|
لغز سبع واربع واثنين للغسلان(محلول من اجوديه)
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
وين انت ياحلال عسر اللغوزي=عن واحدن خافي نشد عنه فواز نوبن يجي سبعه ثمين الكنوزي=وزيته يجي بالطيب من دون برواز ونوبن يجيك اربع بليا قزوزي=ونوبن يصير اثنين لو كنت معتاز غالي وتقدر عن فعوله تجوزي=ونوبن يجي دونه مقافل ومجلاز [/poem] تحياتي العطره (((الراوي))) |
يبي له تفكير واجد
ولو تقرب لنا شوي يازينها تسلم يافواز يحفظك ربي |
صح لسانك
وبانتظار الاخوان لانه يدوخ صراحه قوي ولا فيه توضيح شوي |
فيه صعوبه
بانتظار الاعضاء |
اهلا يالعزوه00
هو شي يجي احيانا عدده سبع واحيانا عدده اربع واحيانا عدده اثنين00 وش فيه توضيح اكثر من كذا؟؟؟ (((الراوي))) |
!!!!!!!!!!! جاري التفكير !!!!!!!!!!!
|
نوبن يجي سبعه ثمين الكنوزي
وزيته يجي بالطيب من دون برواز ونوبن يجيك اربع بليا قزوزي ونوبن يصير اثنين لو كنت معتاز صح لسانك فواز والحل اكيد جماد ؟ صراحه بحاول فيه |
[grade="00008B FF6347 008000 0000FF"]
ننتظر محاولاتك يالغالي000 انا قاهرن الموادع اللي حل لغزي الاول عقب ماهو صامد خمس شهور بكل منتديات المنتطقه00 وهالحين ابي اكتمه كتمت الفول المدمس بهاللغز00 وينك ياموادعوووه00 تحياتي يالطربه الراوي[/grade] |
هههههههههههههه
يافواز عندي رمعه واله اعلم مارايك باللغز ؟؟ |
والله يابو فهد عجزت من لي كم يوووم لكن ماااااااااااش
والظاهر هاللغز مو بس منتدانا ماحله حتى منتدى ثاني أشوف ماحد حله لكن ان شاء الله انا اللي أحله بس اصبر شوي علي |
براحتك يالغالي وانا اوسع منك صدر ياعشوق00
تحياتي العطره الراوي00 |
[align=center]هلا فيك ياراوينا ،، والله يعطيك العافية أخوي على كل ماتقدمه
لنا في هذا القسم من الغاز تبعث بيننا روح التنافس والله لايحرمنا منك ومن إبداعك ونثرك يالغالي ،،،، وبالنسبة لحل اللغز صدقني فكرت فيه كثير ولم اتوصل إلا لحل واحد وهو بحور الشعر اقرب مايكون [/align] |
اقتباس:
هلا اخوي موادع ومشكور على حروفك النبيله00 الحل اللي قلت ماهو حوله يالغالي 000 هالمره ضبطته ليله كامله وانا احكره علشان افشفش بك واخذ حقي عقب اللغز الاول00 على فكره حطيت لكم خمس اوصاف له وش شتبون اكثر بعد000 تحياتي الراوي00 |
تسلم فواز بس والله شايفته صعب شوي
يمكن اني غبيه شوي ههههههههههه بس اتوقعه بالدين ؟؟ |
هلا وغلا واللغز ماله دخل بالذكاء والغباء
لانه سبحان الله رمعه تجي بالبال00 تحياتي العطره الراوي00 |
يمكن يكون بحور الشعر :)
ادري ماني حوله بس افكر وارجع بأذن الله مايحله احد غيري ياااارب |
لي رجعه يابو فهد
على اللغز لاهنت ... |
شرايك ابو فهد ماهو
الدلووو لاهلها <<< مايعرف الا الدلو << قم طس خل الاالغاز لاأهلها سلام عليك |
منذر يالغالي ماانت حوله شد حيلك شوي
انشد الشيبان تراهم يعرفونه000 الراوي00 |
اقتباس:
انا اتوقع ان اللي يحله بنت لانه يخص النساء 000 اما الموادع وربعه ابشرك قاموا يدورون بووووش00 الراوي00 |
