|
لغز((حرب السحالي والتماسيح))((حلته نور الدنيا الاموره))
لـعـل الـحـشـى بالـصـبـر فـي نـاركـم مـاجـور=مـدام الـسـعـد ضاعـت عـلـيـنـا مـعـابـيـره هـمـوم الـحـشـى تـمـشـي عـلـى خافـقي بالدور=اذا راح نـصـف اللـيـل جـتـنـي مـسـايـيـره وتـبـقـى عـلـى صـدري لـمـا يـسجع العـصفــور=وهـي تـرجـف الـخـافـق مـدافع طـوابـيـره واذا غـادرت صـدري ظـهـر لـي شـعـاع النور=اعـالـج جـروحـن ذقـتـهـا مـن سـواطـيـره سـبـب عـنـدلـن حـطـت خـفـوقي بـدرب الجـور=صـعـيـبـن على قافي وصوفـه وتـصويـره اذا شـفـتـهـا يـطـري بـبـالـك بـنـــات الـحــور=ولـو بالوطى بـه وحـدتـن قـلــت مـاغـيــره وصـوف السـحـالـي ويـل قـلـبـي مـن الغـندور=عـسـاهـن بـعـد كل الـتمـاسـيـح بالـديره ابي انـشـد عـن رجـالـن عزيزين فـوق القـور=لزومـن لـمـن جـاه احـتـرامه وتـقــديـره لهــم نومة(ن) يصبح بها نايمن مثـبـــور=وحديهم رفض نومه عسى فعلته خيره |
ابي انشد عن رجالن عزيزين فوق القور
لزومن لمن جـاه احترامـه وتقديـره لهم نومة(ن) يصبح بها نايمن مثبـور وحديهم رفض نومه عسى فعلته خيـره رمعه اهل الكهف ؟ |
اقتباس:
ابو فهد اشهد بالله شهادة انك سنافي عساك بعد هالتماسيح بس اللغز ابشرك اني ابي احله أخيرا بس ابي اعرف معنى كلمة (القور)؟!! >>قومي بس قومي:) |
اقتباس:
هلا وغلا وعليك السلام مدامك جاي تسلم يالعزوه00 ومالك لوا وترى النومه ماهي حقيقيه لكن مجازا تقل نايم000 |
اقتباس:
هلا نور ومعقوله ماتعرفين القور؟؟ جمع قاره وهي الحزم او الظلع اللي هو اصغر من الجبل وهي هنا المقصود بها المكان المرتفع00 وشوفي هالابيات من نوع السجع هديه لك000
جميل الزول زين الطول فيه احلامـنـا ضاعـه=جميل القول والـمـجـدول غـادر جـيرتي طايع بغينا شوف حب الجوف لو شـوفـة ربع ساعه=وقال الخوف بالـسـرجـوف يصبح حـبنا شايع كتـمـت النار لو يـنـهـار قلبن صاحـبـه باعـه=بعيد الدار والـمـشـوار طـار بـحـبـنـا الرايع كحيل الطرف شين الظرف باع احلامـنـا باعه=ونار الترف تكرف كرف روحن لاعـه اللايع بنات النور فـيـهـن جـور للـعـشـاق بانـواعـه=اراقب سور زين الحور واذكر حـبـنا الضايع ذبحـنـي شـوق راع الـذوق ريـحه تقل نعناعه=كرهت السوق خوف الـعـوق مادام الجفى ذايع |
رمعتي تقول
عمدان الكهرب طرالي طريق بقعاء وبوه قاره صغيره وفوقه عمدان كهرب 00000 |
ابوفهد صباح الخير ,,
رمعتي ياطويل العمر ,, رجال الدفاع الجوي ,, |
ابو فهد ياصار كذا اجل بقول ابراج الجوال واللي نايم وصاحي مدري يمكن الذبذبات السالبة والموجبة؟!:) والله اني مدري وش فيني هاليومين؟!! احس اني ماش ولكن ابيك يابو فهد الله لايهينك تحط طاسة فيها ماء ومن دخل القسم خله يتفل لي:):) ملاحظة: بندر مدري وينه طمنا عليه يابو فهد والله انه أخ عزيز |
اقتباس:
عمود الكهرب ابي اعلقك عليه انشالله هذا ياعشيشيق0 مالك لوا يالعزوه00 |
اقتباس:
مالك لوا يادكتور وراع للغز زين تراه واضح ياملا النفره00تحياتي |
اقتباس:
فعلا اكيد واحد منهم معطيك عين يانور ماانتي طبيعيه00 كان هو عقاب تري عينه ماتروح الا كود رمي ترمينه00 واذا هو بندر كود تكوين سبع كيات عند حدى الشيبان00 وهو مابه بلاء لكن سمع اني ابي اغزيه وضربه بطنه00
