|
قوقل 4/2012 لغز - محلول عبدالله بن الزبير - حله اللجاوي
اللغز واضح وسهل
ولاهو صعب عليكم واتوقع تجيبونه بسهوله ولكن كلمة حق اللى يحله انه يستاهل ماطلب باول رمعه [poem=font=",6,red,bold,italic" bkcolor="black" bkimage="" border="double,4,red" type=2 line=0 align=center use=ex num="0,black""] ابسأل اللى لعسر للالغاز حلال=ماحال من حوله حلاحيل حله عن رجل فى عزمه يناطح له اجبال=سوى اللذى محد ٍ بفعله وصل له الله واكبر كيف سواه بالحال=بين الوفا عقب الغلا هو فطن له تحت الامر نفذ كلام ٍ له ايقال=واخفي معالم شي صعب ٍ تدله باين مكانه بس تاصل له امحال=عسر مناله للمخاليق كله ياقو باسه واللوازم له ابطال= كل ٍ شهد وانا بعد شاهد ٍ له [/poem] الحل ابي من هو المقصود ووشو اللى اخفاه واللغز واضح |
يسسعد صبآحك شآعرنآ و صح آلله لسآنك على هـ آلأبيآت و آللغز جيت آقرآه بس لأني عآرفتن نفسي مآنيب حآلته و لآ بغيت آطلع بدون لآ آشكرك .. كل آلود / |
صح لسانك اخوي عقاب
وجارري التفكير ولي عودة باذن الله |
اقتباس:
انا توصلت لـ 99% للحل ولكن نترك المجال للاخوه يفكرون شوي |
وي مدري احسه غامض الغز لكن بحاول عقاب النهاري صح لسانك اخوي بس هاه ترى قلت الي يحله له الي يبي لاتنسا هالكلمه ترى مهمه عندي هههه |
اقتباس:
ووجودك ينير المتصفح ولافى شى صعب انى قدها انتظر حلك حاولى |
اقتباس:
وبنتظارك ونورتى انفاس ويالله نبي الحل واثق بان الحل لو عرفتيه بيعجبك اللغز ويكون واضح لك بالمره تقديرى |
اقتباس:
عزالله انك تحري بحل اللغز واللى مثلك ماعليه صعب وعلى راحتك ان بغيت تحل طق الحديد وهو حامي تب تنتظر براحتك |
اقتباس:
مافيه شى صعب على المستحيله وصح بدنك ولاهنتى والله واضح ولابه غموض وكل الغازى اللى قبل اوضح عن طريق الحلول وللحين عند كلمتى اللى يحله باول رمعه له اللى يبيه لانه جد يستاهل اما مع التوضيحات ماضن يكون حل من اول رمعه انتظر حلك |
اقتباس:
والله اللي يعجبني طاري البعارين هههههههههه بس اللغز بعيد عن هالشئ .. طيب وش رايك باللسان فهو ينفذ ويخفي مايملي عليه العقل والمنطق فليس كل مايعرف يقال .. وكثيرا مايوزن الرجل بكلامه .. اذا غلط وهذا اللي احسه ياليت توضح هل هو معنوي والا شئ مادي |
لغز رائع ومليان صح لسآنك شآعرنآ عقاب النهار ويعطيك الف عافيه <<<<< جاري التفكير |
اقتباس:
مافيه حد يكره البعارين والبل عطايا الله ماتبي كلام وشكلك راعية أبل هههههههههه واللسان بعيد والله ولاهو مادي ولاهو معنوي وتشرفت بمرورك |
اقتباس:
وبنتظارك شاعرتنا المتألقه تقديرى |
ياهلا بعقاب النهار دآآآئماً مبدع.......أقول
