|
[ مميز ] تخيلوا لو نجح
سمعت كما سمع البعض قبل يومين او يزيد انه تم القبض على مجرم الكلية عفاني وإياكم من الإفساد واهله وقد سميته مجرم الكلية تخيلو لو نجح وقام بفعله المشين ماذا يترتب انا اتخيل مالايحمد عقباه لاكن الله جل وعلا يمهل ولايهمل لاكن سؤالي ماذا عند ولاة امورنا وعند القضاء لهذا المجرم لاتقولون ياشمري حايل لامر بسيط لا مو بسيط ووالله لونجح بفعله المشين تلقاء المجالس كله يتفرجون بجوالاتهم هذي بنت الفلان وهذي بنت الفلان من هانت عنده عورات المسلمين لابارك الله فيه لابارك الله فيه لابارك الله فيه اقوله ثلاثا؛اما من اكتشف امره من الطالبات فإني اطالب بتكريمه من لدن خادم الحرمين الشريفين وفقه الله لمايحبه ويرضاه0ووالله وانا اكتب هذا الموضوع اتمنا ان يرد علي احد الاخوة ويقول ماهو صحيح الامور طيبه وإشاعة لاكن ان كان صدق وهذ مأعتقده ان ينزل فيه حكم الله 0ولابد من اباء الطالبات والكتاب والمنتديات ان الاتمر مرور الكرام ان يكتبو ويطالبون بإنزال حكم الله وحكم الله واضح جلي والسلام عليكم ورحمة الله وبركاته واعذروني إن كان صياغة الموضوع رديئه المهم الفكرة وهذا مايهمني |
مني عارفه حكاية هالمجرم بس اللي فهمته انه يبغى يصور بنات الكليه ؟؟؟
لي عوده بالرد بس أفهم حكايته |
وصلتي على خير يبي يصور بنات الكليه هذا من الاجرام والافساد الله يرفع شانك
|
مشكلتنا مو باللي يصور مشكلتنا باللي ينشروها ويستقبلوها ويتقبلوها لو كل مقطع او صور وصلت من هالطريق أتمسحت وماأنتشرت
بتكون الدنيا بخير الله يستر علينا وعلى بنات المسلمين الله يعطيك العافيه شمري لاخلا ولاعدم |
بارك الله فيك وفي غيرتك على بنات المسلمين
أكيد المجرم لازم يتحاسب على أجرامه ومن حاول أن يسهل مهمته لابد أن يحاسب بنفس حساب المجرم كلهم في دائرة واحده ونحن معك نبعث برسائلنا لولاة الأمر بالقصاص من هذا المجرم حتى يرتدع غيره ولك من جزيل الشكر على هذا التعبير الغيورالوافي ولاتهم اللغه اهم شي الاحساس وصدق المشاعر ياغالي لك حدائق من ورد ياغالي |
تسلمين اختي استاذن سكونك الله يحفظك بحفظه من كل شر
|
احس احساس لا خلا ولا عدم ياستاذي بيض الله وجهك يوم تبيض وجوه وتسود وجوه 0
تقبل تقديري واحترامي |
ما أقول غير الله لايوفقه من هانت عليه أعراض الناس هان عليه عرضه
كيف يتجرأ ويحاول يصور البنات مايعرف العرض دين كما حاول تصويرهن هناك من سيحاول في عرضه لذلك أضيف صوتي لصوتك اخي شمري ونطالب يأيقاع أقصى العقوبات عليه والله يستر علينا وعلى بنات المسلمين أجمعين... دمت في حفظ الرحمن |
بارك الله فيك اختي شبوصه وبيض الله وجهك على ماتفضلتي هذه اعراض ووالله ان تصير كارثه عاد عارفه الجوالات ومن هذا المنبر لاوفق الله رجل يحمل في جواله صورا لبنات المسلمين وينشرها 0اللهم احفظ اعراض المسلمين ياحي ياقيوم 0
|
