|
مجـرااات الســماء .!
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
يابدر كيف الحال وشلون الهقاوي يابدر=ضاعت وهي تشكي من الرمضاء ومن جور الضماء من قال إن القَدر والتقدير في وسط الصدر=هذا عمَى واللي فزع له شخص بالشدة عمَى القَدر عند اللي يبل الريق ويهد الجَدر=في ساعةٍ تعْرف مقامك عند حامين الحِماء اما سوالف ناقتي درّت وعيّت لاتِدر=مثل السؤال اللي جوابه للأمانة ربما والشاهي اللي ماخدر ياعل عمره ماخدر=ماني مكلّف في مجرات السماء واهل السماء في وادي الازور وفي وادي الاديرع مع مدر=السيل واحد لكن الوجهة حدودٍ وانتماء والفعل فعل اللي يطق الصدر وتشوف القدر=في ليلةٍ تاه الحسود ومات مصّاص الدماء[/poem] |
من شــان ابن عمي .!
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياللي تبشّرْنا بطيحة ولدعم=عساك ماتبطي تطيح بمطيحه لاصار ماعندك حميّة ولا دم=اقلط على راس الردَى والفضيحه نموت ما سِمْنا طنانا على كم=ياللي تدوّر للسوالف منيحه مهما يكون الجرح والغبن والهم=من شان ابن عمي نحرْت النصيحه ومنهو تكلّم فيه بقول له قم=لمناطحٍ بين النطيح ونطيحه[/poem] |
قروووب ابوحصــة .!
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
قروب ابوحصة اللي بكل وقت ومكان=اصبح حديث التواصل في قلوب الجميع قروب ناجح ومسعدنا ووضعه أمان=على فئات العمر والعمر زهرة ربيع يزرع بنا الإبتسامة دون وصل وضمان=والضامن الله وسبحان العلي السميع كم اسعدونا عقب جور الجفاء والزمان=عسَى المعاريف من بين البشر ماتضيع قروبهم اجتماع احباب دون احتقان=الله يديم السعادة والمقام الرفيع لولا المحبة فلايوجد غرام وحنان=ولولا الأوامر فلا به شخص يمكن يطيع شكراً لكم كثر شكر المعْرفة للكيان=وكثر المسافة مابين الأندلس والبقيع [/poem] |
شــاطي الآمـــآل .!
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
ياشاطي الآمال ياعزوة البيك.=مافيك لاخوّة ولابك مروّه جيتك وانا اللي ماعلَي من معاليك.=وتدري بوضعي ماهو الوقت توّه ما اقسّى من الحرمان إلا مواليك.=لامن قَلَب عقب الوفاء والأخوّه الوضع مايحتاج خطّة وتكتيك.=ولا انتا بحاجة شخص عقبي مْفوّه الحين لو أذّن على راسك الديك.=الديك مايدري براسك وجوّه لكن على الله وصدق الأيام ينبيك.=عن حاتم الطائي وخيله وضوّه توهّقت قبلك شيوخ ومماليك.=واللي تبي تسوّيه سوّه وسوّه مااحْدٍ عرف وشلون تفهم مباديك.=لاصار رملك في حضورك مشوّه تلاشت ايامي وطابت لياليك.=والصقر من عقب الهدد صار بوّه[/poem] |
عزنا بطبعنـا .!
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
عزنا بطبعنا والكل داري.=والمكارم من خلقنا نحتميها الكرم فينا ماهو أمرٍ وزاري.=ذي طبيعتنا ومجد العز فينا جودنا ماهو بحاجة شخص قاري.=الشعوب تشوف فينا مالديها والتراحم بيننا غيث وصحاري.=تشهد ارض المملكة واللي عليها والشجاعة ماكسبناها اضطراري.=جبلةٍ فينا ونأخذ في يديها والمراجل ساسنا والفعل ضاري.=والأصايل للمصايب نعتليها سطوة التاريخ والوهج الحضاري.=مايَبِن غير السعودي يحتويها من مؤسس دارنا والصيت ساري.=عن علوم المملكة ومواطنيها [/poem] |
ســتر الاقـلاااام .!
