|
الشبه وما أدراك مالشبه؟!!
ماحد بالدنيا يعرف كلمة الشبه الا حنا ياأهل حايل.. وهى المكان اللي يجتمع فيه الرجال بعد العشاء ليتجاذبوا أطراف الحديث ويتسامروا ويرفهوا عن أنفسهم..قديمآ كانت تقام الشبه بالبيوت..وحاليآ أصبحت هناك استراحات يتم استئجارها ودفع مبالغ طائله حتى يرفهون عن أنفسهم..اللي يسمع كلامى يحس أن الرجال مساكين وناقصين ترفيه عن النفس.. يطلعون 24 ساعه بالعمل وناسه وفلة حجاج وبعد العمل ..يتغدون وينامون والعصر يصحون الواحد ماد بوزوه شبر ولا يحاكى أحد يتقهوى ويطلع..ليش؟ يبي يرفه عن نفسه طبعآ..لا يهتم بزوجته ولا وغدانه كل همه يرفه عن نفسه..أصبحت الشبه دوام رسمي يومي وليس له وقت محدد ..عصر مغرب ليل بأي وقت لازم الرجال يذهب للشبه..أموت وأعرف مالحكمه من الذهاب الى الشبه؟!! الواحد يترك بيته وأشغال أهله ويركض ركض للشبه وكأنه دوام رسمى.. مرة من المرات أتصفح الكاركاتيرات ولقيت كاركاتير واحد ماسكن شماغه على راسه لا يطيح ويركض يقول ابمكن الشبه..فعلآ الشبه صارت شيء أساسي.. والمصيبه صاروا مايسولفون يجلسون عند التلفزيون يتابعون ويدخنون ولا ناس تحاكى ناس..ياخسارة بس مجرد تضييع للوقت..وش رايكم ياناس بالشبه؟!! لا تفهموني غلط ماأقول غلط الذهاب للشبه بالعكس يوسع الرجال عن زوجته وعياله ويزيد الشوق بينهم بس أنه يعتبر الشبه دوام رسمى ويترك طلبات وأشغال أهله عشانه لا وألف لا..ولا أعمم بكلامى. ملحوظه: الشبه بمعنى الديوانيه المكان اللي يجتمعون فيه الرجال. ودى وتقديري. |
لي عوده اختي لنقاش في الموضوع
كل الشكر لك على الطرح الراقي دمتي بود |
مرة من المرات أتصفح الكاركاتيرات ولقيت كاركاتير واحد ماسكن شماغه على راسه لا يطيح ويركض يقول ابمكن الشبه..فعلآ الشبه صارت شيء أساسي.. ههههههههههههههههههههه موضوع رائع كروعتك ياغاليهـ وكلام بالصميم << بتكلم عن اللى اشوفهـ بليز مداخلهـ يعنى هذا مانراهـ بوقتنا الحاضر الشبهـ والاستراحهـ لكن الشبهـ تفرق بتفكيري وبفهمى عن الاستراحهـ الشبهـ تكون رسميهـ وبأيام الاسبوع ولها وقت محدد الى مثلا الساعهـ كذا وخلاص لانهم وراهمـ بيت واطفال فلذلك مافهمتهـ من كلامكـ تقصدين الاستراحهـ بس عبرتى عنها بطيرقهـ اخرى وهي الشبهـ لكن اللى نشوف بواقعنا بعض اللى متزوجين وانا اعرف ناس مالهم 4 او 5 او 6 شهور داخل الحياهـ الزوجيهـ وراجع للاستراحهـ وكانهـ ماهو متزوج والبنت المسكينهـ حاطهـ يديها على خدودها تنتظرهـ وماهمتوهـ البنيهـ المسكينهـ ظالمهـ بالاخير يجلس يلعب بلوت ويتابع افلام والكثير ولا يسرى ( يرجع ) الا الفجر فرائيكمـ متى ياصل متى يصلى ( والاغلبيهـ لايصلون نسأل الله ان يهديهم ) ومتى يقابل زوجتهـ متى ينوم متى يداوم وهكذا يقوم الدوام ويرجع للغداء ويقيل << ( ينوم الظهر ) على قولتهم ومايقوم الا المغرب والبنيهـ طبعا عايفهـ الزواج من الرجال اللى مثلهـ ويمكن تشائمت من الزواج بعد وبالنهايهـ يجلس نص ساعهـ ويدق عليهـ فلان يقول اطلع انا عند الباب نبى نروح ؟؟؟ << الشبهـ طبعا وعلى هالموال فمن رائي انا كشخص اتكلم عن نفسي ان لازوج هؤلاء الشباب الا اذا انهم عاقلون رجال بمعنى الكلمهـ يقدرون ويفهمون الحياهـ الزوجيهـ بكل وسائلها يعنى يبون يكونون اسرهـ يبي يفحط على العزوبيهـ ماهو راعي شبات اذا يعنى رح للاستراحهـ والشبهـ وغيرها بس الى وقت محدد من الليل يعنى جت الساعهـ كذا اسر لاهلك لان وراك اهل مثل ماذكرت بالاعلى فلذلك الشبهـ هى عادهـ جميلهـ تجمع الاهل والقرايب والاصحاب للمودهـ وعلى قولتهم التعللهـ والشماتهـ بس الى وقت محدد مثل مالهم حق غيركـ لهـ حق من وقتكـ فمن ناحيتى مافى امل افارق الشبهـ على قولتك لانهـ شي روتينى بالحياهـ تعودنا عليهـ وماقول الا الحمدللهـ انهـ ماخلقنى انثى ولا هو استهزاء بخلقهـ سبحانهـ لكن بما تعانى من امور الحياهـ من الطفش على قولتهم وغيرهـ مقابلت الجدران فيقضى الزوج او الاب او الاخ اغلب واكثر وقتهـ خارج المنزل << مع الشبهـ ههههه فنصيحتى الا هؤلاء الجذعان اللى داخلين الزواج وغيرهمـ من العزوبيهـ همسهـ لهم ان ينظموا وقتهمـ بطريقهـ حسنهـ وينظموا وقت للجلسهـ مع الاهل والزوجهـ والدوام والنوم ايضاء بس بطريقهـ مجدولهـ فكل الذي ذكرت لهم حق بأن تعاملهم وتشعرهم بأنك ولد او زوج رجل يحس باللى وراهـ مثل ما للشبهـ حق وعسى ماهى شبت ملفى السليطى الله يرحمهـ والا شبت بعضهم واللهـ ولى التوفيق ,,,,, << باللهـ مانى مثغف << مايفارق الشبهـ اسف على الاطالهـ واسف كان طلعت من الموضوع جزيل الشكر ياغاليهـ على الطرح القيُم اللى بالصميم << يقدر الحياهـ الزوجيهـ ودمتى بحفظ المولى |
اللي فهمته من الشبه انها تعني الديوانيه عندنا بالكويت
هي نفس الفكره ولكن تختلف المسميات بالخليج كله برأيي اذا كان الرجل ملبي طلبات بيته وشايف امور زوجته وعياله مافيها شي اذا راح غير جو مع اصدقاءه بالشبه او الديوانيه فهي عندي احسن من التسكع بالمجمعات التجاريه والتحرش ببنات الناس بس ان ما تتجاوز ساعات معينه من الليل شكرا ملامح على روعة الموضوع ويعطيك العافيه |
اقتباس:
حياك الله وبانتظار عودتك لتدلو بدلوك في الموضوع. |
اقتباس:
عافاك الرحمن على مرورك ومشكور على تعليقك كفيت ووفيت..وعسى كل من راح للشبه مايهمل أهله. |
اقتباس:
هلا وغلا حياكِ الله وصحيح الشبه هى الديوانيه.. كلامك تمام اذا ملبي طلبات بيته وعائلته مافيها شيء يروح للشبه لكن لاحظت أنها تعدت حدود الترفيه وأصبحت ضرورويه لدرجة يترك بيته وعياله حتى لو محتاجينه ولا يترك الشبه ليله واحده!! والأروع مرورك يالغلا..شكرآ لكِ. |
[align=center]الشبه والوغدان مصطلحات جديده علي....