من تطآلب يعآقبه أخوي ؟؟!!!! الدنيا كلها وآسطات .. و من أمن العقوبة أسآء الأدب .. لو ما كآن وآثق ورآه أحد يسنده .. كآن ما تجرأ أصلا ً !!!!.. لكن نسأل الله أن يعآفينا و يسترنا في الدنيا و الآخرة .. و ألا يجعلنا تحت رحمة من لا يخآفه .. و لا يلتزمـِ بـ حدود شرعه .. موضوع مميز و رآق .. طآب لي أن أقرأه أخي .. فـ لكـْ شكري و جل تقديري .. |
بارك الله فيك اختي روووح ولي الشرف ان القاء إشادة من اخت عزيزه تملك فكر مميز وفقك الله لما يحبه ويرعاه وبعد0 حنا نبين وننصح ونطالب بالتي هي احسن ان قبل مناء فهذا مطلبنا وإن ماتحقق إلى الله المشتكى اولا واخيرا0 لاكن اقول الحمدالله اللي كشف امره تخيلي لو صار هالشي في زمن تبادل المعلومات المرئي والمسموع كان وقع الفاس بالراس لاكن انابسأل كيف يكون مغطي وجهه في مدرسة كله نساء المفروض من تدخل الطالبة تكشف عن وجهه تلزم إلزام إذا كان لايوجد الا نساء وهذا المعروف ومتأكدين منه0وتقبلي تقدير اخوك شمري حايل
|
والله انا مستغربه كيف دخل الكليه وين المشرفات عنه ؟؟؟ نحن عدنا لازم انطلع بطاقه الجامعه او الكليه واذا البنت متغطيه لازم تشوفها المشرفه
الله يعاقبه سوء العقاب ياااارب للاسف الشديد اللي عنده واسطه اقوى من الجميع اذكر ايام الدراسه ف المدرسه كانوا بعض الشباب يوقفون قدام المدرسه ونشوف الكيمرات تصور حسبي الله عليهم وفي حراس لما شاف التصوير راح ومسكه الشاب وخذ تلفونه بالغصب وكسره قدام الكل وللاسف الشدشد ان الشاب عنده واسطه كبيره سجنوا الحارس والشاب بريء من التهمه الله يمهل ولايهمل الله يبلي مثل هالنوع ف عرضهم كما تدين تدان لانملك غير الدعااااء ربي يعطيك العافيه ياشمري والموضوع والله مو هين موضوع رائع جدا تقبل مروري: روح الامارات |
بارك الله فيك اختي روح الإمارات على التعليق المميز واعطيتيني فكره عن امارات الخير 0وانتي صادقه لابد فيه إهمال لاكن نقول عن حسن نية لان الفعل دخيل ولااحديتوقعه بجد ولايجرو احد لاكن القلوب تغيرت صارت حقد وانتقام حسبنا الله ونعم الوكيل والاماناقصه صور النت وغيره مليان من البلاوي لاكن حنا نبين وننكر هذا العمل المشين0نسأل الله ان يحفظ اعراض المسلمين بكل انحاء الدنياء0ودمتي سالمة وبحفظه جل وعلا 0
|
هلا أخوي .. مجرد تعقيبآت بسيطة بعد إذنكـْ :) أنا معآكـْ نطآلب بـ العقوبة .. و أشدها بعد هذي أعرآض مسلمين و حرآمـِ ..! لكن مين رآح يسمع بـ هالوقت ؟؟! ما معآكـْ وآسطة ما رآح تأخذ حقكـْ لو بعد 100 سنه !!!! و ما نقدر نكذب الوآقع .. بـ خصوص تغطية الوجة .. فيه بعض مرآجعات الكلية من المتخرجآت و المستجدآت .. يسمحون لهمـِ بـ الدخول .. بس شرط إبرآز بطآقة ولي الأمر و أورآق تثبت إنها مرآجعة لـ الكلية .. لكن لهمـِ الحق يبقون متغطين بـ حكمـِ إنهمـِ جآيين يخلصون ورقة و يطلعون .. عندنا بـ كليآت حآئل هـ الشي .. و حتى ما يكشفون وجوههمـِ لـ مجرد وجود البطآقة معآها .. روح الإمآرات .. كآن فيه نظآمـِ بطآقة الطآلبة .. ما تدخل الجآمعة إلا فيها .. لكن من كمـِ سنه تسآهلوا فيها عندنا .. لـ أن طلعت مشآكل .. بـ خصوص وضع الطآلبة لـ صورتها على البطآقة و ما أدري إيش .. المهمـِ الموضوع سكروه من زمآن .. و صآرت البطآقة ثآنوية مو ضرورية .. مع العذر لـ أخوي شمري حآيل على إطآلتي .. لكن الموضوع يشدني اتكلمـِ فيه :) |
