|
زوجــوه يمكــن... يعـقل !
بسم الله الرحمـن الرحيم صبـاحـكم , مسـائكم ورد وكـادي زوجـوه يمكـن يعــقـل ..! زوجــوه بنت في مقتبل عمـرها تحلم بـأن تكون اسره وحـتى لو كـان مـراهـق .. زوجـوه يمكـن يعـقل ! زوجــوه بنت حــلوه وتطيح الطـير من السمـاء عندها طموحـات واحلام وحـتى لو كـان مدمن مكويتيينكويتيينرات يمكن يعـقل ! زوجــوه بنت اخـلاق وأدب ومحــافظه على الصــلاوه وحتى لو كان هـو مايصــلي بس يمكـن يعقل ! زوجــوه بنت مطيعــه وحبوبه حــتى لو كـان حرامي , مفحط , توه طالع من السجن ~ زوجــوه يمكـن يعقـل ! طيب واذا ما عـقل ! من يتحمـل الذنب ! !! فكـر معـاي شوي مين اللي راح يتحمل الذنب !! البنت ! اللي هـي زوجتــه ! هي اللي راح تنخـدع بواحـد يطلع مدمن ولا حرامي ولا مراهق ولا مفحط ماحد راح يسكت الا هي ولو تقول لـ أمها قالت امـها ~ يابنت اصبري مانبي فضايح < قصدها الطلاق طيب لمـتى تصــبر ! هو يمكـن يعـقل ؟ ويمكـن لا ؟ طيب واذا ماعقـل ؟ وش مصير هالزوجــه ! قصص كثـير صـارت وماكان فيها الضحيه الا البنت ! الزوج يبيع شرف زوجـته على شان مكويتيينكويتيينرات ! يعلقها عشـر سنـين على ذمته وليـه ! مريض نفسي ! موضوع للحـوار لن الزمكم بـ اسئله ولكن النقاش مفتوح .. ..منقــول.. |
الاماني موضوع جميل للنقاش
مسكينه البنت ايش ماكان الزوج تتحملوا حتي لوفي عيوب الدنيا تعيش ولا تبي الطلاق عشان مايتكلمون فيها الناس والله الي مو عاقل مو عاقل من بديتها مو لو تزوج بيعقل بس في الا ول والا خير دائما الضحيه هي الزوجه |
أخت عالي سماها أشكرك ع المرور وتسلم يدينك يالغلا
|
اشكرك
على الموضوع المميز والطرح الجميل نتفق في البداية بأن لكل قاعدة شواذ ممكن ان يكون الزواج سبب في اصلاح الرجل بحيث يصبح رب بيت وتقع عليه المسئولية...فيتغير سلوكه او العكس صحيح ....يورط بنت الناس معاه لكن ارى من وجهة نظري الخجولة ان لا يتسرع الاباء في تزويج ابنائهم لعقدة كانت تلازمهم خاصة في حكاية الزواج المبكر....اعتقد الزمن تغير بما فيه الكفاية ارجع الى صلب الموضوع...الزواج لن يكون هو الحل النهائي الى حل اي انحراف ولكن يمكن ان يكون السبب اذا لازم الشخص الحظ في اختيار الزوجة المناسبة اتفق معك بأن لا تكون الفتاة حقل تجارب في تغيير سلوك الشاب فالأمر سواسية بين الطرفين...... __________________ |
يسلموالأمـــــــــــــــــاني كلامك عين العقل تظلم البنت و90% من هالاشكال مايعقل واذاصبرت وصارفيه ابناء يظلم الجميع ويكونو ضحية ليس لهم فيها ذنب من غشنا فليس منا |
الآمــــــــاني
اشكرك لاثارة نقطة غاية في الاهمية نقطة استفحلت في مجتمعاتنا لينتج عنها ضحايا من نساء واطفال المشكله انهم يرفضوا أن يقتنعوا أن الصلاح لايأتي إلا بإرادة الإنسان وبحول من الله وقدرته,,, سواء تزوج أو لم يتزوج..!!! الله يوفق ويهدي الجميع... تقبلي مروري جود |
طيب إذا ما عقل .. وش ذنب الزوجة المسكينة
تتحمل أخطاء غيرها صراحة فيه أمور ونظرات اجتماعية .. يجب أن تتغير .. ويحسب لعواقبها ألف حساب الأماني .. الله يعطيك العافية على موضوعك الرائع |
