|
نثر ادماها
الغالى
ابو فهد مانبى لغز تحطمنا وتقول هذا سهل حتى لو حليناه نحس ماله طعم لغز سهل يابو فهد ولايصعب على اللى مثلك ومن هم بالمنتدى من اخوه واخوات وترى اخوك عليمي بالالغاز لاتواخذونه [poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"] الاسملى نظم على الطرق قيفان=من هم في قلبه ثقيل ٍ سكنيا ولاقمت الوم فلان وفلان وفلان=من ما سطى بالكبد هموم ٍ كونيا وصغت القوافي لغز يم أبن غسلان=وانظم ابياته واجر اللحنيا انشدك عن رجل مع بنت له هان=بين الخلايق ماهو سر ٍ علنيا نثر ادماها دون طوع ٍ بعصيان=والمرجله هي مطلبه والثمنيا وذكره تبين فى زمانه بالوطان=واللغز واضح للبيب ان فطنيا[/poem] وتحيه وتقدير للجميع |
صح لسانك عقاب
رمعه على السحور اتوقعها الختم والاصطنبه ؟؟ |
يجنن
عليك بالعوافي سحورك الغالى والاسطنبه والختم مالك لوا وبنتظارك تقديري |
أمممممممممممممممممممم؟!!
ياشيخ عقاب يكفي ابو فهد صرت أنت معه بعد!! لاحووووووووووووووووول هههههههههه اللغز شكله قصة قديمة صح؟! انا ماعندي سالفة بالقصص أكيد ابو فهد بيحله وينك يابو فهد؟! شف (صديقي) عقاب يسأل عنك هههههههههه>>>شماتة |
نور الدنيا
هلابك وتشرفت برمعتك ولا مارمعتى هههههههههههه ايه هو لابو فهد مع البقيه واللغز الاسهل بالطريق وتحيتى لك وتقديرى |
اقتباس:
واويلنا ياسواد ليلنا من البلوى هذا يوم التفت لنا000 يالربع من ازعله هذا وانا معلمكم اول انه السلاح الثقيل مانفزع به الا وقت الضيقه؟؟؟ خذ يابوضاري هالقصيده اقرها على بال مانلقى الحل0 [poem=font="Simplified Arabic,6,white,normal,italic" bkcolor="green" bkimage="" border="double,9,black" type=2 line=0 align=center use=ex num="0,black"] عـلى بـاب ابـوضاري خـفـوقـي رجـف ملـتـاع=تـضايقت من جـمـرن بوسـط الحـشـا مكـتـوم كـتـمـتـه وابـوضـاري فـهـمـهـا طـويـل الـبـاع=وقـال اخـبـرن لـو هـو بـنـجـم السماء مزموم مـوارث رجــالــن هـــدتــه هــــدة الـقـعـقــاع=هـل الـطـيــب الاسـلـم عـز قـلـبـن وقع مثلوم وقـلـت الـسـبـب غـرو(ن) سحرني غـثـيـث اطـبـاع=رمى خافـقـي واصبح بوسط العرب مذمـوم خـذانـي غـزالـن كـيـل حـبــه بـقــفــو الـصـاع=وشال الحـشـى ظـالـم وانـا سـاكـتن مظـلوم سـحـرنـي جـمـالـه يـوم عـدى مـع الـمـقــطــاع=هـنـوفـن مـن اردافـه شـكـى ثوبها المضيوم شـريـت الخـفـوق الـلـي ظـهـر لـلـهــوى بـيـاع=جـرح خـافـقـي رمحه مع اول حلول الصوم اراجـي غـرامـن مـن عــنــودن وفـاهــا ضـاع=نـبـي فـرحـة الـدنـيـا ولاادري عـن الـمقسوم تـرى طـردة الـمـقـفـي سـرابـن زمـى فـي قـاع=لـيـالـيـك تـمـضـي مـن وراهـا تـقـل منجـوم دخـلـت الـبـحـر والـمـوج يـصـفق ثلاث ابـواع=غـشـيمن بشغل اهـل الشواطي وطرق العـوم تـوقـعــت مـدخـالـه مــثـل نـقـرة الـمــطــلاع=ولـقـيـتـه مـثـل فـرق الـمجاهـد وجـيـش الروم دخـلـتــه وانـا شـوقـي مـثــل فـرحـة الـزراع=يـراجـي حـصـيـل الـزرع بـالـمـوعد المـعلـوم ويـوم اسـتـوى زرعـه مـثـل يـانـع الـمـربـاع=وشـاف الـسـبـل يـزهـى بـزرعـه تقول رجـوم تـراكـم سـحـاب الـصـيـف نـبـلـه تـقل مقلاع=تـشـوحـه عـواصـيـفـن صـفـيـره يـشيل الـنوم ومـن شـافـهـا تـلـمـع وقـف خـافـقــه وارتـاع=لان الــدمـار امــرن لـزرعـه غــدى مـحــتــوم هـوادي عــواصـفـهـا تـشـوحـه ثـلاث انـواع=يجـي مـن لـهـب مـزنــن غـدى بالهـواء مـبـروم غـدى الـزرع