خاطرة ( ابنتظر )
 

تصدقين اني من الهم ارتويت
وتصدقين اني على نفسي قويت
وتصدقين اني مع همومي ربيت
لاتصدقين ارجوك كل اللي حكيت

هذا كلام ..
ولابقى فيني ملام

امشي ولاادري وين اروح .؟
مافيه روح ولاطموح
غير الجروح .!

ابتظر ..!
واسأل معاناتي
وادور لك عذر
والقاك في ذاتي
احر من الجمر .

بس الاكيد
انك بعيد
وانا هنا
همي يزيد

وابحترق في شمعتك
وامسح كفوفي بدمعتك
واخذ من عيونك وعد
واقول مايكفي بعد
لان القصيد
اصبح خواطر ياشهد

وانا سعيد بدمعتي
الحزن بي عاده
هذي بداية قصتي
نهايه عياده ..!

وانتي معي ذنبك حكى
انه يبني لوبكى
مامن جديد اني ابيك
واشتاق لك .

لانك حبيبي بكل شي
حتى الفراق
حتى الفراق
حتى الفراق

.
.

بقلمي
عيادة الجهيلي

يزورنـي طيفك .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يزورني طيفك مع الغيـم والقـاه.=يمطر على غيري وتفزع همومـي
يثور بركـان الغـلاء والمعانـاه.=وعيونك الثنتين ترفـض قدومـي
حبك روى كل المعااليـق واسقـاه.=وطيور صدري فوق صدرك تحومي
توالفت عندك علـى الحـزن والآه.=وطيّرْتها لمّـي وهـدّت عزومـي
قامت تنوح وحزنها كيف اباقـواه.=وانا من احزاني جفى العين نومي
خل الطيور ارجوك ترجع لمربـاه.=امـا انـا ماتحتملنـي هـدومـي
اسمك اليا نادوه جاوبت انـا هـاه.=مع قومتك مشاعري لـك تقومـي[/poem]

عـيـادة أحبـك .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
اشتاق لك .. واهواك .. واغليك .. وارجيك,=واموت بك .. واعيش بـك .. وانتحربـك
ادورك .. والقـاك .. واضيـع انـا فيـك,=واولعك .. نار وجمـر .. واحتـرق بـك
افارقـك .. واخـذ يمينـك .. واخاويـك,=وارجع معك .. واقـول .. غايـب بقربـك
اروح لك .. وانـا هنـا .. بيـن اياديـك,=واقفي .. وانا قلبي ..على نبض .. قلبـك
مسجون فيني .. لو مشت بك .. خطاويـك,=ووادعك .. وارحل .. على نفـس دربـك
اجاوبك .. عن حالتـي .. قبـل ماادعيـك,=واسـأل عليـك .. بداخلـي .. واغتربـك
اسامرك .. واسهر .. مع الليـل وابكيـك,=واحياء .. علـى كلمـة .. عيـاده أحبـك
شوفي غـلاك .. اللـي معـذب محاكيـك,=يموت بك .. وان مات بـك .. ينتحربـك[/poem]

طـفـل يرســـم .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
جبل وادي ونخله .. والحمامة .. في سماه تحـوم.=طفل يرسم خياله .. من خيال الحـب .. والطيبـه
عشَق لون الربيع .. بداخله .. ما زار عشقه لـوم.=و لكنه ..! كره .. خبـث الوجيـه اللـي تغنيبـه
معه كراسته .. ما غاب عنها .. من غلاهـا يـوم.=يطالع رسمته .. في عالـم الوحـده .. وتغريبـه
تعمّد .. ما رسم .. في رسمته .. فوق الجبال غيوم.=يخاف الغيم يقفي .. والزمـان الشيـن .. يقفيبـه
وتعمّد .. ما رسم للشمس موقع .. لين هذا اليـوم.=يخاف ان المواقع .. تربط الواقع .. مـع الغيبـه
بعد فتره .. طويله .. لون الأًسود .. وحط نجـوم.=لان الليـل بعيونـه .. سهـر فكـره .. وتعذيبـه
مسح ذيك الحمامة .. من خياله .. قبل وقت النـوم.=يخاف انه اتوقع..! في عذاب الشـك .. والريبـه[/poem]

(((لاصار خلك عسل لاتلحسه كله)))
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
((لاصار خلك عسل لاتلحسه كلـه))=غلطان راعي المثل منهو له الباقـي
الا ابـي الحسـه مادامنـي خـلـه.=هذا حبيبي غرامـي منبـع اشواقـي
يانور حـيي وريـح الهيـل بالدلـه.=زودن على كل هذا صاحبـي راقـي
يدرس علوم الطبيعه برض محتلـه.=من كثر حرصه علي يشكي من فراقي
مايدري اني بحر الشمس انـا ضلـه.=مايدري انه قمر ليلي مـع اوراقـي
الجوء بارد ونـا فـي قمـة التلـه.=اشوف زوله وناجـي ربـي الواقـي
لاوالله الا سيوفـك بالحشـى سلـه.=اجرح مدامك سماي وكوكـب افاقـي
بس انتبه فيه ناس اهنـاك مختلـه.=لاتبيح سري وسرك ينكسـر ساقـي[/poem]

بيت طـين .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
كن قلبي .. بيت طين وكل ..ماوسطه خـراب.=انهدم حوشه على الروشن .. وطاحت هيبتـه
وانفتح بابه ..على طرد الهبايب ..والسـراب.=والدرايش ..سكّرت بعض النظر .. في خيبته
إنبنى في صحصح(ن) مافيه غير الاغتـراب.=غير رمث(ن) داخله ..شاف القهر من ريبته
وفيه عصفوره على المرزام ..تشكي للسحاب.=من عطش جذع المقام ..اللي ضمى من شيبته
هذا قلبي مالقى في سـور محرابـه عتـاب.=انتهت حتى الأمانـي ..مـا تواصـل طيبتـه
آآآآه ياقلبي ..رواك الحزن ورويـت العـذاب.=كيف تروى ..من عذاب الحزن ..قبل مصيبته
ان فتحته ..صار صدري من معاناتي كتـاب.=وإن تركته ..مالقيت اللي بكـى فـي غيبتـه[/poem]