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
تمرني آهآت الاوجاع ياشوق.=واضحك ولو جرح الزمن بي تمكّن ياشوق لو وجه الحياء صار مدفوق.=ماهو أنا اللي لاتوهّق تمسكن أما أعيش لفوق واموت انا فوق.=والا الغياب اللي من الشمس فكّن مبطي وانا من سطوة الحزن مخنوق.=ومبطي علي صكّات الأيام صكّن ومبطي سهرت بْهَم وانام وافوق.=على الهموم اللي بالاضلاع ركّن ماعاد للمنطق محبّين وحقوق.=الشكوَى لله كان الأوهام شكّن بكرَى نشوف وستر الأقلام مفتوق.=واوراقنا البيضاء عن الحبر زكّن [/poem] |
وقـــــآر الحشيمه .!
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""]
رحلت ياساس الكرم والمواجيب.=من عرفتي لك كل يومٍ عزيمه يبكي عليك الجود والصيت والطيب.=وجبال حايل والعيون اليتيمه الامعط العردان ستر الرعابيب.=في ساعةٍ فيها البلاوي عظيمه لوغبت عنّا ذكر طرياك مايغيب.=ياابو اليمين الوافية والكريمه يابوهلا يابوكثير التراحيب.=ياابو السنين المقبله والقديمه ياابو المراجل ياحصان الاطاليب.=ياابو النوايا الطيّبة والرحيمه صحيح مااحتجتك ولايلحقن ريب.=في وقفتك يوم النديم لْنديمه يابوعبيد جروح صدري معاطيب.=عليك لاهبّ البراد ونسيمه الشعر قلته للضلوع المحاديب.=وتقول مايكفي يامال الغنيمه إكتب وخل الأرض تخلَى من العيب.=من قبل لايِدْفَن وقار الحشيمه [/poem] |
صـيحـة ألـم .!
(صـيـحـة ألـم )
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""] يارْشيد ماالومك على فقد من راح.=الله يلوم اللي بفقده يلومك انا ادري إن الحزْن في داخلك صاح.=صيحة ألم فيها تعانق همومك يارْشيد جرحك غير مجموعة جراح.=دمعك على كتفي وبلّل هدومك يارْشيد فرقَى مهجة الروح ذباح.=لكن نبيك وكلّنا في لزومك يارْشيد لو صبر الجمل ودّع وطاح.=يارْشيد تكفَى لاتهاوَى عْزومك يالله عسَى سلمان في خير وارباح.=عند الرحيم اللي بْيِدِه قوت يومك في جنةٍ مابه سوَى غير الافراح.=وتشوف بشرَى الخير في وقت نومك [/poem] |
دار الكرم .!
( دار الكرم )
عزنا بْطبعنا وياهلا في ربعنا والعَلَم فوق الجبل والوفاء من نبعنا السعودي مايهاب بالحضور وبالغياب والعلم فوق الجبل ومن نصانا مايخاب دارنا دار الكرم اعتلت راس الهرم والعلم فوق الجبل بين طيبه والحرم مجدنا المجد الأبي وصيتنا ماهو سبي والعلم فوق الجبل والوطن له مايبي والأخوّة بيننا ماتخالف ديننا والعلم فوق الجبل نرفعه بيديننا ديرتي دار الجدود عن مساحاته نذود والعلم فوق الجبل وكلّنا أمن وحدود السعودية شموخ للعدو لا ماتنوخ والعلم فوق الجبل مرحبا بارْض الشيوخ ناقف لكل الظروف ولا لحقنا أي خوف والعلم فوق الجبل وننثني دون الوقوف #عيادة_الجهيلي |
صـالات الأمـل .!
