|
خبـــــر عـــــاجـل
بديت اكتب ولكني كتبت ولاكتبت جنون=بداية قصتي مع هالزمان وكثرة طعونه كاني لابغيت ارسم تحرك داخلي مليون=من جنون الشعر واللي تطايح عند مليونه كرهت بداخلي كثر الانين وجرحها المدفون=وجيت اصافح الدنيا واصور نظرة عيونه عجزت ولاقدرت ارسم علامات الرضا وشلون=احاول بس تكسرني صنوف الوقت وفنونه مشيت الدرب وعيوني تناظر بالهموم عيون=غزاها الدمع بسراب الحنين وصوت مجنونه كاني شفتها تسال كاني ياعرب تدرون=حوار(ن) دار وادميت الخيال وطحت من دونه وقف صمتي على حد الحديث وصوتها المشحون=اجاملها وانا نفسي من الاهات مشحونه بداية بوحها(قدس السلام)وصدرنا المطعون=نلامس جرحها الدامي بنظرة ذل مدفونه وعلى (لبنان) جرتني واثاري للحديث شجون=صدى بيروت والضحكه وفيروزه ودلعونه تبدل ضحكها صرخه وقذائفها على دلعون=وكل(ن) بايع(ن) نفسه حريريها معا عونه وعلى (بغداد) ياحسره جنون(ن) يستبيح جنون=تبي تنطق ولاتقدر كان الاااه مسجونه خلافتنا..حضارتنا..تقدمنا تهقون يهون=عروبتنا..؟!! وانا اسف اشوف الكلمه ملعونه وش اتذكر جثث..ثكلى ولون(ن) يستثيره لون=بحور الدم تجرفنا ولاحد(ن) باح مكنونه عرب وش ظل ياكلمه نرددها بحرف النون=وحرف اللام مانعرف صدها ولانجي كونه نعم نشجب ونستنكر شبعنا ياعرب تكفون=كلام(ن) في خبر عاجل على النشرات تملونه وخلونا معا ناصر قضية شاعر المليون=وفوز الشبرمي واللي يبونه يم فرعونه وخلوا داخلي ذكرى بقايا صمتها المشحون=وخلوا الدمعه في قلبي تموت اليوم مسجونه |
ياللروعه والابداع وربي ان كتبت ابدعت لك الشعر ولنا الاستمتاع بما يصوف لنا فكرك الف الف صح لسانك واعتلا شانك ولاهنت تقديرى |
الشاعر الراقي مهدي معيوف العنزي الله الله الله كم انت مبدع... بيض الله وجهك ابدعت يامهدي ولاهنت ولا هان بوحك بهاذا العزف المنفرد يتدفق الماء الزلال بالمفردات العذبه والمعاني الساميه بتلك الفارعه الشامخه بكل هاذا البوح ومايحمله من جزاله يحق للذائقه ان تطيل البقاء بين جنباته والقصيدة تدل على حزن وألم مدفون في قلب كاتبها .... اجدت وابدعت يامهدي ولاهنت ولا هان بوحك وماهي غريبة على شاعر مثلك يالوايلي خالص التقدير وصادق الموده |
مهدي معيوف
قواك الله وصح لسانك مدد رائعة من شاعر لا يأتي الا بكل متألق دام حرفك |
ياسلام عليك
مهدي العنزي امتعتنا كثيرا بهذه الفاتنة جزل يامال العز صح لسانك وعلا شانك |
صح لسانك والله
قصيده مميزه الله يوفقك وننتظر جديدك |
الف الف صح لسانك
سجل اعجابي بهدير قلبك المميز |
عـرب وش ظـل ياكلمـه نـرددهـا بـحـرف الـنـون
وحـرف الــلام مانـعـرف صـدهـا ولانـجـي كـونـه نعـم نشجـب ونستنـكـر شبعـنـا يـاعـرب تكـفـون كلام(ن) فـي خبـر عاجـل علـى النشـرات تملونـه صدقت وصدق بوحك شجب واستنكار وهذا الي يفعلونه العرب اعجبني طرحك وروعتك صح لسانك مليار |
خلافتنا..حضارتنا..تـقـدمـنـا تـهــقــون يــهـــون
عروبتنا..؟!! وانـا اسـف اشـوف الكلمـه ملعونـه وش اتذكر جثث..ثكلـى ولـون(ن) يستثيـره لـون بـحـور الــدم تجرفـنـا ولاحــد(ن) بــاح مكـنـونـه الله عليك قصيده تحكي الواقع المرير لحالنا وشجبنا يسلمك ويعافيك وصح لسانك شاعرنا مهدي العنزي:h64: |
اقتباس:
عقاب النهار صح ابدنك الف شكر على هذه العذوبه وهذه الكلمات الرائعه التي اعتبرها وسام على صدري تحياتي وتقديري |
مهدي معيوف العنزي ياسلام على الصدق عندما يأتي في وقته وبكل هذه الروعة فهو (يجرح ويداوي) فعلا لاهنت لاهنت لاهنت كل الشكر وتقبل اعجابي بما كتبت |
هلا وغلا فيك يا مهدي معيوف العنزي
صح نبضك الصادق .. وقلبك الوفي ولا عدمنا هذه المشاعر الجميلة |
معيوف
صح لسانك وإعتلا شانك |
مهدي العنزي
يلبسك الف عافيه ماقصرت امتعتنا كثيرا |
مهدي العنزي
( ) صح لسانك وأعتلا شانك قصيده رائعه |
الشاعر القدير // مهدي معيوف ماشاء الله عليك لم تترك لي شيئا لأقوله مبدع حتى الثماله الله لايضرك وصح الله لساااانك ولاهنت لك الغلا |
مهدي
وقعت على الجرح الدامي في الشرخ الكبير نعم هنا نتقاتل على شاعر المليون وننسى مليون نفس أهلكت بيد الظلمه سلم البوح الراقي ياراقي |
مهدي معيوف
صح لسانك مليار وتكرار رائع يابو فهد هذا النص كروعة حضورك تسلم يمناك الوف وملايين ابدعت وأمتعت لله درك كل التقدير لك |
اقتباس:
الهايم صح ابدنك ووجهك ابيض يالغالي الف شكر على هذه العذوبه وهذا الجمال كلماتك وسام اعتز به تحياتي العطره |
صح لسانك على هذا البوح الراقي والجميل
وغير مستغرب الابداع من سماء الابداع لله درك يابن معيوف شاعر بمعنى الكلمه سجل اعجابي الشديد بما تسكبه لنا .. |
صح لسانك وبيض الله وجهك
|
مهدي العنزي
صح لسان شاعرها ودام قلمك الرائع في سماء بعد حيي الرائع بكم .. سلمت يداك من كل شر يارب .. احترامي لك .. تقبل مروري .. بقايا حلم .. |
| الساعة الآن 06:16 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010