب=إلا على وصل منهو طول الصَدَّه[/poem]
[/frame]

العز والجووود

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,9,black" type=2 line=0 align=center use=ex num="0,black""]
ياموطني ياموطن العز والجود=ياموطني فيك المشاعر نشيده
إن كان لك ياموطني قلب وحدود=حنا بقلبك حَدِّنَا في وريده
غلاك مايَنْقِصْ . حشا . دآآآيم يزود=فوق الخيال وفوق وصف القصيده
بَاطْهَرْ بقاع الارض ياعشق موجود=أرضك بها كل الصفات الحميده
الحب بقلوب البشر صار محدود=إلا انت حبك يِسْعِد الله عيده
مولود فينا وانت بالمجد مولود=أروحنا في حب روحك سعيده
سِمَاك لو هي كلها غيم ورعود=أصْفَا من خدود الفتاة الفريده![/poem]

هيل القصــيد +شيلة
 

هيل القصـيد

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,9,black" type=2 line=0 align=center use=ex num="0,black""]
ياهبايب نجد ياهيل القصيد وزعفرانه=دَلِّتَك فاحت على جمر الحسايف والهقاوي
كل ماشمّيت أنا ريح النفل مع قحويانه=قلت يانجد الهبايب ضمَّها صدرٍ خلاوي
منتظر بس انتظاري مَلْ من كثر هذيانه=والفرج قالوا يجي بعد المصايب والبلاوي
المكان اللي تركته صاح من همه مكانه=مابقى بالوقت غير المعضله والشوق ناوي
الرياح العآتيه شقَّت خفوقي من حنانه=والحنان اللي لقاني راح بعيون الهواوي
ارتويت الحزن من كف البخيل ومن زمانه=مافزع لي غير دمعي يامحطات العزاوي
رحت خيَّال العبيَّاء وجيت ما أملك عنانه=ياسرابي انتبه ماعاد بالجوزاء نخاوي
ذقت نكبات السنين ولا تعلَّمت اللعانه=وشفت طعنات الصديق ولا توسلت الرجاوي
ولاخذيت من الصبر إلا مواعيد ومهانه=ولانعيت من المهانه غير هدَّات النداوي
آآآآه من ذيك الفياض اللي خذا حزني ضمانه=طار عصفوره يغرّد فيك ياالقلب الشقاوي
ابتسم لي ياعذابي لو بداياتك خيانه=بالنهايه ينتهي فينا الأمل والصمت خاوي
يامشاعر رحلتي تكفين حمّلتك أمانه=إرحلي في كل وادي دامني شاعر وغاوي
إسهري فيني شجاعه وارقدي فيني جبانه=واعتليني منكبين وفوقها بشتٍ حساوي
ارسميني لوحةٍ ماله على عذري ميانه=ماأبي فيها غموض الظل والقاع متساوي
ياهبايب نجد ياخيل السباق وخيزرانه=فارسك طال التأمل في معاناة الجلاوي[/poem]




https://www.youtube.com/watch?v=mq4KT1nX0V8

ســـيف الشـــجاع

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,7,black" type=2 line=0 align=center use=ex num="0,black""]
شفايفك حمر بعد اربع وعشرين عآم=الوقت قآسي ولكن ماطفت جمرتك
رْمُوش عينك بداية ليل حالك ظلام=يغيب فيه القمر خجلان من غرتك
وخدودك اللي تْبَرْهِنْ كيف ريش النعام=نعومته تنتهي لا لاَمْسَت بشرتك
والصدر فيه الهقاوي تنتخي ماتنام=إلا على مفرق اللي تكتمه حسرتك
والبطن شبرين واقْفِلْهَا بْبَصْمَة إبهام=ياويل قلبي عليك اليا نبض حضرتك
والردف مليان ناقص عن بلوغ الزحام=بَاسْبَاب مترين مفتوحه على كسرتك
والخشم سيف الشجاع اللي عزيز المقام=أنَاظْرَه أو أتابع بالخفاء نَظْرتك
جسمك مْخَصَّر على ثنتين شوق وغرام=أسْكِر على ضَمِّتِك واصْحَى على سكرتك
رَتَّبْت فيني وفوضَى الصمت فيني كلام=يَحْكِي عذاب الخيال اللي رسم صورتك[/poem]