بيتكم مهجووور .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
على ذكر الامل .. مريت بيتـك .. يالعيـون السـود=لقيت .. اغلى عبارة .. كنت كاتبها .. علـى بيتـك
سهم.. لكن قلبي.. مختفي.. ما هـو معـه.. موجـود=سوى .. قطرات دمـه .. باقيـه .. وتقـول حبيتـك
سألت .. جدار بيتك .. وين قلبي.؟.. قال لي .. مفقود=بصمتي .. مختفي .. خايف غريبه .. كيف صحيتـك
تجاهلته.. وانا من كلمتـه.. للصبـر.. فينـي حـدود=بكيت.. وقلـت والله.. فـي خيالـي.. مـا تعديتـك
وانا.. اتكلم معه.. شميت.. من شبـاك.. دارك عـود=غريبه.. بيتكـم مهجـور.. ريحـة عـود.. شميتـك
دخلت.. لغرفتك.. بعد الإذن.. مـن بابـك المـردود=لقيت.. حروفنا.. فـي غرفتـك.. وهنـاك ضميتـك
لقيت.. انفاسك.. اللي.. تحترق فيني.. بهـا موعـود=وضميتك .. على صدر الامـل .. وبهمـس ناديتـك[/poem]

طـريق خريص .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
راكب اللي .. مع طريق خريص .. رصو بنصه.=كنها طلقه .. مـن افـم .. البنـدق القناصـه
سكري لونه .. وفي عسف الطرق .. مختصـه.=والاثر .. وهق اثرهـا .. جملـة القصاصـه
بنز .. لاحدك زمانـك .. والمسافه .. رصه.=خلها بندق مـودع .. فزعـت .. الرصاصـه
المرايا .. تنصفط .. لجل الهواء .. من نصـه.=بنصفـاط امرايتيـهـا .. كنـهـا غـواصـه
الاضاءه الدخليـه .. نـور .. وَجْنَـة حصـه.=والاضـاءه الخارجيـه .. مقـدم .. الرقاصـه
والزويا .. كنهـا .. شفـه تحـرى .. مصـه.=لا غلط ..! شفة طفل .. يبكي .. يبي مصاصه
لجل مايزعل .. ابوالحارث .. وتصبـح قصـه.=ذاك يبغى ذيك .. وعيـادة .. يبـي مخلاصـه
ان مشت .. تكفى يابو طارق .. علينا وصـه.=دام ناايف .. وزع الثروه .. علـى الخباصـه[/poem]

تـهــانــي .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
شفت السماء .. تبرق ..على دارك .. اليوم.=اثـــره .. مـهــو بـــرق الـسـمـاء .. يـــا تـهـانــي
هــذا جبـيـنـك .. غـــازل .. بنـجـمـه .. نـجــوم.=والنـجـم .. يـعـكـس .. شـــدة الـنــور .. ثـانــي
لاواهـنـي .. الـلـي .. مـــع الـنـجـم .. مـنـجـوم.=يــمــكـــن .. يــشــوفـــك .. يـاحــيــاتــي ثــــوانــــي
شفنـي عـلـى شـأنـك .. مــن الـهـم .. مهـمـوم.=أمـــوت .. ويــمــوت الــغــلاء .. فــــي مـكـانــي
حتـى الغـلاء .. مـن شوفـتـك .. نــام مـحـروم.=إلا اذا أقــــبــــلــــت .. قــــــــــــام .. ودعــــــانـــــــي
كــنــه يـصـحـيـنـي .. وانـــــا .. شــبـــه مــعـــدوم.=واقــــوم لــــه .. واظـــــم طــيـــف(ن) .. لـفــانــي
خــايـــف .. يــولّـــي بـــــك .. ولاتـــقـــدر تـــقـــوم.=واضيـع بــك .. لــو الـزمـن .. بــك .. نسـانـي[/poem]

تـبـووون الصـــدق ؟ .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يموت الورد بعيون النساء مامات كحل العين.=هدب رمش العيون اللي قتلني ياهدب سـاره
تذكرتك بعد عشرين عـام بشـارع الستيـن.=تذكرت الرصيف اللي انتظرتك فيـه وانـواره
تذكرت المطر والبرد والمعطف على الكتفيـن.=تذكرت الحنين وكيف كـان وكانـت اسـراره
تذكرتك وغمـازات خـدك قفلـة القوسيـن.=وشجعت النصر واصبحت انا واحد من انصاره
كتبت اسمك على صدري كتبتـه ( س + ع )=يساوي حب ياموت القصيد وريحـة ازهـاره
شربتك وارتويتك واحتضنتك قبـل لاتدريـن.=وعرفت ان الغلاء ملعون جد وهاذي اضـراره
احبك ياعيوني بس وينك من حبيبك ويـن.؟=تعالـي يابحـر حبـي وموجاتـه وتـيـاره
تبون الصدق لاسارة ولانـوره ولا داريـن .!=مراهق صدق الكذبه ومشاها على الحـاره .![/poem]

تشتكي لوســادتك .!
 

السلام عليكم ورحمة الله وبركاته

الاخوه اعضاء منتدى بعد حيي, اسعد الله اوقاتكم بكل خير
يسرني ويشرفني الانضمام معكم في هذا المنتدى
الراقي والشامخ بكم دوما ان شاءالله ومشاركة هذه الكوكبه المميزه
بهذه الابيات, كمصافحة اولى والتي ارد فيها على قصيدة
(اسمحيلي يالغرام) للشاعرالأمير نواف بن فيصل آل سعود
متمنيا أن تليق ببعض من استحسانكم .