مازلنا نقع في اخطاء ومازلنا في جهل للأسف
لكن المتعارف عليه قبل اتمام الزواج يسئل عن صفات واخلاق الرجل مع لزوم الاستخاره صحيح يوجد شريحه من ذلك وتكون بكثرة بين الاقارب الله المستعان ونسوا حديث النبي عليه الصلاة والسلام من ترضون دينه وخلقه فزوجوه ذكر الدين ثم الاخلاق الله يهدي الجميع ويصلح حال شبابنا وبناتنا غاليتي طرح رائع الله يعطيك العافيه دمتي بحفظ الله.. |
الأماني
الله يعطيك العافية ع الطرح الشيق صحيح مثل ماقالت الأخت انفال احيان تصلح الزوجة الرجل ولااااكن يقع فيها المجازفة بحيات انسانه ومستقبلها ان لم يعقل الرجل في مرحلة بلوووغة فا متى يعقل انا ضد هذه النقطه التي تضيع مستقبل كثير من الفتيات وأرجو الألتفات لهاااااا كل الشكر لسموووووك |
الله يعافيكم حبايب قلبي
وأشكركم ع المرور اللي زاد الموضوع حلاه ونوره .. ((معجبه بموضوعها حيل(يستر عليها)..))ّّّ ع العموم هذي وجهات نظر بس مانقول الا الله يهدي الجميع ان شاء الله |
صحيح يعني واذا ماعقل !!!!
والله الغلط في البدايه على اهله اللي يظلمون بنت الناس مع ولدهم وهم عارفينه وعارفين اخلاقه طيب لو انها بنتهم كان مارضولها هالشي يعني مو معقوله اخذ وحده من بيت اهلها واكيد كانت تبني احلامها وايش راح يصير بعد الزواج وانها راح تنبسط وتصير ام و و و ............. وفي النهايه تنهدم كل احلامها والسبب ولد طايش وحبوا اهله يعقلونه بالزواج منها صراحه الله يعيننا اذا كان فيه بجد ناس هذا تفكيرهم الزواج مايقدم عليه الا واحد عاقل لانه مسؤليه كبيره مايتحملها واحد طايش الزواج ماهو وسيله عشان يعقل فيها المجنون او الطايش الزواج راحه وطمأنينه لكلا الزوجين ماهي معقوله الولد ينبسط والبنت تنظلم معه صراحه ودي ان واحد من الاشكال هذي يصير نسيب لي عشان اول شي اطلب من ابوه تغير اسمه بالاحوال من اسمه الحالي الى اسم ( عقل ) وابي انومه شهر العسل عندي بالحضانه وكلما تحرك شيطانه ضربته على وجهه باقرب نعله ( اكرمكم الله ) عشان اعلمه العقل زين هههههههههههههههههههه كل الشكر لك اختي الاماني على هذا الموضوع اللذي استمتعت جدا بالرد عليه دمتي لنا مبدعه ودام لنا ابداعك |
اقتباس:
اخوي قناص الشمال اشكرك ع خفة دمك صراحه اعجبتني بتنومه بالحضانه وشوي عليه بعد العفو وهذا واجبنا تجاه المنتدى الرائع |
السلام عليكم ورحمه الله وبركاته تسلمين اختي الأماني ع الطرح موضوع يستحق النقاش في شباب كثيير يتزووجون وهم طايشين ومتى يعقلون ..!! لما يكبروون ويجبون عيااال شااايفه نااس كذا الله يهديهم فامسألة زوجوهـ وويمكن يعقل هذي( لااا) حراام البنت هي اللي بتنظلم و الزواج مسؤلية مو يزوجونهـ والسلام انا ماأيد الأهل اللي يقولون بيزوجون ولدهم عشان يعقل ويمكن مايعقل ..!! وجهه نظري الله يعطيك العافيه تقبلي مروري |
هلا وغلا حبيبتي عذبة الصفات
مشكوووره ع المرور الرائع |
الاماني
