|
مارأيكم بحضور أخوان العروس بليلة الزفة
ما رأيكم بحضور أخوان العروس بليلة الزفة
-------------------------------------------------------------------------------- السلام عليكم ورحمة الله وبركاته ما رأيكم بدخول أخوانها ليلة الزفة " انتشر بشكل لافت للنظر ظاهرة دخول إخوة العروس الذكور بصحبتها ليلة زفافها في صالة الأفراح .. هناك من يؤيد دخول الأخوة مع أختهم العروس ويعتبرونها ليلة العمر وفرحة العروس بأخوتها حيث تدخل الصالة وهي مرفوعة الرأس والقامة تحتفظ بعزتها وتتفاخر بأهلها.. وهناك من يرى عكس ذلك بأن هذا العمل مشين وغير أخلاقي إذ كيف برجال غرباء يدخلون في صالة أفراح وهي مكتظة بالنساء المدعوات وهن بكامل زينتهن وعطرهن .. ومما زاد الطين بله كما يقولون تصرفات بعض إخوة العروس أثناء دخولهم من توزيع الابتسامات والنظرات المريبة وقد ووصل الأمر ببعضهم لأن يرقص أمام النساء .. كيف ترون هذا الأمر ؟؟؟؟ وهل أنتم مع أو ضد ذلك ؟؟؟؟ ويهمني راي البنات ايضا أتمنى التفاعل للاهميه |
^^
ياكثرها عندنا..وحتى مو اخوان العروس..مثلا يكون زواج خالي يدخلون عيال خوالي البآقين بس عندنا مايدخلون بدري بآخر الوقت يعني يكون تقريبا العايله وشوي ضيوف.. فـ احس الموضوع عادي..لان متعوده عليه..=) رأيي فقط..واختلاف الرأي لايفسد للود قضيه شكرا لطرحك |
انا اشوف الدخله في صالة الافراح ماله داعي سوا للعريس او العروس
|
لا والله ليله الفساد وعاده سئيه
انت يالمعرس والعروس اخوانكم وش يبون لايكون متقاططين بالمهر كل اللي اقولها الله يهديهم بسس ويخلف على ليله العمر وراء مالحق ليله عمره ليله القدر ازين له من ليله دشير يعطيك العافيه ع الطرح |
[align=right]
إيش دخل ؟؟! أكيد معروف إنهمـِ يدخلون .. بس بعد ما ينبهون ..!! و إذا بـ يرقصون كيفهمـِ النقص بـ عقولهمـِ مو بـ عقلي !! أنا ما أشوف فيها شي شخصيا ً .. لكن ما رآح أدخل ليلة زفتي الحفل !! ليلتي خآصة فيني مو أكون فرجه قدآمـِ خلق الله !! صديقآتي و قريبآتي يدخلون يسلمون علي .. لكن البآقي إيش علآقتهمـِ ؟؟! يعطيكـْ العآفية أختي .. موضوع جميل .. كل الشكر لكـْ ..[/align] |
لايجوز الدخول على النساء شرعا
وبارك الله فيك على الموضوع المهم |
[align=right]
آكيد ضدها وبقوووة ،، وش دخل آخوان العريس آو العروس ،، ؟؟ يعني العروس تكون مستحية وبوضع لا تحسد عليه ،، وهدولي فرحانين بطولهم ،، زمان بصراحة ،، كل زواجاتنا آختلاط مو بس آخوان العريس و لعروس ،، إلا العيلة كلها ،، بس الحمد لله ربي هدانا ،، والله يثبتنا ،، بطلنا هالعادة ،، بس العريس اللي يدخل ،، للآن ،، شل حل بغيابك ،، يعطيك العافية ع النقاش ،، دمت بهنا ،، [/align] |
والله شاوفها
اكبر عيب دخول الاخوان وغيرهم وحتى الزوج والعروسه مفروض مايطلعون امام الملا الحساد كثير تسلمي على موضوعك |