[poem=font="simplified arabic,5,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
تشتكي لوسادتك دنيـاك .. تسمعهـا تنـوح.=بس انا.. لو اشتكي.. شكواي.. من هو يسمعـه.؟
لا وسايد.. لاعبيـد.. ولاتضاريـس.. وطمـوح.=لامطـار.. ولاتذاكـر.. ويـن حتـى الامتعـه.؟
شف انا حظي .. يقابلني .. وانا اعرف وين اروح.=للهموم .. اللي زماني .. فوق صـدري يجمعـه.!
دمعتينٍ .. في عيوني.. تحـرق عيوني وانـوح.=آآآه .. لو امسك .. عنان الدمع .. واعـرف منبعـه
كان .. ياما كان .. في صيف العطش .. برد الجروح.=ماقدر ياقف .. مذلـة.. كيـــف يرفـع اصبعـه..!
التقدم .. في شمـوخ الفقـر .. معنـاه النـزوح.=والفقر..اعرف مقامـه.. وان عرفتـه .. اقطعـه
ماهقيت .. ان الزمن قتال.. في وقــت الوضـوح.=والزمن .. في وقتنـا بالله .. مـن هـو يقنعـه .؟
ان صبرت .. الصبر مفتاح الفرج .. ياصبر نــوح.=والحقيقه .. لافـرج .. لاصبـر.. مفتاحـي معـه.!
آآآه .. ياظلم الوسايد .. كيـف بهمومـك تبـوح.=الوسايد .. صدقها .. مـن كـذب .. ذيـك الاقنعـه
السهر .. عنواني الدائم.. على مثلـي شحـوح.=ان وقف .. وقفت جمبه.. وان مشى .. صرت اتبعه[/poem]

كحل قــوووت .! (اخـــوي )
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياراكب اللي لون بـَـدْيه كحل قوت.=او رِمشْ عيـْنِه لاغـَـفـَى في مبيته
لاصار عندك حزن والهم مكبوت.=والناس حولك والأحاسيس ميته
نـَزِّل شْمَاغك وازْعَج الجرح بالصوت.=وارْكَب على منخآت عمشاء و صيته
من فوق حرٍ اشتهر باسْمِه الحوت.=يجيب لحظات الأمل لا بغيته
بديه مثل غروٍ غنج لابسن كوت.=ضيـّق على خصره والارداف بيته
ومراتبه فيها معاناتك تفوت.=ويروح من فكرك سرابٍ رجيته
في داخله لون البنفسج مع التوت.=وفي مِقْدِمِه شيخٍ فزع مانخيته
صدامه الخلفي على الحزْن منحوت.=كنه يوادع كل دربٍ مشيته
يَاسَآيقه كَوِّع على خط بيروت.=وانـْصْ الذي لاضاق وقتي نصيته
يفدونه اللي بَسْ كشخات وبشوت.=اللي على شيخة حكي من وعيته
ويفدونه اللي طيبهم غَمْز وسْكُوت.=اللي على خبْث ولعانه لقيته
ممدوح عـِزِّي يابعد كل سربوت.=اللي على مرقاب همِّي لفيته
رجمٍ رقيته من غثاء الوقت مبهوت.=واليوم من فعلك طنآخه رقيته
يابو طويرش جعْل الانذال للموت.=ياعلّهم فدْوَة نعولٍ رميته[/poem]

الـعـالَم الثــاني .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

شبيت ناري وهم الغبن يصلاني.=ياويل حالي على اللي طوّل الغيبة

اشتاق له شوقي لضيفي وديواني.=يوم الليالي غيابي عنه تحري به

افز له من منامي لا وصل عاني.=بالحلم ،وشلون لوجاني واهلّي به

شعري وصمتي على احساسي ووجداني.=ماحرّكه غير توديعه وتعذيبه

تركتني للشقاء والعالَم الثاني.=مثل الذي يترك الاوجاع تسطي به

لامر طيفك علَي ترغمني احزاني.=على الطريق الذي لاضقت انا امشي به

ياملكي اللي ملكته قبل عنواني.=ياعمري اللي لقيته قبل ماادري به

احتاج لك كثر ماتحتاج الاوطاني.=للحاكم اللي يزيل الشك والريبة

[/poem]

مُـنَـى عيــنــي .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

تشوفني وتصد عني إذا جيت.=وهذا مُنَى عيني وهذا علاجي
فرقاك يامدوّر بجوالك الصيت.=على سنابات الكفو والزواجي
وش عاد ابفقد لافقدتك يابوليت.=ماشفت لك فزعة ولاني براجي
شرواك لوهو مابقَى بالوطن بيت.=غيره فلا يرفع لذكره حجاجي
اعَرْف قدر الساذجين الخراتيت.=واعَرف تقدير الظروف بْمزاجي
فاهم ولكن انتخيت وتمنّيت.=يروح عن وجه الكريم العجاجي
من انت يامسكين يومك تعدّيت.=جليك ابن حثلين والا العواجي

[/poem]

رد عيادة الجهيلي على حمود الرشيد
 

[poem=font="simplified arabic,7,white,bold,normal" bkcolor="darkred" bkimage="" border="double,9,darkred" type=2 line=0 align=center use=ex num="0,black""]
يامن خبر يحذي وهوماكسب شين.=ياكود ابن ناحل بماضي الزماني
خلف عطا من غالي المال ياحسين.=علّه يخلّد في نعيم الجناني
ترد الهجافا يم بيته تقل عين.=يلقون زادٍ زاهبٍ بالصياني
فعله ذكر باول زمانه وهالحين.=نورٍ نعدّه بالخفاء والبياني[/poem]