ترســم الأطلااال

[poem=font="simplified arabic,7,white,bold,normal" bkcolor="transparent" bkimage="backgrounds/37.gif" border="double,8,black" type=2 line=0 align=center use=ex num="0,black""]
تميل الخيزرانه مثل خصر حْبَيِّبِي لامال=وأوقِّفْها معي في ليلةٍ غَيْمَه نزل دامس
تمر الهقوه عيوني واسَرِّيها على فنجال=شربته قبل ماينخى الغلا ملعونة الخامس
(صحيح إن البحر مالح ولكن العطش قتال)=وانا بِنِّي حَمَسْه من الشقاء مليون أبو حامس
ياويلي لو تغيب عيونها اللي ترسم الاطلال=يِلَوِّنِي العذاب اللي خذا من لونها الطامس
لقيت بْغِيبِتَه ضيقه شكى من هَمَّها الغربال=وناحت بالخفوق اللي صدى صوته طلع هامس
أحِبَهْ والمحبه بنت تسكن في صَدِرْ رَجَّال=بها عِرْقٍ لمس نبض الوريد وذآب متلامس
يِحِيْر بْخَطْوِتِي صبر الجمل ياصَمْلَة الجَمَّال=على قولة أهَلْ حائل تْوَلِّي يَامَلْ الهامس[/poem]

رحلة حيــاتـي

[poem=font="simplified arabic,7,white,bold,normal" bkcolor="black" bkimage="" border="double,8,black" type=2 line=0 align=center use=ex num="0,black""]
آآآه من همٍ بقلبي هقوته فيني بعيده=ماتوقع ضعف هدَّاتي ولا ذل انكساري
خابر اني لا نويت الدرب لعيون الفريده=ينتخي بي مثل شمر يوم تنخى الشيخ ضاري
القصآيد علته جابت من العله قصيده=والليالي ودَّعت صبري على باب الطواري
مايفيد اللي رحل بعض الرسايل في بَرِيْدِه=مالها من بعد ختم الحب والاشواق قاري
انتهت رحلة حياتي مابها ذكرى سعيده=كيف اقدِّم لاعتذاري شي من جِلْ اعتذاري
الكلام اللي اقوله كل ماقلته أعيده=والهزيمه في عيوني ماتبي رد اعتباري
ياسلام الله على حزنٍ مضا لي ياعنيده=جعل يِسْقَى يوم من ريقك سِكَرْت بْجَو عاري[/poem]

حزن الاشـــواااق

[poem=font="simplified arabic,7,white,bold,normal" bkcolor="black" bkimage="" border="double,8,black" type=2 line=0 align=center use=ex num="0,black""]
قالت جديدك قلت (جرح ومواعيد)=قالت ابي صوت العليوي يشيله
تكفون جيبوا في متاهاتي العيد=خلوا هواجيسي زماني يخيله
أبي أخَلِّص حزن الاشواق واعيد=الذكريات اللي زبنته دخيله
إما عتقت بفزعة الليل للبيد=والا شربت الغبن مثل الجليله
لو الهموم شيوخ يشفع لي عْبَيد=اللي ذبح في شذرة السيف جيله
سراب صيفي ضاع بين الجراهيد=واستوحشت نظرة عيوني دليله
مات الأمل وخْطَاي تشكي من القيد=والصبر عيَّا لايكمِّل جميله[/poem]

ضــاع الأمــل

[poem=font="simplified arabic,7,white,bold,normal" bkcolor="black" bkimage="" border="double,8,white" type=2 line=0 align=center use=ex num="0,black""]
قالوا علامك مْضَيِّع قلت بي سَكْرَه=سَكْرَه من الحزْن عَيَّت لاتفارقني
على الذي كل مايطري علي ذكره=دموع عيني على شانه تسابقني
ماعآد فيها ألو، ولا على فكره=خلاص خِلِّي رحل والشوق مِحْرِقْنِي
ياحلو كذبه علي لا خآلطه مَكْرَه=أمْكِرْ معه يوم رمشه طآح يَسْرِقْنِي
إذا ابتسم لي أقول العفو مع شِكْرَه=غرقان من قبل فيه، وقبل يغرقني
أحِبْ وَاكْرَه واحِبْ احيان مَا أكْرَه=واحيان احس القهر،والهم، يعشقني
واليوم ضاع الأمل مع راعي البَكْرَه=والغبن في داخلي.. يفقد، ويخنقني
[/poem]

مســافات الســهر

[poem=font="simplified arabic,7,white,bold,normal" bkcolor="black" bkimage="" border="double,8,black" type=2 line=0 align=center use=ex num="0,black""]
جيت المكان اللي تركتك به العام=لقيت فيه الغبن يومي قهرتك
حسبي على الأيام ياظلم الايام=ياكيف طاعتني وانا ماعذرتك
ياروح روحي ياسرابي والاحلام=كسرت قلبي وانت فيه وكسرتك
مدري وفاء مدري هواجيس و اوهام=لاوالله إلا ياحياتي خسرتك
أجلس وهاجوسي مع الهم بي قام=واطوي مسافات السهر لاذكرتك
لو السهر يدري عن الحزن بي نام=مايدري إني في منامي سهرتك
تنخاني الدمعه وانا اقول قدام=على عذاب جروح حزني نثرتك[/poem]

