|
حب أستطـــلاع ,,وألاّ شفـــايه
حب إستطلاع ..........ولا حب شفايه ...
أسمحو لي أخواني بطرح هالموظوع واللي أعتقد اننا بحايل بالذات لازم نتكلم عنه....!!!؟؟ في يوم من ألأيام كنت واقف عند ألإشاره ...وتعجبت من نظرات شخص ... الله لايوريك العيون مفنجله فنجله.. بعني مفتوحه على الآخر :shocked: صراحه أبطى يطالع وصلنا عندألأشاره الثانيه ونفس السيناريو....أشرة له بيدي وش فيه .... قام وأشر بحركه توحي بأنه يعتذر.. تعجبت وقصية القصه على بعض الزملاء الله لايوريك.. كلن جاب من راسه موآآآآل،، واحد يقول يآآآآخي يمكن الرجال مشبّه وش فيها ......!! الثاني يقول/ .. طيب الرجال يمكن وده يتعرف يآآآآخي كان تعرفت عليه .....!!! الثالث/ أنت عاد متضايق ليه وش هالغرور واحد وصار يطالعك أنت وش اللي يحرق أعصابك ياخي ماتبي احد يشوفك أجلس بالبيت :090: مادري شكله بغى يغلط ......! الرابع يقول/ أسمع لايهمك كلامهم كلبوهم ما عندك أحد العلم عندي أبسألك أنت يوم تاقف عند ألأشاره كنت مفرع وألاّلابس شماغ وعقال ....قلت له طيب ليش قال ماعليك أنت بس جاوبني وش كنت لابس .. قلت نعم كنت لابس عقال وشماغ .. ........ ..:v9v9net_015: شف وش عاد قال الحبيب طيب كنت متلطم وألأ ساكب ومزين شماغك ... ياأووووووه والله شكل ليلي طويل طوووووويل طيب ليش ياأبن الناس.... أسمع أسف أقصد تابع وش قال ... حنا الى الحين عند الرابع .. .. شف علته ..يقول وبصوت هادي شويات هذا تره يمكن يتابعك وأكيد أنه من الربع أنت مسوي شي....!! لاتحاول أنت مسوي شي ميه بالميه وألاّ كان ما تابعوك .. لا ياأبن الناس اترك الكلام بالأمور اللي انت خابر أمش سيده واترك عنك النت والمنتدايات هذي ما وراها الا وجع الراس:55ar: أسمع الخامس وش يقول / لا لا الموظوع بسيط ودآآآيم يصير لاتستغرب ولاتعطيالموظوع فوق حقه ....صراحه الخامس هذا كان رايق :h53: بس تدرون وش قال .. يقول الله يسلمه .. هذا أكيد أنه أما مروج مخدرات أو عضو بعصابة للسرقات يوم شافك يمكن كان يلمح لك بنظراته يبيك أما تشتري منه أو تبيع عليه يحسبك من ربعه:088:يآآآآآآآسلام تصدقون ياجماعه اني جبت الموظوع ابي احد يوجهني وكنت مابين نفسي وبيني ناقم على صاحب السياره آآآنف الذكر ... وبألأخير تورطت بالموظوع وبطرحه والله لا تسمعون وش قال السادس والسابع ... شررررررررط تنحاشون إلى أحد الكواكب ... ياجماآآآآآآآآآآآآآآآعه,,,,,,,,,,,:shrk: حنا وش فينا كذا وليش المواظيع نكبرها داااايم لااااا ونحاول اننا نشفي عن كل صغيره وكبيره بأي سالفه.. أرجوكم أفيدوني .. لما نطرح موظوع هل يكون دافعنا حب ألإستطلاع وألاّ حنا نحب نشفي وبس ونكبر المواظيع دايم ولماذا تحليلنا المواظيع يكون دايم حسب أهوائنا وليه نحط من الحبه قبه ياليت لو تعطوني إجابه شافيه يشرفني تعقيبكم على الموظوع...وهل صارلأحد نفس الموقف أو موقف شبيه ....تحيــــاتي ملاحظه/ المشكله الحين ماهي براعي السياره المشكله بخوياي أللي كلن فتح لخياله العنان وأطلق الريح لمخيلاته وتخيلاته وأعطى كل واحد منهم أجابه تختلف عن الثاني والموظوع كان بسيط ,, من أجل ذالك دونت اسم الموظوع((حب استطلاع او.....)) |
