|
من هو السارررري؟؟؟؟؟
السلام عليكم ورحمة الله وبركاته اخواني وأخواتي اريد منكم الحياديه وان تعطوني نبذة عن اخ عزيز وهو الاخ الساري صاحب الهدوء والغموض بالنسبة لي لاني حديث عهد وماهو المطلوب منه وماهو المطلوب مناء لهذا الشخص العزيز فهو القائد لهذا الصرح الجميل الساري الساري الساري الساري على السنة الجميع ومن حبي للاطلاع اطلعوني عن شخصيته انا عن نفسي لاعرف الاالهوء من خلال ردوده وقائد لهذا الصرح من خلال ماتتكلمون عنه ودمتم سالمين اخوتي واخواتي الاعضاء |
بعد إذنك اخوي الساري على إنزال الموضوع
واتمناء ان يكون موضوعي بقسم النقاش |
حتى أنا لا أعرف منهو
لاعـــــــــــــــــدمـــــــــــــــــنــــــــــ ـــــا وجـــــــــــــــودكــ |
يعطيك العافية اخوي ابو سيف مرررورك لاعدمتك
|
الله يخليك المشرف احذف قصدي\ لصفحة هذي اخوي
|
للايضاح البعض فهم اني اريد اسمه واسمه ولابته تاج على راسي00المقصود الساري عرفناه شخص طيب ومن خلال تعاملنا معه ومطلب منه كيت وكيت هذا المقصد يعني تكمل من بعد اسمه الساري
|
انا نفسك ياخوي نفسي
اعرف لو شي بسيط عنه لان مثل ماقلت شخصيته مررررره غامضه .. يسلموو ع الموضوع ،، |
اخوي الـ ساري شهادتي فيه مجروحه
ولكن من خلال السنوات اللي قضيتها في بعد حيي ومن خلف الشاشه عرفته انسان خلوق ومحترم وطيب القلب يحب الخير للجميع ويعتبر نفسه اخ لكل عضو بالمنتدى من اصغر عضو لاكبرهم ويخدم الجميع ويكفي انه فتح لنا بعد حيي اللي نعتبره البيت الثاني لنا واللي مانقدر نتركه وهذا اكيد نتيجة المعامله الطيبه منه شكرا اخوي شمري حايل واتمنى اكون افدتك ولو بالقليل عن اخونا الساري |
كفيتي ووفيتي سهورة
وانا من راي سهر |
الساري اللي عرفته انه اخ عزيز ومحترم ويستاهل كل خير
وقلبه كبير .. ماعتقد اني وفيت لكن هذا اللي عرفته |
... الساري اعتبره اخ عزيز وغالي
لانه يعامل الجميع با اخوة وحرص وخوف على الجميع انا ما اعتبره غامض اكثر من انه انسان تعاملة راقي جدا وهادئ الطباع ربي يوفقه ويسعده با الدنيا والاخره [] شمري حايل [] اشكرك جزيل الشكر لاتاحة لنا جميعا المجال للتعبير عن اخونا العزيز الساري وكل ماقلناه قليل بحقة لكن اللي نقدر عليه هو الدعاء له با التوفيق ويحفظه من كل شر |
اللي عرفته عن اخووي
الـ ساري ان قلبه طيب واخوو للجميع ويحب يساعد الجميع برحابة الصدر هذا اللي اعرفه عنه شمري حايل كل الشكر لك |
بارك الله بالجميع واخوناء الساري يستاهل هكذا عرفناه من خلال تواجدي بهذا المنبر وإن كنت الود
ودي ان اشاهده لاكن إن كان مكتوب ومقدر سنشاهده0فلك الشر مني ولاتسد فلاودي ان استرسل بالمدح خوفا ان اتهم في زمن التهم وتغيير الامور لمجاري عكسيه كل الشكر مره ثانيه لمن تفاعل وجاوب |
هلا بك اخوي شمري حائل