مـدقـوقـن بـقــذف الـهـبـوب بساع=وراع الـسـبـل يـبـكـي على حـظـه الـمـشـؤوم انـا مـثـل راع الـزرع مــع صـاحــبــن خــداع=سـرقـنـي وخـلانـي مـثـل دمــعــة الـمــفــطــوم نـهـيـت الـحـشـى عـنها واشـوف الحشى ماطاع=يـبــي جــدعــة الـخافق بوسط العرب مـسـمـوم مـدام الـغــلا ريـحـه يـجــيـنـي مــع الـذعــذاع=خـفـوقــي عـلــى حـبــه لـك الـلـه مـهـو مـلـيـوم مـثـل عـيــن شـيـهـانـن نـزل عـالـي الـمـرفـاع=بـكـبــده حــرارة جــوع لــيــلـه ومــــرالـــزوم كـفـــخ مـثــل بـارودن تـقـادح ومـلـحــه فــاع=تـعــلــى سـريــعـن بـالـهــبـايــب خـلاف الحـوم كـفـوفــه بـهــن رمـحـن لجـوف الحـشى شـلاع=رمى الـصـيد فـي روض الـخـزامـا تـقـل مـفـروم مـثــل عــيــن مـحـبــوبـي اذا شـاح دون قـنــاع=اذا شـاح لـي واظـهــر حــلا خـــده الــمــوشــوم وابـي اعـطـي لـكـم مـوجـز حـلا زيـنـة الاصباع=بـهـا شـرح كـافـي عــن غـبــاوة بـنــات الـيـوم لـقــيـت الـعــذارى تـتــرك الـلـي لـهـا مـنـصاع=لــو انــه مــن رجـالــن عـزيـزن بـوسـط الـقـوم وتـركــض ورى الـلـي شــد عـنـهـا مـتـر وذراع=وهــو عــارضـن قـيـمـة هـواهـا بـنـصف السوم غـبــاوة بـنــات الـيــوم تــعــلـن عـلـى الـمـذيـاع=يـقـولـه خـبــيــرن بـالـهـوى دفــتــره مـخـتــوم[/poem] |
... ونعم والله بعقاب الشمري ..هلا بالاسلمي ...
..عندي رمعه ..اقول انها الرحى ... انت وش تقول ...؟ |
[align=center]صح لسانك اخوي عقاب
الاسملى نظم على الطرق قيفـان 00 من هم في قلبـه ثقيـل ٍ سكنيـا انتبه تر بوه ناسن تبدق للخطأ:) والله خوش قافية .. على انيا تذكرت المساجلة الشعرية بين الهزاني وعبد رنيه قال الشاعر محسن الهزاني بيتاً يرى انه ينتهي بقافية فيها نوع من الصعوبة وتحدى بها شاعر رنية وأنه لا يقوى على الإتيان بتسعين بيتاً تنتهي كلها على قافية أنيه والبيت هو: [poem=font="MS Sans Serif,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] إن كان عندك وحدة عندنا ألفين =حتى الرخيصة ما نبيعه برنية [/poem] فرد عليه شاعر رنيه بالأبيات التالية :- [poem=font="MS Sans Serif,5,white,bold,normal" bkcolor="black" bkimage="" border="none,4,gray" type=0 line=0 align=center use=ex num="0,black"] قال الذي يبدع من القيل تسعين =تسعين قاف كل أبوهن على نيه ما همني دنيا ولا همني دين =ولا غريم خايف يذبحنيه إلى أن يقول= يا راكب من فوق سمح الذراعين =فوقه غلام لا ندبته شفنيه يطوي مسير الشهر في ظرف ليلين =والليل الآخر في الحريق أمرحنيه تلفي لهزازنت القروم المسمين =من سمعني في مدحهم ما أكذبنيه ذباحة للحيل ومهبش زين =ما كولهم يركد على الكبد هنيه إن جيت مجلسهم وإلى يطرب العين =فروخ الحرار سيوفهم ترهبينه اختص «محسن» شوق ضافي الدليقين =لولاه قال كليمة وأزعلنيه لومي على اللي سامعه من زمانين =وراه ما قاضاه وإلا أعلمنيه إن كان عندك وحدة عندنا ألفين =حتى الرخيصة ما نبيعه برنيه يا محسن إنك لو تشوف أريش العين =عفت الحريق وجيتنا صوب رنيه [/poem] عاد احله لغزك يالعزوة ماش مانا يمه هالحين والله عجزت مار اغدين اليا افطرت التفت له:) تحياتي[/align] |
الغالى فواز انا قطره من بحر عندك وصح لسانك على القصيده واخبره ماجت من قلب مرتاح لاهنت تقديرى |
حورية حائل ماعليك زود وحياك ربي وبالنسبه للرمعه مالك لوا وبنتظارك تقديري |