الغالي اللجاووي
انا كثير تصير لي مره من المرات كنت جالسه انا وزميلاتي بالمدرسه وقاعدين نسوولف تعرف البنات اذا اجتمعووي الله لايورك صراخ والصووت واصل لاخر المدرسه المهم وحده من النات من اووول ماجلست وهي تناظر فيني حوالي نص ساعه انا عن نفسي استغربت وسوويت نفسي مو مهتمه جلسة اناظر شكلي اخاف يكون شكلي مو مرتب المهم قلت لها نعم وش فيك تناظريني تراك شككتيني بعمري قالت سوووري سرحانه يعني عنتني على الفاضي وانا حالتي حاله اعدل باهالشعر |
اللجاوي الله يعطيك العافية أخوي ولآهنت على هالإطروحه .. والله يابعدي مادري وين المشكلة ممكن جميع الاحتمالات اللي ذكروها لك الشباب وارده .. مشبه - ممكن سرحان - مسكتَ إلا يطالع لك - وووإلخ .. دامه اشر بعلامة الاعتذار ف هو ليس صاحب شر وإنما صدفة وامر طبيعي وعادي جداَ ! ,’ بالنسبة لي وللمواقف : هي على حسب مزاجي لا صرت رايق ول متضايق او معصب يعني تفرق من تعامل لتعامل :) ,! ف على سبيل المثال لما اكون بالسيارة مرات اكون شوي معصب ويجيك واحد مثل هذا طبعاَ بنقزه اقول له تعال حياك اركب معنا , لكن لاصرت رايق ببتسم له والامر طبيعي خله يراعي بعيونة ويديه ورجليه ض1 , وتصير هذه الامور واشوفها عادي طالم ان الشخص ماتقدم لك وكلمك او قال شيء . ودي / |
اقتباس:
هههههههه ... أهلين بك وفعلا تصير مواقف كثير زي كذا كلي أمتنان لتواجدك عزيـــزتـــي |
اقتباس:
هلابك اخوي شيخ المافيا.. نعم صدقت أحيان يكون للمزاج دور كبير بمثل هالحالات وطبعا العامل النفسي له دور ... بس يابعدي أنا تعجبي بالأساس من زملائي تحمسو للموظوع وكل شخص جاب من راسه موال والله خلوني بمتاهه وكان الموظوع بسيط......اشكرك لجميل حظورك ياراااائع |
شي طبيعي طالما احنا اصحاب الموقف رحنا نحكيه لاصحابنا فــ هما من الطبيعي يعطونا احتمالاتهم وممكن واحد من هاد الاحتمالات يكون صائب
والانسان بطبعه دائما يستغرب ويبحث عن الاسباب لاي شي يثير عجبه والا يبقي يفكر ويفكر ومينساش الموضوع ويحاول يبحث عن اقرب احتمال ممكن يريحه حتى القطط وقت تغزر لها احيانا تلتفت لك باحثه عن السبب وببالها ممكن يطعمني وممكن يمسكني وممكن يقتلني وومكن وممكن حصلت معايا برشا مواقف بكل مكان لكن نذكر منها استاذ كبير كان دائما يعزرني لكن انا قلت ممكن بدون سبب لكن بحفله المدرسه تبيين انه كان استاذ ماما وقت كانت في عمري ومزال يعمل بالتعليم وكان يلاحظ شبه كبير بيني وبينها ويتذكر انو هاد الانسانه مرت عليه بحياته طبعا هو استغرب كيف بهاد السرعه عندها بنت تحياتي |
.
