((ديوان الشاعر مرزوق الرمالي))
http://www.b3b7.com/vb/imgcache/67622.imgcache.gif مرزوق الرمالي شاعر مميز ذو مقدرة شعرية عالية أسر قلوبنا بـ قصائده العذبة تميز بمفرداته و طريقة نظم قصائده لتبحر بك في عالم آخر عالم رسمه ذاك الفذ بسحر تصويره و قوة مبناه شاعر كسب القلوب و إحترامها قبل نيل الألقاب و أوسمة الشكر ليكرمنا هنا في [ بعد حيي ] بشرف قراءته و لنرد له الجميل بتنصيب روائعه متعة للناظرين الدعوة عامة لإستقاء روائع الشاعر العذب : مرزوق الرمالي . |
# الكوكب الارضي #
من خاطر يهوا البيوت المحاميل=وليا عطا با القاف يعطي ثمينه روز الجبال الصم راي المهابيل=والعلم يلقون النشاما دفينه زاد الكلام وقل يلقى التحاليل=والادمي ينضح با الاحرف كنينه ودا خبر وان جاب عند الرجاجيل=راع الحيا لابد ينضح جبينه قلته وانا شاعر واحب المداخيل=واحب قيل يحتوي سامعينه حنا على الكوكب مع الحط والشيل=الكوكب الي كلنا معتلينه الكوكب الارضي عليه المداهيل=فيه الحياة ولا شكا ساكنينه ترقب عليه الشمس والجدي وسهيل=وحمل اثنين انتاج نار وطينه عليه ثقل ما تكيله مكاييل=والله على ثقل الرواسي معينه وعليه ثورات العواصف مقابيل=وعليه من عقب العواصف سكينه وملوحة الامواج واعذوبة النيل=والكل منها مقنع شاربينه على بساط ارضه نتاج ومحاصيل=وهواه مع نبض الحياة اكسجينه هبط عليه الوحي والطير ابابيل=والامر الله والامر طايعينه واطهر بقاعه ما يبي له تفاصيل=مكه وارضه والحرم والمدينه وحنا نساير وقتنا الصبح والليل=وتجري على سطوح البحور السفينه بين الفرح نجري وبين البهاذيل=الي يسار الكون والي يمينه وربعي على الكوكب رجال مشاكيل=شمر لباس المرجله لابسينه على المعزه شاربين الفناجيل=وبيمانهم لاهل الوفا سايقينه كبار الصحون ورايقين التعاليل=وساع الطعون ومجدهم محتمينه سادو على الكوكب بعاد المداهيل=مدهالهم بين البشر سايدينه شمر هل النخوه وشرابة الهيل=با السيف الاملح صيتهم كاسبينه شمر هل الرده وركابت الخيل=ريف الضعافي والخوي ملحقينه http://www.b3b7.com/vb/showthread.php?t=42384 |
** رسمتك با الخيال **
حبيبي ما علي من هرجت العذال ذاك وذاك=علي من الكلام الي تقوله انت من يمي ترا قلبي وروحي والمشاعر كلها تفداك=غلاك الي دخل وسط الثلاث وصار في دمي مكانتك الرفيعه بالمحبه زودت مشراك=تشب النار با الاحساس وتطفيه وتحمي رسمتك با الخيال وكل ساعه با الخيال القاك=اطالع صورتك واحتار بين الكيف والكمي زرعت الود بالاحساس تعطي والخفوق اعطاك=عطاك الود مثله ما عطا خالي ولا عمي وعدتك با الوصال ولا تجاهلت الوعد وياك=وعدتك باهتمامي واعترف لك يا كبر همي قمر خمسة عشر لاجيت في منطحك ومحياك=جمال الكون كنه فيك يا الفتان ملتمي جمالك يلفت الانظار ربي واعسى يحماك=عليك اخشى العيون من الحسد واذكرك واسمي خفيف الدم همي بين كل العاشقين ارضاك=رضاك بخاطري ما ضاع بين الجم واليمي حبيبي ماعلي من هرجت العذال ذاك وذاك=علي من الكلام الي تقوله انت من يمي http://www.b3b7.com/vb/showthread.php?t=42453 |
الرد على تركي الميزاني
هذا هو الرد على تركي الميزاني عندم هاجم حاتم الطائي