هــــــدَى

[poem=font="simplified arabic,7,white,bold,normal" bkcolor="black" bkimage="" border="double,8,black" type=2 line=0 align=center use=ex num="0,black""]
حسبي على الايام رَدَّتْ لي هُدَى=من بعد عشر سْنِين جآبت لي حنين
ياوردة الجوري تحت خيل العْدَى=بالله قولي لي بماذا تشعرين
اقصر مِدَى فيني وصل أبعد مِدَى=وتعانقت هقوات شكِّي باليقين
قلبي قبل صوتي على اسمك حَدَاء=الناس له قِبْلِه وانا لي قِبْلِتِين
كن القمر وجهك وانا ليلي بِدَى=يعني صباحي مَايِسِر الناظرين
أنتي خذيتي كل ما أملك فِدَاء=وانا خذيت من الفِداء غبن السنين
الطيب ملعون الثواء عكس الرِدَى=خوذي حياتي بس خلي حاجتين
ترحيبتي بالضيف من قبل النِدَاء=وْرَدْ الوفاء لِكْفُوف نآسٍ غانمين ![/poem]

محروووم من وصـلك

[poem=font="simplified arabic,7,white,bold,normal" bkcolor="black" bkimage="" border="double,8,black" type=2 line=0 align=center use=ex num="0,black""]
عسى السحاب اللي على شوفي اليوم=يمطر على ديرة هلك ياسحايب
محروم من وصلك من العام محروم=والشوق فيني قبل الاشواق ذايب
أحلم وحلمي فيك ماهو مع النوم=مع هاجسٍ يدفن لقبري نصايب
الليل حالك والسماء زحمة نجوم=وانا أهيم بريح عصف الهبايب
ألوم نفسي بس وش يجني اللوم=غير النكد في شامخات المصايب
يقوم بي حزني من الغبن واقوم=وارْقب على همٍ سرابه نشايب
ما للأمل ذكرى مع انسان معدوم=إلا رجوع اللي من العام غايب[/poem]

ألف بالحــارة

[poem=font="simplified arabic,7,white,bold,normal" bkcolor="black" bkimage="" border="double,8,black" type=2 line=0 align=center use=ex num="0,black""]
خارج نطاق التغطيه بعض الاشخاص=وداخل نطاق التغطيه شخص مفقود
الناس تِسْتَقْبِل على العام والخاص=والخاص قِبْلَة كل ضايق وملهود
قبل امس أشوف صويحبي داخل الباص=يمر حارتنا وانا كلي حدود
واليوم واقف وانتظر وارْكَب الشاص=وألِفْ بالحاره واعَوِّد على العَود
واشوف قِرْص الشمس يَكْبَر للاقراص=واقول في نفسي انا شخص مقرود
واطْلَعْ على ابن العاص وارْجِعْ على العاص=والْقَى بلا حقران بنقال وهنود
أثره اجازه لعنبو حب الاخلاص=لاوالله إلا لعنبو ناعم العُود[/poem]

حنا بوجهــك

[poem=font="simplified arabic,7,white,bold,normal" bkcolor="black" bkimage="" border="double,8,black" type=2 line=0 align=center use=ex num="0,black""]
ياالله عَسَى جني مع جنون رمضان =يِحْشَر ولا يَطْرِي عَلَيْ أيَّات بيت
أبقرأ القران وآخذ لي مكان=بين الصفوف اللي مع اولها نويت
في بيت رب البيت يدعيني الامان=واسجد لوجهه كل ماضقت ودعيت
ياهيه ياللي تشتكي قل الحنان=أنا شكيت ولا لقيت إلا لقيت
بس بصراحه ماعلى الدنياء ضمان=أعمارنا ضاعت على بنت السبيت
كم رمضان يْمِرْ مع مِرْ الزمان=ويروح في حسرة نسيت ولادريت
يارب ماترضى علينا بالهوان=حنا بوجهك كل ماندعي رضيت[/poem]

المواقف معازيب +(شيلة)
 

المواقف معــازيب

[poem=font="simplified arabic,7,white,bold,normal" bkcolor="black" bkimage="" border="double,7,black" type=2 line=0 align=center use=ex num="0,black""]
ماهو غريب الطيب من شمر الطيب=الطيب ميلاده هنا وسط شَمَّر
الذيب يوم انه عوى للمواجيب=عَشُّوه يوم الجوع بالوقت ضَمَّر
حنا الطنايا والسناعيس ونجيب=ألْقَابِنَا من مجدنا اللي مْعَمَّر
ما ناخذ الامجاد يومين ونغيب=حضورنا دايم ومَجْدِه مْسَمَّر
برزان يشهد والمواقف معازيب=فينا السطر يَسْكِر وفينا مْخَمَّر
حنا عجاج الخيل ستره عن العيب=ناقف ولو صكات بقعاء تِذَمَّر
حنا اليقين اللي مْجَنَّب عن الريب=حنا الوفاء بكفوفنا اليوم ثَمَّر[/poem]