الساري هو الشخص المالك لهذا المنتدى من ابناء حائل شخص اعرفة من سنين وشهادتي مجروحه فيه... بس موضوعك شدني الساري انسان يحمل بداخلة قلب كبير يحب الخير للجميع ... صدقني لو بيزعل علي الساري مرات يصير بالمنتدى سو فهم او من هذا القبيل بين الاعضاء او ان المنتدى يصير فيه مشكله فنية او انه فيه عضو متضايق من شي .... اكثر شخص يتضايق هو شايل هم الجميع.... وهم انه كيف يطور المنتدى واكثر شي يبسطه يوم يشوف ان الاعضاء متحابين وانه المنتدى من الناحية الفنية ممتاز .. ودي اتكلم عن هالشخص كثير بس عارف انه يضايقه ... كل ماقول له انت سويت وسويت يقول انا ماسويت شي |
والله العظيم وبالله الكريم وفي هذه الساعة المباركه من يوم الجمة ولان اسمع اذان العصر هذا ماحسبه والله حسيبه في اخونا الساري والله يشهد علي وانا والله لاعرفه لامن قريب ولا من بعيد الا من خلف الحاسوب فقط لاغير ياخوي النبراس فلك الشكر مني على مابديت من كلام عن اخو الجميع وبلغه السلام الكثير نيابه عني
|
الســأإأررري ...؟؟
أإنــأإ جـديـدهـ هنـأإ تقريبـأإ مالي فتــررهـ ... بس جـد هالاخ مـأإشـأإء اللـهـ عليــهـ محتــررم حيــل وتـووي أإعــرررف أإنـهـ هـو صـأإحب المنتـدى ع بـأإلـي مجـررد أإدأإري .. عمـومـأإ مـأإشـأإء اللـهـ عليــهـ شخـص محتـررم ومتــوأإضـع جـدأإ ... اللــهـ يسعــدهـ ويكتـب لـهـ الخيــرر ... وللامـأإم ددوووم أإخــووي الســأإررري ... شمــرري حـأإيـل كـل الشكــرر .. |
هلا اختي غصن التفاح وبارك الله فيك
|
الغالى
عن نفسي انا اعرف السارى شخصيا وادرى لو بمدح فيه تبقى شهادتى فيه مجروحه وعلى فكره هو يكره اننا نعدد جمايله ومايفعل من طيب بختصرها لك بكلمه ليت مثله كثير كان مابنا بلا وشكر لك على الموضوع تقديرى |
ابن نهار حي الله هالطله كفيت وفيت يابعدي وبلغه سلامي لاهنت وهذي الهقوه
جعله سالم انت واياه |
الاخ الفاضل
شمري حايل موضوع يستحق الاشاده والتقدير وبالمناسبه انا تعرفت على هذه الشخصيه الرائده في الادب والاخلاق الحميده وذات مشاعر واحاسيس عالية وراقية و انسان رااقي الى ابعد الحدود شخصيه هادئه قلب شفاف ... يتميز بأحاسيس مفعمة بالحب الصادق والاخوي وبالهدوء .. انا اكتشفت شخصيته من خلال مواضيعه وردوده دمت بخير |
الـ ساري شهادتي فيه مجروحه أنسان قمه في الاخلاق والطيبه
أنسان أحترمه أحترام شديد وله هيبه كبيره ورغم ذلك أنسان متواضع لاذره كبر في قلبه أسعده الله أينما كان ووفقه دنيا وآخره تسلم شمري حايل الله يعافيك دمت في فظ الرحمن |
اهلين اخي شمري
الحقيقه لم يترك من سبقتي في الكلام اي مجال للاضافه بس والله عرفت الاخ الساري من تعامله معي شخصيا في هذه المدرسه منتدى بعد حيي يوجه ويرشدني ولا انسى عندما كنت مشرفا قال هذا رقم جوالي ولي تيبي مني من مساعده انا موجود ودائما يثني على الموضوع الذي لا استحق فيه ثناء لولا طيبة قلب اخي الساري لذا صراحه شها دتي في اخي مجروحه علما باني لست من حائل ولا اعرفها اصلا بس بيني وبينكم اذا زرت حائل كلمتكم ونذهب للاخ ساري نتعرف على شخصه مثلما تعرفنا على طيبت قلبه واخلاقه شـكــ وبارك الله فيك ـــرا لك ... لك مني أجمل تحية . |
بسم الله الرحمن الرحيم