كريـم ياقاف(ن)خذتـه البـروده=وعلى صفا سلمى تحطّـم معانيـه http://www.b3b7.com/vb/showthread.php?t=43100قدام اجا غصب يتبخـر صمـوده=ويصبح سراب(ن)بأوله لين تاليـه اصغر من اللي عن سمانا يـذوده=يقفـي وذعـذاع الشمـال متقفّيـه ماينثني لأطمـاع نفس(ن)حقـوده=ياصار راعيها الخطا من مباديـه نفسه عن الكايد عزوم(ن)شـروده=والا على الذمـه كبار(ن)هقاويـه حايل غنيه عن نفوس(ن)جحـوده=وتركي يبي سب الاجاويـد يغنيـه سيرة سجاح اليوم منـه معيـوده=متفرش(ن)نهجه ونهجـه مغطيـه لو كان مسلم ماسجد مع سجـوده=فرض الصلاة اللي نصلي يصليـه شرهاتنا بالطيـب نثبـت بنـوده=والا الردي ماله علينـا مشاريـه وتركي عطا الله قام يشعب قعـوده=يبي كرم حاتـم يشيلـه ويمحيـه اكرم رجل يوم الحبـال معقـوده=واطلق شنب يجري كرم مايجاريه تركي جحد والا النبي جاب جوده=تركي طعن والمصطفى اللي مزكيه يمكن يشيل جبال حايـل لسـوده=وطويق للصمان يرسـي مراسيـه دامه لحاتـم طـي جنّـد جنـوده=ويمكن فرس حاتم هو اللي مذكيـه دام الكلام بـلاش يبـذل جهـوده=شاعر وطن يالله عسا الله يخليـه شاعر وطن يبغى المشاعر يسوده=وعلى حساب الغير يبنـي مبانيـه نعم(ن)بحكام الجزيـره واسـوده=حكام تاخذ حـق وافـي وتعطيـه حكـام عـدّو للمعالـي سـنـوده=والكل منهم مانـزل عـن معاليـه الهـرج ياجاهـم تقيّـد قـيـوده=يطيب هرج الطيب بلسان راعيـه ال سعود احـرار جـو مهـدوده=وسلطـان منهـم ماتـردا مداليـه والسرد مايغني رجال(ن)سـروده=لو ماانسرد يعجبه سـرده بشافيـه |
^^ الولــــــــــع ^^
ماهو بنا اللي نازل(ن)منزاله=يامن على متن الفضا منزالك الا بقي كل الشموخ ابقاله=والا بقيت مع الشموخ ابقالك تدري من اللي با الخيال اقراله=اقرا حروفك انت ايه اقرالك ماقلت غيرك با الغرام احياله=اموت من موت الغلا واحيالك روحي تعاند وارسمك وامحاله=والروح من كثر الوله تمحالك زدت المكيل وزاد في مكياله=وفوق البسيطه راجح(ن) مكيالك ولعتني والموت شفت حباله=واثري حبال الموت مثل حبالك كن الحلا عمه وابوه وخاله=يا فاتني عمك وابوك وخالك العشق لجلك شارب(ن)فنجاله=ومقدر(ن)في خاطري فنجالك الهجس لك مني تشد رحاله=ياصلك في حلك وفي ترحالك والحس ما غيرك بشر سواله=الا انت مشروع الولع سوالك http://www.b3b7.com/vb/showthread.php?t=43075 |
** معلق بسلسال**
مدري سعادة روح والا شقا بال=يوم التفت بين الشقى والسعاده ردت بي الخطوه وانا اقول ماقال=اللي وطا الجمر الدفين بهواده زاد الشقا, قل الشقا , راح ,ما زال=ماهمني دام الرصيد الجلاده ودتني الرغبه وقابلت الاهوال=ولا خضع راسي لغير العباده لو طق راسي جال واقبل على جال=يبقى شموخي زرع واحصد حصاده وقفت وانواع العواصف با الاحوال=اعاند احساسي وازيد بعناده الموت قدامي مظلات وانزال=ليل(ن)على ثغر النهار بسواده الغيم غطا الجو,ماهل همال=حتى سموم الوقت غطا براده عسى الحيا ينزع ويبعد با الامحال=واخذ من انسام الورود الآفاده شدتني اللحظه وانا اقول موال=يرجع صدا صوتي علي ارتداده انا هوا روحي معلق بسلسال=ينوش روس ويرتطم با القلاده ينوش روس وتردعه حبت الخال=ويرجع على وسط العذاب وهجاده ويلامس اطراف النوازل ويجتال=حتى العوازل يلمسه والوساده هذي هي القصه من الدال للدال=مدري سعادة روح والا قراده http://www.b3b7.com/vb/showthread.php?t=44045 |
()* واقف على منكب البيد ا*()
با الهون يا الهاجس اللي نشت متن السحاب..=احذر من الغيمه اللي ما بعد نشتها.. http://www.b3b7.com/vb/showthread.php?t=44850الغيمه اللي بها البارق يشق الضباب..=ان حاشتك مشكله والا بعد حشتها.. ما عاد يمديك تنزح من محيط العذاب..=لو كل الارقام حطمته وفلشتها.. راحت معاك الظنون وعودت با الجواب..=استرسلت يوم ردت لي وناقشتها.. زعلتني ,ليش تفتح لي من الهم باب..=جاذبت فوق لسماك الروح واربشتها.. واقف على منكب البيدا واسجل خطاب..=واقسا الظروف بهذاك الوقت عايشتها.. يا كن الافكار من عندي تحث الركاب..=هي,طفشتني وانا,بالحيل طفشتها.. وياكن بالصدر شلفا لبن غانم ذياب..=لو تنتهاوش برفع الصوت هاوشتها.. لو كان قلبي من الفولاذ يمديه ذاب..