حسبي الله ونعم الوكيل فيه هذا الشاب ماعنده ذرة شرف أو دين الله كشف ستره وفضحه زي ما كشف ستر البنات وأطَّلع على عورات المسلمين كل الي استفاده فضح أهله وشوه سمعته وسمعة أهله ولو كانت أخته من ضمن الطالبات لم يقم بفعلته المشينه لا بارك الله فيه وفي عمله ،، سوَّد الله وجهه اللهم استرنا فوق الأرض ،، و تحت الأرض ،، ويوم العرض كل الشكر لك أخوي شمري على حسن أختيارك لمثل هذه المواضيع والأخبار التي تتطلب من الجميع وقة صادقة لمناقشة مثل هذه القضاي ومعرفة الأسباب وبالتالي البحث عن الحلول المجديه والحد منها بالنصح والتوجيه. |
Roo7
البطاقه اشوفها شي ضروري واساسي يعني نحن عدنا لازم نمرر البطاقه ع المكينه وتظهر صوره البطاقه عند حاسوب المشرفه بس لازم المشرفه تتاكد من الوجهه اللي بالبطاقه نفسه ع البنت يعني في غرفه للدخول وغرفه للخروج والغرفه مافيها ريايل مافي حد غير الطالبات والمشرفات وولاسف ضعاف القلب كثير المفروض البطاقه تكون شي اساسي شمري لاسف الشدشد الحين مو بس ع الشباب والله حتى البنات صاير هالمشكله كثير نحن بالجامعه ممنوع الكيمرات اللي يمسكونها عندها كيمرا سواء جوال او كيمرا فصل من الجامعه لكن الكليه مسموح لهم واللي صاير اي بنت تعصب من بنت ثانيه او تكون حاقده عليها تصورها وهي ماتعرف وتنشر الصور الله يستر ع بنات وشباب المسلمين والله يبعد عنا جميع ضعاف القلوب |
لاتعقيب على كلامك استاذي موادع وفيت وكفيت بيض الله وجهك يوم تتبيض وجوه وتسود وجوه 0
تقبل تقديري واحترامي اخوي |
اختي روووح بالعكس يشرفنا هذا الشي ومداخلتك الان بينت غلط كبيرقائم بالكلية وهو دخول المراجعة متغطية والصح يمنع تدخل مراجعة متغطية ايا كانت ثانيا ولماذا يتساهلون بالبطاقة الا ان الامور بربسه في بربسه خوذوها بالعامية الله يصلح الحال هذا اللي نقول 0
|
اختي روح الامارات ماعتقد تعصبون اولا كلن في حاله الا النادر والنادر لاحكم له يعني موقدوه القدوة للاكثرية ونظام البطاقات عندكم شي طيب وهذا الصح0 الان الكمبيوتر ماشتغل في اهم دوائر الدولة وهي المحاكم عندنا الله يصلح الحال وماعليش دخلت موضوع في موضوع بس مايهم للفائده والنصح0ودمتي سالمة
|
جبتها أخوي و الله إنكـْ صآدق :) بربسة في بربسة :) لكن الشكوى لله .. قسمـِ كل صبح أروح لـ الكلية أقرأ الأذكآر و ادعي ربي يحفظني و يحفظ الكل .. و لا الموظفآت ما حولكـْ أحد .. مو الكل لا الحمد لله فيه مجموعة لا بأس بها قآيمة بـ شغلها على أكمل وجه .. لكن مشرفآت البوآبات .. فيه تسآهل من نآحيتهمـِ .. خصوصا ً إن المبنى كبير و التخصصآت كلها فيه .. يعني ضآيعين بـ الطوشة .. لكن الله الحآفظ و أنا أختكـْ .. روح الإمآرات .. بطآقات الدخول ما تمر بـ أجهزة حآسوب و لا همـِ يحزنون ..! هي تشوفها و خلآص حتى الإسمـِ ما تقرأه !! أذكر صديقآتي يطلعون بطآقات بدل فآقد .. عشآن تصير معها بطآقتين .. و تدخل اللي تبي زيآره بـ البطآقة الثآنية .. لكن ألحين الكل يدخل لو يبي مو لآزمـِ بطآقات ..! × ينقل الموضوع إلى قسمـِ النقآش بعد إذنكـْ شمري :) × |
