|
لغز(تسعين تيس شلتهن)((حلته جودي وهي ضايعه بعد))
الله عـلـى وقــت السـفايـف مـع الخــوص=يومن وانا غازي ويـوميـن قـنـاص غـزيـت منـذر مع بـنـيـدر عـلـى العـوص=تسعين تيس وشلتهن شيلة الماص من شافني منـذر كمـش كمشة الصوص=وبندر ورى القلعه غدى تقل رقاص حلالهـم شلـتـه عـلى الجـمس مرصوص=ولو كنت داري جيتهم راكـبـن باص ياويش بـنـت وطـيـبـهـا صـدق مفـحـوص=والناس لعـيونه شـفـوقـين وحراص تـسـوى رجـال وقـدرهـا غـيـر مـنـقــوص=بحـضـورها يسكت لها كل مفـراص لو جـت هـزيلـن مـوتـره صـار مـقـلـوص=يصير يـزمـر مـثـل مـروان بصـاص حـتى انا فـعـلـي ضـحـى الكـون مبخـوص=تحـطـنـي فـي لعـبـة الهـنـد خـبـاص الله على هالقاف حسافته بهاللغز السهل اللي يبي ينقشونه باول رميه ياملا الدقاق لغز00 |
صح لسانك فواز
رمعه اذا هي 400 بالبلوت ؟ |
مرحبن به فواز
ياخوي البنت مدري لكن لو قلت ولد بقول الحظ وارد |
والله هاليومين ماني يم الألغاز
لكن رمعتي تقول : اللمبه ( الكبس حق الطلعات ) وانت وش تقول يالعشير برمعتي اكيد من جنب القائم 00 |
اقتباس:
اجل وش انت يمه خخخخخ <<<<< وش دخلتس ياشيخ فواز هو بالسياره ؟؟؟؟؟ والا يخص ناقتي :ert4: |
أمممممممممممممم؟!! ممكن تكون الكرامة أو الشهامة؟!! هل هي محسوسة؟! اقتباس:
|
اقتباس:
هههه بقايا طلال شفت زين الاربعمائه لاصار اللي ضدك غثيث وخليته كومة خوص00 تحياتي لك مالك لوا 000 |
اقتباس:
لاوالله ماهي من جنب القائم ياحليلك يالقائم الا بالمدرجات00 من يوم صارت البعارين تطير اللي بتوقيعك وانت ماش عاشق ومتخربط00 |
اقتباس:
ناقتك عساه للافعى اللي تجيها بالمراح هي وخشته اللي مثل ضحكة بندر الشرعان000 عاد ماصورتيها وهي مسكره افمه تقل جايزن لك هالمبسم000 ياملا القراد اللي يجمع حمولته كلها معه 3000 قراد بوروكك ماله دخل بالسياره ولا الناقه ولاعشوق00
سرى الليل والخافق غثيث الزمن حاشه=سـهـيـرن لعله يـشـعل الصبح فـانـوسه اذا نام جـفـنــن جارح العـشق ماناشه=توالت على قـلـبه بلاويه وهـجـوسـه يـراقب نجوم الليل والناس بفراشه=يراجي شـعـاع الفجـر يظهر سـنـى قـوسه نجوم السماء كنه عن الفجر منحاشه=وتسمع لحن سجـع الـعـصافـيـر بغروسه واخلي فراشي والـمـعـالـيـق مـنـداشه=واباعـد عن ربوع الشـمـاتات وجـلوسه بصدري مثل طق الشواكيش بقراشه=او اللي تطق طـبـول الاحـباب بعروسه واذا ضاق صدري ينبع القاف من جاشه=واراهن على عـدل القـوافي ومـنكوسه اجنب هزيل القاف والسقط وقشاشه=واجيبه عن غـلـوط الشواعـير محـروسه نقيته عن المنقود في طاش ماطاشه=ولااشـريه مثل اللي قـوافـيـه مـدسوسه ولااسري على قاف العرب مثل خفاشه=سروقن لـمـثـمون الـقـوافي تقل سوسه ولايستحي ينشر خزيزه على الشاشه=غدى الشعر بـيـعـة تاجرالخـوخ والكـوسه بالاشعار عدي كبتن القاف والباشه=ولاهي من امـثـال الـرجـاجـيل مـبخـوسه اذا شفت هـمـي بالحشى بان نتاشه=نـثـرت المـغـثـه جـوهـرن لاح بـطـروسـه لعله يعلل خافـقن ثـار لـولاشه=هجوسه تخـلـي ضامري دايـمن حـوسه |
اقتباس:
نور الدنيا يازهرة بعد حيي وعطره ونوارته افهميني انتي يمكن لو كنتي ولد كان تشتغلين سمكري سيارات لان كل لغز تنطلقين على السيارات تقل حنيش وانا والله مااجيب بالسيارات بس عناد لك00 على طاري السيارات لي قصيده 45 بيت بوصف الجيب بس والله تهبل حيل وهذا نموذج بسيط:
الجيب روحه على المشوار مشفوحه=لاصار فـوقـه شجـاعـن مـثـل شولاحي يـتـبـع طريقن عفاشن عازلن روحـه=والطـعـس ماجـاء عـلـى باله ولاراحي سبعه خليجي جـديـد الـرقـم واللوحه=تصمـيم رجـلن فـهـيـمـن حاز الامـداحي ماداج حـافـي بـنـار القـيـظ بسروحه=ونـار الـقـوايـل بـكـبــده تـقـل قـداحي واليارجـع حـرمـتـه عـوبا ومكلوحه=صاحـت بوجـهـه وقـالت يامـلا الـماحي من ديرتن صنـعـتـه بالطيب ممدوحه=ومن قبل يصدر خذى بالسير مـشـواحي وقال المـهـندس حـقوق البيع ممنوحه=فوق البواخر يـشـم اصنـاف الارياحي والشارقه تـنـتـظـر والسوق مفتوحه=وشاله شريـطـي يـدور فـيـه الارباحي وجاه الذي يشتري والروح مفضوحه=في حب جيبن بـثـالـث غصب يـنزاحي الجيب غـايـة هـواه وراس مصلوحه=يشــدا لـذيـبـن رقـى فـي راس لولاحي |
اقتباس:
يابعد حيي يابو فهد وش أسوي؟!! صار لي سنتين متخرجة وغازتن هالشهادة تقول اينشتاين ويوم قدمت ابي وظيفة قالوا ماعندنا ألا كهربائي سيارات؟!! ابو فهد وشلون تجي كهرباء وسيارات؟!!:) عاد بعذري لو تعقدت:) اما اللغز الظاهر اني حليتوه وهو كالتالي:) اما يكون (القناة) أو البارود هاه شرايك؟! |
اذكر الله يابوفهد ,,
اذا ماخاب ظني الدراااااهم ( الفلوس),, |
اقتباس:
لا والله ماهي البارود ولاالقناة يانور لان القناة ماكل احد يهابها0 مثلا لاصار واحد مثلي شجاع وصنديد (خاص بالسوالف)غير وصوفه الباقيه اللي وصلن 87 وصف ولقب لايمكن يهاب القناة الا اذا راعيها نغول ويضرب مع الكبد00 |
اقتباس:
الــدراهـم والـفـلوس=عـنـدك انـته يالطبيب هـن خـرابن للنـفوس=تودع الـواحـد يشيـب يرفعن عـالـم وروس=ويسـتـعـز اللي تعـيب دونهن تقـعـد تحـوس=دايمـن عـنـدك طـليـب لين ماتقوى الجلوس=وحرمتك تصبح رقيب سـيـفـها خنجر وموس=كـنـهـا داب الـقـلـيـب دوس ياصـنهات دوس=قبل شـمـسك لاتغـيـب |
يعافيك فواز
بس عاد قربه شوي عشان نحاول |
ههههههه اه اه يابوفهد تعبوني المرضى
اعطيهم بنج موضعي وكلي مافيه فايدة عيونهم تزاقح ضد البنج ,, رمعتي ياطويل العمر (( الفرامل )) |
..يا حليلكم الى الحين بهذا ..هههههههههههههههههههه مبطيه عنكم ..عندي رمعه وابيك يا بو فهد تقول صح لو ما هي صح بمناسبه رجوعي الميمون ههههههههههههههههههههههههه انا اقول انه ددسني ..الي كل ما هذا مطسسه به بهالقسم ..هههههههه |
اقتباس:
هلا حوريه حايل فقدناك والله لكن زين يوم رجعتي بالسلامه وددسنك حلولات لو اواجهك عند شارع الستين بجيبي والله اصدمها00 |
اقتباس:
وشلون الفرامل ياصنهات وانا قلت انه ماهو بالسيارات؟؟ شفت انك كشفت روحك هقوتي انك طبيب بيطري واضح لكن تشوف ان ماكشفتك بالمستشفى عند خوياك000 |
اقتباس:
هلا ام نواف يالعزوه وحياك الله عندنا بالشبه00 لاتبعدين تري عندنا داس بلوت عقب شوي لعلك تخبصين لنا ساعه 000 والله لو اوضح شوي انكشف لانه ماله الا كذا 000 هي اللي تسوي المستحيل00 وتقرب البعيد وتبعد القريب00 هذا اللي اقدر اقوله وحياك الله ام نواف000 |
لاتخوفنا يابوفهد وش الي تقرب وتبعد ؟؟!!
