|
لغز ى بالموروث وين حلالة الالغاز محلول الماء والسكر والشاهي حله - مطعون غدر
حبيت اطرح عليكم لغز واتمني مايطول الحل لانى اعرف الكل هنا ماشاء الله يحلون ربي لايضرهم صلوا على رسول الله [poem=font=",6,royalblue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""] وش ثلاثه شكلوا حزب وتحالف=امرهم ماهو على العالم خفي ايه الاول مات بلا متعوب كالف=حتي بعد الموت وربي هو وفي اما الثانى من عناه اصبح مخالف=انتهي لونه تقل ماهو عفي اما الثالث للبشر صار امتوالف=جمع الاثنين وبأسمه نحتفي [/poem] اتمنى مايطول الحل واللغز سهل لقلوبكم كل الود |
ملاحظه
حتى لايقولون اللغز صعب جيت هاللغز يعرفه الكل كبير وصغير ورجال ونساء |
عليه افضل الصلاة وأتم التسليم ..
صح لسانك شاعرنا المبدع على هالأبيات واللغز والله يعطيك الف عافيه . واممم جاء في بالي جواب بس متردده بأشوف أجوبة الأعضاء ولي عوده إن شاءالله . |
وعليكم السلام ورحمة الله وبركاته
واللهم صلي على محمد وعلى آله وصحبه وسلم وصح لسآنك شآعرنآ المميز على اللغز ... بس ليه اللغز الأخير :50ar: ؟؟؟:131: ولن نسمح لك ابد يكون آخر لغز ..:39rfff: اذا انتم شعآرنآ اعتزلتوا الآلغآز لمن القسم اذن ومن سيطرح الآلغآز ويشآرك ويجمعنا بمحاولة حله والتفكير به والمنافسه على ذلك !!! هناك عقوبه لكل من يمتنع عن وضع الالغاز او يقول آخر لغز ...:p<< قانون جديد من عندي :133: سيطالب بلغز كل اسبوع :duel: اتمنى وبكل صدق ان لا تتوقف الالغآز وان يظل هالقسم بنشاطه وتوهجه كما عهدنا منكم شعراءنا الأفآضل ومن كل من يمتعنا بوضع الآلغآز فهو بكم ومنكم ,,:h64: جاري التفكير لي عوده بأذن الله .. |
عقااب :confused:
اول شي يعطيك الصحه خويا وتاني شي يعيشك غششني :cry: والله حلم حياتي بهاد المنتدى نحزر لغز :cry: يعيشك شكون الجواب هههههه ببالي نقول عقارب الساعه ومتاكده مليون بلبليون انو خطا لكن غششني |
صح لســانك أخوي عقاب سلمت على اللغز والابيات الجزله الي ما يجيبه الا أمثالك وشو الي تقول آخر لغز ليــه ماتبوني أسير عليكم وأحل معكم الألغاز>>:bye2: الصرآحه أجد نفسي عاجزه عن شكر كم ياشعرآنا على ماتتحفوننا به .. والله اللغز دسم أخوي ..جــاري التفكر ولي عوده << انتظرو حلالت الالغاز :123: تحياتي وتقديري لك :m22asmilies-com: |
هلا والله عقآب
اتووقع اشآرة المرور ؟ |
رمعه ومن جنبه الكرم والصحه والمال او الفقر .. مدري ابعدت بالحييل اولا !! |
اقتباس:
وربي يعافيك ولاتترددي هاتى رمعتك يمكن تكون الحل |
اقتباس:
ماقلت شى والله لى به اى قصد الا انى مابي تملون من كثر الالغاز وطلباتك اوامر وقوانينك تنفذ والكل خير وبركه والله والله يمتع ايامك ويسعدك انتى والجميع |
اقتباس:
ونورتى والله وبغششك مع الجميع بس خل اشوف الاتجاهات وين وحلك ماهو صحيح بس فكرتك بالثلاث حلوه لكن مافهمتوا وش الثلاث وكل واحد له عمل وعاملهم مشترك انتظرك بحل اخر |
اقتباس:
صح بدنك اختي وربي يسلم عمرك ويسعدك والا حياك الله بكل وقت وعين فراش وعين غطا وان كان اللغز اعجبك فهو من ذوقك وربي وانتظر حلك وابشرى مالك الا الى يسر خاطرك اللغز ماجبناه الا لرضاء الجميع |
اقتباس:
والاشاره بعيد بالحيل والله انتم ركزتوا على الثلاث بس ماركزتوا على شرحى لكل واحد منهم |
اقتباس:
والمتألقه مره اخري ابعدتى والله الرمعه والاتجاااه ومتوقع انه بيبعدكم الابيات بعيد تلاعب اللفظى باللغز يبعدكم بالمره لاطلبتوا توضيح ببدي اقشره اللغز لكم متى مابغيتواا جاهز لكم تقديرى جميع |
استاذنكم يالربع
اخوه وخوات والله غمضت عيونى بنام والاتصال زفت الزفت عندي يالله فتح المنتدي وقدرت ارد على الرمعات باكر على خير اكمل رد على البقيه تصبحون على خير |
مدري ليه طرا لي هالحل:frfr: منتدى بعد حيي ... |
يوومن كل واحد منكم يتهدد انت واللجاوي وش نوحكم ترى انا ماني من البنات الرسميات اطقه ميانه مع الكل ووالهم انت واقول تمننون علينا باللغاز لاتحدني استرجل واكتب لكم لغز الحين ههههههههه الي فوق عتاب ترا مو هواش ياشاعر ياكبير تعرف معنا كلمت ادمان ..؟؟ الادمان هو ان تتعود على شي ولا يمكن تستغني عنه الا بعد ان تفارق الحياة اشعاركم والالغازكم ادمنا عليها وتاكد انها لها تاثير في هذا المنتدى العظيم رمعتي الطلاق مدري ليش جات ف بالي |
