|
يتصل بك ؟؟؟
من التكنولوجيا الحديثه الذي دخل علينا سريعاً أصبح كالشبكة العنكبوتيه تربط القاصي والداني في وقت واحد.. يتم تخزين أرقام عديده تندرج تحت مسميات ..ولكن يأتينا أحياناً أرقام غريبه ليس لها مسمى.. تحدث ردات فعل إما بالتعجب!! والتسائل من قد يكون صاحب هذا الرقم هل يعرفني ويتصل من رقم آخر أم أنه مخطيء أم ماذا ؟؟؟....ولما يصيبنا الخوف عند مشاهدة الرقم على شاشة الجوال .. لماذا تتردد اكثر الفتيات بالرد على الرقم الغريب..؟ اسئله؟؟ هل أنت\ي ممن يردعلى اي رقم؟ إذا كانت إجابتك لا\نعم مالسبب؟ وهل ترضى ايها الرجل لأختك امك زوجتك أبنتك بالرد على الارقام مجهولات الأصحاب؟ **** كثير مايراوودني هذا السؤال لما اراهـ من بعض المقربين عند اتصال رقم غريب يكون في حيره من امره يرد او لا يرد فانقلته لكم لكي اراء وجهت نظركم احترامي |
الصراحه كنت في البدايه من اللي يردون ع الارقام الغريبه ولكن بعدين بطلت لانه صارت أذا رديت ع رقم غريب ألقاه يدق علي وبكثره ذكرتني في مره أتصل علي رقم غريب وكان شخص يقول هذا جوال عبدالله قلت له لا وما القاه الا كل شوي داق علي عشان كذا قلت لزميلاتي أي وحده تبي تدق علي من غير رقمها ترسل لي قبلها رساله وتخبرني بأسمها ....
النوووفي يعطيك العافيه ع الطرح دمت في حفظ الرحمن |
اخي النوفي اشكرك
كل مجهول مرفوض هي هذي قاعدتي تحياتي لك |
بالنسبه للبنت صعبة ترد على رقم غريب لأن بينفتح باب ماتقدر تخلص منه
أنا ماحب ارد على ارقام غريبه ابد واللي يبيني ضروري بترسل رساله تقول أنا فلانه ردي اما الرجل فأشوف انه عادي جداً يرد على اي رقم واستغرب احيانا لاشفت اخواني مايردون على ارقام غريبه النوووفي الله يعطيك ألف عافيه على طرحك دمت بحفظ الله.. |
صعبه بالنسبة لنا نرد على أرقام غريبة .. خصوصاً البنات ..! يمكن يكون خوف من الإزعاج و المعاكسات .. و أحياناً يكون عندي أخوي و ما أقول له يرد .. لأنه ما له داعي أصلاً أرد !!! و اللي يبيني يرسل أو حتى يدق على جوال أمي أو البيت !! << للحين موجود عندنا ثابت ^^" و شخصياً قليله إتصالاتي أو الناس اللي يدقون علي .. و طريقة إتصالي الوحيده بالعالم الخارجي هي النت ..! لكن أحياناً لا أستغني عن رسائل الجوال ^^ خصوصاً بالمناسبات أو الأعياد ^^" *** لكن بالنسبة للرجال ما يردون .. يمكن رغبة منهم ما يبون أو مالهم خلق .. و يمكن خوف أيضاً ..! لأني سمعت قبل فترة .. عن أرقام غريبه تتصل و إذا رديت .. سحبوا الرصيد أو حتى سرقوا الرقم !!!!!!! مع إني ما أصدق بهالشي .. لكن خفت ^^" << وش دخلك ؟؟؟؟ *** تسلم أخوي النوفي على طرحك الواقعي .. و عساك عالقوة أخوي .. |
[align=center]هل أنت\ي ممن يردعلى اي رقم؟
اكثر واغلب الوقت ماارد على ارقام غريبه بس احيانا جوالي يطلع ارقام وانا اكون مخزن الاسم عندي بس يخبط الجوال ويطلعه رقم بدون اسم وعشان كذا اذا حسيت اني اعرف الرقم اللي داق ارد عليه إذا كانت إجابتك لا\نعم مالسبب؟ لانه اكثر الناس اللي يدقون يااما يكون فعلا غلطان واذا مارديت عليه اكيد راح يشوف ان الرقم اللي دق عليه غلط ولا راح يدق مره ثانيه او يكون شخص مزعج ويبي يزعج العالم او يغازل بنات وهل ترضى ايها الرجل لأختك امك زوجتك أبنتك بالرد على الارقام مجهولات الأصحاب؟ اكيد لا والحمدلله اصلا هن مايردن على الارقام الغريبه واذا احد مغير جواله من اللي يعرفنهم اكيد راح يرسل رساله واذا دق عليها الرقم اكثر من مره تعطيه احد من اخوانها او اي واحد عنده بالبيت يرد عليه ويشوف السالفه واذا ماعندها احد هذاك الوقت تحول الجوال على احد اخوانه او زوجه او ..... مشكور اخوي النوفي على الموضوع الشيق استمتعت جدا بالرد عليه يعطيك الف عافيه ودي وعبير وردي[/align] |