الامير/ حمودالرشيد


=================================================

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ومن بعد قول الضيغمي قولي الحين.=قولي عقب قول الامير يحداني
على البيوت اللي توارد علي لين.=امسي بها من فوق نجم اليماني
ياحمود يارمز الجبل والمسمّين.=استاذنك من بعد إذنك ثواني
اما الحضور اللي يشرّف هل الدين.=والا الغياب اللي خذله التفاني
عيال ابن ناحل علينا عزيزين.=معهم بوقت الضيق والا التهاني
اهل الفعول اللي على العز ضارين.=مقلّطين الحشو فوق الصياني
عاداتهم يوم الفقر لانحدر شين.=والجوع كافر والهقاوي تعاني
يشبع بداخل بيتهم شاكي الدين.=واليا رحل يرحل بكل الاماني
يوم السنين عجاف والمدّة شوين.=فازوا بها أول مهو فوز ثاني
عيال ابن ناحل على العسر واللين.=اجي لهم لو ماحديهم دعاني
لي الشرف لاصرت طلق الحجاجين.=وعند الرجال الكفو يِعرَف مكاني
علم الحياء يبين إيوالله يبين.=وايضا يخلّد لو يطول الزماني
خلف فخركم وافخروا والفخر زين.=الفعل يبقَى والعمر دوم فاني
المرجلة تبغَى سنافي حمر عين.=مثل خلف بالمرجلة والمعاني
ورّث لكم علمٍ به الناس دارين.=علمٍ ينومس كل قاصي وداني
علمٍ تفاخر به عيال الشياهين.=وتضيق من ذكره عيال الحَصَاني
وعلى حجر سقنا الوفاء والعناوين.=شيخٍ بوقت الضيق للضيق باني
كم أعتق رقابٍ وقف دونها البين.=يوم الشقاء ماله حدود ومواني
بجاهه ووجهه قدّروه الميامين.=يوم الزمن مابين مجني وجاني
عسى حجر قولوا معي قولوا آمين.=في جنة الفردوس بَاعْلَى المباني[/poem]


الشاعر / عيادة الجهيلي

صـناديـد العرب .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

انا اشهد ان الوضع ياشمر كفو وانتم بعد كفو=بنتوا إذا ضاقت علينا الأرض وفجوج السعة

شمر اذا اجتمعوا سوا وعلى الطناخة وقّفوا=علي الحرام انك تقول الجن بأمره يتبعه

شمر صناديد العرب من كل ناموس قطفوا=ما تشوفنا كل المكارم من خلقنا نجمعه

ماعندنا قولة رجل اعمال صيحوا واهتفوا=رجّالنا يفعل وصكّات الليالي يردعه

شمر على الموت الحمر من قبل ياصل له لفوا=الللابة اللي كل ماطاح السنافي ترفعه

شمر سنام العز مبطي إن صِفَوا أو ما صفوا=تجيبهم اسم الحميّا ماهو اسم المزرعة

شمر بعد حيي وفوا إيوالله إن شمر وفوا=إذا نخوا مطنوخ ردوا دون وجهه أربعة

[/poem]

================================================== =

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

لله در أهل الكرم والمراجل.=اللي على الفزعة توافد طوابير
وقفاتكم اسرع من ارسال زاجل.=في حزةٍ يبين فعل المناعير
العز يا رايد تعداك عاجل.=ورجع عليك يسوق كل التباشير
شمر ماعنده قول بعدين وآجل.=شمر فعوله كنها هدّت الطير

[/poem]

الـذيب والـراااعــي .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

انا لغيري ماني يابنت لاوضاعي،=وقت الرخاء له هله وانا لي الشدّة

ماجيت وقت المصالح وجهة شراعي،=مابين ساحل ضباء والا بحر جدّة

فيافي الأرض بين الذيب والراعي،=والجن في سد وسمي يومي بيدّه

تَضْحِكْني الكلمة اللي مالها داعي،=واحْزَن على اللي يقول فلان من قدّه

أذْكر بأن الطوابع تخْدم الساعي،=اللي يوصّل بريد الشوق ويردّه

إيوالله إني مني واعي وانا الواعي،=للريبة اللي بوسط الصدر ممتدّه

ياغيمة الصبح لاتبكين لاوجاعي،=منتي على ظل ضلعي غصب منحدّه

الأحزمة تنربط لاحان الاقلاعي،=في ليلةٍ مابها توضيح للمدّة

هذي سماي العظيمة وذيك هي قاعي،=وانا مابين السماء والقاع لي هدّه

[/poem]

عتق رقبة عبدالعزيز بن سعيّدالعلياني الشمري
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

ابن سعيّد مْعشّي الذيب ينخاكم.=ينخَى هل الجود شمر هم هل القمّة

هذا الذي مع وسام الطيب أهداكم.=أطلق لقب واسألوا التاريخ والأمّة

تكفون يالابتي والعلم لاجاكم.=لاتتركونه وقولوا الهمّة الهمّة

ياشمر المجد والأمجاد تنصاكم.=لادرهم الوقت باللي فاقدٍ أمّه

العيد هذا نبي قيمة ضحاياكم.=تروح للي دموعه بلّلت كمّه

بنت السناعيس صوته لايتعداكم.=واللي تبي بنتنا تبشر به نْتمّه

تكفون ياعزوتي والعز يزهاكم.=لاتتركون الحزين اللي شكَى همّه

وقفاتكم للغريب وكل من جاكم.=وشلون لامن نخَى المحتاج ابن عمّه

[/poem]

