يالقريحه زمجري هاليوم غير=الكبير الحين في عيني صغـر
ياحياتي مابقى فينـي كبيـر=انكسرت وكل مافينـي خـدر
لعن ابو جدك ترى مالي جبيـر=غير شوفك والفحل هد وهدر

والله لاخلي كـل قافـي مفسـر=وجيب علم اللي على حد بالـي
قافي واعرفه لا نوا الشين كشر=يقلب حلاتك مر والمـر حالـي
وان طعتني جنب وخلك مشفـر=والا ترى كبدي عليكـم تلالـي

في خاطري ضيقه مع اشويّة اهموم
يلعب بها الغربي ليا هبّ عسّاس

ياللي تذرا بالعرب والحميا=والله لو ثارت عليك القريحه
يوم ان كلن للجزيلات عيا=انا وراسي والمعاني فضيحه
ون كان عندك للمعاني غزيا=بحر ترى الديبان نسمع فحيحه

المطر ريحه رسول ٍ نظير // تبري نْسامه جروح ٍ تصيح
ترتفع يدّي رجاها يطير // فوق دار ٍ مزنها بالنطيح
دار خلّي أنسقي ديم غير // عن هواها لا يجيها مطيح

وش لو تركني صاحبي بين الأمواج
أصارع أمواجه وحيد ٍ لحالي


الهمّ مولود ٍ رفيق ٍ بالإنتاج
يرضع معانا بالمهد والمحالي

جزت عيني يابو جاسم صويب وماهنالي بال = وذا لي خمسة اعوامن وانا بداخلي مبلي

اجامل واتصبر وادري ان الحال مثل الحال = عقب فرقى هوا بالي فمن لي بالهوا منلي

احبه ياعسى ماله بعمره حظ مع رجال = حيثه يوم خلاني سرق مني انا كلي

فلا عاد اهتوي غيره ولا فالبيض من له مال = خفوقي لو عشر غيره من الخفرات جازلي

المشاركة الأصلية كتبت بواسطة على النيه (المشاركة 1329930) مكتوب اعيش العمر وانا اراقب .... كيف السفينه تنكسر وسط الامواج على النيه

ياللي قضت عمره بعينه تراقب=انا قضيت العمر ساهج ومسهاج
الوقت يمضي والليالي تعاقب=اي والله اني للوفاء منك محتاج

المرجله تصعب على طايح الفال
والشعر نور ٍ فالليال الظليمه

بلشه ليا صار المرافيق هبال
وانت الرزين اللي كلامك يقيمه


مره فعوله تحت المجاريف تنشال
ومره يروكض في كلام النميمه