[align=center]أرد عادي وماتوقع الحين فيه ناس تزعج حتى لو كان مزعج اطنش وراح يمل
أوأحول الرقم على رقم الكبار وكذا ماراح يكرر الاتصال تسلم لنا على اختيارك لهذا الموضوع [/align] |
ألف شكر أخوي النووفي الارقام اللي تعرفها بتردعليها واللي يبغاك ضروري بيرسل مسج اللحين الناس صارت ماترد حتى على الي تعرفهم موبالضرورة مشغولين بس مالهم خلق يردون |
[align=right] [mark=#cccccc]هل أنت\ي ممن يردعلى اي رقم؟[/mark] زمان ،، ما آرد ،، آعطي الجوال لآخويا ،، و هو ما يتكلم إلا بعد ما يتكلم المتصل ،، إذا كانت بنت يعطيني الجوال على طول ،، بدون ما تحس آنو ولد اللي رد عليها ،، وبآوقات يرسلوا مسج آنا فلانه ،، آلحين بتصل عليك بنفس رقم المسج ،، بس آلحين ،، جوالي دائماً ع الصامت ،، له آكتر من سنة ما نطق ،، وإذا ظهر رقم غريب ،، آطنشه ،، وإذا رقم آعرفه ،، آرجع آتصل ،، << خسرت آهلها ،، [mark=#cccccc]إذا كانت إجابتك لا\نعم مالسبب؟ [/mark] آكيد آتجنب المعاكسات ،، [mark=#cccccc]وهل ترضى ايها الرجل لأختك امك زوجتك أبنتك بالرد على الارقام مجهولات الأصحاب؟[/mark] بنسبة لآخواني ما يرضوا بذات آخويا الكبير ،، هو اللي عقدني من طلعت الجوال ،، << تسمع الكلام ،، ][ النوووفي ][ الله يعطيك العافية ،، نقاش رائع وواقعي ،، ننتظر جديدك المميز ،، طابت آيامك ،، [/align] |
مــسـسـسـسـتحــيييييييييل ارد ع رقــم غريـــب
واذا وحدهـ تبيني وانا مارديت عليها اكيد راح ترسـل مسج ردي انـــآ فلآنــه يسلـمووووووووو النــوفـي ع موضوعـك تـــحــيــتي |
[align=center] هل أنت\ي ممن يردعلى اي رقم؟ نعم ارد الا اذا كان الوقت متأخر يعني بعد الساعة 11مساء إذا كانت إجابتك لا\نعم مالسبب؟ السبب انه يمكن احد يبيني بشغل لأن ارقامي عند اكثر من دايرة حكومية<<<اخسي ياكوندليزا:) او يكون احد اعرفه مغير جواله او يبيني بشغله وماعنده شحن :093: واذا طلع مزعج عادي من وراه ديليت<<<قصدي طناش يومين ويطس او اعطيه واحد من اخواني يرد عليه ويهجده:) مشكور النوفي على الطرح المميز [/align] |
هل أنت\ي ممن يردعلى اي رقم؟
مستحيل ارد على احد مااعرفه اللي يبيني يدق ع الثابت او يرسل مسج شكرن على الطرح الرائع |
في اول الايام التي اتيت للسعوديه كنت برد على ارقام قريبه
لانني ما كنت اعرف ان بعضا من الشباب اذا دق على رقم بالخطأ وسمع صوت بنت بيكرر الاتصال مره ثانيه لكي يعاكسها الا بعد مر بي هذا الموقف فقلت لأختي فقالت لي لا تستغربين فأنتي لا تردين على رقم قريب فمن هذاك اليوم حرمت أرد على أي رقم لا اعرفه لكن للا سف صار العكس ففي الدوله التي قضيت فيها اغلب سنين حياتي اذا اتصل شاب بالخطأ ..... مايعاود الاتصال مره ثانيه اذا عرف ان الرقم الذي طلبه خطا وبما انها دوله غير اسلاميه النوووفي مشكور على الطرح المتميز والواقعي اسفه اذا خرجت من لب الموضوع |
الله يسعدكم على ها الحضور المشرف لي والذي انار متصفحي
ووجهات نظر مقنعه من الجميع ومتقاربه بختلااف الاسلووووب لاهنتو حبايبنا الله يديمكم اختي الكريمة صرخة وجدان بالعكس لم تخرجي عن لب الموضوع بالعكس اني قلتي شي يؤثر بنفس ان دوووله غير مسلمه تتعامل بأداب الأسلاام اكثر من الدوول المسلمه الله يهدي الجميع كل الشكر لك وللجميع |
ايه نسيت
هايدي وشوله مطلعه جوووال اذا كان كل وقته صاااااااااامت هههههههههههههههههه اذا جووالك للبيع ترني شراي :093: |
