|
انتظر النصيحه والمشوره
السلام عليكم ورحمة الله وبركاته
الاستشاره دائما خير وانا وضعت مشكلتي هنا اشوف ارائكم الاهل خطبو لي زوجه ووافقو اهلهاااااااا والمشكله من القرايب وبدون علمي !!!!!! وانا احب وحده ثانيه ووعدتها بالزواج ولا اريد غيرها ماذا افعل ؟؟؟ انتظركم |
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين إنت يالغالي استشرت طيب انتي نسيت شي ثاني وهو الاهم إنك تستخير وماراح ربك يخيب ظنك وشكرا لك |
[align=center]هلا بك اخوي
الاستخارة امرها عظيم ما تدري الخيرة وين استخر وكثر منها واذا حسيت انك بعد الاستخارة ما فيه اي قبول لقريبتك تكلم مع اهلك بشأن الزواج من قريبتك لأن هذا زواج مو حقل تجارب وانت اللي بتتزوج مو اهلك انت نظرتك لزوجة المستقبل غير نظرت اهلك ما احرضك انك تعلن العصيان لكن احسبها من كل جهة ما فيه انسان كامل ايش اللي ما تقدر تتنازل عنه بزوجة المستقبل اجلس مع اقرب خواتك لك او مع امك وقل ابي كذا وكذا بزوجة المستقبل والدين شرع النظرة الشرعية يمكن تشوفها الشوفة الشرعية وترتاح نفسك اعرف لك واحد خطبة له اخته ملكة جمال وشافها شوفه شرعية ما ارتاح وراح وخطب وحده ثانية تقرب له يقولي بلسانه مو مثل جمال الاوله فرق بس ارتحت لها من يوم شفتها واللحين عنده منها عيال ومبسوط الله يتمم عليه السعادة ولا يغير عليه وترى الجمال جمال الروح وانا اخوك اكرر كثر الاستخارة احنا بشر ما ندري وين الخيرة فيه يمكن اللي تحبها بعد العشرة تكتشف فيها اشياء تخليك تكرهاا وبالنهاية هذي قسمة ونصيب اللي مكتوب على الجبين بتشوفه العين الله يكتب لك الخير [/align] |
هوجاس
اذا تبغى مشورتي ونصيحتي ^ ^ ^ انا اشوف مادامك وعدتها بالزواج لازم توفي بوعدك معاها وانت شكلك تحبها واللي يحب يضحي عشان اللي يحبها اوقف قدام الكل واثبت لنفسك ولناس ولها انك رجال والرجال عند كلمته على الأقل تطلع صادق بينك وبين ربك. الله يسامح بس العبد مايسامح |
يا ناس ما يصير
هذا زواج .. شلون أهلي يروحون يخطبون لي وأنا ما أدري الي بيتزوج لازم يكون رأيه هو الأول .. قبل كل شيء نصيحتي لك .. لا تسوي إلا الشيء المقتنع فيه هذي في الأول والأخير (عشرة عمر) .. ما هو يوم وإلا شهر وإلا سنة واهلك حاول توصل لهم فكرتك وتوضح لهم الموضوع .. وأنك تحب وحده .. وتبي تتزوجها والله يوفقك دنيا وآخرة |
هوجاس
اسأل الله ان يكتبلك الخيرهـ انا مع اخواني صلاة الاستخارة مطلوووبه في مثل هذه الظروووف وتأكد اخي ان اهلك لهم نظرهـ في مثل هذه الأمور وانهم ارادو بك الخير اعذرني اخي عندي الكثير بس ماحبيت اذكرهـ هنا اتمنى لك التوفيق والسداد |
بس حبيت استفسر في البدايه .. عن موضوع البنت اللي أنت واعدها بالزواج .. علاقتك فيها بالضبط وشي ؟؟؟ بما إنه فيه تواصل بينكم يعني !! أرجع لموضوعك الأصلي .. أنصحك بما قاله الإخوه .. و هي صلاة الإستخارة .. و في البداية و النهاية الخيرة فيما اختاره الله .. و عسى ان تكرهوا شيئاً و هو خير لكم .. لكن استخر و أنا اختك .. و حاول تكلم أهلك بالمنطق و الكلمه الطيبه .. و هم أكيد بيدورون مصلحتك .. و إذا ما صار اللي تبيه .. هذا مقدر و مكتوب .. و لا إعتراض على أمر الله .. أتمنى لك التوفيق أخي فيما عزمت عليه .. و اسأل الله لك الخير .. |
انا من راي الاخوان ماقصرو بالحقيقه
الله يقسم الي فيه خير |
صلاة الاستخارة
والله يوفقكـ معها او غيرها |
حبيبتك اولى لمن لها القلب ميال
ولا يهمك غيرها |
ملتاع شمر اشكرك بس اعتقد صعبه صراحه
|
وترى الجمال جمال الروح وانا اخوك
صدقت شاعر مشاعر ولكن لو هي جمعت بين الاثنين ؟؟ هنا الكلام |
انا اشوف مادامك وعدتها بالزواج لازم توفي بوعدك معاها
نعومه حيل اشكرك والوعد موجود وربنا يريد خير |
هلالي اشكرك
نعم كلامك صحيح ولكن الوالدين كيف اعصيهما ؟؟؟ |
النوفي اشكرك على كلامك
بس حبيت استفسر في البدايه .. عن موضوع البنت اللي أنت واعدها بالزواج .. علاقتك فيها بالضبط وشي ؟؟؟ بما إنه فيه تواصل بينكم يعني !! امل علاقتي حب شريف والكل من الاقارب عارف الشي |
| الساعة الآن 10:19 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010