رمعتي
ليبيا واليمن وسوريا |
صبـاح الخيرآت
تسلم أخوي هذا والله من طيبك :) / / عندي رمعه ماصـارت <<ويمقن مع جنبه هههه ماهــو شبة النار الأول ( الحطب الثاني ( الكبريت وفي روآيه (الشخاط ) وكلهم يكونو النار الي الكل يحتفيبه ونتجمع حوله ~ ونحتفيبه يكن تقصد الألعاب الناريه صح او وصلت القمر ... |
ياعقاب صراحه يوم قلت إخر لغز ما حاولت أحله ودنا يبقى هالغز بالمنتدى على طول....عشان نشوفك دايم
بعدين كلام اختنا على النيه صحيح اللغز الجاي عليك هذا نظام جديد :x:...اللي يجيب اخر لغز وينحل عليه اللغز القادم...الله يعينك |
اقتباس:
ليه طرا لك مع انه وربي الحل بعيد بالحيل |
اقتباس:
حياك ربي يابنت الذيب وان استرجلتى وجبتى لنا ام خمس رحنا عزالله بخرايطها تمونيين والعتب بين الاخوه دوم وشرف والله لنا انه يكون له متابعين مثلك وبقية الاخوه والخوات اما الطلاق بعيده بالمره والله |
اقتباس:
وعن الفكره والله يعجبنى اتجاهك بالتفكير اما الحل ماهو الحل بعدين ماوصلتى القمر حوله يمين يسار بغيتى توصلينه بس مالله قسم حياك ربي وانا اخوك |
اقتباس:
وانت وعلى النيه والكل تامرون امر بس اتعبكم واجيب غيره تقل ماهى زينه ههههههههههههه اخاف اضرب |
اقتباس:
اقسم بالله ماشفت مشاركتك وحقك على واسف وحبة خشم بعد اما عن الرمعه بعيد وانا اخوك بالحيل تقديرى لك واحترامي |
اقتباس:
رفع اللغز للصفحه الثانيه فقط للقراء الجدد |
صبآح الخيراات رمعتي القهوه والنار .... |
يسعد صباحك
علي النيه والنار والقهوه مالك لوا فكري بالثلاث وكل وحد عطيته تفصيل عنه وشكلوا حزب وتحالف وسؤال قسم الركن الهادي ونه مايطلع عندى |
سؤال شاعرنا
المطلوب اسماء الثلاث اللي شكلوا حزب وتحالف ...!! وبالنسبه للركن الهادي مايظهر للجميع بس اتوقع من الخلل اللي صار امس بالمنتدى .. |
اقتباس:
علي النيه // ابي الثلاث اللى شكلوا الحزب واللغز سهل لو بحله لكم وربي بتقولون واضح وانتظر رمعتك بالحل |
ولا هو الدول المعارضه؟
|
اقتباس:
العين ماتعلا على الحاجب لو اكتب معلقه ماتسوى شي عند شاعريتك ياتاج الراس رمعتي الصبح والعصر والمغرب هااه قربت |
بذمتي اني عرفته هههههههههههههههه ياسلام
عقاب الثلاثه الماء والسكر والشاهي يارب يارب يارب يارب يارب انه صح هههههههههههههه شف يالامير اذا هو صح قسم بالله انه يصير ثاني للغز احله في عمري ههههههههههههههه |
عقاب الله يرحم والديك بسرعه تعال ههههههههههههه ترى يمكن اموت من الحماس هههههههههههه
|
اقتباس:
بعيد |
اقتباس:
وبعيده بالحيل والله ويسلمك ربي ع التواجد والرمعات |
مرحا عقاب..شكل مطعون جاب الحل بس عندي رمعه بالوقت الضايع
ألأول العود القماري لو مات تبق رائحته الثاني الجمر يقتلب لونه الثالث المدخنه الي تجمع العود والجمر(( او المبخره))وتكون دائماً بالأحتفاء وألأحتفال |
اقتباس:
وربي من قريت بذمتى عرفته دريت انك حليته للعموم وربي توقعت تحلونه من اول رمعه الثلاثه الما والسكر والشاهي اللى مات وهو وفى السكر ذاب لكن تحس بطعم حلاه واللى كنه تعب الما يقلب لونه من الشاهى الى الاحمر اما اللى احتفى بالاسم هو الشاهى بالنهايه يصير الاسم له واي توضيح مستعد للجميع وصح لسانك الغالى ولاهنت ولاهانوا الكل واعذرونى من القصور |
اقتباس:
عزالله ان مطعون جاب الحل وشاكر لكم جميع بالغالى |
وبس صح لسانك وبس معصي
يالربع انا اول مره احل للغز هههههههههه يعني لازم تسوون لي بارتي <<< حلوه بارتي ههههههههههه متعوب عليها ابي تسوون لي حفل تكريم وتحطون لي كيكه بس بالله لاتحطون فيها زبيب ماحبه ههههههههههه زبيب ههههه ماودك القروي اللي مثلي يصير ايتيكيت هههههههههه المهم الحفله ان حصل تخلونه الخميس ترى يكون احسن ابعزم ربعي كلهم وبي درع تذكاري ايه نسيت ابي تحطون صورتي في الكيكه |
| الساعة الآن 03:32 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010