مــزارق الطـيب .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

ياللي تشرّه علي بصفحة التكتك.=ترسل علَي الصغير وتوهم الشيبة

سنتين طايح وتدري بي وعلّمتك.=ولا قلت لك ياعشيري وين هالغيبة

وسنتين ماني أنا موجود باجهزتك.=ياراعي الاولة والشك والريبة

اربع سنينٍ تمر اعجاف ماشفتك.=وانا بوصلك قبل مااطيح محري به

كم ليلةٍ من غلاك بدمعتي زرتك.=يوم ان الأيام روح الود يسري به

وعلى رغم كل هذا ماتعذّرتك.=أرد رد الصديق بصادق الطيبة

الناس ماله دخل تعطيهم اسألتك.=ومزارق الطيب بيني وبينك ادري به

احب خشمك إذا شفتك وقابلتك.=وان رحت مسموح لو تلحقني الغِيبة

[/poem]

أشــباه الرجــال .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

الله يلعن والديكم كلكم.=يااهل الغَمَزْ واللّمْز يااشباه الرجال

تكرم شواربنا نخاوي مثلكم.=ياللي سوالفكم فلا والله تقال

أزوالكم ماعاد تستر ذلّكم.=أوضح من الغيمة على روس الجبال

عسَى السنين العوج دوم تعلّكم.=حتَى نشوف الوضع يصبح له ظلال

منتم كفو ولاعاد يقرب ظلّكم.=لو مالقَى الأجواد غيره للسؤال

جعل البلاوي لااقبلت تحتلكم.=مثل احتلال القدس من بعد الزوال

حتَى على المسكين يطلع غلّكم.=حسبي عليكم كثر ماقيلت تعال

[/poem]

وطــنّــا .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

وطنا نحبه والوطن مايجيه خلاف.=مادام السعودي باذلٍ للوطن دمه

على طويق نبقَى فوق والعز به ينشاف.=مثل مايشوف العز وقفاتنا يمّه

رقينا على الأمجاد يوم الزمن ينعاف.=وجبنا لنا مجدٍ تفاخر به الأمّة

يسولف بنا اللي حط صورة ملكنا غلاف.=مثل مايسولف واحدٍ عن غلا أمّه

ويْحَيّي بنا اللي بالمدينة ومكة طاف.=مثل مايْحَيّي راعي الصدق بالذمّة

ويقدّم لنا التاريخ نبذة عن الأسلاف.=عزوم الرجال اللي على الشرع ملْتمّة

ولنا الحاضر الفاخرومستقبلٍ ينضاف.=على فعلنا الماضي نجدد به الهمّة

كذا من خلقنا الله بنا الحق والإنصاف.=وعَلَمْنا بفضل الله مكانه على القمّة

وطنا نحبه والوطن نَعْشِقِه باسْراف.=ورب السماء لويطلب نزمّه نزمّه

واذا ولّعت مافيه رجعة وقولة خاف.=علينا الفعول وقول حكّامنا نْتمّه

ولجل عين ابوسلمان لوتبْتَر الأطراف.=وقفْنا وقوف الشيخ لااقبل ولد عمّه

[/poem]

الشيخ/ فلاح بن سعدون الويباري
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

لا والله إلا شيخ قول وفعايل،=غصبٍ على الزعلان لاصار زعلان

وعندي على مااقول كل الدلايل،=أضرب على الكايد إذا صرت بحلان

ياشيخ ياشيخ السطر والجمايل،=ياطير شلوَى يوم روغات الأذهان

يالهيلع النادر كريم الخصايل،=يالوافي المطنوخ ياستر الاحزان

من راسك لْماطاك كلّك صمايل،=ماهي غريبة عزوة الشيخ صفران

اللي تعدّل كل ما مال مايل،=في ساعةٍ يبلش به الإنس والجان

فلاح شف راس الجبل وسط حايل،=وشلون رحّب بك على ظل برزان

يقول اخو فلحا لكل الحمايل،=مثل الرعيلة عند شمّر ورمان

فلاح ماتوفيك كل المثايل،=والشعر مايوفيك ضامي ورويان

تغليك شمر كلها والقبايل،=شفهم معك في كل محفل وميدان

من طيب راسك تستقر الجزايل،=عندك ولا غيرك للامجاد عنوان

[/poem]

عــز الــدااار .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

انا السعودي والعلم بطويق،=مرفوع بالامجاد يالغالي

ماجتني الامجاد بالترويق،=جتني غصب من هيبة عقالي

من عقب ماينشف بحلقي ريق،=تشوفني بالعالي العالي

آمالي اللي ورثها التحليق،=غصبٍ على اللي مابغَى آمالي

انا السعودي ماابي تسويق،=اليا ادبرت تسوقني حالي

العز انا مااحتاج للتصفيق،=ماتشوف هالدنيا تَعَنَّى لي

وقتي ماهو للّعب والتشويق،=وقتي لعز الدار بافعالي

من قبل وقت النفط والتطبيق،=حب الوطن أفداه بعيالي

انا السعودي ماأبي تنسيق،=بيني وبين المر والحالي

دون الوطن يالله بك التوفيق،=أموت من دونه ولا ابالي

[/poem]

ســاحل السـالين .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]

انا ماقلت لك لاتشتكي الاوجاع للمقفين،=نصحتك لكن انك ما تطيع النصح بالمرّة

صديقي والأمل باقي مع اللي عندنا غالين،=لو إن الكبد فيها من عبث أهل الوفاء حرّة

تصافحنا على الدمعة وقلنا للتعب بعدين،=كسرنا قلوبنا وحنّا نغنّي انكسرت الجرة

وصلنا مرحلة تمثيل دور ابليس والتنّين،=ولقينا عقولنا من دون تنجب للخطأ درة

نبي نسلا ولكن وين نلقَى ساحل السالين،=لو إن الموج يوجع لانْكشف للمرتكي شرّه

ودايعنا حسبناها ولكن حسبة الغاوين،=اهم شي نخلص وزرار البارحة زرّه

بدايات اللقاء وردة وخاتم ضحكة وتخمين،=ونهايات الحكاية موجة الأشواق مفترّة

سلام الله على الحبحب سلام الله على السكين،=سلام الله على اللي لابسط كل الملا سرّه