صــالات الأمــل
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""] كلٍ يبي يعذرب على عيال الحرار=ووقت اللقاء مافيه موعد للقاء وكلٍ يقول إني أنا شمس النهار=وكلٍ يقول اني على وضح النقاء وكلٍ يقول اني أنا شبّاب نار=وكلٍ يقول اني تعبت من الشقاء البارحة مرّيت سوق الاعتذار=ولقيت فيه اللي هقيت ولا هقا وسلّمت والتسليم بعد الاختبار=على الذي ينزل ولا مرّة رقا ما رد واحلامي على نفس المسار=حسبي على احلامي عساها للبقاء ياضلعي الأيمن على متنك غبار=وياضلعي الايسر ظلالك إتقا اشوف صالات الأمل والإنتظار=وصبري علّي ماشح لكن ما سقا بيْدَي مفتاح الطواري والقرار=لكن معي نبل المبادي والتِقَا [/poem] |
صـدْمـات الذهووول .!
( صـدمات الذهووول )
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""] ارحلي مالك بقلبي مكان ولا محل.=ولابقَى لك عند مغليك من فترة قبول الغلاء اللي حافظه لك من ضلوعي رحل.=ماترجّعْه القصايد ولا انصاف الحلول ابعدي بِعْد الهقاوي علَى مشاهد زحل.=في نظر من ضامه الوقت وعيال الخبول الغرام اللي احتويته من فعولك بحل.=من طبايعْك الغريبة على مَر الفصول شايلك برموش عيني عن اطراف الوحل.=وانتخيت وقلت ياضلع قول اللي تقول لكن اني ماتوقّعت وبلك انتحل.=غيمة الأرض الجميلة على حسْب الميول مابقَى لك قدْر عندي وتقديرك ضحل.=وكل حاجز بيننا ليت من ربي يحول ماعليه خْلاف لو جسم محبوبك نحل.=المهم اني تماكنْت صَدْمات الذهول [/poem] |
هــاجوسي وموّالي .!
هــآجوسـي ومـوّالي
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""] يامرحبا بالحبيب اللي علَي غالي.=ترحيبة المملكة بْحجاج بيت الله أشتاق لك يابعد حيي هوَى بالي.=مثل اشتياق السعودي للوطن كلّه يازين عقبك ترَى سم الشقاء حالي.=والعين ماغمّضت من بعْدكم لله حبّك أسرْني وطيفك دايم قْبالي.=ياويل قلبي غرامك ياالغلا تلّه ياروح روحي وهاجوسي وموّالي.=ياعمري اللي ثمان سْنين محتلّه خذني من اوّل لقاي لآخر آمالي.=الله يحيّي نباك وحي هاالطلّه أنت السعادة وقَدْرِك مرتفع عالي.=وسيوف عِشْقك بْصدري يالغضي سلّه لاواهني الصِغِير الداله السالي.=ماصابه الهم والاحزان والعلّه [/poem] |
أهـل الزعــامة .!
( أهـل الزعــآمـة )
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""] مرحبا باهْل الزعامة والزعامه.=عند الاسلم طول عمره ماتغرّب لابة الأمجاد ليوم القيامه.=عزوة اللي من هموم الوقت غرّب من يعاديهم تعذّره السلامه.=ومن يخاويهم لقَى الطيب المجرّب صيتهم فوق السحابة والغمامه.=يوم صكّات الزمن خفيه تسرّب الرجولة والشجاعة والكرامه.=كاسبينه غصب بالفعل المعرّب والحمية عندهم تلقَى مرامه.=عند الاسلم ثابتة ماهي تدرّب أسلمي والأسلمي تلقَى اهتمامه.=عند ستر وجيهنا يومه تكرّب من سطر راسه مصمّم في كلامه.=يوم كلٍ لاادْبرت قام يْتَهَرّب [/poem] |
ليلة عمر .!
ليلة عمر
[poem=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""] مرّت علينا الظروف اللي بْحِرْ الجمر=ونقول بكرا تزين وندري انه تزين ربك إذا راد لك يالعبد ليلة عمر=يبي يجيك الفرج والله هو اللي يعين تمر الأيام والأيام عيّت تمر=بعيون الايتام لامر الحِزِن والحنين واللي يقولون عنه الناس أدهَى وامَرْ=حنا عليه الليال اللي مضت صابرين ذمّة هل الخمر مربوطه بْكاس الخمر=وذمّة هل المكر محتاجه لْعذرٍ سمين الناس بالناس ندري والنخل بالتمر=ومْداحم الوقت يبغي له نعومة يدين والنصح إرشاد ماهو بالجفاء والزَّمِر=حتَى ولو جارت الدنيا على الطّيبين الشك وارد على نارٍ حطبها سّمِر=وماوهّق الأذكياء إلا عيون الفطين [/poem] |
دبيب التمتمة .!