نعم الله الحافظ لاكن وجود حراس حكمة رب العالمين حتى رسولنا صلى الله عليه وسلم كان عنده حرس حتى نزلت الاية الكريمة واللة نسيت اياه في هذه اللحظة لاكن اخر الاية(بأعيننا) فبعد نزول الاية مكث الرسول صلى الله عليه وسلم بدون حرس000
واما الحارسات اختيار عشوائي بربسة في بربسة وهذا اللي حاصل ودمتي سالمة |
نسأل الله العفو والعافيه
فعل لا يرضاه من في قلبه مثقال ذرة ايمان وغيره على خواتنا يجب ان يعاقب ويكون عقابه رادع لغيره فاكثرة مثل هذه الأمور الله يستر بناتنا ويكفيهن شر من فيه شر تسلم ياراقي على موضوعك لاعدمتك |
هلا وغلا ابن العم على مرورك الراقي لاعدمتك لاكن ابي اخبرك واخبر الجميع لايوجد لي احد في التعليم يعني خلصنا لاكن يهمن اخواني المسلمين ودمت سالم
|
:h68:سهلة المشكلة يمسكونه ويجردونه من ملابسه (( مصلوخ )) ويصورونه وترسل لكل الناس
:h48::h48: |
قسم با الله في الكليات فوضى بشكل غير طبيعي
والله لو انا انسانه ابي الخراب مبطي قدرت ادخل ووصلت صور وجولات ادخل للكليه وحارسة الامن تفتش شي بسيط ويا الله روحي بس تشوف الوجه وترتاح طيب دوري اذا معي جوال كاميرا او لا ؟؟؟؟ حتى بدون جهاز لاكتشاف جولات الكامير مو موجوده عندهن ... هذا غير تصميم الكليه فيه منافذ مفتوحه بساحةالكليه وربي اشوفها بعيني اتخيل لو ان واحد اتفق مع وحده ودخل لها الجوال الكاميرا من هناك وربي تصير ليش لا اللي مايخاف الله يستهين با امور الناس ... بدى التهاون با امر جولات الكاميرا تدريجا عشان الناس تتعود على التبرج ,,, والله العظيم اختي معلمه قبل يومين جتنا حالتها حاله تقول وحده من المعلمات صورت معلمه بغرفة المدرسات المعلمه انجنت قالت وربي شفتها صورتني جت المديره فتشت جوالها مالقت فيه شي شكلها ارسلته با الوسائط>>> من الاساس ليش يسمح للمعلمه تدخل بجوال كاميرأ ؟؟؟؟ هل المعلم والمعلمه ملاك يعني او معصومين من الخطاء ولانه مافيه قوانين تحكم الجميع الرجل هذا استهان با الموضوع وراح بكل جراءه يصور:108: اتبع المقوله [ من امن العقاب اساء الادب ] فعلا عقول مريضه الله يستر [] شمري حايل [] الله يعطيك العافيه موضوعك بجد حماسي كل الشكر والتقدير لك |
كل الشكر لك اختي انوااااار الشمال يعطيك العافية وبيض الله وجهك انا ابي الامور المتخفيه تظهر مابي ناس جالسه من مسؤلين مضيعين الامانه وترزز إلى متى ونحن نشوف ولا نوصل ولاة امرنا لابد نحطهم بالصورة الصحيحة ولاة امرنا ونشوف النتيجه وبارك الله بالاخت ررروح اللي ساعدتنا ووالله مكسب للقسم ربي يرفع شانه