[poem=font="simplified arabic,6,black,bold,normal" bkcolor="transparent" bkimage="http://www.b3b7.com/vb/mwaextraedit4/backgrounds/17.gif" border="none,6,skyblue" type=0 line=0 align=center use=ex num="0,black""] يامرحبا بعقاب ترحيبة إجلال=لك مني التقديروالعز كله اقبل كلامي والمثايل به اطوال=يمكن تلاقي بينهن بعض حله الأوله بركان لياثاربجلال=يقذف حمم من جوف بطنه يهله والثانيه نجم النيازك له اطلال=يمشي بمرخلاق كونه وجله والثالثه ريح وعواصف وشلال=تدمروتخفي كم بلاد بحله والرابعه هم يناطح به اجبال=الهم لياجاءالصدريسقيه عله والخامسه عذري تقبله بالحال=طولت وادمح كان شاهدت زله [/poem] أدري اني كثرة الأجابات........... لاكن أعتبره اجابة اسبوع ... ياعلي ما أعدم ابداعك يامبدع |
اقتباس:
لو دريت ان هاللغز بيطلع لى هالابيات منك واللى اعتبرها درر مبطى سدحت اللغز لان حظورك وحروفك له مذاق خاص والكل كذلك بس احب اداعبك بالابيات واتهيض من حروفك [poem=font=",6,silver,normal,normal" bkcolor="black" bkimage="" border="double,3,silver" type=2 line=0 align=center use=ex num="0,black""] حياك ربي عد ماهل همال=واعداد ماخل ٍ سمر عند خله لك ياللجاوى يامواريث الابطال=سيف ٍ شطير باللوازم يسله ارحب تفضل لا تدلل وبالحال=غالى غلاك يزيل منفيه عله الاول والثانيه وخمس الاقوال=مافيهن اللى صابته فى محله ابعدت بالحومه وصفقت بالجال=وعوايدك للدرب دايم تدله لاشك كبوه وانت رجال خيال=تجيد عسف الخيل ولافيك زله [/poem] ومن شان هالابيات بوضح مقدما الرجل رجل حقيقى ولاهو مادى ولامعنوى ويالله عليكم التفكير وللعلم اللىمايعرف الحل او المعلومه طرح اللغز للفائده من الحل هذا ما اردت والعذر من الله ثم منكم اذا به صعوبه بسدح لكم الحل |
صح السانك
توقعي المجاهد الشيخ ابن لادن |
السلام عليكم وبارك الله لكم بهذا اليوم
رمعتي هو رسولنآ الكريم عليه افضل الصلاة والسلام وما اخفاه هو الاسلام في بداية دعوته فقد كان سراً .. او الصحابي علي بن ابي طالب رضي الله عنه عندما نام في فراش الرسول الكريم ليسهل امر هجرته عليه الصلاة والسلام .. او علي بن ابي طالب في غزوة خيبروكان الرسول يريد اعطاءه الرايه وقيل له انه يشكي عينيه فأُتي به الى الرسول فبصق في عينيه فبرء بأذن الله .. ومانبي تسدح الحل شاعرنا نبي نفكر ونحله بأذن الله ....:v9v9net_019: |
يعطييك الف الف عافيه عأ الغز وجـــــاري التفكــــــيـر |
هلا والله بعقاب النهار يسام راسك والله ....بس على هونك يابعدي خل اللغز لا تحله... نبي نفكر فيه
وأجمل مافيه روح التحدي يابعد قلبي نبي نرمعه اذا الاخوان ما حلوه... جاري التفكير |
انا مع الحل الي قالته الاخت الشاعره علا النيه
وما اخفاه ( ص) ليلة القدر والذي صعب الوصول له ( قبره الشريف ) والكلام الي نفذه ( كلام الله عند تلقي الوحي) والابطال هم ( هم المسلمين الذين يدافعون عنه (ص) وما سواه بالحال ( غيره من الكفر للاسلام) هذا ماتوصلت له في البدايه |
أعتقد ان حل شاعرتنا على النيه قريب .... وعندي رمعه بالوقت الضايع
كان ماهو ابراهيم عليه السلام وقصته مع اسماعيل عليه السلام ... والكبش .. رمعه على الطاير |
الغالى سلطان
مالك لوا ماهو اسامه بن لادن الله يرحمه بعيد بالحيل |