هقوتي سنين العمر ومفردها سنة |
اقتباس:
لاتخافين يابنت الهيلا هي حاجه ماهي ملموسه يعني معنويه ونسويها كلنا ماتخيف بس شغلي مخك شوين00
ياللـي عـلـى وسـط الـضـمـاير تـمـكـنـت=ولـغـوم حـبـه في خـفـوقـي قـبـسـهـا كـنت ومـكـنت وزنـت لـلـزين وادمـنت=وسـكـنـت قـلـب اللي حياتي عـمـسـهـا اغـنـج غـنـج يـنـهـج بـروحك اذا لـنـت=اهـنـف كـتـف روح الـعـشيـر وكبسها ادعـج لـعـج هـاج بـحـشـى القلب واعلنت=ظـلـم الـذي روحـي بـهـجـره عـفـسها حـبـه كـمـن فـي مـكـمـن الجوف واذعنت=لـلـي حـيـاتـي بـالـمـحـبـه خـفـسـهــا وملكت وسـط عروق قلبي وهـيـمـنـت=وجريت روحي فـي حـبـايـل مرسـهـا والله فـلا تـسـوى حـيـاتـي ولا سنـت=لاراح رمـشـن في غـرامـه حـبـسـهـا |
ابوفهد ابي اترك الطب واتفرغ لصيد الغزلان
تخاويني,, لك خبرة بمجال الصيد ,, ابوفهد اذا ماخاب ظني اني عرفتها البنت هي ,,, الذكرى,,, |
الرحم ؟؟؟؟؟؟؟
يعني القرابه <<<<<<<<< اقول اهجدي هع هع اذا رجعت ان شاءالله امخمخ لهاللغز خخخخخخ |
اقتباس:
لاوالله يادكتور ماهي الذكرى لان ذكرى ماتت ذبحها زوجها اولا؟؟ وفيه ذكرى ثانيه للراوي:
ذكرتـك يوم راح الـلـيـل يـافـرقـاك ياشـيـنـه=الا ياعـزوتي روفي بحـال العاشـق الـهـايـم احب الليل لاجل اسـمع كلام الشوق تـرويـنـه=واحب الشـوق من شوقـك عـسى شـوقـك لنا دايـم دخيلك كان طال الهجر راوي نجد تـنـعـيـنـه=ربوعـي صيـفـها صافي وصيفي دايمـن غايـم لهيب الشوق يجـذبـنـي لبـنـتـن تهت في زيـنـه=تقوم حـظوظ خـلـق الله وحـظي بالهـوى نايـم احـسبك ترحـمـين اللي بحـبـك ضاعـت سـنـيـنـه=تركـتي خـافـقـه ضـايـع على مـوج الرجـى عـايـم الا لـيـتي تركـت الـعـشـق مـاجـيـت بـمــيـاديـنـه=ولاعـشـقـن رمـى حـالي يـضيـمه صاحبن ضايـم بلاء قـلـبـي بـغـيـت اللـي بـطـبـعـك ماتـريـديـنـه=تـريـديـن الهوى شوتة غـشـيـمـن من ورى القايـم من اول كـنـت احـب اللـيـل يـوم انـتـي تـحـبـيـنـه=وصرت اكـره ظـلام اللـيل من غيظ الحشى الزايم ظـلامـه يـجـلـب اطـيـافـك وكـل الـلي تـقـولـيـنـه=وتجـرحـني شـمـاتـات الـقـريـب ولـومـة الـلايـم غـلـطـت وسـقـت لـك قـلبـن بـنـار الـهـجر تـكوينه=دخل عـطـشان بـدروبـن تركـهـا ساهرن صايـم بـغـيـت الشوق لي دايـم واحـسـبك ماتنـاسـيـنـه=طيورك بالهـوى طارت وطـيري فوقكم حـايـم |
اقتباس:
هلا وغلا اجوديه وحمدلله على السلامه يقولون انك ضايعه بمنفوحه من اسبوع هو صحيح؟؟ مالك لوا جوجو00
عــط الــرجــل حــقــه فــي مــســيــره ودوهــاجـه=وشــوف الـخــلا يـطـفــي لـهــب خـافـقـن ضـاقي اخـلــي هــروج اهــــل الـشــمـــاتـات وازعـــاجــه=وعـن عـالــمـن هـرجـه سـبـب شــيــن الاخـلاقـي يـضـيـمــون مــن يـمــشــي عـلـى غــيـر مـنـهـاجـه=مـثـل حـال مـطــروحــن شـكــى كـســرة الـسـاقـي عـلـى الـلــي بـزيــنــات الـمــخــالــيـــق مـاداجـــه=ولامـثــلــــهــا بــيــن الـقــبــايــل والاعــــراقــي عـيــون الــمــهــا نـارن كـــوى الـقــلــب وهـــاجـه=تـظــلــه رمــوشـــن تـلــمــحــك ثـــم تــنــعــاقـي لـهــا سـنـحــة الـعــانــق بـيــاضــه مـثــل عــاجـه=ولا