مجرات السماء تحتاج للي بالسماء دارين،=والأرض تقيّم أهل الأرض في حفرة وفي جرة

[/poem]

يـوم الـوطـن .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
سلام يايوم الوطن والتباشير=سلام يايوم الوفاء والعزيمه
سلام ياابطال الوطن يالمناعير=سلام يااحفاد الرجال العظيمه
يوم الوطن هذه السنة شامخ وغير=فيه الجهات الأربعة مستقيمه
بقيادة اللي جيّته جيّة الخير=الخير في وجهه عسى الله يديمه
فعله فلا يحتاج نبذة وتقرير=وايْديه للمحتاج دايم كريمه
ملك بوجه الكايدة والأعاصير=يوم الملوك بْرغْد الاحلام نيمه
سلمان غيث اللي شكَى شحّة البير=اللي من الحسرة حلوله عقيمه
ابوفهد وقت السنين المعاسير=يعدّ لقدوم المصيبة وليمه
هذا الذي لاقال حتى الأساطير=من خشيته شافت مذلّة زعيمه
هذا الملك ماهم ملوك الدنانير=اللي تغيب ولا تجيب الغنيمه
يوم الخيانة تبتدي صمْت وتغير=يموت من خان السعودي بضيمه
هذا ملكنا يامر الأمر ويشير=على الذي ذاق القهر مع نديمه
من هيبته شف نظْرته والتعابير=وشلون صارت لجل شعبه رحيمه
وشبله ولي العهد خلّا زمَهْرير=تالع بمنهو يستحق الشتيمه
لعداه مايعطي مساحة وتبرير=جاهم ونكبات العواقب وخيمه
إن ولّعت ماقال كم المخاسير=خلاّ عدو الدار يصلَى جحيمه
لحدود داره ما تجوز المعاذير=النار ياويل العدو من هشيمه
إذا وقف تاقف شعوب وطوابير=واذا جلس تنزل على الجود غيمه
واذا مشَى ياقف له المجد تقدير=واذا ابتسم هب البراد ونسيمه
واذا لمح في نجمة الليل تقصير=حوّل بها للقاع ستر وحشيمه
لاصارت الأحوال تبغَى تدابير=شال الثقال اللي علينا مْقيمه
الناس وسباع الخلا ونادر الطير=إستامنوا به لاغياب وجريمه
من زود حرصه لالفونا المسايير=أصبح أبو للاجئة واليتيمه
وبحماه مهما يصير ويصير ويصير=لنا بتوجيهه معزة وقيمه
هذا محمد ماخذا الوقت تنظير=هذا الذي وقته مهابة وشيمه
سيفٍ لنا يوم السيوف البواتير=تخشاه يوم الغبن جور وظليمه
ودرعٍ لنا لاصار بالوضع تخدير=يبين لاصحاب العقول السقيمه
وعلاقته بالشعب من دون تصوير=علاقته بالشعب جداً حميمه
اميرنا اللي طوّر الدار تطوير=حتَى اهتنَى ابن الوطن في نعيمه
ماتشوفنا ناطَى على الأرض ونْسير=وخطْواتنا ماتعترف بالهزيمه[/poem]

ســاير عســاك بخير .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ساير عساك بخير وبخير وبخير=ويدوم عزك ياصديق الرسالة
أغليك ولك عندي معزة وتقدير=ومسوّين بي كل ساعة جمالة
جِبِلّتِك سيفٍ لوجه المناعير=وتاقف بوجه أهل الحكي والحثالة
وعن واجب الأجواد ماجبت تقرير=تفعل وفعلك ياعضيدي لحاله
وافي يابوصالح ولافيك تقصير=يوم ان بعض الناس تقصِر حباله
لايابعد من يجمعون الدنانير=اللي تموت ولا يسرّه رياله
مطنوخ في وجه الرخاء والمعاسير=ومن الصطر تختم على كل طالة
لي الشرف أمْدَح زبون المخاسير=ولي الشرف لاصرت لي ولْد خالة[/poem]

ابوبندر الغـالي .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
إذا دعاني أنا المطنوخ,=أمثال أبوبندر الغالي
أجيه لوني ورَى صلبوخ,=لي الشرف وارفع عقالي
انا اشهد إنك لبست الجوخ,=يوم الزمن صابه اهبالي
لايا بعد واحدٍ منفوخ,=بالقول ماهو بالافعالي
إذا عزم ينثني ويدوخ,=خوفٍ على وفرة المالي
والا انت علمك مهو مشروخ,=علمك رقَى المرقب العالي
من السيافا عيال شيوخ,=تاريخنا كله ابطالي[/poem]

العـنـوز .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
الله يعز العنوز بْكل وقت ومكان.=انا اشهد ان العنوز بكل ساعة وحين

وافين يوم الزمن ماله خوي وضمان.=ومن الصطر روسهم لا ماتغيب وتلين

أهل الشجاعة إلى حان اللقاء والأوان.=في حزة العسر دحّتهم فْعوله تبين

عيال وايل على الأيام أمن وأمان.=وعلومهم تفتخر فيها جميع السنين

للمجد ذروَه وللتاريخ عرش وكيان.=تاريخهم فوق بالقمه ورب اليقين

مكانهم مرتفع ماينزلون الطمان.=ودايم مع الطيب راعين الوفاء وَالْمين

وقفاتهم للدخيل وصوت رفْع الأذان.=كذا هل الدين واهل السيف هم واقفين

مكارم الجود فيهم من قديم الزمان.=وللحين جود المكارم هم بها فايزين

يَعَل وايل وذريّة هله بالجنان.=مع الرسول الشفيع وساير المسلمين[/poem]

حـديث النفــس .!
 