مشاركه راقيه بخصوص الساري الساري انسان قليل شكله خصوصا بالمنتديات لاني لم اعرفه الا بمنتديات اقرب دليل تضايقت اول ماسجلت من عضو هداه الله وارسلت له قال يابعدي ماتتضايق وانا حي !!!!!!! والله ماقالها اخوي لي ماقول الا بيض الله وجهه ووفقك الله اشكرك اخي شمري حايل لااتاحة الفرصه للتعبير لو بالقليل تقديري |
هلا اخوي خالد انا لم اطرح الموضوع الا لرد لو شي يسير للاخ الساري فهو يستاهل كل خير
|
مشكور اخوي فتى الاسلام لاكن زعلت عليك يوم قلت ماني من حايل بالعكس اخوي عد نفسك من حايل ومن اهلها كلنا في هالبلاد اسرة وحده لافرق بين شمالها وجنوبها ولاغربها وشرقها فحياك الله باي وقت 0
|
شمرية مجهولة
شبوصه بيض الله وجيهكن |
[align=right]
الـ سآري موجود و أخآف أرفع الموضوع يحذفه ^^" لكن رآح أرد بـ كل الأحوآل .. الـ سآري أستآذ كبير .. و قلبه أبيض و طيب .. و كل ما قلت قليل في حقه .. و الصفة اللي قدرت أثبتها عليه .. هي إن صبره طويل ^^" كل صغيره و كبيرة في المنتدى لآزمـِ أستشيره فيها .. و أحس أحيآنا ً إني أطولها معآه و أجلس أنتظر الإيقآف ^^" لكن ما شآء الله عليه من جد بآله طويل .. بـ النسبة لـ تعآمله .. يعآمل الكل بـ سوآسيه ما عنده مجآملآت .. لكن أكثر شي يقدمـِ رآحة الأعضآء على الطآقمـِ الإدآري .. و قآلها هو مره المنتدى بـ دون أعضآء مو منتدى ..!! و هـ النقطة من صآلحه أبدا ً مو عكسه .. ما ودي أكثر كلآمـِ عشآن ما تعتبر مجآملآت .. لكن من جد هـ الإنسآن قليل ما شفت مثله .. يعطيكـْ العآفية أخوي [mark=#0000cc]شمري حايل[/mark] .. موضوع جميل .. و سآحه لـ التعرف على شخصية الأخ الـ سآري أكثر و أكثر .. كل الشكر لكـْ ..[/align] |
اخي العزيز شمري حايل انا والعياذ بالله من كلمة (انا) ما انا الا نقطه من بحر االابداع هنا من اخوان واخوات احبهم في الله
جمعتهم للفايده والاخوه لننفع بعضنا البعض دنيا واخره اجتمعنا في هذا المنتدى الذي يسره الله لنا لنلتقي هنا مع بعضنا البعض...وجمعنا على الخير والمعرفة و على الحب والوئام سعدنا كثيرا معا, ومازلنا في السعادة مع بعضنا البعض على طريق واحد طريق سعادة للجميع من أجل الدعوة إلى الله سبحانه وتعالى.. ونادينا بصوت واحد وبيد واحد (( إلى الأفضل يا منتدانا )) , وما من عمل فيه خير إلا والله سبحانه وتعالى يرفعه بإذنه سبحانه والغموض هنا يجب ان يكون لاسباب كثيره لمصلحة المنتدى صدقني .. ليس لغيره . لكم انتم اعضائنا في بعد حيي المتواجدين اشكركم جزيل الشكر على الكلام الطيب الذي يدل على طيبكم واصالتكم واقول لكم الجميع لكم في القلب مسكن أحببناكم في الله بكل جديد نقرا لكم كل جميل فلاتسمع منكم هجرا ولا نقرا لكم فسقا على الخير والمحبة اجتمعوا وفي المنتدى بعد حيي تعارفوا والاهم هنا في بعد حيي ان الدين والتكاتف والاخوه قوتهم يبعضهم, فكيف اشكرهم أقدم لهم الشكر والعرفان على صنيعهم وإبداعهم فلهم مني التحية, تحية الأخوة تحمل المحبة أربطها بسلام من القلب ابعثه من القلب ليصل إلى