( دبيب التمتمة )
صاح الصياح وقلت يالله عسَى خير ماادري صياح الفوز والا خساره تجمّعوا أهل الدلال المباهير على طرف زل الصديق وقراره إلى متى وانا اسوق المعاذير سوق الجمال الشقْح من عقب غاره تعبت وارهقني زماني مع الغير واضحك على وجْع الألم وانتصاره لكن ورب البيت لوصار تقصير بالحلم ذقت بْنوم عيني مراره تهجع وحوش البر حتى العصافير وانا على ضلعٍ تهايل غْباره مركاي ما تنبت عليه النواوير يدمي بْكوعي لابغيت اختباره اشرب من الغيمة وانا تحتي البير واسمع دبيب التمتمة وانكساره وينه صباح الخير يالاقي الخير سلّم عليه وذكّره بالزياره |
كتافاست
(كتافاست)
مصدّعٍ راسي وابي لي كتافاست اللي بكوب الماء بسرعة يذوبي اسج عن هم الزمن وان تونّست رجعت لاوجاع الظروف مْغصوبي ماهي على كيفي وانا لو تحسّست ماانلام ياوجه الزمان الشحوبي من كثر صكّات الليالي تلبّست ثوبٍ مهو قدّي ولاهو بثوبي حافي قدم على ممر الخطر دست ومدري متَى ألقَى الطريق الجنوبي أعاتب احلامي وفيها تلولسْت ومن خلقتي شرقي يعاتب غروبي لو هي على العيشة على خبزة التوست قزّرْتها لو العرب ما دروا بي وسوس لي الشيطان مرة و وسوست وعيّيت لاني عند الانس مْحسوبي أنا على نُبل المكارم تأسّسْت نمت وصحيت وكل الامجاد صوبي |
سيرة المطنوخ .!
( سيرة المطنوخ )
أشهد ان الليالي ماعليها ضماني نوب عيد الضحيّة ونوب حرب المغول وين من هو على صد البلاوي نخاني يوم جيته وقلت ابشر تقول وتطول روّحت سيرة المطنوخ والوقت شاني بين مالك قبول وبين كلّك قبول يانجوم السماء مافيه نجمٍ دعاني لجل أبرر لأهل الأرض ضوّك يحول نرسم احلامنا والعمر قاضي وفاني وكل مخرج نبي نطْلَعْه يطلع نزول طيري اللي كفخ من بين عوج المحاني مالقَى له من الحسْرة مسار و حلول يافيافي بزاخة لو لقيتيه عاني اسمحي له على شاني يصول ويجول يانديمة عيوني لاغزاني زماني ياعسَى حزنك اللي من غيابي يزول ضلعك اللي يورّدني جميع الأماني لو انا عن فضاه الحين شبْه مْعزول |
الشريف السنافي.!
( الشريف السنافي )
يابو جريّد فوق والله تعلّيت كل المكارم وانت طيّب و وافي رجلٍ شهم يوم الشهامة تبي بيت ولايْقْلِطِه إلا الشريف السنافي أمثال أخوسلمَى على هامة الصيت له وقفةٍ عند المطنّخ تْشافي الطيب مايحتاج خطّه وتشتيت يحتاج من بشْته على المجد ضافي شرواك لامن رحت والا بعد جيت شرواك لاقالوا سلام وعوافي حياك ربي وانا عندك وحيّيت في وقْفِتِك واقول ماهو بكافي لنّك خذيت الجود من غير تصويت طرقٍ على المِبْغِض وابو كل هافي مطلق ومطلق ثبّت الفِعل تثبيت يوم الليالي بيّحت كل خافي |
أمـي .!