https://www.youtube.com/watch?v=90Dr47JbbuM

فعـل الطنـايـا

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
شمر سرت بَامْجَاد حايل وبرزان=في ليلةٍ فعل الطنايا سراها
يم الامير اللي على فوج نجران=مِرْوِي الكبود اللي ذبحها ضماها
مِشَل وريث العز يكفي كحيلان=إن الجمايل كل ابوها خذاها
حنا لها ياطير شلوى بليهان=العاصفه حزم الطنايا ذراها
نَاطَا على الحوثي وتشكي له ايران=ويبكي ولا يلقى عزاء من عزاها
قل للملك كل السناعيس سلمان=نبطش ونلعن جَدَّهَا مع ثواها
حنا الوطن من قبل تعريف الاوطان=وحنا مِجَرَّات السماء مع سماها
في دمنا عهد ومواثيق واركان=مَانْخُون لو خان الزمن في حماها
هذا وطنَّا دونه الموت سلطان=وحدودنا ياويل منهو نواها[/poem]

الوجيه الطهورة

[poem=font="simplified arabic,7,white,bold,normal" bkcolor="black" bkimage="" border="double,7,black" type=2 line=0 align=center use=ex num="0,black""]
برواز فكري فوق ماياصله طير=وحطيت في داخل زواياه صوره
وغلّفْتَهَا عن شر الايام بالخير=تواضع النفس الحزينه غروره
لوكانت ارضي حَوّطَتْهَا المعاذير=بكرى يجي لاعذار الامتار ثوره
نقطع وعد نخلف عهد ننفخ الكير=نسفك غياب اهل الوجيه الطهوره
ارباحنا تربح علينا المخاسير=وخسارة الارباح تخسر حضوره
لو الشجر ينطق سمعنا العصافير=تستأذنه لحظة مواصل عبوره
ليت الزمن عطشان وقفة مناعير=ولا نشوف الحسد يسقي بذوره[/poem]

دووون الـوطن

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
الا الوطن ياكلب ياكلب ياكلب=تخسأ وتخسأ شلّتك يقربونه
هذا وطنّا والوطن داخله قلب=ينبض بحبه والمحبه تصونه
احدودنا من يقربه نصلبه صلب=ناطَأ على خشمه ونقلع عيونه
غم المصايب نحلبه يالردي حلب=نشرب كوارثها ونهدم ركونه
دون الوطن نقلب هل الزعزعه قلب=نركي على ضيمه وتضمأ غبونه
حوثيك المزعوم يِجْلَبْ لنا جلب=بيدين من لاذ السطر تحت عونه
مانسلب الامجاد من مجدها سلب=امجادنا عج المعارك دخونه[/poem]

ركاب فكري

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
هات القلم ياخليفه.. عطني الدفتر=ابكتب احزان صدري قبل تكتبني
ايوالله ان الغلا والشوق بي هستر=على وليفٍ غرامه حيل متعبني
أَفْتَرْ حوله وجهدي كل مايَفْتِر=أنَوِّخ ركاب فكري لا تعتبني
ياالله سترك وسترك يالولي يستر=من هاجسٍ لا سرى ليلي معذبني
لاهي بعبله ولاني صاحبه عنتر=بس العواقب وخيمه لو تجنبني
البرد من لهفتي لِمْعَانِقِه محتر=والحر في داخلي برده يقربني
ادفاء ويدفاء معي والجو يتوتر=أقْرَبْ ويبعد واقَرِّبْ له ويسحبني[/poem]

زحازيح القروووم

[poem=font="simplified arabic,7,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
نجم الجدي ينشد عن سهيل وسهيل=يرقِب على مجد السطر والزعامه
أهل الكرم والرمح والسيف والخيل=عَنِّز عليهم لابغيت السلامه
فيهم زحازيح القروم الحلاحيل=تغنيك عن وجه الفقر والرخامه
يعني نقول البن والعود والهيل=أبوهم المرّي ومرّه عمامه
يوم السنين الماضيه والبهاذيل=لهم مع الجوزاء حضور وعلامه
يطرب لهم صمت السهر تالي الليل=حتى كسب منهم حضور احترامه
الصيت يبغَى له سحاب ومحاصيل=وانتم سحاب الصيت جود وكرامه
إن كان للماضي شموخ وتفاصيل=مستقبل المره عزيزٍ مقامه
الوقت لامنه تعب حزة الشيل=أنتم حْزَام الوقت أنتم حْزَامه
وان جارت الدنيا عن العدل للميل=عدلتوا الميله بقَرط العمامه
وانا هنا لبّيت دعوة رجاجيل=لن الوفاء دوله ينومس نظامه
وانا من اللي لانْخِينَا على الويل=نَاطَا على ضيم القهر بابْتِسَامه
من فِعْلِنَا كن السنين المقابيل=تِسْتَعْجِل الساعة لشوفة مرامه
حنا الطنايا ياطريق المواصيل=تبقى لنا القِمَّة ليوم القيامه
شمر ثلاث حروف ياقف لها النيل=لَنَّه عَرَف معنى الطنا والشهامه[/poem]