[align=right] اقتباس:
روح ،، عندي مداخلة بسيطة ،، كيف يوم عرسك ما تحضرية ؟؟؟ ولا آنا فهمت ردك غلط ،، ؟؟؟ آنتظرك ،، بسرعة ؟؟ << مو مستوعبة ؟؟؟ [/align] |
انا ضد دخوولهم للقاعه قدام الحريم
والحمدلله بعايلتنا مو موجوده هالعادهـ شل الحل بغيابك الله يعطيك العافيه ع الموضوع الرائع |
الله يقوويك ع الطرح
ولكل اناس سلمهم وعاداتهم ولكن عن وجهة نظري لايصلح ولايصح كيف يدخلو الرجال الى مكان فيه نساء بكامل زينتهن والله اعتقد فيها فتنه وفيها مخاطر ع الأخوان من حسد وغيرهـ وفيها عدم رضا كل ولي أمر ومسؤول عن دخول اي رجل غريب في زفه اوحفله لاأحد يرضاها كل الشكر |
[align=right]
هلا هـآيدي ^^ لا ما فهمتي خطأ .. بس مو معنآها ما أحضر ..! أحضر بس أكون بـ غرفة خآصة فيني .. ما يشوفني إلا قريبآتي و صديقآتي .. مو أطلع قدآمـِ النآس بـ الحفل يعني .. لكن أكيد رآح أكون حآضره حفلي ^^" ~~~ أما إذا أنا ما طلعت .. أخوآني ما عندهمـِ عذر يطلعون قدآمـِ الحريمـِ .. و الحمد لله هـ العآدة مو موجوده بـ عآيلتنا .. و لا عمرنا سوينآها ..!! لكن كآنت تصير بـ الزوآجات اللي أحضرها قبل .. عـ العمومـِ .. من زمآن انقطعوا الرجآل عن الدخول على الحريمـِ .. و إذا بـ يدخل أحد تدخل العروس وحدها .. حتى زوجها ما يدخل يعني حفلة نسآئيه خآصة .. و أي تعقيب حآضره .. بعد إذن أختي شل الحل بـ غيآبكـْ طبعا ً ^^[/align] |
[align=right] آول مره بحياتي ،، آسمع كده ،، ؟؟ بس عاداتكم غريبة والله ،، ؟؟ كيف العروسه ما يشوفوها المعازيم ،، ؟؟ طيب ليش ما تطلعي لناس ،، ؟؟ وش المشكلة ؟؟ يعني هي عادات معروفة بحائل ،، ؟؟ ولا آنتي كده خطرت في بالك هالحركة ،، ؟؟ ولا آهلك يرفضوا ،، ؟؟ مادري آحس حالي مو مستوعبة والله ،، سووووري روح ،، !! [/align] |
^^
<<يعني بس حنا اللي تصير عندنا<<هيودهـ الباب يدخل دآيم:dxtg4: المهم..حبيت اعلق ع الشيء اللي مافهمته هيوودي حنا بعد مو كل الزواجات تطلع العروس قدآم المعآزيم(مآ تنزّف قدآمهم) تكوون بغرفه العروس الخآصه ويدخل عليها صديقاتها واقاربها,, وغآلبا تنزّف العروس قدآم الكل..اذا كان الزواج ليلتين^^دخله وحفله ثآنيه<<لحست مخ صح وتكون الدخله مو عآمه طبعا الدعوآت بس اهل العروس والعريس والاصدقاء اكيد وبعض الاقارب ^^ يعني ياهبلتي القمر,,شي تبيعي اللي يسير=)<<بتصفقني هيودهـ اللحين هع وبس |
بصراحه مايجوزان الرجال يدخلون في صالت الحريم ولا فيه ضروره تستدعي دخول الزوج اوأخوان العروسه _الحمدلله من الجماعه بس واحد دخل من اخوانه العروسه لما دخل الصاله اغلب الحريم طلعت للحوش وصارفيه زعل وغضب من الرجال_مشكور اخوي ع الموضوع تقبل مروري
|
[align=right]