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
فاقدٍ صحراء الشمال الجرهديه.=مثل ما افقد لقاء فيصل وماجِد

يوم اشب النار بالأرض الخليه.=والسوالف مع حديث النفس واجِد

ماغبطْت الراجحي وابن عطيه.=دامني راضي ومتعافي وساجِد

ولاعلَي اخلاف يانجد العذيه.=لي حضور ولي ظهور ولي تواجِد

من فضل ربي علَي كلي حميه.=يوم ولد اللاش متْوَهق وهاجِد

لجل ربعي لو على حوض المنيه.=مااتحسف يامْعَضْعِضْة النواجِد

ياعساني فدوة اهْل الشاذليه.=وقبلهم جعْلي فداء أهل المساجِد

ومن يقدّم للضحَى وقت العشيه.=عند ربعه لافعَل يلقَى وياجِد[/poem]

خـيــال الفـكر .!
 

خـيـال الفـكر

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
غابت الشمس والقضبان قدامي.=والأمل فاقده والضيق وش حلّه
خابرٍ لي صغيرٍ يسحب ابهامي.=للطريق الذي يبغاه ويدلّه
رحت عنّه وانا ماادري عن ايامي.=تمْهلن وألتقي به وآمن بظلّه
من غلاه أشتكي حزني على احلامي.=واثر الاحلام مكبوته ومحتلّه
كثرة هموم قلبي زادت اوهامي.=حسبي الله على الحرمان والعلّه
مابقي لي سوَى طيفه مع إلهامي.=أرسمه في خيال الفكر وانزل لّه
أتذكر وداعه لي من العامي.=يوم دمعه قبل لايضمني هلّه
المفارق كسرني كسر الاصنامي.=والا انا ما أعّرْف الموت والذلّه
آه من جرحي اللي بيّن ودامي.=لو سترته بشاش الناس تفطن لّه[/poem]

ســوقي وميقـاتـي .!
 

ســوقي وميقـاتـي

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياأيها الناس ما ملّت أناملكم.=من الكتابات عن سوقي وميقاتي
تباً وسحقاً لكم والسيف يبلغكم.=عن أرذل القوم حين ينكر انصافي
سئمت منكم ومن رجسٍ يحدثكم.=حتى بلغت السحاب المغدق الظافي
صوتي وعزمي وتمهيدي يودعكم.=إلى لقائي إذا يسمح لي انكافي
الليل ليلي ونجم الليل ينذركم.=والفجر نوري وشمسي تفضح الخافي
قد يبلغ العلم حتَى في منازلكم.=أو ينزل الجهل في بيداء مشرافي
إني رأيت القيامه في مبادئكم.=يغض عنها النظر من كان متعافي[/poem]

ابـي شـــوفك .!
 

أبـي شـــوفك

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ايوالله اني ابي شوفك ومحتاجك.=مثل احتياج اليتيم لضمّة الجدّة
يانور عيني انا دربك وانا سراجك.=وانا معك بالرخاء والضيق والشدّة
ودي اكلّمْك لكن خايف ازعاجك.=واللي يكلّم مثل حلياك من قدّه
و ودي بنظرة عيونك وحاسب احراجك.=لامر وقت الثواني وابتدَى عدّه
أنا السجين الذي يتأمل افراجك.=على أمل شوفتك مدّة بعد مدّة
أتعب على شان تصرف لي من علاجك.=واسهر على شان طيفك مااقْدر اهدّه
وان ضامك الوقت بس ارفع لي حجاجك.=حنا الطنايا هل الوقفات والردّة[/poem]

تـتـصــل بـي .!
 

تـتـصــل بـي

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
تتصل بي وانا فاقد جهاز وشريحة=وانت ضايق علي ومْن القهر تتصل بي
ياهبوب الشعيب اللي تنفّست شيحه.=ويانسيم النفود اللي نبض فيه قلبي
أدري إن الثواني في غيابي جريحة=وادري إن القصيد اللي مهو فيك سلبي
وكل حاجة تغث النفس ربي يبيحه.=دام فيها الخيال اللي معك يحتفل بي
صح مااقدر أشوفك والموانع صريحة=لكن إني بحرف اسمك على طول ألبّي
ياعيون الغزال اللي وقف بعد طيحة=يوم اوثّق جبال المملكة في كْتيبي
الموارد على لقياك صارت شحيحة=ونار شوقي بصدري يالغلا تشتعل بي
ياغرامي عطاك اللي يحبك صحيحه.=لو غرامك على تندة حياتي قلب بي[/poem]

نـبـض قلـبـي .!
 

نـبـض قلـبي

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
آه وغبن روحي وش حصل وش جرَى.=كل شيٍ احبه بالوجود انعدم
حافظٍ سرّي وسرّك وكلٍ درَى.=ليه يانبض قلبي وش يفيد الندم
ليه علّمتهم والجرح ماقد برا.=انقطع حبل وصلك لو أسج القدم
صورتك في خيالي والمدن والقرَى.=ماتشيله إزالة،لاأوامر هدم
أعشقك عشق طيّر لي لذيذ الكرا.=والهواجيس عقبك فوق صدري ردم
كل مااكتب رسالة كن صوتك قرا.=المفارق صدمني ياحياتي صدم
أتصبّر ودمعي فوق خدي جرَى.=والمشاعر على شوفك عبيد وخدم[/poem]

سلام الله على جهينة .!
 