صميم قلوبكم سلام أرسله لكم على عيون قلوبكم مقداره الحب في الله لتستقبلوه من باب المحبة احبك الله الذي أحببتنا فيه شكرا أيها الأعضاء الأعزاء الأوفياء شكرا لكم جميعا أنتم السبب في نهوض بالمنتدى إلى مستوى عالي شكر للمشرفين والمشرفات وكل من ساهم في هذا المنتدىمن إخوان وأخوات لنا,,,لكم اجمل شكر... والشكر موصول لك شمري حايل يابعدي لاهنت طاب يومك امين . أسأل الله إن يجمعنا بكم في الجنة كما جمعنا في هذا المنتدى ورزقكم الله تعالى الفردوس الأعلى وصلى الله وسلم على نبينا محمد وعلى آله وصحبه وسلم. |
مشكور اخوي الساري وانا عندما طرحت الموضوع اريد من الاعضاء اخوة واخوات التعبير لشخصكم الكريم ورد ولو جزء يسير بكلمة طيبه اما التعرف على شخصك فاعرف لو طلبت زيارتك ادري بترحب وتهلي ولاهو غريب عليك لاكن يشهد الله علي هو رد جزء بسيط لشخصكم الكريم بكلمة طيبه وتستاهل واعرف انك ماتحب هالشي لاكن لاجاء عفوي ولاتعلم عنه يسر الخاطر التبسم بوجه اخيك صدقه\ فارجو السموحه اخوي الساري وقلبك كبير بعض المرات اقسو عليك في بعض الرسايل الخاصة وانت ترد علي بكل بكل تقدير واحترام 0واخر كلامي انت إنسان غير تعاملا واخلاقا الله يكثر من امثالك اخوي الساري وحفظ الله الجميع من كل شر ودمتم بحفظ الله 0اخوك 0شمري حايل 0
|
شمري
يسلموو ع الموضوع الرائع الساري شهادتي فيه مجروحه بحق طوال فتره تسجيلي بالمنتدى لم اشاهد منه غير الطيبه والاحترام شخص هادئ جدا ومحترم ويحب الجميع ويتمنى لهم الخير والراحه ماراح اطول بكلامي لان الاعضاء كفوا ووفوا اسال الله ان يوفقه فيما يرضاه واسال المولى ان يجمعنا عند صحبه حبيبنا المصطفى محمد صلى الله عليه ف الفردوس الاعلى كل الشكر لك ياخوي |
مشكور
وانا قديمه بالمنتدى وعارفه كل من فيه من خلال المنتدى معرفتي بالساري بشكوى قديمه من عضو وكان رده مقنع مما جعلني لم اترك بعد حيي لاني عرفت خلف هذا الكيان انسان راقي بتعامله |
[align=right] << قرت كل الردود ،، :58ar: بكل كلمة كتبتوها ،، وآكيد شهادتنا مجروحة بهالآنسان الرائع !! بضيف شغلة بسيطة ،، والله مو مجاملة ،، يا كثر المنتديات اللي سجلت فيها ،، سواء سعودية ،، عربية ،، خليجية ،، ما مر علي مدير منتدى زي الـ ساري خلوق ،، صبور جداً ،، لآني بأوقات آزودها بنكدي معاه ،، وآحسو صابر علي ،، حكيم لآبعد درجة ،، وما شاء الله أهتمامه واضح بالمنتدى من كل ناحية ،، والله لو بكتب عن الساري ،، ما بسكر فمي ،، لآني ما شفت منووو إلا كل خير ،، الله يجزآه الجنة لآنو جمعنا عل خير ،، وربي يطول بعمره بطاعة ورضى الرحمن ،، والصحة والعافية ،، ويسعده بالدارين ،، شمري حايل ،، يعطيك العافية ،، لفتح المجال ،، لتقديم كلمات بسيطة تقدير وشكر لرائع الساري ،، [/align] |
بعض الناس تحترمه وتحبه وأنت ما تعرفه ،،،،،،،، مثل الساري
وفي ناس لا تعرفه ولا تشوفه ويجيب الهم !! بس من خلال الردودبس تقبل مروري |