هلا هيود ^^ طيب نشرحها مع إنها عآدي .. تصير بـ أحسن العآئلات ^^" عندنا بـ حآيل .. ما تطلع العروس قدآمـِ المعآزيمـِ إلا نآدرا ً .. و إذا بـ تطلع ينبهون بـ كروت الدعوة .. يعني فيه زفّه بـ الحفل خوذوا إحتيآطكمـِ .. لكن قليل اللي تطلع بـ الحفل .. أغلب الزوآجات تكون الزفه أو الدخله قبل الحفل بـ ليلة أو ليلتين .. و سآعتها تكون العروس في بيتها ما تحضر الحفل .. بس الزوج يجي يسلمـِ على الرجآل و يمشي بدري .. و إذا بـ تحضر الحفل تكون في غرفه خآصة .. ما تطلع برا لـ صآلة الحفل .. يجون أمها و قرآيبها و صديقآتها يسلمون عليها بس .. أما بآقي المعآزيمـِ ما يحصل لهمـِ شرف شوفتها ^^" يعني الزفة ما تكون في الصآله قدآمـِ الحريمـِ .. أما قبل الحفل بـ كمـِ ليلة .. أو إذا بـ نفس ليلة الحفل .. تمشي من الصآلة على بيت زوجها مبآشره .. نآدرا ً اللي يطلعون قدآمـِ الحريمـِ و ينشآفون ليلة زوآجهمـِ .. أنا من هـ النوع .. ما أحب أطلع قدآمـِ النآس و المعآزيمـِ .. أبي من صآلة حفلي لـ بيتي على طول .. ما أبي اشوف أحد ^^" و أي استفسآر آخر حآضرة ^^ مع الإعتذآر لـ شل الحل بـ غيآبكـ ^^"[/align] |
[align=right]
يا آهلين بـ روووح ،، والله شكلي بتعبك ،، وبكثر آستفسار ؟؟ لآنو والله العظيم ،، آول مره آسمع ،، زواج و ماتظهر العروسة ،، غريبة كيف ينبهوا بـ بطاقات الدعوة ،، ؟؟ وليش ياخدوا أحتياطهم ؟؟ ليش آيش بيسووا المعازيم ؟؟ بس كيف الدخلة آو زفة قبل الحفل بليلة أو ليلتين ؟؟ يعني تسووا زواجين ،، مره تطلع للمعازيم ويوم الحفل ما تطلع ،، ؟؟ حتى مو قادرة أتخيل الزواج بدون عروسة ،، والله !! بس تصدقي ،، والله عجبتني الفكرة ،، آنا شايلة هم هده اليوم والله ،، آستحي اطلع قدام الخلايق ،، وخايفة من اليوم ،، بس والله لو آموووت محد يطاوعني ،، [/align] |
[align=right] آهلين ،، بالبطه نونه ،، سوووري ما شفت ردك ،، من الصدمة × زواج بدون عروسة × والله آحس آنا اللي عقلي آتلحس ،، لآني آول مره آسمع بكده ،، << ما خلت آحد إلا علمتوا بعاداتكم !! والكل مو مستوعب الفكرة ،، [/align] |
[align=right]
هلا هيود ^^ لا عآدي مو مشكله .. كلي لكـْ قلبي .. شرح مفصل الله يعينكـْ علي ^^" إذا سووا الزفه قبل الزوآج بـ ليله .. خلآص ما تحضر العروس مو لآزمـِ تحضر الحفل .. و إذا بـ تجي تكون في غرفتها .. و معروفه عندنا .. صآلات الأفرآح فيها غرفه خآصة .. حتى مكتوب عليها لوحه من برا { غرفة العروس } ^^" و إذا بـ تسوي زفتها مع الحفل بـ ليلة وحده .. تجي من العصر لـ الصآلة .. و تكشخ و تسنع عمرها مآكيآج و تسريحه و لبس .. و تخلص على بدآية الحفل .. ثمـِ يأخذونها هي و زوجها على بيتهمـِ زفه يعني ^^" و فيه بعضهمـِ تدخل الصآله على الحريمـِ عآدي .. و تصير زفه عآمه مو خصوصيه .. ثمـِ تروح مع زوجها البيت .. أما التنبيه بـ كروت الدعوة .. عشآن إذا دخلت هي يمكن يدخلون معها أخوآنها .. أو حتى المعرس