|
السلام عليكم ورحمة الله وبركاته
عندما قرأت الموضوع لم أفهم ماحدث بالضبط لأنني لم أقرأ الخبر بصراحه بحثت عنه في قسم الأخبار فوجدت الخبر منزل من قبل الأخ ( الراقي ) وهو كالتالي : اقتباس:
لابد أنه علم بشكلٍ أو بآخر أن الرقابة " ضعيفة " بل " معدومه " في هذه الكلية وبما أن هناك رقابة .. إذن هناك رقيب !! أين هذا الرقيب !! أين هذا الرقيب !!! أين هذا الرقيب !!!! هل ننتظر الى أن تقع الكارثة لنقوم بالأعمال الموكلة الينا على الوجه الأكمل ؟ أتوقع السيناريو التالي : في البدايه كان الرقيب أو " المراقِبه " بتعبيرٍ أصح .. متشدده في هذه العمليه ومع مرور الوقت .. أصبحت هذه الرقابة ضعيفة ، لأن المراقبه لم تكتشف أي تجاوزات ، ومن هنا بدأ التخاذل شيئاً فشيئاً ، حتى أصبحت الرقابه مجرد روتين ممل ، ولا جدوى منه - من وجهة نظر المراقبة - وهذه هي الطامة الكبرى . لذلك يجب على المسؤلين والمسؤلات عن الرقابه ، أن يكونوا في حالة شكٍ دائم بكل من يرتاد المكان ، فلا مكان للثقة في هذه المهنه ، ومن هذا المنطلق أرى أن المسئولة عن المراقبة هي المتهمة الأولى في هذه القضية .. وهي التي يجب أن تُقدم للمسائلة ، ويُتخذ بحقها العقوبة المناسبة ، لكي تكون عبرةً لغيرها ، لأنها مؤتمنة على عورات بنات المسلمين . ثانياً : فيما يتعلق بعقوبة الشاب . هذا الشاب عمره (22 سنه ) ، أي أنه ليس صغيراً ، هو رجل مدركـ ، ويجب ان يقدم للمحاكمة السريعة ، ويتخذ بحقه الحكم الشرعي المناسب ، وأن لاتأخذ بالمسئولين عن هذه المحاكمة فيه ذرة شفقة ، لأن المُصابَ جللْ ، وقد لايحس بهذا المصاب الا من قام هذا المجرم بتصويرها ، تخيلوا أنه صور اختك ، أو زوجتك ، أو ابنتك ، كيف ستكون ردة فعلك ‘ إذا رأيت هذه الصور متداولة عن طريق البلوتوث أو شبكة الانترنت ؟ ، لذلك فالعقوبة يجب أن تكون بمقدار الجُرم الحاصل ، وهذا عشمنا في قضاتنا ان شاء الله . ثالثاً : كل الشكر لكـ ياابن العم على إثارة هذا الموضوع للنقاش ، وهذا يدل على مدى غيرتكـ على بنات المسلمين باركـ الله فيكـ ، وجزاكَ عنا خيراً |
وفيك بارك اب عمي على حضورك المتميز ولا قدر اعلق وفيت وكفيت استاذي القدير
وتقبل تقديري واحترامي |
نقآط توضيحيه بسيطة .. الكلية الأدبية اللي يتكلمـِ عنها الخبر .. ما أظن أنها في حآئل .. لـ أن كليآت مدينة حآئل كلها في مبنى وآحد .. فيه مجمع الكليآت الأدبية و العلمية .. في مبنى كلية المعلمين سآبقا ً بـ حي أجا .. مع إني ما أظن هـ المعلومة بـ تأثر .. لـ أن الذنب كبير بـ أي كلية كآن و مستحيل ينتهي الموضوع بـ هالبسآطة ..! لكن حبيت أوضح إن الحآدثة مو ممكن تكون بـ حآئل .. عـ العمومـِ .. أنا بس حبيت أعقب عشآن أقول .. إن الموضوع تمـِ ختمه بـ ختمـِ التميز .. و لا تحرمنا من جديد قلمكـْ أخوي شمري :) |
بسم الله الرحمن الرحيم