خافقي عـقـب غـدرك عن هوى الـبـيـض صام=يـوم ذاق بـغــرامــك ســم الافــعـى نـقــيــع كـنـت احـسـب الـصـراحـه لـلـمـحـبـه سـنـام=مـثــل نـجــمــن تـلالا بـالـسـمـاء لـه لـمــيــع يـاحـســايـف خـفــوقـن فـي غـرامـه يـضــام=راح يـطــرد ســرابــن مـن غـزالـن خــديــع ودامـنـي ذقـــت جـرحـك مـايـفــيــد الـكــلام=ولايـفــيــد الـمــداوي فـي خـفــوقـن صـريـع كـلـمـا قـلـت حـظـي فـي هــوى الـبــيـض قــام=جــاه رمـحـن يـعــيـده فـي فـراشـه جـضـيـع ودام هــذا قــرارك رح عـلــيـــك الـســلام=لاشـربـنــا مـخــيــض ولاكــسـبــنـا ضــريــع مـكـسـبـي سـهـر عــيــنـــن عـقـبـكـم ماتـنـام=مـن رمـاحــن صـوابـه فـي خـفــوقـي وسـيـع ثـــم خـلــيــت قـلـبــي مـــع ركــونـه هـــدام=وحـكـم هــدم الـضـمــايـر يـاغـنـاتـي فـضـيــع جــرح قـلــبــي بـغـــدرك والـلـه انــه حــرام=ونـثــر دمــعـي بـهــجـرك يـاعـذابـي شـنــيــع قـابـلــن جــرح قـلـبــك مـاعــلــيـكــم مـــلام=وعـادتـي مــن شــريـتــه بـالـنــهــايـه يـبــيـــع |
وصوف السحالي ويل قلبي من الغندور
عساهن بعـد كـل التماسيـح بالديـره صح لسانك يابوفهد طيب هم رجال صحيح ولا وصف |
اقتباس:
هو مذكر وماهو رجل حقيقي لكنه مذكر00 تحياتي لك00 |
مافيه مخ والله
السموحه |
اقتباس:
هلا وغلا يالغلا وحياك وترى ماتحتاج مخ لغوزي اجيبها سهله ماتحتاج تفكير كثير 000
ليش تفرح ياغناتي يوم طال وقوفي=ويوم شفت الدمع لاجلك بالخفى ذرافي اعترف لك في لهيبن يشتعل في جوفي=وان قلبك بالمحبه ماحلب لي صافي شلت قلبي في عيونن داعجه وردوفي=وزولك اللي بالعذارى في جماله وافي لك من لباس العذارى في حلاه صنوفي=تودع القلب المعنى بالحلا رجافي عندلن بك عن خواتك بالوصايف نوفي=بس زينك من طبوعك يالغلا ينعافي صرت مثل اللي طريحن والقدم مشنوفي=طاح من ناسن سلاحه بندقن وشلافي في قيوضن حر ناره للحشاء ذايوفي=في صحاصيحن سروحه دوم ماتنشافي حوله ذيابن فعوله بالعرب معروفي=من سمعها في هروجي صاح بي ياكافي كيف تلعب في خفوقن صاحبه مكتوفي=لين صرت اطرد غرامك بالقوايل حافي |
محجر المخ يابوووووووووووووووووووووووووو فهد
|
اقتباس:
عز الله ماهو منفتح المخ وانت تتصبح وتتمسى بعيال الضبان يامليقيفوه0 الا وثلاث بعد ماهن واحد وشون تبي تفكر؟ الضب به لغز يقول: انشدك عن رجل شريف000اللي شافه واللي ذكره اسعد ايامه بالصيف000ولاجاء الشتاء ياكل00000 |
ابو فهد
صباح النور والسرور والبنت الي تلف وتدور رمعتي ياشيخ فواز ,,, الحواجب,,, من كثر ماطالع صور السحالي والتواقيع انهبلت ,, |
اقتباس:
يادكتور ماادري وش اسوي بمليقيف كل شوي يويق علي بالتوقيع فوق القصبي والشيخ فؤاد وعمر قلي وتحت السحالي والضبان ومالك لوا يالغالي00 |
صح لسانك ياابو فهد
وانا سرحت مع ابياتك اللي عقب اللغز اهداءك لنور وضيعت اللغز وانحاس تفكيري وهاجت مشاعري يعني يبلي ثلاث ساعات حتى استعيد حالتي الطبيعيه لي عوده |
اقتباس:
تشوف تشوف ياشاعرنا عواد؟!! حنا بلانا كله من هالقصايد اللي فرت روسنا فر:) والله بعض الغاز الشيخ فواز تاخذ شهر ماحليناها والسبه هالقصايد انا (انقز) القصيدة ياصرت مصممة أحل اللغز واقول رمعتي ثم ارجع اقراء الأبيات:):) |