يدخل معها الصآلة .. فـ لازمـِ الحريمـِ يكون مستعدين و عآرفين إن فيه زفه .. مو خبط لزق يدخلون على الحريمـِ ^^" و احيآنا ً يمنعون الأطفآل عشآن ما تخرب الكوشه ^^" على حسب أهل الزوآج إيش مخططين ؟؟! على فكرة .. إذا بـ تسوي زفتها قبل الحفل بـ ليلة .. و تبي تحضر حفلها بعد .. بـ تعيد المآكياج و التسريحه و ترجع تلبس ثوبها من جديد .. يعني حآلة و عفسه !!!! ليلتين طآقه المكيآج و الشعر و كآشخه بـ الفستآن :2wtfg: عشآن كذا أغلبهمـِ يوفرون .. إذا الزفه قبل الحفل ما تحضر الحفل .. و إذا بـ نفس الليله تسوي اللي تبي .. أما تجلس بـ غرفتها بـ القآعه أو تطلع قدآمـِ المعآزيمـِ .. <~ رآجعه هنا ^^"[/align] |
والله ياخيه حنا ماعندنازفه ولانعرفه ولانبيه ;)
والحمدلله مانشوف معرس ولاعروس الوحده بس تخلص من المشغل تروح لبيت رجله وشوله زفه وخرابيط هذولي امهاتنا ماعرفن لازفه ولاشي لان هذ عاداتنا والحمدلله متمسكين فيها تقبلي مروري |
[align=right] آهلين بـ الروح ،، سبحان الله ،، آختلاف كبير بيننا ،، فهمت آلحين ،، بس تعب ليلتين ،، << ما تحب المكياج ،، طيب شوفي آحنا كيف ،، ؟؟ آحنا بالقاعة جناحين مستقلة وغرفة ثالثة ،، حسب تفصيل القاعة ،، وحدة لآهل العروسة ،، وحدة لآهل العريس ،، والثالثة إذا كانت في عروسة تانية ،، من ناحية بطاقة الدعوة ،، يكتبوا بالآول مقدمة ،، بعدين آسماء العوائل ،، والعنوان ... الخ وممنوع آصطحاب الآطفال ،، وكاميرا الجوال << لآزم وكمان بعض العوائل يكتبوا آسم العريس والعروسة ،، والبعض يكتفي بالعريس وعائلة العروسة ،، والدخول لآزم ببطاقة ،، مافي سردادي مردادي ،، ;) و وقت الزفة إذا بيدخل العريس وباقي الرجال ،، المطربه تقول قبل الزفة بربع ساعة ،، عشان النسوان يتغطوا ،، يعني ما نكتبها بالبطاقة ،، وآلبعض يسووا دويتو ،، بس المطرب مايظهر بقاعة النسوان ،، بس صوتووو ،، بعد ما يتصوروا ،، تبدأ الزفة ،، آما الزفة عندنا شي تااااني ،، والله العظيم ،، الفرح كلووو زفات ههههه ،، زفة للعصير ،، زفة للقهوة والشوكولا والتمر ،، وزفة إذا في فرقة آستعراضية ،، هده للمعازيم ،، قبل لا يظهروا ،، العرسان ،، زفة بروجكتر ،، عرض صورهم كل المراحل ،، من هم صغار الين صور الخطوبة والملكة ،، شوفي الحين الكرف بعينوووو ،، زفة العروسة تطلع وحدها من البلكونة ،، وزفة للعريس يطلع وحدو من البلكونة التانية ،، وزفة لما يلتقوا بمكان وآحد ،، زفة لما يبدلوا الدبل من اليمين لليسار << آعتقد كده ،، زفة لما العرسان يرموا الورد ،، زفة يرقصوا سلوه :h63: << حسب العائلة ،، زفة لما يمشوا على المسيرة ،، وينزلوا لتحت ،، بس الدرج يوصل لخارج القاعة ،، عن طريق البروجكتر نشوف باقي الزفات لآنها خارجية ،، وهده على حسب تصميم القاعة ،، زفة لما يكتبوا بالآتجراف لذكرة ،، << هده