كراســي العاطفة

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
صكَّات الايآم فيني يا....؟صكّت=وثوآني الوقت في قربك أنانيّة
ببعد..ولوعآت بعدك بالحشاء حكّت=كل الحواجز بروح الوصل أمنيّة
ياكثر ماتبكي عيوني.. ولا بَكَّت=عيون من تِدِّعِي رأفة وحنيّة
مشآعر الشوق تدحمني إذا ركَّت=واذا تَعَدَّلْت مآلت يمَّها النيّة
لو كل جرحٍ نزف في داخلي شَكَّت=جهاتي الأربعة بَاطْراف مَعْنِيّة
سكين صمت المشآعر داخلي ذكَّت=أوهآم وجه الجمال بْخَد جِنِيّة
كراسي العاطفة بالعاطفة تَكَّت=حتى لقيت الصور..صفراء..وبنيّة
أظِنْ..ظَنٍ..وأظِنْ ظنونْ..مافكَّت=منهو..هواجيس غيره فيه مَبْنِيّة؟[/poem]

شـــمس الأمـــل

[poem=font="simplified arabic,7,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
البارحه والهقاوي دقه وجله=راحت مع الليل بياعه وشرايه
أستأذن الهم والأحزان والعله=لَنْ الهواجيس وجه الصبح سرايه
الناس تصبح على ورده..على فله=وانا صباحي قلم مرسم وبرايه
يروح صمت النهار بظلم محتله=وتغيب شمس الأمل في عدل قرايه
يدخل غموضي وضوح الشك ويدله=على طريق التمني وارفع الرايه
حتى محطات صبري فيني مْغِلّه=على مواعيد ذكرى داخل مرايه
يطيح بعض البعض واطيّحه كله=إما تجي صح وإلا الريح ذرايه[/poem]

لـوعــات الســـنين

[poem=font="simplified arabic,6,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
أمس العصر عدّيت بالمرقب اللِّي=أظلم عَلَيْ ليله وانا مارقيته
أطْوَل طوِيلٍ مِعْتِلِي ومْتَعَلِّي=فوق الطوال اللي عَلَت واعْتَلِيتِه
وِصَلْت في راس الطويل المْطِلِّي=بعد العِشَاء وبْصَمْت الاشواق جيته
لقيت به ريح الهبايب تْصَلِّي=على جنازة نظرتي صوب بيته
يهب ياوجه الزمان المْغِلِّي=حتى على النظره تعبت ولقيته
ياونةٍ بَاقْصَى خفوقي تعلِّي=توجع وانا بدموع عيني سقيته
على الذي إنْ كان هُو مَاحَصَل لي=حَصَّلْت لوعات السنين وخذيته
السالفه ياوقت ماهي تِسِلِّي=السالفه قلبي خذاه وعطيته ![/poem]

أعــاتب الدنياء

[poem=font="simplified arabic,7,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
غابوا ولاني ناشدٍ عن غيابهم=الشمس من دورات الايام غايبه
الله يرحمهم ويجبر مصابهم=لو كانت النيّه مع الوقت خايبه
ذيـك النياق الوضح رَدَّتْ ركابهم=لاشك نفس الجود للجود طايبه
نَوَّخْت انا طِيْب الوفاء عند بابهم=ولقيت باب الشك تصفق هبايبه
رِجَعْت والضيقه تباري عذابهم=والشمعه اللي تَسْهَر الليل ذايبه
أسْرِي ويَسْرِي بِي الوَهَمْ مع سرابهم=على هواجيس الزمان وعجايبه
أعاتب الدنياء على ما سطا بهم=واقول توبي.. لي.. ولاهي بتايبه ![/poem]

ميلة عقالك

[poem=font="simplified arabic,7,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
نبي نعزي بَعْضَنَا شعب وملوك=في هامة اللي تعتليه النصايب
الطيب بابه في سماء العود مصكوك=من عقب ابومتعب وفاء الجود غايب
الشعب بدموع المحبين نادوك=ياثامن السبع الثمان العجايب
انت الملك وانت الذي صرت مملوك=بقلوبنا لو انت مخطي وصايب
اقسم قسم حتى الاجانب تمنوك=لنك كفو وقت المحن والمصايب
ميلة عقالك تفزع لكل متروك=وتاوي القهر والضعف في كل شايب
((حتى العجوز اللي ورى شط))كركوك=تبكي عليك وكنك احد القرايب
ياعل قبرٍ فيه الاصحاب حطوك=يطيب فيك بفضل مِنْشْ السحايب[/poem]