اقتباس:
هذا اسميه لغز بالكتشب يابوصالح مخلوط بالاشعار00 منتظرينك اذا استعدت توازنك000
انـا يـاهـــوى بـالـي حـزيــنــن عــلـى فـرقــاك=غـدى الجـسـم مـن عـقـبـك جريـح الحـشـى مـمروض يـفــز الحـشـى غـصـبـن الـيـا جـيـب لـه طـريـاك=سـهــيــرن واخـايـل لـي بـروقـن غـدى لـه نـوض غــدى خـافـقـي تـنــبــض عـروقـه عـلـى ذكــراك=ولااحـدن قـدر عـقـبـك بـقـلـبـي يـصـيـر الـعوض نـســيــتـي غــرام الـلـي مـدى الـعــمـر مـايـنـسـاك=سـبــب حــاسـدن قـلـبـه عـلـى حـبـنـا مـغـيـوض عـشـقــتـك وقـلـت الـعـمـر يـاعـزوتـي يـفــداك=وش الـعــمــر لاغــابـت شـبــيــهـة عـنـود الـروض وصار الـجـزاء قـلــبــن شـكـى الـغـبــن مـن بـلـواك=تـنـامـون وعــيـونـي تـراجــي بـدون غـمــوض تـجــيــنـي طـيـوفـك مـع خـتـومــن زهــت يـمـنـاك=والاطــيـاب لافـاحــت بـمـجــدولـك الـمـنـقـوض انـا صـابـرن عــقــبــك وصـبـري عـلـى رجــواك=تـذوق الــعـطـش روحـي وعـيـنـي قـبـال الحوض |
اقتباس:
ابي وناستكم يانور وعلشان تعطيكم حماس هالاشعار00 منتظرين رمعات جديده000
الا ياوقـت كـيـف ارقـد ونـور الـعـيـن مـايـنـشـاف=ولا تـرجـي لـذيـذ الـنـوم عـيـنـن تـفـقــد احـبـابـه الا ياوقــت لاتـحــرم خـفـوقــي عــنـدلـن مـيــلاف=وش الـمـصلـوح من جرحك لـنـفـسـن بالهوى ذابـه الا ياوقـت شـف قـلـبـي رقـيـقـن بالـهـوى شـفـاف=مـضى عـمـره على الرجوى وجـور الناس عـيـا بـه الا ياوقـت مــاتـرحـــم عـيــونـن دمــعـهـا ذراف=اصـد عـن الـعـرب من خـوف لايـجـري ويـدرى بـه الا ياوقـت يـكـفـيـنـي مـن الـدنـيـا غطـاء ولـحـاف=وقـرب اللـي الـيـا شـافـه خـفـوق الـقـلـب حـيـا بـه الا ياوقـت شـل جـرحـن لـمـعـلـوق الحشى خطـاف=يخـطـف الـروح لـيـن الـمـوت يظـهر مطـلـعـن نابه الا ياوقـت شـف جـرحـي من طـعـون الزمن نـزاف=ولو خـفـيـت عــن ربـعـي رمـاح الـوقـت وحـرابـه |
صح لسانك يابو فهد مليوووووون وربي ولايسدن >>>راحت الرمعات وطي...... |
اولآ اختي نور الدنيا
لاتزعلين يالغاليه انتي كلامك عسل وكلك عسل بس انا ادور فرصه اشبه بليفه بين اثنين تماسيح -----------------------
يلوموني يلوموني يلوموني بابن غسلان=ويلومونه على الكاتشب اذا حطه مع الاللغاز انا مااظن ابو صالح يلوم مهندس القيفان=ولكن نور ماتدري بانه حققت انجاز |
اقتباس:
هلا بك ياهلا مليون يانورن علينا بان=وصار القاف ياتينا ويقصف بندر وفواز انا جاهز لمن يرغب يطب ويدخل الميدان=لو اني شايبن طايح علي فروه مع العكاز |
ابو فهد قرب اللغز شوي بس بيتين؟!! طيب هو عند البدو او الحضر؟! >>اخنرعت سؤال جديد:):) |
اقتباس:
هو عند الحضر يانور فقط ومايجي للبدو الا كان لعب بس0 بس بيتين لانه واضح وراح تشوفين00
كـان حـبـك خـطـيـه نرتـجـيـك الـسـمــوحــه=ويـش ذنـبــي وربـي فـي غـرامـك رمــانـي يـوم تـشـلـع خـفـوقي فـي يـديــك وتـمــوحـه=مـوحـة الـطـيـر ريـشـه لادعــيـتـه وجـانـي كـنـت احـسـبك تـداوي خـافـقـي من جروحـه=وانـت حـطـيـت قـلـبـي فـي دروب الـهــوانـي لـيـتـنـي طـعـت نـاسـن بالـمـحـبـه نـصوحـه=كــان سـهـــر الـلـيــالـي لاجـلـكـم مـابـلانـي قـالوا افـطـن لـنـاسـن جـمـرهـا بـان فـوحــه=مـثـل مـجـنـون لـيـلـى او جـريـس الـيــمـانـي وقـيـس يـطـرد عـنـوده لــيـن راحـت بـروحـه=مـات والـقـلـب يـشـكي مـن طـعـونـه ثـمـاني والـيـمـانـي كـتــمـهـا والـمـحـاجـر فـضـوحـه=بـالـدقـايـق يـزوره هــاجـســه والــثــوانـي قـلـت يـانـاس خـلـي صادقـن فـي طــمــوحــه=وان جـزيـتـه خـفـوقـي في خـفـوقـه جـزانـي |