الغالى راع الذلول هلا وغلا ومليون حياك اما الغلط ترن والله عليمى فطنن اما والا اخطيء وتسلم والله على القصيده وهذولا دواهى رحمهم الله ماحنا حولهم واما الحل مايصعب عليك ان شاء الله وعسى فطورك بالعافيه وانتظر رمعاتك تحيتى لك واحترامي |
[align=center]طيب يالغالي وشرايك
بالقلم والدواة & الدلة والفنجال الأول:) وانت سالم وغانم تحيتي لك[/align] |
[align=center]
الغالى راع الذلول مالك لوا واتجاهك بعيد بالمره غير المسار وان لزم الامر اعطى توضيح كلي لك راع الذلول تقديرى [/align] |
[align=center]لاهنت يا بعدي
ما قصرت يالغلا لا ابد خذ راحتك ههههه تحيتي لك[/align] |
الغالى توضيح مبكر ياراع الذلول هو قصه بالعربى قديمه تحيتى لك واحترامي |
[align=center]ذكرتني ياعقــــــاب بالنمــر عدوان
,,,,,,,,,,,,,,,,وقصة هواه بكل شبر(ن) وحنيا يوم(ن)قتل وضحه بلا قصد غلطان ,,,,,,,,,,,,,,,,قصده يرد اللي لفـــــا بليل عنيا شاعر وفارس وللوفا هو نيشان ,,,,,,,,,,,,,,,هي رمعتي ولوكان قافك على نيا[/align] |
الغالى
مهدى العنزى نورت المتصفح بوجودك وصح لسانك على الابيات والحل مالك لوا بنتظار رمعه جديده والرجل حقيقى اما البنت لا ليست امرأه توضيح تقديرى |
<<<<< حاول حاول وحك اذنه وحكه راسه
بس ماااااااااش صح لسانك وانا مستسلم ياخوك |
طلعت ورجعت
توقعتها صرخه لعبيد ال رشيد |
الغالى
منذر مالك لوا وبعيده وربي الرمعه وابشر كم يوم ونحله لعيونك تقديري |
ولا هي القصيده وصاحبها ؟؟
هل له دخل بالصيد ؟؟ |
هلا بالغالى بندر
ولاهى القصيده ولا له علاقه بالصيد وهى قصه قديمه كما ذكرت وتقديرى لشخصك |
مشكور عقاب النهار على اللغز
بقول انه حاتم الطائي والفرس ؟؟ يوم يذبحها للضيف ؟ |
هههههههههههه
قعدبه فواز ولايهمك حله عندي هذا اللبتن بالشاي يابوفهد كيس اللبتن ماتعرفه تعرف التلقيمة يمكن تكون هي خخخخخخخخخخخ |
البروحه زينه بهالوقت
ههههههه صح لسانك |
بقعاويه
مالك لوا الغاليه وتشرفت بمرورك تقديرى |
بندر الشرعان
مالك لوا يالغالى وماهو اللبتن والشاهى وكفو يالغالى تجيبه ولا يصعب عليك تقديرى |
اقتباس:
وربى جبته انا لفواز والمشكله توهقت به ماتوقعت انه يبي يطول المشكله انه قصه قديمه واتوقع ماهو قصور بكم بس تجهلكم المعلومه هو رجال باختصار والبنت حاجه ملموسه ومنظوره ومحسوسه بنفس الوقت تدرى عاد هى حدثت بزمن الهلالات خله ينحل وابشروا بالعوض تقديرى |
يمكن التفاحة يوم قسمه نصين
والباقي عندك يالغالي |
[align=center]عقاب النهار
مشكور اخوي على اللغز ...... والحل اتوقع انه ... الوشم ..... اللي ينحط على يد البنت .... هذا حلي اخوي[/align] |
بندر الغالى
عذرا على التاخر والله مانتبهت التفاحه مالك لوا وتقديرى لك |
الغالى
خالى المشاعر الوشم مالك لوا وتقديرى لك واحترامي |
[align=center]عقاب النهار
مهو النجر .... طيب[/align] |
خالى المشاعر الغالى ماهو النجر واعتقد انه قصه وربما انك لاتعرفها وانا اعتذر من الجميع اللغز جبته لفواز لكن ان الله احيانا ان شاء الله كم يوم وانا بحله وتقديرى لك واحترامي |
يسلموووووو الله يعطيك العافيه
|
عبير
هلابك ويعطيك العافيه انتى وشرفنى مرورك تقديرى |
عذرا من الاداره
والجميع رفعت اللغز لانى ناسيه وقعدت اتصفح بملفى لقيته وفتحت اللغز لانى ابي هاليومين افتح مجال يحلونه والا انا ناوى بحله تقديرى للجميع |
| الساعة الآن 08:26 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010