ســــــلام الله على جهـينة

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
سلام الله سلام المخلصينا=سلام الله على الفتح المبينا
سلام الله على الجهنان كله=رجال العز والجنب المتينا
سلام الله عليهم من عيادة=سلام اهل الوفاء للراحلينا
جهينة لاانتخوا دون المصايب=قسم بالله ولابعده يمينا
يحلّون البلاوي والدعاوي=عن المعسر وعن غبن الحزينا
جهينة فوق بالقمّة تربّع=ماهو قولة سمعنا القايلينا
نشوف وشوفنا شيٍ مؤكد=بشوف العين شفنا الغانمينا
جهينة مجدها ماهوب عادي=على مر الليالي والسنينا
تبين أفعالهم في كل حزّة=مثل مابان للحق اليقينا
جهينة عز للإسلام والله=وللتاريخ قومٍ حافظينا
جهينة صيتهم مبطي مْخلّد=مهو توّه علوم الفاتحينا
ومابعد القصيد إلاالقصيدة=نَعَرْف اللي لنا واللي علينا
هلابالشيخ شيخٍ عند ربعه=جهينة تخلّي القاسي يلينا
هلابالشيخ منهو كان جدّه=يقدّرهُ مليك المسلمينا
سعد جدّك وفي جدّك تباهَى=ياشيخ الفعل والعلم السمينا
سعد جدّك وفي جدّك تنومس=ياشيخٍ كل ماكَبْرت تبينا
سعد جدّك ومن جدّك تسبّب=بْعفوٍ دام خيرٍ للسجينا
سعد جدّك وجدّك دام فخراً=إذا ذَكْرَت اسامي الاولينا
يابن صيّاح ياعايد سعدنا=برأيتك أمام الطيبينا
وانا اسمي الجهيلي لاجهيني=ولكني أحب المكرمينا
فـ شمر لابتي والإسم يَكْفي=عن الدنيا وملك المالكينا
طنايا والطنايا الموت الاحمر=فحتَى الأرض تعْرف مالدينا
دعينا من جهينة ياجهينة=لنا والله الشرف إذا دُعينا
يشرّفنا مجيء اهل المكارم=ولوهم في الكواكب ساكنينا
مطانيخ العرب تاتي بعضْها=ويقولون الحيا علْمة يبينا[/poem]

مشــاوير المسـآفآت .!
 

مشــاوير المسـآفآت

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
النفود اللي مواطيك تاطاها= جعْلها للسيل ياغض الانهادي
المحبة ربي اللي لك انطاها=أنت تاريخي بـ هجري وميلادي
يامسافات المشاوير وخْطاها=يامشاوير المسافات وعْنادي
ضمّني لين المعاليق تنطاها=نطو خربوشٍ من المعضلة بادي
شوفتك منْوة وانا من تباطاها=شوفتك تغْني عن الزاد يازادي
نزّلي رجلك علي عقب ماطاها=الأثر مكشوف ياغض الانهادي[/poem]

ابو راكـان .!
 

أبو راكــان

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
جاني خبر إن الوليدة بليهان.=منقول عنا والعلوم ارهقتنا
طير السعد من لابة العز حِجْلان.=أهل الوفاء يوم السنين خْذلتنا
والله ورب البيت لك عندنا شان.=نغليك لو دنيا العجب فرّقتنا
انا اشهد إنك للوفاء خير برهان.=يوم الليالي بالثواني نوتنا
تبقَى يابو راكان للمجد عنوان.=كم مَرّةٍ فعايلك أسْعَدتْنا
وليد يافخر الإدارة والاوطان.=تميّزك خبرة نهوض احتوتنا
وتعاطفك مع كل طالب وبلشان.=هذا دليل ظروفنا لاازعلتنا
تبقَى يابو راكان ويعيش راكان.=وتبقَى على وضح النقاء سالفتنا[/poem]

هـل الوقفــات .!
 

هـل الوقفــات

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
بيّض الله وجيهكم يااهل الحميّة=ياهل الوقفات لسهوم المنايا

لابتي أقسم قسم أكبر هديّة=من عظيم الشان خلاق البرايا

إن عطيتوا ماتضيق الجرهديّة=عين من ترجي سناعيس وطنايا

ابشري يابنت سنّعْنا القضيّة=من فضل رب السماء ثم الدهايا

ابشري باهْل الوفاء واهل العطيّة=جوك شمّر بالمدد جيش وسرايا

أبشري يابنت من عشّى سميّه=يوم صكّات الزمن جوع وعرايا

أبشري وفعولنا صبح وعشيّة=لين يطلع من يلَوّذ بالزوايا[/poem]

تصـالحت مع نفسـي .!
 

تصـالحت مع نفسـي

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
انا تصالحت مع نفسي كذا في كذا=وماني بزعلان ولا ضايق أبد من أحد
ولاني بقايل لنور الشمس ياحبذا=وماهمني واحدٍ عقب المودة جحد
واللي خذا ماخذا مهما خذا لو خذا=مسموح والله يحلّه بالسعة واللحد
جرّبت والتجربة عقب المَعَرْفة لذا=بكون أوّل مشارك بالمقام اتّحد
وباخذ الوقت لو يسمح شعوري إذا=أقبل علي المطر والدّرب منّي شحد
أضحك على العنْف لاقالوا لحقه الأذى.=وابكي على اللي بعَد ماغرّروا به فحد
والهاجس اللي معي بين المحاني هَذَا=بقرا عليه الحديث اللي مايقراه أحد[/poem]

مشــاعر الشـوووق .!
 

مشــاعر الشــوووق

[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
منعاً للإحراج مابي للغضي طاري.=اللي عليه العيون بدمعهن كبّن
انا اشهد إن المفارق يَكْسِر وضاري.=وآآآشيب عيني على اللي من سنة حبّن
راح ورحل وانطفت ناري مع انواري.=وهموم صدري بصدري ياعرب شبّن
أثر المحبّة خطرْها لاسرَى الساري.=توهِم له الدرب وجروح الشقاء لبّن
مشاعر الشوق تدفن صبري الجاري.=في ساعةٍ مادريت إلا وهن طبّن
حسبي على الحزْن والأوهام واسراري.=وعلى الحقيقة ومنهو بالخفاء سبّن
وشلون اسولف على نفسي عن اعذاري.=وانا الوحيد الذي جور الزمن نبّن
متَى يسيل الشعيب اللي ورَى غاري.=واشوف شعبان حايل كلّهن صبّن[/poem]