السلام عليكم ورحمة الله وبركاته أولاً أخي أشكرك على طرحك للموضوع ولو اني صراحه لا أعرف ماهي تفاصيل تلك الحادثه التي دعتك تتكلم عنها أتمنى منك أخـي كتابة قصة هذا الشاب وماذا فعل لكي نستطيع التعليق على ما فعل ثانياً : أنا سأتكلم من باب التصوير وكما قراءت من ردود أغلب الأعضاء وأستيائهم من الذين يصورون ولا يخافون على أنفسهم وكما ذكرت أحد الاخوات أن هناك من يصور عند باب المدرسه .. مشكلتنا كمجتمع سعودي والمجتمع العربي عموماً في البرامج التلفزيونيه وفي أوساط المجتمع ومايتبادلونه من نقاش وفي المنتديات دائماً ما نفضل طرح المشاكل الجديده دون البحث عن مسبباتها والدوافع ورى هذه المشكله وماهي الحلول .. نعرض المشاكل ونقف .. أخـي شمري حائل أنت عرضت مشكله يعرفها جميع أطياف المجتمع من حكومه الي المواطن .. وهي ليست حديثت العهد فدائماً ما نسمع عن قضايا مشابهه أن لم تكن أسوى حالنا فتجدنا نفتح باب النقاش لهذه المشكله وندعي على مرتكبها .. وفقط ... الي متى .. هل تغير شي .. هل أصبح الشباب الأن أكثر عقلانيه .. بالعكس أصبح بعضهم أشد خطراً والكلام مو بس عن الشباب حتى البنات داخل الكليه بعضهم للأسف تقوم مكان الولد في كثير من الأمور وخاصه عندما يكون عدوها فتاه قد أحرجتها في موقف ماء أو أساءت الحديث معها فتبحث عن الأنتقام كل هذا يحدث ولاكن لماذا لا نبحث عن المسببات .. لماذا بدل أن ندعي على هذا الشخص .. لماذا لا ندعي له بالهدايه والصلاح .. لماذا لا نبحث عن ما وراء القضيه وما دوافعها .. شاب يصور فتاه .. ماهي الاسباب .. هل هي أسباب نفسيه أم أجتماعيه .. لماذا بدل من أن نطالب بالعقاب .. لماذا لا نطالب بالتربيه الصحيحه لمثل هؤلاء .. قبل زمن ليس بالبعيد كان من يقوم بهذه الفعله أقليه لا يتجاوزون الواحد بالميه .. ولاكن الأن وخلال الثلاث سنوات الأخيره نلاحظ أن هذا الموضوع بدى يتفشى وبدا يطفو على السطح .. ملاحظه ( في هذه النقطه لأ اعني التصوير فقط وأنما كذلك التحرش والأغتصاب ) اذاً لا بد من علاج يقطع أوصال المشكله من جذورها ... لماذا لا تحاول الدوله البحث عن الحلول ومعالجتة المشكله ... أعذرنـي على الأطاله كتبت ردي على عجاله فعذرني اذا بدى مني أي خطاء ولي رجعه لأرى قصة ذاك الشاب شكراً لك أخي شمري حائل !! بعد حيي !! |
بارك الله فيك اختي وكثر الله من امثالك المهم انا لم اتطرق باي مكان كلنا عورة واحده والموضوع اخرج لنا عيوب كانت مستخباة الله يصلح الحال فالواجب على المسؤلين التنقل بين مدن بلادنا لروؤية مايحدث بالكليات ولايمنع ان يسمع من الطالبات من وراء الدائرة التلفزيونيه لاوجود محذور شرعي فانا اعلم حرص خادم الحرمين وولي عهده وسمو النائب الثاني حريصون كل الحرص على بناتهم لاكن المشكله من ولي الامر هم اللي يوجد فيهم الاهمال فلازال الامر فيه مجال للاصلاح والسلام عليكم ورحمة الله وبركاته
|