بعد قراءتي لموضوعك رجعت وقراءة بعض من مشاركات اخي الكريم الساري فالتمست من مشاركاته انه شخصيته تنطبق عليها نفس الصفات التي وصفتموه بها
فلاحظت شئ ثاني منذ ان سجلت في هذا المنتدى الرائع انه يدخل المنتدى بصفه يوميه،فهذا الشئ قليل ماينطبق على اصحاب المنتديات او الاداريين واسمح لي اخي الكريم شمري مايهاب ان اتطرق لنقطه ذكرتها اختي الكريمه Я๏̯ō7فهي تقول عايزه ترفع الموضوع فوق وخايفه يحزفه وعلاما اظن انها تقصد تثبيت الموضوع فاذا كنتي تقصدين تثبيت الموضوع اختي الكريمه بعد اذن الطاقم الاداري بالمنتدى ان ابدي براي فهذه النقطه فمن حقك اختي الكريمه ان تثبتي الموضوع فتثبيته اقل تكريم تقدمونه لاداري وصاحب منتدى مثله لان امثال هذه الشخصيه نادرا ماتجدها في كل المنتديات فشكرا لك وجزاك الله خير اخي الكريم شمري مايهاب على موضوعك المتميز تقديري واحترامي لشخصك الكريم |
اشكر الجميع على ماذكرو عن اخونا الساري واتمنا من اختي روح تثبيت الموضوع كما قالت الاخت تفاحة نيوتن لايتسناء للجميع ابداء شعورهم تجاه سارينا وفقه الله
|
ربنا يحفظه لبعد حيي
ولنا ولغالينه كتبت اهداء مره زعلت من عضوه هنا وقلت اودعكم وكان الساري موجود بالصدفه تفاجات بمسح الااهداء وارسال رساله اختي تميميه لاحظت اهدا لك وداع اولا الاهداء من هالنوعيه ممنوع الثاني ماسبب توديعك ارجو ان تعطيني سبب وانتي اخت عزيزه علينا ولا نتمنى نشوف اي شي يضايق احد هنا انتظرك اختي اخوك الساري صدقوني من بعد متابتعه لي ولغيري واهتمامه حلفت ما ادخل اي منتدى غيره بعد حيي لاني عانيت كثيرا في منتديات احيانا صاحب المنتدى يكتب رده بالاهداء مع الف سلامه الباب يوسع جمل وربي هذا الي صار رنا يجزاك خير شمري ويوفقك انت والساري والكل هنا |
لاشكر اختي تميميه على واجب فأخونا الساري يستاهل كل خير واكثر فأنا لم اضع موضوعي هذا الا لفتح المجال للاخوه جميعا ليعبرو عن شعورهم تجاه هذا الرجل المحبوب فصدقيني وهذا ماعتقده الان الساري عندما يشاهد الاخوه وهم يسطرون مابداخلهم لشخصه الان يبحث للافضل لارضاء الجميع فهذه صفة الرجال اصحاب المعدن الاصيل فله الشكر بعد الله ولك اختي العزيزه فتشرفت بالرد عليك من خلال موضوعي فتقبلي تقديري واحترامي
|
[align=right]
أهلين :) أنا ما عندي مشكلة أثبت الموضوع .. و كنت أنتظر إشآره .. لكن مشكلة الموآضيع المثبته ما أحد ينتبه لها .. و انا أولهمـِ ..! و أكبر مثآل كآنت فيه مشكلة بـ موضوع مثبت .. و ما انتبهت لها إلا بعد يومين !! هذي السلبية الوحيده بـ التثبيت .. و رآح ينظلمـِ بـ جد الموضوع إذا تثبت .. و الرأي لكـْ أخوي شمري ..[/align] |
انا من رايك اختي روح شوفي الاصلح وانا معك واختنا المقترحه هم بعد معي يهمنا رايك ربي يسعدك
|
[align=right]
أوكي :) أثبته كمـِ يومـِ .. و إذا قل الإقبآل عليه أفكـْ التثبيت .. أهمـِ شي الكل يعطي رأيه :) <~ نآويه على رأس الـ سآري ما دآمـِ أعطآنا الضوء الأخضر :59ar:[/align] |
| الساعة الآن 04:10 PM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010