عـزي لقـلـب ٍ صــار هـمـه مخـاويـه=متعلـق ن لاهـوب شايـب ولا شـاب
لاقــادر ن يـفـرح بـشــي ٍ يسـلـيـه=ولا قـادر ن يلبـس علـى حـزنـه ثـيـاب
راعـي الطمـوح يمـوت مـادرك مناويـه=لاخاسـر ن حلمـه ولا كاسـب اعجـاب
لاهــو فقـدلـه شــي عـشـان يرثـيـه=ولا ظفـر فـي شـي يحسـب لـه حسـاب
اقسـى عـذاب يخلـي الرجـل يبكيـه=عـذاب لكـن تتفـق فيـه الاسـبـاب
لامن عشـق حاجـه ولاهيـب فـي يديـه=لاصابـر ن منهـا ولا عنهـا تــاب
الـحـر وافـــي مـايـخُـون بـراعـيـه=حتـى لـو انـه دون راعيـه ينصـاب
لاضـاعـت الهـقـوه تـمـوت المشـاريـه=ماكنهـا الا ثـلـج فــي كـفـي و ذاب
خطـاي عطيـت الشنـب حـق يوفيـه=اليـن ماشفـت الـمـره ذلــت اشـنـاب
حتـى ردي الـسـاس يفـخـر بماضـيـه=في وقت ساوا النـاس مابيـن الانسـاب
وش عـذر مـن صـدق كــلام ٍ يغـذيـه=لاصـار منهـو يدعـي الصـدق كـذاب
علمـت نفسـي درس مانـي بناسـيـه=ماقيـل لــي ولا حفظـتـه مــن كـتـاب
لاحـدنـي وقـتـي عـلـى شــي مابـيـه=اعـز نفـسـي ومـنـة الـنـاس بـتـراب
الله يـرجـع كـــل غـالــي لغـالـيـه=والله يــرد الشـمـل مابـيـن الاحـبـاب
اللـي يبـي الفرقـا عسـى الله يهنيـه=مـانـي ورا المقـفـي مـطـارد وطــلاب
لـو كـل مـن قـفـى بتـبـع خطـاويـه=مافارقـت عينـي موالـيـف واصـحـاب
ياصاحبـي ماعـاد لـي شــي اداريــه=بينـي وبينـك مابـقـت كلـمـة عـتـاب
اللـي يحـز بخاطـري لـيـه احاتـيـه=ماهـوب يستاهـل شقـا وحرقـة اعصـاب
الظن لامـن خـاب لاتقـول لـي ليـه= وش فايـدة تفهيمـك الظـن لاخــاب
كنت احسبك بستـان محـدن يجـي فيـه=واثـرك محـل ٍ ينبنـى فوقـه اطـنـاب
امووووت ضامي واحضن الهم واخفيه=ولا آرد المـا لاشربـت منـه كــلاب
لـو كـل شـي بخاطـري رحـت اسويـه= وش عاد ابسـوي اذا خاطـري طـاب

المشاركة الأصلية كتبت بواسطة كبريــاء شـــمر (المشاركة 499814) علمت نفسـي درس مانـي بناسيـه ماقيل لـي ولا حفظتـه مـن كتـاب لاحدنـي وقتـي علـى شـي مابيـه اعز نفسـي ومنـة النـاس بتـراب صح الله لسان شاعرها قصيده لاتوصف من جد رائعه بكل مافيها من دروس وحكم.. والجمل انت عقاب النهار ذوووق وابداع الله لايهينك الغالي على الاختيار المذهل.. والله لا يحرمنا من ذوووقك الرائع والاكثر من رائع.. مع كل الشكر والموده تقل مروري..

المشاركة الأصلية كتبت بواسطة نورالدنيا (المشاركة 499837) امووووت ضامي واحضن الهم واخفيه ولا آرد الما لاشربـت منـه كـلاب لو كل شي بخاطري رحـت اسويـه وش عاد ابسوي اذا خاطـري طـاب سلمت سلمت نقل جميل كعادتك اخي سلمت يدك على روعة الإختيار

المشاركة الأصلية كتبت بواسطة حنيين الشوق (المشاركة 499935) اللي يبي الفرقـا عسـى الله يهنيـه ماني ورا المقفـي مطـارد وطـلاب لو كـل مـن قفـى بتبـع خطاويـه مافارقت عينـي مواليـف واصحـاب ياصاحبي ماعـاد لـي شـي اداريـه بيني وبينـك مابقـت كلمـة عتـاب اللي يحـز بخاطـري ليـه احاتيـه ماهوب يستاهل شقا وحرقة اعصـاب الظن لامن خـاب لاتقـول لـي ليـه وش فايـدة تفهيمـك الظـن لاخـاب رائعه القصيده بكل ماتحويه من ابيات عقاب النهار الله يعطيك ألف عافيه على روعة اختيارك صح لسانك ولسان شاعرها دمت بحفظ الله..