على النيه
مالك لوا ماهو على ابن ابى طالب ويعجبنى اتجاهك بالتفكير واصلى واتوقع تجيبي الحل اتجاهك بالفكر سليم كمعنى للغز وابشرى ماراح احل انا قلت احله ان كان صعب او غير مفهوم اللى اقصد باللغز لك تحيتى وتقديرى |
مها السبيعى
بانتظارك وربي يعافيك |
محمد اديهم
الغالى نوهت بالتوضيح للاخت على النيه واللى اقصد الشى اللى اخفاه تعرف مكانه لكن صعب اى مخلوق يوصل له توضيح اخر لك تقديرى وامتنانى |
الغالى / اللجاوى
ابعدت المرماع هالمره وقلت انى بسدح الحل كان هو صعب فقط ومتى ما امرتوا بتوضيح او حل ماعندى مانع القصد الوناسه ومايعجبنى بجد الحلول تفيدنا بقصص يجهلها البعض وهذا مكسب اللغز اننا نستفيد وعلى فكره متى مابغيتوا اوضح او اشرح المطلوب باللغز ماعندى مانع ان كان البعض لم يفهم ما اقصد بالابيات تقديرى لك واحترامي |
اخاف انه ملك الموت عسى الله يطول بعمر من يقراء |
اقتباس:
لا تاخفى مو ملك الموت والله يطول بعمرك وعمر الجميع قلت يامستحيله انه رجل حقيقى واللى اخفى معلومه بعد وتوضيح شى محسوس وملموس ومنظور بالعين والله ماخليت شى ماقلته يالله همتكم حلووه |
مداخله مو حل تدري وش طرى علي يوم قلت رجل واخفا له شي ملموس طرى علي لعبة عضيم ضاع مدري تعرفه او لا ههههههههه |
طيب الرجل هذا ميت صح ..؟؟ |
وربي مستحيله
عليك رمعات حلووه اما عظيم ضاح وين حنا هههههههههههههههه هذا يقطونه والكل يدوره وبليل وعلى اللى يحصله بس حلوه الرمعه والرجال ميت والحدث قديم واسمه الكل يعرفه لايخفى على احد يالله حليه والا بوديك تلعبي عظيم ضاح ان ماحليتيه ونشوف تلقين العظم او لا نورتى المتصفح وحلولك يعنى حلوه بس بعيده بالمره |
ماهو خاتم سليمان؟؟
|
الخيالى
هلابك ونورت يالغالى لا ماهو خاتم سليمان والرجل فى عهد الاسلام قبل الاسلام لاتدورون تقديرى لك واحترامى |
ماهو البطل صدام حسين وهو الوحيد الي ضرب ايران هااه بشر قربت ولا اروح ادور العظم ههههههه |
هههههههههههههههههه
وشو صدام الله يرحمه شكلى بخليك معهم تلعبين عظيم ضاح اخر توضيح ومن الحاحك بسرعه ابيه ينحل هو صحابى الرجل اللى انا اقصد رضى الله عنه عاد الغازى كلها اول هنا مع كل حل اوضح |
علي بن ابي طالب يوم نام بفراش الرسول صلى الله عليه وسلم |
مستحيله
رمعة على النيه على ابن ابى طالب هي والغالى محمد اديهم وانتى معهم نفس الرمعه انا اوضح عن انه مو على اخفا الشى هذا عن كل مخوق الى يومنا هذا يعنى حطه بمكان تعرف المكان لكن صعب انك تطوله او توصل له وكلى شكر لمحاولاتك وان كان تجهلك المعلومه لا اعلم لكن ان انحل بتكون معلومه الكل استفاد منها ويمكن تعرفينها لكن مابعد جت لك على البال |
طيب
الرسول يوم كان بالغار والعنكبوت عششت عليهم ؟ |
الخيالى
نورت يالغالى والرسول عليه الصلاة والسلام يوم الغار ابعدت يالغالى حاول مره اخرى وبنتظارك |
طيب ولا هو
سليمان عليه السلام |
| الساعة الآن 10:42 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010