عوده مستثناه بهد إذن اختي روح\\\\ هذا انا اطرح وللمعلومية انا حديث عهد بالنت وكنت مشغول في منبر ثاني وقد بينت وتحدثت والان ابشر اي مشكله مستعد نطرحه وهذا انا اقترحت على الاخت روح المسؤله عن قسم النقاش ان نخصص بالاسبوع ليله لطرح النقاش باي مسئله حادثة بالمجتمع\\\ اما قولك لماذا لاندعو له بالهداية والله ندعو له وهل القاتل او الزاني او اي مسلم وقع في ذنب ونطالب بإقامة الحد اننا لاندعو له لا بل ندعو له \وصدقني مافعل كذا الاإ نه خابر مافيه جزاء رادع\ والله يوم شرع لنا إقامة حد القتل بالقاتل قال لكم حياة بإقمة الحد لان الناس ترتدع خوفا من إقامة الحد0والسلام عليكم ورحمة الله وبركاته
|
بداية .. اشكرك اخوي شمري حايل على هذه الغيره .. والغير مستغربه على ابناء هذا الوطن الغالي
والامر الي استغربه .. جرأته ووقاحته .. وانا اقول والجميع معي .. الحمد لله ان امره انكشف والا كما ذكرت اخوي .. لحدث ما لا يحمد عقباه وتعقيب على البطاقة الجامعية .. هي موجودة .. ولكن النظام (وكالعادة) يتم التساهل في تطبيقه ولكن .. اتمنى بعد هذه الحادثة .. اولاً : يتم تنفيذ الحكم الشرعي فيه ثانيا : يتم تطبيق النظام بدون عواطف ومجاملات وكل الشكر لك اخوي مرة اخرى على موضوعك الرائع |
اكييييييييد الرقابه ضعيفه
يعني مستغربه كيف شاب يدخل كليه بنات مااحد يدري عنه وين المسؤلات الي عند البوابه ولو الصور هذي انتشرت وش راح يكون مصير البنات يعطيك العافيه شمري حايل |
ياويله من الله
ليته يعرف ان الزمن دوار والي بسويه في بنات الناس مصيره يرجع في اخواته او بناته |
الله يحفظنا ويحفظ بنات المسلمين من الانفس الخبيثه
مشكور يالغالي على النقل ودمت كما تحب |
هلالي ودمي يغلي
عاشقة شمر لمار السعودي سنجار شمر وفيتو وكفيتو بيض الله وجيهكم يوم تبيض وجوه وتسود وجوه والمعذرة حقكم ارد على كل واحد ولاكن يشهد الله الكحة ذبحتني وادعولي0 لاكن ودي اضيف البعض يقول باي مكان وقعت والله ثم والله لم انظر باي مكان لاني انظر اعرضنا وحده وبلادنا وحده وادعو الله ان يحفظ بلادنا من كل شر بقيادة ولاة امورنا ال سعود فلهم السمع والطاعة باليسر والعسر0 |
بسم الله الرحمن الرحيم
السلام عليكم ورحمة الله وبركاته اشكرك اخويي الشمري على هذة المشاعر الغيوره على بناتنا لك مني كل الحب والتقدير. اما هذا المجرم يجازيه الله .الله ينتقم منه ونطالب بانزال اقسى واقصى عقوبه بحقه كي تكون ردع له ولامثاله من اصحاف القلوب المريضه . اللهم لاشماته !!! تحياتي |
..اخوي موضوع مميز ولاكن حنى بزمان الواسطه ..
..واليوم الي عنده واسطه يسوي كل شي لانه يعرف فلان وفلان .. ..وكل شي له عقاب ودي اول عقاب يصدر هو عقاب الواسطه .. ..وهاااذاا شي مستحيل كل شي ينتهي ويقضى عليه الا >>الواسطه<<.. ..مارح تنتهي وانا مازيد على اخواني قالو وفو حبيت ابين النقطه ... ..تقبل اخوي مروري .. |
اخواني مياه التحلية
صعب المنال بيض الله وجيهكم |
| الساعة الآن 12:52 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010