http://members.lycos.co.uk/absbaup//...tttttttttt.gif
حسبنا الله ونعم الوكيل:) ابو فهد شرايك بأريل التلفزيون اللي يجيب غصب1 وغصب2:):) |
اقتباس:
نور كان ودك امسك مليقيف وافدع به برطيبة نخله كسبه وخضراء علشان ماتنكسر وادخل سحاليه بعلباه الموذي هذا0 انا جاهز للقصف وانتظر منك توجيه فقط يانور00 اللغز يقول ذكور يصيرون بمكان مرتفع وكل واحد منهم له يوم ينام فيه الا واحد ماينام ابد ودايم سهران واقف000
زين الـحـلايا قـعـد يلـعـب على كـيفه=يورد خـفـوق الضـمـاير درب الاتـلافي نرجي ربيعه وياصل خافـقي صيفـه=ولاهوب قيظـه يجـيني خـمـسة اصنـافي من كثر حبه تـمـنـى خـافـقـي طـيفه=وقـمـت اتـردد كـثـيـر لـقـسـم الاسـعـافي كل الفرح لاحصل لي يوم تـشـريفه=والقـلـب يفرح بـشـوفـة زيـن الاوصافي عين اشقرن يعجبك ريشه وتصفيفه=طـيـرن جـليلـن نـزل في راس مـشـرافي شاف الحباري بروضن ساقفن ريفه=والطـير مـذكور في شـوحات الاشـوافي ادلى على الصيد شـيـنـاتـن مخاطيفه=لـه مـخـلـبـن بـالـحـبــاري تـقـل نـتـافـي كـنـه عـيـون الـغـلا زيـنه وتوصيفه=ومجـدولها اللي بـكـتـفـه طـايحـن ضافي وجسمن خذا القلب في قيده وتكـتـيـفه=والـبـطـن عازل كـتـوفـه هـي والاردافي ضامت خفوقي مـواعـيـده وتـسـويـفه=كم مـوعـدن قـام يـسـفـى فـوقـه الـسـافي مثل الـذي بالـبـحـر طـاحـت مجـاديفه=ومـن هـول الامـواج قـلـبـه ضاع ياكـافي |
اقتباس:
بسم الله الرحمن الرحيم!! والله اني انخرعت:) صح لسانك على القصيدة جاري التفكير.............. |
اقتباس:
تريه يدخل بالسياسه للمعلوميه00 قال عبيد ابن رشيد:
انـا عـلـى لان وربـعـي عـلـى لان=مـتـخـالـفـن رايـي وراي الجـمـاعـه انا ولد علي سلايل كحيلان=ربي جـعـلـنـي للسـبايا وداعه وعيبن على اللي يختفي عقب مابان=عـيـبـن طمان النفس عقب ارتفاعه اضرب على الكايد لياصرت بحلان=وعند الولي وصل الرشاء وانقطاعه اما تجي بعقود حص ومرجان=والا بشيطـانـن يـطـيـر بشعاعه |
(((العلم))) وعلم السعودية هو اللي دايما واقف صح؟!! يارب يطلع صح |
اقتباس:
صــــــــــــــــــــــــــــح اعــــــــــــــلام الـــــــــــــدول وكلهن يتم تنكيسهن عند المصيبه الا علم المملكه العربيه السعوديه00 تسلمين نور يالعزوه واشوا قبل تجي جوجو وتخمشه منك00 وهي اول يخمشه منها راع الشعلا الله يذكره بالخير00 |
اقتباس:
احلى كاتشب ياابو فهد بس المره الثانيه ابسوي مثل نور ابنقز واقول رمعتي وبعدين اتفرغ للكاتشب
انا نفسي تسولي وتدفعني على مجاراك=ولكني اعاندها وتطلبني واقول ان الطلب مرفوض لاني ماوصلت اصلآ لشين واصله شرواك=لذلك اعتبر نفسي تليميذك وانا محضوض |
اقتباس:
وانا واختي نور الدنيا من شدة تأثرنا بما نقرا من روائع ننسى الرمعات صح لسانك ولاهنتي |
| الساعة الآن 10:22 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010