يا دليل سـهيل

[poem=font="simplified arabic,7,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
يامحمد يابو طارق يالشميلي=لك مع الوقفات والفزعه حكايه
إيه أنا عيادة ابن عقلاء الجهيلي=أشكرك ، شكري لكم ماله نهايه
يانجم يااللي على مثلي تخيلي=كل يوم ألقى من كفوفك رعايه
يالكريم اللي مواصيله تجيلي=وصل طِيبْ وقطع ريبْ من البدايه
ضاري(ن) للعز وكتوفك تشيلي=يوم ولد اللاش محتاج لدعايه
يادليل سهيل ياراع الجميلي=ياالجميل اللي بقَى نبله معايه
وكل ماضاقت علي وانْهَد حيلي=جيتني من قبل لا تسمع ندايه[/poem]

شــموووخ الصيت+(شيلة)
 

شـــموووخ الصـيت

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
ابْشِرْ بَهَا جَتْك البْشَارِه يَاسَلْمَانْ=مِنْ شَاعْر(ن) هِيْل القِصَايِدْ بْدَمَه
يَعْنِي نِقُولْ السَالْفِه كَانْ مَاكَانْ=شَمَّرْ هِنَا لَلْكَايْدِه وَالمْهِمَّه
شَمَّرْ شمُوخ الصِيْت بِعْيُونْ بَرْزَانْ=يُومَ الكَوَارِثْ والسْنِين المْطِمِه
شَمَّرْ مَوَاعِيد الفَرَحْ وَقْت الَاحْزَانْ=لِعْيُون مِنْ تَنْخَى عَلَى المَجْد هَمَّه
شَمَّرْ اِذَا النَّكْبَات لَه سَاس وَارْكَانْ=شَمَّرْ طَنَاء تَبْنِي عَلَى الظِيْم غَمَّه
حَتَى النِجُومْ اللِّي سِمَاهَا لَهَا زَانْ=الشَّمِرِي وِدَهْ تِجِيْه وْتِضِمَّه
اسْهِيلْ لاَمِنْ بَان ايْغِيْب لاَبَانْ=لَنْ الطَنَايَا وَالسَنَاعِيْس قِمَّه
العِز مَاجَانَا دِعَايَات وِاعْلاَنْ=جِبْنَاه يُوم العَبْد مِحْتَاج عَمَّه
شَمَّرْ تِشَمِّر لَلْبَلاَوِي وَالاَكْوَانْ=يُوم النَّخَاوِي يَشْرَب السيْف سِمَّه
الله خَلَقْنَا يوم نِخْلَق عَلَى شَانْ=لِعْبَادِتِه ثِم الهَقَاوِي نِتِمَّه[/poem]

خــافقي مهمل

[poem=font="simplified arabic,7,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
البارحه تَجْرَت العمال بالمَعْمَلْ=وانا لي الله أحَسْب البيع بالجُمْلَه
أشري جروح الزمن من يومي الأجْمَلْ=وابيع صبري مْفَرَّدْ وآخذ العُمْلَه
ياجرح خل العتب في فكرتي يَكْمَلْ=حتى أمَيِّزْ سَهُو طيفي من الخَمْلَه
خلاص مابه سوالف خافقي مُهْمَلْ=أحسن تموت الهقاوي داخل الصَّمْلَه
الناس تحتاج للي وقفته تشْمَلْ=لوكان راسه قَمِلْ تستلطف القَمْلَه
الارمله مات زوجه.. زوجة الأَرْمَلْ=ماتت وثوبَه وصل في أوَّل الحَمْلَه
أستغفر الله لو ذَنْبِي عَلَي أَخْمَلْ=أتوب لوكنت واطي بالخطاء نَمْلَه.![/poem]

عطر الفراااق

[poem=font="simplified arabic,6,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
البارحه كل الشوارع مصابيح=إلا طريق الحزن مابه إناره
فيه الوهم يشكي على الهم ويصيح=ويموت في صدر الأمل وانتظاره
يالايمي راحوا شيوخٍ زحازيح=من حب نوف ومي وافراق ساره
عكس اتجاه الريح صمت ومجاريح=ونفس اتجاه الريح ظلم وخساره
يمرني طيف اللقاء بعد مااطيح=واقوم من غبن القهر وانتصاره
الياس يدفعني على هبت الريح=حتى خذيت من الغياب الصداره
الله يبيح الليل والنجم ويبيح=قبر(ن) خذلته ماقبلت اعتذاره
ريح النفل والرمث والارض والشيح=عطر الفراق بخطوتي وانتحاره[/poem]