. ههههههههههههههههههه اللجاوي الله يكره شيطانك :) .. اقول يالسمي الظاهر ان كل اللي اسمهم خالد طخوم ههههههههه ولاّ وش يبي بك هالرجال يتولجك ؟ :) ههههههههه والله فاطس الله يرجك ياللجاوي :) ذكرتني يومي صغير .. خبرك كنت اطخم مرره اكثر من هلحين .. الوكاد فيه واحد من الجماعه اسمه ابو بداح لاجاء بشبة الوالد الله يرحمه .. ما ينزل عيونه مني :bur2: والله ياللجاوي لو انك لاحقن عليه إلا تركض بالشارع حافي هههههه مره مره ما يعطيك فرصه .. عينه بعينك 24 ساعه ! كنت اتضايق فعلا .. ولأني تخبر ولد صغير وما اقدر اقول له شي وهو شايب .. ! طبعا صعبه اقول له هيه انت ترى اترفش ببطنك هههههه ماهي لايقه اشتكيت لأمي ههههههههههه قالت لازم نشوف حل لا ينضلك ينضلك = ينحتك يعني يعطيك عين .. :012: الوالد قال هذا طبعه تراه يناظرك بك وهو يفكر بشي ثاني // قلت طيب اللي يفكر لا لفيت عنه يمين يسار ما يتابعك .. ! :hlp: تدري بالاخير وش سويت ؟ عودت نفسي عليه وصرت اسوي له حركات استخفاف ههههههه عاد انا دكتور بهالأمور :) .. صرت اكشر ! واقلب عيوني واطلّع لساني :123: لين صار يحس .. ! عقبها صرت لا قعدت اصب القهوه .. يخليني اصب له سبعين فنجال .. شكله حقد الماخوذ // يوم تعبت من الصب .. قلت له // ابو بداح تكفى ارجع مثل اول طالع بي لين تمل ههههه وصارت السالفه ضحكه بالشبه .. عاد لو اقول لك ما تصدق .. انه كان الله يرحمه إمام مسجد .. ! الله يرحمه ويغفر له ويجعل مثواه الجنه ووالدينا ووالديكم وجميع المسلمين الظاهر اني قرقت واجد لكن موضوعك حلو .. وبه جو ترفيهي حلو .. مثلك ياللجاوي انت حلو ولا تجيب إلا الحلوووووووو تقديري لك وللجميع // |
اقتباس:
وش معنى اهل حايل بالذات يعني المدن الثانيه ماتشوف السيارات الثانيه او ماتحلل مثلنا ض1 ...! , راعي السياره عادي يمكن مشبه او من النوع اللي يسهى كثير وصارت فيك ض1 ومن ناحية تحليل زملائك مووضوع وانفتح لهم لازم نوسع خيالاتنا شوي ونتناقش لو كان الموضوع عادي وبسسيط مااعتقد فيها ..: ) ماهي شفايه ابدا" .. عوافي على هالطرح ^_^ .. , |
وانت صادق بحايل لازم تتناقش هههههههههههههه صراحه عندنا بحايل الشفايه والواحد لاوقف جنبك احرجك بنظراته والمصيبه حتى لو معاك عائله ماينزل عيونه الا اذ تمشكلة انت وياه ورحتو لحدا المراكز لفيت نص المملكه ماشفت هالصنف من الناس كل واحد لاهي بعمره واهله حتى لما نطلع للبحر العائله جنب العائله محد لم احد حنا هنا يستانسون عند الاشارات وخصوصا لا صار جنبك عائله لاحيا ولا مستحى انا اكره هالظاهره كثير وخصوصا من الحريم والله وانا منومه بالمستشفى مسويه عمليه ومقفله الستار كل شوي جايه وحده وليت تحمد بالسلامه لا تطل وتروح حتى من الغرف الثانيه والسبب اني ليش مقفله الستار يبون يشوفون ليه الجاوي ودي واحترامي http://www.b3b7.com/up1//uploads/ima...281f6de6ef.gif |
اقتباس:
اهلافيك ..... صحيح كلامك أن كل شخص يعطي أحتمال بس المشكله أنه ولا واحد اتفق مع الثاني بنفس الراي تعددت اراءهم والموظوع كان بسيط......! شكرا لمداخلتك وأظافتك وأثراءك الموظوع..... ياهلابك |
اقتباس:
ههههههههههههههههه حياك خالد ....والله تركت الجهاز وقعدت أضحك حسبي الله على عدوانك ... أجل صار يخليك تصب له سبعين فنجال الله يرحمه ويرحم والديك على قلبك الطيب والكبير..... بعدين ترا راعي السياره هو يطالعني وانا ياخوك شكلي تراااه يوحش كانو يخوفون الصغار بصورتي هههههههه بس لاتعلم:051: المهم والله مداخله وإثراء للموظوع الله يجزآآآآك عني وعن الأخوان كل خير أتحفتنا بخفة دمك يارآآآآآآيق |
اقتباس:
وللموقف اللي صار معك .. هو موقف أرى أنه عادي ويحصل للكثيير وله أسبآبه .. لكن تحليل الاخوان واعطاءه اكبر من حجمه وارى انه وصل الى امور كبيره وأشيآء اخرى لاتخطر ببال ومن ثم تحول الموضوع من مجرد موقف بسيط الى موضوع كبير غطى على الموقف نفسه فقط لمجرد ابدآء الرأي والتنافس في ذلك أيهمآ افضل واقرب للصح وقد يتطور الامر ويصل الى الخلاف.. حباً بالشفايه لآغير .. والأجدر كان هو تهدئة الامر عليك لانك انت المعني بالموضوع والاكتفآء بذلك .. لذا من الأفضل أن لا تطرح موضوع لمناقشته أو لمعرفة رأي الآخرين الا امام عدد محدود جدا من الاصدقاء لكي تريح وتستريح ..!:mad3: وهذه مواقف نتعرض لها جميعاً ..فيلزمنا التصرف بهدوء والنظر اليه نظره عاديه جداً .. بالنسبه لي حصل موقف مشابه بأول سنه لي بالجامعه فقد كانت احدى الفتيات تنظر الي بشكل مستمر وكانت تبتسم وكأنه بيني وبينها معرفه مسبقه والمشكله هي من تخصص وانا من تخصص آخر .. حقيقةً فالبدايه اوهمت نفسي بأنني اتوهم وما اهتميت بالموضوع الى أن لاحظن صديقاتي ذلك لأنها كانت خلفي باستمرار واجدها دوما امامي الى قالت لي ابنة عمي وش سالفتها بصراحه قلت مدري بس ممكن صدفه ومن هاللون فقلت عادي الامر خلها تناظر مثل ماتبي ..:ura: الى ان آتى ذلك اليوم اللي اصبحت تنادي عليّ بأسمي انا تفآجأت و ذبلت تسبذي بجد ( انا يا زعلت شينه :wsfz: ) وواجهتها وسألتها وش السالفه .. ومدري وش قلت :mad3: المهم قلت اللي بنفسي كله فكان ردها أنني اشبه صديقه لها كانت مقربه منها وتحبها جدا وتفرقوا لأن صديقتها سافرت الى بلدها ..!! ومن ذلك الوقت اصبحنا صديقات ومازلنا صديقات الى الآن .. شكراً لك اللجاوي لهذه المسآحه ...طبت بكل الخير ... |
اقتباس:
لاشفتي موقف مايصير تحكمين على انه اهل حايل كلهم فيهم هالصفه انا حياتي كلها ماشفت موقف احد يناظر لك بالسياره عند الاشارات ابد وانا من اهل حايل يعني مااعتقد تكون صفه للجميع لدرجة اني اوصف حايل بهالصفه والمناطق الثانيه سبحان الله كلهم مافيهم هالصفه ! وسالفة المستشفى يمكن تدور مريض من قرايبهم مثلك ليش نوصف الناس هالوصف واحنا في اماكن عامه يمكن يدورون على احد ! , معنى الشفايه= تدخل في الاشياء الخاصه والبحث عنها ! في بيتك في امورك الخاصه في احتياجياتك ! اما اني اكون بمكان عام او سالفه عند الجميع اقول لااحد يشوف لااحد يتكلم لانها شفايه ! , |
بصراحه اوافقك الراي اخويا موضوع يستاهل نتكلم فيه
انا عن نفسي ما شفتها الا بحايل وكثير اعذروني عاد صار لنا موقف مع اخويا واحنا بحايل وكنا ماشين وقفنا عند الاشاره الا فيه واحد يطل علينا قلت لاخويا يعرفك قالي لا واستمر الحال الين فتحت الاشاره صراحه استغربت قال اخويا يمكن شكلي غلط ههههه وكل ماشينا نفس الحاله والوضع اقول لاخويا ماشاء الله انت مشهور ولا ايه صراحه ما ادري اتوقع انو الموضوع حب استطلاع او انها عاده اتعود عليها الشخص تسلم اخويا ع الموضوع حبيت قول رأيي وطبعا كل واحد ولوه وجهة نظر بالموضوع |
اقتباس:
وأنا متأكد أن جميع ألأخوان وألأخوات اللي تداخلو في الموظوع لم يتكلمو ألأمن منطلق الغيره والحرص على أن تكون مدينتنا من أفضل المدن ... ومجتمعنا من أرقى المجتمعات . لاكن أن أدعي انني أعيش بمجتمع ملائكي وخالي من ألأخطاء وبأننا أفضل المجتمعات هنا الخطوره فرحم الله من أهداني كل مسوائي وبين لي بعض محاسني ... ولو لاحظتي اختي المقال والملاحظه أسفل المقال لوجدتي أنني تعجبت من كلام ألأخوان عندما طرحت موظوع بسيط لايستحق تلك الهاله من ألأراء وألأقتراحات فعندماطرحت الموظوع كنت أتصوره لن يأخذ أكثر من خمس دقائق لمناقشته وهم جميعا من ربعناوجماعتنا مع العلم أنني لا أقر لصاحب السياره وبأي حال تصرفه نعم موظوعه بسيط ولاكن أن نقول هذه الظاهره غبر موجوده عندنا ولاتتكرر دوما فنحن هنا نعطي الجميع الضوء ألأخضر بالأستمرار بهذه العاده .. طرحنا الموظوع لكي نستفيد ونتناقش بموظوعيه لكي نصل الى غايه وهدف..... شكرا لكي ولمداخلتك |