الشبه أتوقع مثل المركاز عندنا وأنا من رأئي من رأي أختي سهر اذا مكمل واجباته ومايسهر للفجر مافيه مانع من خروجه مع أصحابه الله يعطيكي العافيه دمتي بخير وسعاده [/align] |
الله يعطيك العافية اختي الكريمة طرح جميل قابل لنقاش وبما أننا اصحاب الشبات
أختي الكريمة كثير من المجتمعات الخلجية اصحاب شبات وديوانيات طبعن انتي عارفه نحن مو مثل الدول المتقدمه على مدار 24 ساعه شغل لاااا انما كثير منا اصحاب دومات حكوميه فايكون فيه وقت للفراغ فانتجمع با الأستراحات ونتناقش ونلهوووونتسلى وولكن هذا كله عقب قضاء لوازم البيت والعائله اكيد والحضيض اختي من كان مجلسه شاهد عليه يوم القيامة بخيررر الله يديك الصحة والعافية |
شكرا ملامح على روعة الموضوع ويعطيك العافيه
الشبه هي اساس الجلسه والمتعه بشرط عدم اهمال الاسره كما يحصل من بعض البشر |
شخصياً .. ما أشوف فيها شي ..! لا تهاجموني بنات .. راح أوضح وجهة نظري ..! *** أبوي و أهلي كلهم يروحون لـ الشبة .. و لو كنت ولد كنت سويت نفس الشي ..!! لـ أن فيه إلتزامات و طلبات .. موفين فيها .. و عائلتهم اولاً ..! ثم يرفهون عن أنفسهم ..! *** عندك مثال أبوي .. الحمد لله شاب لـ الحين و معاه عزيمة .. يروح ليلياً لـ الشبه .. لكن ما يتأخر أبداً .. أحياناً ليلة الخميس .. يجي بـ حدود الساعة 1 .. و بـ هالحالة يكون متأخر يعني ..! *** لكن اللي ما يجي إلا بعد الصلاة .. و الله أعلم صلاها وين .. هذا إذا صلى ..!!!! أنا مو مع اللي كذا .. لكن .. | و جعلناكم أمة وسطا | .. و ما زاد عن حده !!!!!! *** كل الشكر أختي ملامح .. على طرحك المميز .. وفقت فيه يا غاليه ^^ و بعد إذنك .. سـ أعود إلى هنا كثيراً .. لـ الإطلاع .. و ربما التعقيب أيضاً .. |
[glow1=0033cc]
جبتها عــ // الجرح وكنك مادريت انا بعقب وبرااايي الشخصى الشبه او الدوانيه او السمره كما يطلق عليها فى مختلف دول الخليج والمناطق ماعرفت الشبه الا بالخليج السؤال ماسألتوا نفوسكم ليه الرجال يهربون من بيوتهم مع ان البيت هو موقع الراحه للرجل بعلمك لانه طلبات الخليجيات ماوربي تقضى وسالفة الدجاجه يشا والا مايشا طايره طايره نبي كذا وكذا عندك ماعندك تجيب وروحتهم للشبه يبون ينسون همومهم وعلى فكره ماكثر مرض السكر الا بالرجال من شى شافووه وبالاونه الاخيره طلعن الحريم بشبات اكثر من الرجال وياخذن استراحات بعد اتحدى اى خليجى مهيا له كفوف الراحه ويروح للشبه من والله الضيم والمغاث ولافيه فيه رجال يقصر على عياله نهائى بس المرأه مثل صاحب المثل اللى قال اسدد دين واقط فبحر يسدد الدين عن امه وابوه يوم قاموا بخدمته ويقط افبحر اللى هى الزوجه لو عطاها كل شى قالت بكرى نبى كذا ولاينقع المعروف الا بالقليل منهن تقديرى [/glow1] |
اقتباس:
كل الشكر لمرورك وتعليقك..وكلامك تمام الاهم يقضى حاجات اسرته وبعد يروح للي يبي. |
اقتباس:
ياسلام عليك وعلى ردك مشكور لا عدمتك أخوي. |
اقتباس:
عافاك الرحمن وهذا الكلام الصحيح. |
اقتباس:
هلا أموله غلاتي بالعكس ليش نهاجمك وانتِ كلامكِ تمام دام أبوكِ قايم بواجبه ناحيتكم ليش مايروح وينبسط بالشبه؟ أنا قلت اللي مهملين أهلهم ومعتبرين الشبه دوام ولا يتركون ليله واحده مايروحون هذا الغلط..تسلمين على المرور والرد ..مشكوره لا عدمتكِ...بس باكر لا أعرستي كل هالكلام بيروح وتزعلين لا راح وخلاك للشبه خخخخخ. |
اقتباس:
قسم بالله وأنا أقرأ ردك فطست من الضحك ماهو عشان كلامك مضحك ضحكى زى المثل اللي يقول..شر البلية مايضحك..وكأنى أقرأ يوميات زوج تعيس أو مهموم..أنا أرى ماهى بس المقاضي والطلبات تهجج الزوج للشبه والوغدان وغثاهم ومضاربهم وصجتهم ولجتهم ماننكر هالشيء حنا يالامهات يطلعون روحنا..وقولتك الضيم والمغاث خخخخخخخخخخ وابطنى الله يصلح الحال والامور يارب..ومشكور على مرورك وردك لا عدمتك. |
[align=center]
اولاً .. موضوع جداً رائع كل الشكر لك يالغلا .. ونقاش هادف جميل كروعة اعضائنا .. ثانياً .. ماعندي اعتراض خليه يروح على الاقل يرحونا شوي ويخلونا نتنفس هههههههههه اما اذا مقصر فهذا خطا بالاساس من الزوجه نفسها لو كانت علاقتها كويسه بزوجها ومهتمه فيه وبااموره مااراح يفكر باحد قبل يفكر فيهم حتى لو كانت الشبه او بااي مسمى كانت اهم شي عنده بيحاول يخلص لو على السريع اشغاله ويروح لشبته :sd64: ولله يهدي الجميع ويصلح الامور يارب .. الله يعطيك العافيه على هالموضوع الله لايحرمنا جديدك .. كل الشكر لك .. بحفظ الرحمن ,, تقبلي مروري .. بقايا حلم .. [/align] |
والله ياحيي ودي افيدك لكن اخواني الله يحفظهم لاهم راعين استراحات ولاشبات
ناشبين عندنا بالبيت إلا اذا جانا احد يفلونها سهره للصبح علمي بالشبات على ايام ابوي الله يرحمه كانت مره بالاسبوع وكل مره يكون بدوانية واحد منهم الله يرحمهم ويرحم ايامهم ليته يرجع بس اتفق مع اختي بقايا حلم لو الزوجة مريحه زوجها على الاخير وملبيه كافة طلباته مالجأ للشبه بشكل يومي الله يهدي الجميع ويسخر كل زوج لزوجته وهذي الحياة كلها متاعب اعتذر للأطالة غاليتي وألف شكر على روعة الطرح دمتي بحفظ الله.. |
اقتباس:
المصيبه غلاتي ماهن مقصرات معهم ياكلون العشاء ويهجون والزوجه متكشخه تبي تطلع برا مثلا يقول لا مايمدى وراى شبتى مشكوره على مرورك وردك لا عدمتك. |
اقتباس:
الاروع مرورك وتعليقك تسلمين غلاتي لا عدمتك. وعلى قولتكن خليهم يوسعون عنا ههههههه. |
الا الشبه وكل واحد له الحريه والترويح عن النفس
لوكان الزوج موجود بالمنزل 24ساعه يملونه اهله تحياتي لك |
| الساعة الآن 05:09 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010