( أمي )
بشّروني عن امي ياهل الدوحه ياعساها بخير ووضْعها طيّب والله إن الحِزِن يجتاحني نوحه ليتني حولها موجود وقريّب المواعيد مكسورة ومجروحه والهقاوي تغث الصدْر وتشيّب خادمك فدوتك قلبه على روحه كل حاجه تبينه دوم متْهَيّب الليالي قِسَت والنفْس مذبوحه والمواعيد فيها الغبْن متْسيّب المشاعر عن امي أوجعه بوحه والوجع يودع الرجّال متغيّب المرض لايجيها وابْعِد بْشوحه ياإلهي طلبتك وانت ماتْخيّب |
زنـقــة .!
( زنقـة )
لا والله إلا حب شرواك زنقه حبّك معذّبني وانا فيه مزنوق لاشفت بيتك قلت انا فيه خنقه ابوك مايكرم ولاحولكم سوق كلٍ معه سيفه ودرعه ورنقه والعبد جوهر سلّم العبد معتوق على الذي شبرين ياسعود عنقه وثوبه على الساقين ياسعود مشقوق والخد لونه بين مشمش ومنقه والزول زول اللي من الخيل مسبوق يغار خصره لاتضايق تْرنقه يغار خصره يمسكه شي من فوق دحدرت انا بألفين مليون زنقه من سبّتك ياشوق ياشوق ياشوق ================================================ [poemd=font="simplified arabic,7,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black""] لا والله إلا حب شرواك زنقه=حبّك معذّبني وانا فيه مزنوق لاشفت بيتك قلت انا فيه خنقه=ابوك مايكرم ولاحولكم سوق كلٍ معه سيفه ودرعه ورنقه=والعبد جوهر سلّم العبد معتوق على الذي شبرين ياسعود عنقه=وثوبه على الساقين ياسعود مشقوق والخد لونه بين مشمش ومنقه=والزول زول اللي من الخيل مسبوق يغار خصره لاتضايق تْرنقه=يغار خصره يمسكه شي من فوق دحدرت انا بألفين مليون زنقه=من سبّتك ياشوق ياشوق ياشوق [/poemd] |
مرثية بالشيخ ممدوح بن طلال بن غضبان بن رمال
مرثية بالشيخ ممدوح بن طلال بن غضبان بن رمال
مرحوم يانسل الشيوخ المسمّين مرحوم يامنهو للأمجاد قمّه أحس ياممدوح حايل من الحين تبكي عليك وصابته كل غمّه عسى السحاب اللي له اليوم يومين يمطر على قبرٍ ضلوعك يضمّه رحَلْت والرحلة عليها ملايين بكرَى يموت العبد ويموت عمّه ناسٍ تبي ترحل وذكره مهو زين وناسٍ رحيله يرّث الشوق همّه يدعي لك اللي في صفوف المصلّين ويبكي عليك اللي قسَى الوقت زمّه كم فزعةٍ ورّدْتها يااحمر العين على الصحيح وعاش بيرك وجمّه وكم وقفةٍ وقّفْتها لشاكي البين يوم ان صكّات الليالي تخمّه وكم عانْيِن من دون صك وبراهين جاك وعطيته مايبيه ويهمّه أدعو معي آمين آمين آمين واللي دعَى لممدوح دعوة يتمه |
حاكم العيادة .!
( حاكم العيادة )
سلام الله على الشيخ الصحيح وشِيخته نوماس يوم إن الشق هذا الوقت أكبر من غطاء الرقعه ترى الشِيخة لها ناسه يوم ان الناس جور وباس لها من ينثني من دون ربعه حزّت الفقعه مثل حاكم قبل ياصل سمعنا المجد والنوماس يحيّون بمقامه يوم للواقع نعم وقعه هلابك عند منهم يحتمون العز والنبراس يو إن الدم ياصل للركب ماقيل هالنقعه ياشيخ المرجلة ياطير شلوَى ياصليب الراس طناي اليوم قل لي ياعضيد العرف وش وقعه ياحاكم شيختك ماهي بْتَجْره من ذهب والماس خذيته يوم قولة كم ورَى الموت الحمر بقعه هذي الشِيخة يوم إن الكارثة تضرب لها الأجراس نذير القوم يركض وجبهته ماتامن الصقعه |
مدْح حـاكم .!