مساء الخير؟ موضع لايحتمل الخيارات اختي اختي كا شاب او شابه مستقبله لايحتمل الخيارات وخص البنت وانا من ناحيتي لن ازوج اختي او بنتي لمن ليس على الطريق الصحيح المشكله لو حصل التفرق بين الاثنين البنت رايح اتصير غلطانه ومطلقه ومن يضمن لي انه سوف يعقل ويستقيم يمكن ان اسرق مال اختي او بنتي ولاكن لا اسرق مستقبلها اختي للاسف ان الكثير من الشباب في هاذ الايام غير مستقيم ولاكن بعد الزواج يستقيم الا اهل المخدرات اختي المخدرات طريق مسدود وتجعل بين الزوجين حاجز كبير كل شي يمكن ان يتركه الشاب الا المخدرات واتنمى من كل فتاه ان تفكر في عقلها قبل ان توافق على الزواج كل شي ينتهي الا الاخلاق واضفري بالمتدين الذي يخاف الله ومن خاف الله خاف الله فيك بلا شك وفي النهايه اشكرك على الموضوع |
يعني اهله عايش معاهم من أنولد .. و ما قدروا يحطون عقله بـ راسه ..! شلون يبون بنت الناس تعقله ؟؟!!!! و هي أصلاً ما تعرفه و لا تعرف طبعه !!!!!!!!! عقليات غريبه ما أدري شلون تفكر !!! *** بـ التأكيد انا أرفض هـ المنطق ..! و يا رب لا تبتليني بـ واحد كذا ..!! لكن و الله حاجه غريبة .. انا مولوده و عايشه عمري كله .. مع أحلامي و طموحاتي .. و خططي لـ مستقبلي كله ..! عشان يجي واحد ما يخاف الله .. و يدمر كل شيء مقابل إني أعقله !!!!!! عمره ما عقل .. مو بـ ذمتي و لا راح أحاسب عليه .. ليش اكلف نفسي ؟؟. و اللي مو حاط لي قيمه .. ما أشيله من أرضه ..! *** ادري لهجتي غليظه و استفزازية .. لكن مجرد ما أتخيل الوضع .. أتنرفز !!!! يعني أنا أجن و يروح عقلي .. عشان هو يلقى الطريق الصح و يرجع له عقله !!!! و فرضاً ما عقل ..! أنا ليش أجن ؟؟! وش ذنبي بـ القضية كلها ؟؟!! يعني بـ النهاية .. كل الاطراف خسرانه .. و المنطق فاشل من اوله .. فـ ما ادري من المجنون اللي راح يطبقه ..! *** يا رب لا تبتليني و لا تسلط علي .. من كثر ماني متنرفزه و متقرفه من الوضع .. حاسه إن ربي راح يبلاني ..! استغفر الله العظيم .. استغفر الله العظيم ..! *** كل الشكر لك اختي الاماني .. على الموضوع و الطرح المميز .. و بـ عذرك لو اعجبك ^^ موضوع يضرب على وتر حساس في مجتمعنا .. و يعالج قضية مهمه .. فـ سلمت يمينك يا غاليه .. |
لحن الوفا ..
مشكوور يالغالي ع المرور الرائع |
هلا اختي أموله..
مرور متميز بصراحه واشكرك ع الرد بس ياحياتي لاتنرفزين وتتعبين نفسك .. نعيش ونشوف هالاشكال .. |
موضوع يستحق النقاش
العاقل عاقل ماينفع فيه زواج او غيره هدايه من الله وكلام اخت امل قالت كلام صحيح وصريح واشكرك على موضوعك الطيب |
انا مايرفع ضغطي
لا لما تجي النت وتشكي لاهله من سواياه عاد ساعتها اهله يقولون (((((واللله ولدنا مافيه شي الف من تتمناه ...........وكل عيوب الدنيا فيه............ بس بنتكم شوي مدلعه وماتتحمل واما تصبر وكل شوي تشكي منه )))) .............................. اه اموت من ذا الكلام |
يعطيك العافيه اخوي فهد على مرورك الرائع ..
حبيبتي لمار مشكوره على مرورك |
| الساعة الآن 07:20 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010