صح لسانك فواز
والله يالطربه صعوبته شوي بس بنفكر |
لاهنت اخوي الغسلان
لو تقرب شوي او تلميح لاعدم ولا خلا |
السبيعي والله وضحته واجد بس الله مبعدكم عنه
الشيبان يعرفونه اكيد00 الراوي |
فواز يعافيك على اللغز
شرايك بالرمعه ابو سبع وخمس الي يسمونه رش رش يعني ذهب اول |
فواز انا سئلت واحد من الشيبان قال ابحله وابروح لفواز بنفسي وأقوله
قلت انا : ياليتن ماعلمتك ههههه تحره يبي يجيك عن قريب يسويه هالشايب ومن ناحيتي عصرت مخي بس عجزت :h64: وشكرا مره ثانيه رواينا الغالي |
الاخ شاعرنا وراوينا فواز
صح لسانك لغز مليان مدري هل هو ذهب ؟ |
لا يالغالي ماهو ذهب ولا حديد00
وش تبي اكثر من هالتوضيح0000 الراوي00 |
تسلم فواز بس ماعندي والله ماعند جدتي
بالالغاز بس براقبكم من بعد |
هلا ومرحبا بالبقعاويه00
خليك مراقبه وانا اكفيك بهم 0والله ياهاللغز ليله كامله وانا اتكتكه لهم خاصة الموادع ومنذر هاللي يروح ويرجع للدلو00 اوريك بهم0 الراوي000 |
ههههههههههه
لاهنت ابو فهد صراحه انا مستسلم والله ياغلاي من ربع الدلو صرت ابو الفوز الغالي اذا ما انحل لغزك تجيب لنا غيره واذا احد حله صاحب الحل يجيب لغز طبعاا دام نبض قلبك يابعدي |
اخوي الساري ابشر يالعزوه بالالغاز اللي تكدر
خاطر الموادع ومنذر 00 تحياتي00 |
سألنا الشيبان ماعرفونه
صعب مره هاللغز وشلون يخص النساء وضح الله يعطيك العافيه ليل ونهار افكر بهاللغز *-* |
فكري بالشطر الاخير من القصيده كله وتعرفين قصدي
وتعرفين الحل00 الراوي00 |
اخوي فواز
يمكن تكون جدايل الشعر(الضفاير) والله اعلم |
اقتباس:
ياعزوتي جوابك وارد من جهه وحده وهي انه يجي سبع واربع واثنين وهذا ينطبق على الضفاير لكن اللغز يقول ان زيته يجي بالطيب من دون برواز 0 وهالكلام ماينطبق على جوابك00 والله اني متوقع انك راح تحلينه انتي فعلا يااجوديه وماانتي بعيده00 تحياتي الراوي |
انا توقعت ان الزيت هو عبس البل
ومن البارح وانا افكر حتى بالحلم جاني هاللغز هههههههه بس قهر ماصار صحيح |
اقتباس:
يابعد حيي والله انتي00 شكلك مشدوده للغز هذا واجد مدامه يجيك حتى بالحلم0 على الاقل انتي تحاولين محاولات لكن منذر وطقته مكتومين كتم الفول المدمس حتى مايحاولون00 تحياتي لروحك المرحه00 الراوي00 |
طيب يمكن
الوشم واذا ماهو هو اتوقع انه من انواع الطيب؟ |
<<<<<<< ذبحه الفول المدمس
وهو يفكر ااااااه بسسسس وربي مقهور ياخي وش فينا تكفووون الي يعرفه يعطيني رساله خاصه بس ابي اقهر ابو فهد وله الي يبي تكفووووووووووون اجوديه وش وشمه هههههههههههههه ماضنتي |
اجوديه طلبتك حليه قبل منذر هاللي مسوي فيها بودي قار 00
منذر ومنين تلقى واحد يعرف حله؟ لانه ماهو قديم تقول غدي احد سامع به اول 0 هذا انا مسويه من نافوخي يالغالي علشان الفول المدمس خصيصا00 تحياتي يالطربات كلكم الراوي00 |
| الساعة الآن 03:27 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010