( مدْح حاكم )
إنتخَى بي قرْم مطنوخ وْ وليده قلت آمر قال آمر ما تِكَفّي قلت عطني العلم قال ابغَى قصيده قلت منهو فيه قال اللي بْصَفّي شيخ والشِيخة مهي توّه جديده شيخته يوم الأمن شبه مْتَخَفّي يوم شيخ القوم مايامن عبيده ويوم ولْد العَود عينه ماترفّي قلت حاكم قال هو يِشّر بإيده مدح حاكم هو هَوَى بالي وشَفّي قلت هذا الشعر يستأذن بَرِيْدِه والقصايد في شموخه ماتْوَفّي هيلعٍ واكبر من الساحة رصيده والعَلَم باسْمه على القمة يرفّي #عيادة_الجهيلي |
ضـو القمر .!
(ضو القمر )
ياويل قلبٍ هموم البارحة تلّته مع خايعٍ ماوقف به لاصديق وعدو قمت اتلفّت على حزنٍ سبب علّته الضيقة اللي بها كل النشاما غدوا الشمش تطلع وظل الضلع ماخلّته يمشي ظلاله على كيف الحضر والبدو لا واهني الصغير اللي دمح زلّته ابوه عقب الضجيج اللي غشاه الهدو ياليت راع الذلول اللي نسَى دلّته يرجع لها عقب ماعلّق رواق السدو الأرض تستامن الراعي على غلّته لو المعادين بسيوف المشايخ حدوا الذيب لو أوهَمِك ضو القمر ذلّته إحذر ترَى الوضع مزري لوتسوق الفدو ياملْه الأحلام وياسمجه وياقلّته وياكثر من هم على خلق العظيم اهتدوا إبليس يلْقَى هَلِه ويلقَى بَعَد شِلّته واهل السوالف بتاريخ العفون اقتدوا |
وقفة المطنوخ .!
( وقفة المطنوخ )
الطيب كايد على اللي مالهم حزّه على الحضور المشرّف عند الاجوادي وابوفهد كل علمٍ عانمٍ كزّه لين اصبح الخير بين الضلع والوادي حسين لاضاقت الأوضاع واهتزّه ياقف لها وقفة المطنوخ للغادي يفدونه اللي على مَهْنَاش مرْتَزّه أهل السوالف عليها الذل معتادي ولا يابعَد واحْدٍ لاولّعت دزّه اللي ماينفعك لاهجري وميلادي المجد يبغَى هل المعروف والعزّه مثل مايبغَى الوطن إنجاز الاحفادي يفدونك اللي تقط بْشاي أبو وزّه ستّة يقطّون في كيكة وبرّادي لو أكتب الشعر من حائل إلى غزّه ما اوفيك ياحسين واسْر الليل يامْنادي انا اشهد إنك على الهقْوات لك فزّه يوم ان ولْد الردي تابع وينقادي |
صهوة وطنّا .!
( صهوة وطنّا )
انت مدري من تكون ولكن إنّي ماضَرَبْت حساب قبلك للمثنّى الهبنّي مايجيب إلا الهبنّي مستعير الاسم ماعمره تعنّا المراجل ماتجي درس وتمنّي عارفين الوضع يا كنّا وكنّا (وان طلع لي في سواد الليل جنّي) اما انا هيْجَنْت والا الجن غنّا والله اني مِعْطِيِن نفسي وكنّي آخذ الدنيا على صهْوَة وطنّا لو ما أمْلِك بالبسيطة غير ظنّي قلت ياظنّي عسَى ماشر حنّا استلم بالبيد عن طيفي وعنّي لين تطلع شمسنا منّا ومنّا مايزعزعني ظلام ولاتجنّي أنبسط لاشفت منهو يمتحنّا |
ولد وايل .!