خبث النوااايا

[poem=font="simplified arabic,6,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
تواصوا علي واجروح حزني توصَّت خير=سلامي عليهم كثر الاجواد ماوصَّوا
يحفرون ويطيحون طيحة جملهم غير=يعمُّون لو بعض المقاريد ماخصَّوا
يحسبون نكبات الزمن بالضحى وعصير=يحسُّون قصَّوا شي لاشك ماقصَّوا
تعذرت منهم لعبة الغش والتزوير=وعلمتهم وشلون الانذال به غصَّوا
اشوف الحسد ياقف على اطلالهم ويغير=على صومعة خبث النوايا به اقتصَّوا
ضعيف التردد يلقط الصوت والتصوير=ويجمع جميع اللي على سطحه اختصَّوا
يقولون قص وقلت حنا بقاع الصير=تجيني الإكك لو قاع صيره معه رصَّوا[/poem]

حـرب الصـريف

[poem=font="simplified arabic,6,white,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""]
السوالف ماهي سمان يالضلع المنيف=والعرب الله يعين العرب في همها
كل ماجيتك أبرقِب أحس اني ضعيف=خايف(ن) ألقا النسايم بريحة فمها
لي ثلاث سنين يطعن خفوقي كل سيف=ولا لقيت اللي يقدِّم خفوقي يمها
انتظرته كني الليل بعيون الكفيف=يتأمل لحظة الشوق كيف يضمها
أتواجد في منامه عن الحلم المخيف=مايشوف إن العقارب تموت بسمها
آآآه ياجرح(ن) بقلبي يداويك النزيف=كل ماتنزف اجروحك بصدري لمها
لين يصبح صمت حزنك مثل حرب الصريف=بعدها خل النخاوي تثور بدمها[/poem]

ما حســبت المسـافة

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
يابنت.. لا لا.. ماحسبت المسافه=حَسَبْتَهَا إنك غير في بيت رَجَّال
والا على شوفك الاشواق طافه=لوكنت باشواقي من العام رحال
ألقآك في وجه اليتيمه مخافه=واودعك شيخ(ن) نَخَى ماله عيال
مرت سنين العمر كله كسافه=الصبر قاسي والأمل مات قتال
اضرب كفوفي في بعضها حسافه=واجر انا حزني على كل موال
اسريك ليل(ن) في نجومه عفافه=واصبح على جرح(ن) بالاضلاع مازال
لولا الجبال النايفه واعترافه=ماكنت صدَّقت الهواء يوم يغتال[/poem]

ودّعــت حائل

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
وَدَّعْت حائل دِيْرِتِي دَار شَمَّر=دَارْ الكرم فيها رِقِينَا الطويله
فيها ربَى حاتم وعِلْمِه مْسَمَّر=فُوق الجبال الشَآمْخَه والرِّعِيله
وَدَّعْتَهَا والحِزْن بالكبد جَمَّر=وَدَّعْتـَها وجْرُوح صَدْرِي دِخِيله
حائل وفيها المَجْد مَاهُو مأَمَّر=المَجْد تحت امْجَادْ حائل نِزِيْلِه
حائل بَهَا عِلْمَ الطنايا معَمَّر =كن النِّجوم العآليه تِنْحَنِي له
فيها وفَاء الحِجْلان بَالعِزْ ثَمَّر=أهْلَ الوفاء واهْلَ العلُوم الثقيله
حائل بَهَا خيل السَنَاعِيس ضِمَّر=من فِعل ربْعِي لاَسَرَى الليل ليله[/poem]

أهــديت عمري

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
حدَّتني الدنيا على حقل الالغام=حتى أكون بعون نفسٍ كريمة
مرَّت علي أيام فيها السهر قام=على هموم(ن) في ضلوعي مقيمة
ماني يتيم ولكن الحزن بي صام=وافطر على خبث الوجيه اللَّئيمة
كنت احسب الدنيا مواعيد واحلام=وصحيت بدموع العيون اليتيمة
ولقيت بَاوْرَاق السنابل ضمى العام=وارويتها لو مابقى بي عزيمة
ليت الشقاء لانام جرحي معه نام=المشكلة لانام يصحى نديمه
خذيت من نبع الوفاء كل الاوهام=واهديت عمري للتعب والهزيمة[/poem]

برزخ الـوااالي

[poem=font="simplified arabic,7,white,bold,normal" bkcolor="black" bkimage="" border="double,7,black" type=2 line=0 align=center use=ex num="0,black""]
يقولون العرب.. ياصاحبي صعبه تحب الكوع = وانا اقول العرب تركد.. مدام الكوع في بالي
رحلت بريح يوسف وانتثر دمعي على ياسوع = وقفت وقلت ماغيرك احد يارب ياعالي
ابرحل مع طريق الصبر.. وين الجوع مابه جوع =وابشرب من ورق توت العنب.. يابرزخ الوالي
تعبت من السراب اللي تبعته لاشبر لابوع = تعبت من الوعد ياهيلمة حالي على حالي
عرفت الناس ياوقتي الف قاطع والف مقطوع= توتر واحتقان وقصة الغربان ياسالي
غريبه دفتر التعبير ماعبـَّر عن الموضوع.! =وانا اشوف النفاق بداخله عَمِّي قبل خالي
بعلم النفس.. تعريف الخطيئه باقتباس النوع = وانا لا نوع..لاعنوان..لاتعريف.. لاغالي.!
ابحرقها تجي بالطوع والا ماتجي بالطوع= مدام الحزن في وجهي..أنا قيصر على بالي..![/poem]