انا بالصراحه مااارد لان بصراحه بس مره وحده رقم دق علي يجي 20 مره قلت اكيد وحده من زميلاتي تبيني بش مهم بعد الدوام بس طلع رجال
يمه اه يالنوفي صوته يخوف يخوف طلع الي دق اخذ رقمي بالغلط تشابه اسماء كرهت اسمي والي اليوم ابي اغيره لو حدا يطاوعني المهم كبرت السالفه ................................... اكمل لكم الحلقه الجايه هههههههههههههه بس والله خلاص منبه على زميلاتي الي تغير رقمها ترسل لي رساله |
تحيه مسائيه طيبه معره ذكر الله :3ab8a0c27b:
تسلم يا مشرفنا المتميز عالموضوع و كنت بحط هالموضوع قبل بس الانشغالات حدتني الدخول والمشاركه انا من النوع اللي ما يرد على هالارقام .. ولكن من المكالمه الثالثه ارد عليهم ولو كان واحد اكلمه واوقفه عن حده بس بأسلوبي ولو ما بطل حركاته اخلي اخوي يكلمه و يسكتهـ. |
هل أنت\ي ممن يردعلى اي رقم؟
لا إذا كانت إجابتك لا\نعم مالسبب؟ اللي يبيني يرسل مسج او يكلمني على الثابت |
ياهلا لمار
هههههههههههه لا وصوته يخووف بعد هههههههه بس عين العقل الي قلتي الي يغير رقمه يرسل مسج وينهي السالفه كل الشكر لتواجدك الله يحفظك |
مراحب اختي العزيزه سنافية
الطرح طرحك الله يحفظك انا ونتي يهمنا فائدة الجميع كلامك جميل وتعامل صحيح الله يعطيك الف عافية على الحضور الجميل الله يديمك |
مراحب اون لاين
والله اختصرتي الموضوع كله ههههههههههه الله يديمك وويحفظك وشاكر هذا التواجد الغالي لاهنتي |
أنت عارف طبيعت عملي لازم أرد <<<أحلى ياسيدة الأعمال
بس فعلاً أرد وبقووووووة وأن تكرر الإزعاج له تفاهم آخر من قبل أخواني النوووفي شاكرة لك |
سيدة الاعمال يبيلك مدير لعمالك مالك ومال الازعاج هههههههههههههههههه
كل الشكر لمداخلتك الله يحفظك ويديمك |
مشكور النوفي على الطرح
|
هلا بنملتنا الله يبعد عنك الطفش
شاكر تواجدك |
بالنسبه ليه ارد علي اي رقم يجي علي جوالي يااما غلطان او يكون احد مغير جواله ويقلي هذا جوالي الجديد
واذا احد قاصد يعاكس ارد اولها واذا كرر اتصاله اسوي جوالي صامت يجلس يدق الين مايطفش ومايلقي احد يرد عليه بعدها يبطل يتصل ثاني واذا كان دولي ماارد ابد اخاف احد يسحب خطي ولا شي رغم الاتصالات الدوليه مجننتني وخاصه من دول افريقيه مره في رمضان الماضي اتصل عليه رقم كنت احسبه رقم لااحد زميلاتي ورديت واقول الو الو مايرد قمت قفلت صار هو بتصل تقريبا اكثر من 20 مره جلست اسوي مشغول بعدها اديت الرقم لااخويه واتصل عليه وقله ليش تتصل بالرقم الفلاني وماترد في شي تبي شي رد وقال لا بس كنت احسب هذا جوال احمد وقفل من جد تخلف ياحب الناس للازعاج النووفي اعتذر علي الاطاله ومشكور علي طرحك لموضوع المتميز |
[align=center]
ياعساني ارد على اللي اعرف عشان اللي مااعرف والله الكل يهاوشني ليش مطلعه جوال دامك ماتردين :mad: وش اسوي والله اطفش من المكالمات ويعورني راسي وقلق :) سلمت آناملك و دام تميزك ,, بحفظ الرحمن ,, تقبل مروري .. بقايا حلم .. [/align] |
اهلين اختي عالي سماها
اسلوب حلووو وتعامل جميل الله يقوويك واهم شي المكالمات الخارجيه لا تردي عليهاااا فيها مشاكل بقوووه كل الشكر لسموك الله يحفظك |
ياهلا اختي بقايا منوره المنتدى بحضورك الغاوي الي تعودنا عليه
اهاه انتي من نووعية الناس الي ماتحب تقرق بالجووال هههههههه ما ألوومك والله بس شكل الفاتورهـ مهي بواجد الله يديك الصحة والعافية وكل الشكر لهذا التواصل الله يديم نبضك ويحفظك |
| الساعة الآن 06:37 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010