ضرورية ،، زفة لتقطيع الجاتوه ،، زفة لما يشربوا العصير ،، زفة إذا بيدخلوا الميز << هده كمان حسب العائلة ،، وبعدها تفتح بوابة الآساسية لقاعة النسوان ،، وزفة لما تمشي ع المنصة ،، لين توصل للكوشه ،، وبعضهم الزفة تكون من تحت الآرض << حسب تصميم القاعة ،، وإذا داخلين الرجال كمان لهم زفة ،، يعني ما توصل العروسة للكوشة إلا وهي مكروفة ،، كرف ،، وكل زفة لها ميوزك خاص ،، :2wtfg: وآخر زفة لما يطلعوا السيارة لين يوصلوا لبيتهم ،، طبعاً يكونوا من الآهل ،، ويصوروا بالفيديو ،، ما ينتهي الزواج إلا على وجه الصبح ،، والفجر يأذن ،، و صباح اليوم التاني ،، زفة الصباحية ،، :dxtg4: << يطولوها وهي قصيرة ،، والله خساير ع الفاضي ،، بنتظر رآيك ،، ؟؟ :);) [/align] |
[align=right]
يووووه تعقيد ^^" قسمـِ الله يعين العروس و اللي بـ يمشي ورآها يصور .. لفه طويله ^^" بس فيه بعض أوجه التشآبة بيننا و بينكمـِ .. يعني مثلا ً الزفة لما يدخلوا العروس و العروسه القآعه .. كل وآحد مع جهه .. و لما يتقآبلوا و يمشوا مع بعض .. لكن ما عندنا تبآدل دبل إحنا ^^" فيه عندنا عروض البروجكتر .. و أحيآنا ً من صآلة الرجآل يسوون عرض لآيف .. و عرض لـ صور العروسين من يومـِ و لآدتهمـِ لـ حد الزوآج .. لكن كل هـ الزفآت متوقفه على دخول العروس .. إذا بـ تدخل و تسوي زفه في قآعة الحريمـِ .. يسوون جميع ما سبق .. و بـ تكون الزفه من لحظة دخول المعآزيمـِ القآعه .. لـ حد ما يمشي العروسين لـ بيتهمـِ .. بس ما تطول حفلآتنا إحنا .. على السآعه 2 تكون القآعه فآضيه ^^" أما إذا ما فيه زفه و العروس ما طلعت لـ القآعه .. تجلس المطربة تغني و الحريمـِ يرقصون طول الوقت ..!!! يعني نضيع وقت الزفه رقص ^^" و هذي تقريبا ً زوآجاتنا و حفلآتنا .. أما انتمـِ ما شآء الله .. شكل حفلآت زوآجكمـِ رآيقة ^^[/align] |
أناضد هذه العادة السيئة |
موضوع رائع يسلموووو
وبصرااحه نحن عاداتنا يدخلون اخوان العروسه فقط واعلق ع الاخوان اللي قالوا كيف يدخلون والحريم بكامل زينتهتن وعطورهن طيب المعرس راح يدخل وهذا رجل ونحن بالعايله يدخلون اخوانها ومحارمها فقط ويصورون معاها ويطلعون ومره 2 يدخلون مع المعرس واساسا يخبرون قبل لايدخلون اللي تبي تحتشتم تحتشم واذا ع ريحه العطر ترى صاله الحريم والرجال ريحتهن كامله عطر وبخور بس للاسف صاير في بعض الاعراس اخوان المعرس يدخلوون هذا اللي ارفضه كيف يدخلون والعروس مومتغطيه تتفاجأ انهم قدامها مافي اي مشكله ان اخوان العروسه يدخلون وهذا راي ^_^ تحياتي لج: روح الامارات |
هيوده وروح
ماشاء الله اعراااسكم شكلها حلوووه هههههههــ نحن مافي كل هذااا :m9asmilies-com::m9asmilies-com::m9asmilies-com: ههههههههــ |
| الساعة الآن 02:16 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010