بـالـعـــــذارى لـه شــبــيــهـــن بـالاعـــنــاقـي لـو الــزيــن لــه قــاضــي خــذت بـالـحـــلا تــاجـه=وشـــالــت دروعــــه فــي جــمــيــلات الاذواقــي عــروق الـحــشــى لـمـجـالــس الــزيــن مـحــتـاجـه=خـــذت خـافــقــي والــيــوم شــره عـلــى الـبـاقـي اذا جــيــتــهـــا طـقــت عـلــى الـبــاب مـــزلاجــه=ولاادري وش الـحــيــلــه بـمــدعـــوج الاحــداقـي اجــيــهــا ابــي بــــدر الـمــعــالــيـــق وســـراجــه=وهـــو مـخــتــفــي لاشــفــت عــيــنــه ولا واقـي غــدت قـصـتــي مـعـهــا كــمـا الــفـيـلــم واخـراجـه=وانـا رايـحــن راجــــع تــقــل شــغــل بــواقـــي اعــاتــب واقــول اعـــصــاب خــلـــي بــثـــلاجــه=وافــكــر واقــول ظــروفـهــا صعب تـنطـــاقــي |
اقتباس:
أممممممممممم؟!! شرايك بالفكرة التفكير يعني؟!! |
اقتباس:
مالك لوا يانور وانا متاكد انك مافهمتي اللغز جيد00 ماهي الحاجه اللي لابغيتي تخلصين لك شغل تبحثين عنها قبل؟؟؟
عيون المهاة اللي بالارياف معتاشه=وسط فيضتن خضراء نديه ومشـمـوسه يذيره حراك الغصن من عاصفن هاشه=او الخوف من قناص الاريام وعـسوسه تهيلك عيونه يوم تجفل من ادباشه=ولاحـت له ازوال السواريح وحـسوسه مثل عين ريـمـن حطت الروح بانعاشه=وصوف الحـلا فيها كثيره ومـدروسه بوسط العرب كنه ضوا البرق بفلاشه=وجـاراتها كنه مـن الـسـوس مـضروسه لك الله فلا هبنا دروبه ومـطراشه=ولو عاش في ديرة صلـيـبه وناقوسه ظروفه غدت دون الغلا تقل منخاشه=دروب الهوى صارت لنا تقل مـعـكوسه ومن دونها ضرب المـدافع ورشاشه=من اللي على راس الـغـلا شال دبوسه لما طحت مع حطاب ربعه وحـشـاشه=اريد الخبر عن داعـج الـعـين بفلوسه واشوف العرب معنا كذوبه وغشاشه=تواصوا على روحن من الهجر محـموسه وراس الظباء مايطرد الجوع بعراشه=ولا ينفع الضامي جـواحـيـر ورسوسه الا ليت لو حـظـي مثل حـظ عكاشه=مدامه كسب من سـيـد الخـلق نامـوسه وانا العمر اسدد دين الايام من كـاشـه=واداري ربوعـن كنها لـدغ نادوسه واراجي عنودن فوقها الناس مـهـتاشه=هـنـوفن غدت في قاعة البيت محـبوسه غدت نومتي من غـثـة البال بخـيـاشـه=حزيـنـن على اللي شاقـني زين ملبوسه ونصبر مدام سلاحنا صار مـنـقـاشه=مدام الزمن يركي على خافـقـي مـوسه |
اقتباس:
لا مهو صحيح هالحتسي هع هع اشاعه مغرضه طيب مهي الواسطه فيتامين واااااااااااااااااااااااااااو :4wrg: |
ابوفهد تسوي تشويق للغز غريب ومثير..
شكل جودي جابت الحل .. |
اقتباس:
صــــــــــــــــــــــــــــح جـــــــــــــــــــــوجــــــــــــــــــــو الواسطه اللي تقرب البعيد وتبعد القريب وتمشي عند الناس كلها ماشالله هذا وانتي ضايعه بعد اجل وشلون لالقوك البوليس00 |
ههههههههههههاي
وناسه بسم الله علي ماعليك يابو فهد اذا رجعت احله من اول مشاركه ان شاءالله هههههههههههه مشكووووووووووووور ملاييييييين |
هب هب
فواز شف لي حل مع دماغي عجزت احل لغز واحد 000 |
اقتباس:
بسم الله علي بدا الحسد اعوذ بكلمات الله التامات من شر ماخلق تف تف تف بسم الله علي :093: |
| الساعة الآن 09:21 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010