( ولد وايل )
العذر والله يابوخالد وانا اللّي عذري معي أكبر من الأرض والشمس سالم وسالم فوق بالمستقلّي من خلقته والمجد يرمس معه رمس هذا ولد وائل ودوم مْتعلّي من قبل يِخلق صانع الجيب والجمس هذا ابوخالد إذا قلت من لي يقول انا والصوت عالي مهو همس ونخيت لي غالي برتبة مضلّي حلالها يوم الهقاوي بها عمس عبيد ماتلقاه وقت التسلّي تلقاه لاغال الردي براحت الخمس مايتّقي يااهْل الطريق المولّي لو في طريقه نمر والا ولد نمس كحيلان قل لي وش حصل أمس قل لّي مديرنا زعلان والا رضي أمس |
الله يسعدك ابو طارق مديرنا الغالي
على جهودك يابعد راسي انت |
اقتباس:
هلابك استاذنا ومديرنا الغالي ولك الشكر الجزيل على حضورك المشجع ويسلم راسك الله يسعدك شرفت الديوان وناقل الديوان لاعـــــــــدمنا وجووودك. |
وجه الحقيقة.!
( وجه الحقيقة )
ببليس يابعض المواضيع ببليس ماني وكيل آدم على عيال حوّا ولاني كفيل أهل الكلك واللواليس اللي براطمهم عليّه تلوّى جاملت لين الهيس طبّل له الهيس ومخاوي الأنذال قام يتطوّى المرْوحين الخايبين المناحيس اللي بذكْر غليس شرّه تقوّى اللي سوالفهم بخلف الكواليس غير الصحيح اللي نشوفه مْسوّا ماهم كفو لاضاقت الأرض بالعيس والله فلا تلقَى بهم شخص روّا تبّت يدين مزخرفين الدواعيس اللي على ذل المواجع تهَوّى يالايك الأمجاد مافيه تكبيس وجه الحقيقة من يدينا مْكَوّى |
( هبوب الريح )
لولا هبوب الريح ومشاهد البيد لايطق صدري مثل طق الزجاجه في خايعٍ مافيه للبث تمديد وماطبّه اللي له مع الناس حاجه ولاجاه منهو ينتظر جيّة العيد اللي زمانه مايعكّر مزاجه يمرح به اللي كل جوفه تناهيد اللي سماء ضلعه بعينه ملاجه يشكي عليه الحزن ويزن ويعيد واذا سكت يرفع لبرقه حْجاجه الأرض شبعانة شيوخ وصناديد متَى على الله فوق الارض نتواجه ونفك قيد اللي كسر رجله القيد وينزل عليه الغيث عقب العجاجه يالله ياللي ما لوصْلك مواعيد إنك تشوف اللي بوصْلك علاجه |
مزعزعة الختوم .!
( مْزعْزعة الختوم )
اي والله إني ضايق الصدر مْهموم وياقوّة الله كان حيلي ماقوَى صبرْت لين الصبر شفته بالحزوم يوم ان ذيب البارحة جاع وعوَى حيّيت به وربعي مْزعزعة الختوم سودان روس وقولنا ماله لوَى ايه السيافا والسيافا له عْلوم يشهد لنا النجم الكبير اللي هوَى مااحْنا بحاجة للدعاية والرسوم وتاريخنا علاج الذي ماله دواء المجد حنا ومجْدنا فوق الغيوم يشهد لنا الغالي وملعون الثوَى لكن لنا ياذيب لوزانت سْلوم مهما غوَى اللي بالرخاء مهما غوَى إبن سعيّد ياعسَى خيره يدوم موجود لك من قبل لاتاصل نوَى |
فرقَى اللقاء .!
( فرقَى اللقاء )
حزني كلاني مثل ماتاكل النملة السكر اللي وقع من كاسة الشاهي ليت الحِزِن لاوصلني ياصلن جملة ولايجيني مْفَرّد أو أنا ساهي ماعاد فيها عقب فرقَى اللقاء صملة توعّد الحزْن ليلي وانكسر جاهي وش فيه باقي معي من باقي الحمْلة حتى يكون البعير شعيل متْباهي يازامل الزمل مايحتاج له زملة يحتاج له شيخ قومٍ لا ادْبرت راهي اللي إذا ضاقت الأوضاع يجهم له مهو مْتحرّي بزوغ الشمس يالفاهي لولا الجبل والشعيب ولمعة الرملة والله فلا اعيش يوم ان الردي لاهي |
| الساعة الآن 02:16 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010