اقتباس:
أهلا مستحيله ... أولا الحمد لله على السلامه ودمتي بخير.. فعلا النقاش بالوظوع نرجي منه الفائده العامه والخروج بطرح يفيدنا جميعا الحقيقه لما يتكلم كل شخص مناعن تجربه مرفيها ويقدمها لنا ونقارن تلك التجربه بتلك....!! يعلم الله بأننا ننشد الفائده وهوالخروج بأفضل تصور لحل المشكله وأن لم نستطع على مستوى العموم فيكفي أن يكون التأثير على المستوى الفردي ولعل هذا هو أضعف ألأيمان .. كل الشكر لمرورك وطرحك المفيد .. ودي وتقديري |
اقتباس:
ماأروعك على النيه نعم قد تصغريني بأعوام ولاكن رجاحة عقلك في تعاطيك مع الموظوع تظهر بعد نظرك وسلامة منطوقك نعم فأنتي تكلمتي من موقع العقل لا العاطفه ,,أحييك وأشكر لكي مرورك العذب فقد أثريتنا بتعليقاتك وأعطيتنا مثالاً وتجربه حقيقيه مرت عليك وكيف تعاملتي معها برقي ورجاحة عقل قشكرا لكي بحجم الكون وأمتنان لمرورك المثمر,, |
اللجاوي
والله فتحت موضوع وكنا قبل كم يوم نتناقش فيه اللى هي بلهجتنا الشفايه الشفايه بصفه عامه حب استطلاع لكل شخص وكاذب اللى يقول ماهمه الا قله ونوادر يارجل لو ثنين يضحكون بهمس البقيه زعل قال ارفعوا الصوت شكلكم تتكلمون عنا ليه ياخى تشك بروحك بينهم سالفه وممكن ماتجوز للبقيه مايبونه تطلع ومن ناحيه اخري حايل اطلق عليها هالمسمي باشفايه لانه الاغلبيه ناس تتعارف والخبر بسرعه ينتشر فلا تستغرب من اى انتقاد او مقوله لانه بسرعه يوصل الخبر عند الكل اما المدن الاخرى واغلبها الكل جاي للعمل فمايهمك احد يناظر او ينتقد او بمعنى اصح ماحد يعرف احد من شان توصل له احداث الديره واللى صار تدرى اننا بحايل توصلنا اخبار بحايل من اهل القري قبل ندري عنها وحنا فيها هنا حتي بلباسك تنحرج قبل تطلع لمكان تسأل هو الجلسه رسميه او شبابيه انت ماهمك نفسك همك اللى بيطلع عنك لحظتها وهات يانتقاد وهات من صف العذاريب واحد من العيال يقول اتمشى بالصالحيه يقول وامشي واشري اللى يجوز لى من اغراض فجأه وانزلق والا على وجهي جاي يقول يدي وانا طايج جت على عباة حرمه قدامى لمست العباه وانا طايح والله يقول مادريت الا وجايني كف يمشي خمس الااف منها فسرت الامر بشى ثانى يقول انا غادي رثه ومتنثر وحوسه ومقتلب وجهي وهذي رايح تفكيره لشي ثانى فاضيه وربي يقول احرج موقف مر علي وهنا بضرب لك مثل مره عند الاشاره واقف المهم وقف بجنبي واحد من جهة اليسار يعني الراكب معه يصير من جهتي لمحت معه حريم تقدمت شوى تقدم شوى معى انا قسم بالله طاح وجهي لانى ماقوى حتى اناظر للاشاره فجأه والا اسمع ينادي والتفت والا يمي صارت المره بيني وبينه قال بيت اللى تعالج فلانه وينه قسم بالله انى قلت لافتحت الاشاره لبق واعلمك يعنى مهما كان تبقى بشر وتخجل فاللى يبي شى لاتستغرب منه اى شى يسويه واما عاد المبالغه عندنا حدث ولا حرج لك تقديرى واحترامي |
ياهلا والله بعقاب النهار وجودك ومداخلتك وطرحك بحد ذاته إضافه يابعدي صدقني كل كلمه تأتي من ألأخوان
هي أضافه وماأجمل أن نتكلم عن المواضيع اللي تخصنا وماأجمل أن نناقش مثل هذا الموظوع بعفويه بعيد عن الحساسيه فمثل هذه المواضيع عندما نقف أمامها بتجرد ودون تحيز صدقني سنصل الى نتيجةوغاية ذالك الطرح أبدعت وبكلماتك أسمعت وللعقول قد أقنعت يارائع كلي لك أمتنان |
| الساعة الآن 04:10 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010