أقبلت ياشهر العبادة

[poem=font="simplified arabic,7,white,bold,normal" bkcolor="black" bkimage="" border="double,6,black" type=2 line=0 align=center use=ex num="0,black""]
أقبلت ياشهر العبادة والاحسان = حتى القلم من فرحته جف حبره
باقي عليك ايام والكل ولهان = إنك تجيه وينتحر فيك صبره
أَوَّلْك رحمة والوسط فيك غفران = وآخرك عتق(ن) تسبقه كل عبره
يالله بَلِّغنا صيامه على شآن = يبرى الخفوق اللي انكسر فيه جبره
ومن مآت قبل إنك تجي ياعسى الآن = على جنان الخلد مفتوح قبره
وانا أهنِّي كل من جاك ندمان = اللي من احساسك خذا منه نبره
وانا بعد جيتك من الذنب تعبان = مثل الكَـهَـل لاَمَرْ بالعمر كبـْره[/poem]

ارسم حروووفك .!
 

أرســـم حروووفك

[poem=font="simplified arabic,7,white,bold,normal" bkcolor="black" bkimage="" border="double,7,black" type=2 line=0 align=center use=ex num="0,black""]
إن طاح رمْشِك على خدِّك ومآت السَّهر=شوفي بحلمك منامي ليش مانمت فيه
لّنِّي ادَوِّر عليك بدمعتي والقهر=والقاك نايم على قلب(ن) لك الله عليه
يرْقِبْ على الشوق واشواقه تصبـّك نهر=في خافق(ن) ينتظر فيض الغلاء يحتويه
يموت فصل السنه بَاوَّل بداية شهر=وارْسِم على اَوَّل نهاية يوم جرحي ابيه
لَنـِّي أحبك شهر..عفواً.. أحبك دهر=في كل لحظه يحبك هاجسي واسْأَليه
اَرْسِم حروفك حفل واكتب قصيدي مهر=حتى القلم في يديني قال تبت يديه
يآويل قلبي حبيبي من غلاك انصهر=ينبض ونبضه يصَوِّت لك زياره تجيه[/poem]

طريااااك خمرة .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
مــرت ثـمـان اسنـيـن والـصــدر مـحــروق=عـلـيـك يـالـلـي كـــل جــــرح(ن) فـتـقـتـه
جـرح الغـلاء ينـزف شكـى الجـرح مفتـوق=وانـــا عـلــى شـانــك بـدمـعــي حـرقـتــه
أسـأل عليـك الليـل فـي سهـرة الـشـوق=وابكـي علـى نسمـة لـقـاء بــك عشقـتـه
افـــوق بعـيـونـك وانــــا فــيــك مــاافــوق=طـريــاك خـمــره مـــن عـيـونـك سـرقـتــه
حـتـى خـذانـي عـبــد فـــي رق مـعـتـوق=وباعـن علـى حلـم(ن) قـديـم(ن) رفقـتـه
بـعـدك اروح الـسـوق واعـاتــب الـســوق=ويـمـرنـي طــيــف(ن) بـحـزنــي لـحـقـتـه
يمشي وانا امشي وانشد الطيف ياذوق=ويـــن الـغــرام الـلــي ذبــحــت وعـتـقـتـه
صـد وتركني بحـبـل الاشــواق مشـنـوق=والـشوق فـيـنـي يـنـولـد لو شـنـقـتـه[/poem]

شيلة شــمر
 

شيلة شـــمر

https://www.youtube.com/watch?v=90Dr47JbbuM

ياهـاجســي .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
إن طوَّلت غيبتك أكثر من اللازم=اني معدِّي جبل سنجار ياسلْمَى

خلِّيه للي على حب الجفاء جازم=للي مودِّع حياة النور بالظلْمَى

ملّيت مهما يكون الحزم للحازم=ود(ن)على ظلْمة اوجاعي بعد أعْمَى

ياهاجسي لاتذمَّر تذكرن عازم=رْوِيك من هقوتي لوكنت أنا اظْمَى

مهزوم من صبري اللي كنت له هازم=الحين خلّه يدَوِّر للفِشَق مَرْمَى

إن أقبل الليل حطّيت السهر خازم=ان عوَّد الصبح شيطاني علي سَمَّى

اهيم في داخلي والوضع متعازم=لى جروح(ن) مداويها نزف وادْمَى[/poem]