=من خربشات(ن)بنار الهجس خربشتها.. الله يجازيه ودا والتفت لي وجاب..=يا لين حتى جروح الروح نبشتها.. يا وقت جرحك نزف والله يعين المصاب..=والحال جوعتها والنفس عطشتها.. لكنّ ماهو بنا اللي يعلن الانسحاب..=والدعوه اللي تودي خلف طنشتها.. الصبر با الخرج يملاه وشموخي زهاب..=والذلّة بخانة التهميش همشتها.. بين الزعل والرضا في خافقي والعتاب..=وطروش ردت علي وطروش طرشتها.. ومن الضما ما رويت ولا طردت السراب..=واللعبة اللي تغث البال كوشتها.. خليت صفحة كتاب وشلة صفحة كتاب..=من بعد ما شفتها كله وفتشتها.. |
_> سواليف الغزل<_
ما على (السباح) خوف من البحور ليا نزلًه=كان مازوًد رصيده شي ما نقًص رصيده http://www.b3b7.com/vb/showthread.php?t=45600رحلة(ن)ياصل بها الجمه تسجًل في سجلّه=عاند الموج العنيد بقوة الروح العنيده زاحم الموج بعناده يعقد الحبل ويحله=رافع(ن)حجم الاراده فوق والهقوه بعيده والهجوس اللي تروس وتاصل الروس بمحلًه=ماترد الا تنوش الهام وعقول(ن)سديده ياحروفي لامسي راس (الهرم) و(الروس) كله=وسجلي لي ياحروف القافيه جمله مفيده يا قصيده ما بغيتك كان بحروفك مذله=كان بحروفك مذله ما بغيتك يا قصيده الطموحات الكبيره با الجريده والمجله=وعظّة الابهام من عقب المجله والجريده دلًعو , بنت تحدى للقلوب وتستحله=كنها ذات الجمال وكنها البنت الوحيده والبنات الباهيات اللي لهن مذهب وملًه=كنًهن من غير حسن , ولا جمال ولا عقيده حطمو فيهن جمال(ن)تل حبل العشق تله=حطمو حلم الليال وفرح الايام السعيده قالو البنت(الصعيديه)شكت من جور خله=قلت قصة عشق تحزن و(الصعيدي) في صعيده يا سواليف الغزل مابين ضيم وبين زله=ما يشد اهل الهوا غير السواليف الاكيده ناشف الحلق يتحرا الغوث من قطره تبله=والف قطره ما ترد الروح من ناشف وريده عذّبه طرد السراب اللي يشوف ولا وصلًه=ماترك طرد السراب ولا وصل شي يريده |
## نزوح الخيال ##
اقدم لكم هذه الابيات الشعريه با الصوت والكتابه اتمنى ان تحوز على رضاكم
الاوهام تسبقنا على العالم المجهول...=...والاشواق تبقى بالمشاعر وتحرقنا http://www.b3b7.com/vb/showthread.php?t=46453سراب الوهم لو يتبع الواقع المعقول ...=... سبقناه لو هو سابق الوقت سابقنا فتلت الشنب واثر الشنب من قبل مفتول ...=... توهق بشر واجد ومعهم توهقنا نبي من نهار آمآلنا نسرق المحصول ...=... ولكن لقينا خيبة الليل تسرقنا على منحدر ليل(ن)بدا الجانب المبلول ...=... على المفترق من غفوة العاطفه فقنا على السفح والخد النقي ينقع الهملول ...=... نزوح الخيال وضيق الانفس مضايقنا نهوز البحر في جزر الافكار عرض وطول ...=... ولكن نخاف اغراقة المدّ تغرقنا وانا كل مابي , زحمة الخافق المنزول ...=... من المصدر الواحد هو اللي مطوقنا معاي الظنون تعانق الغيم جول وجول ...=... متى الغيم ينزل وبرذاذه يعانقنا رفيق الطريق اسمع من القول بعض القول ...=... عسا كلمة(ن) تلمس, وتدفع وتعتقنا زمان المخافه بالسنه صار خمس فصول ...=... ومع كل كلمة,ريق الاجحاف يشرقنا واناو العواذل بيننا العازل المسدول ...=... ولا شي . الاّ .. فارق الصدّ يفرقنا مليك الخيال اعط , الخيال المليك حلول ...=... ترانا نسوق لها التباشير واشتقنا |
,,, ^ وجه الشـــــــــعاع ^,,,
معاك النور(ياوجه الشعاع)وطعنة الفرسان=وانا اللي فيك شفت الليل والخنجر والاشراقي http://www.b3b7.com/vb/showthread.php?t=47153رفعت الليل ياطرف الخجل والنور كله بان=نزوح الليل وقدوم النهار ونظرة الشاقي زهمت انت السوارح واقبلت لك تعزف الاشجان=بعد ناشت ثبات المستريح وهقوت الهاقي وراه العاصفه تلمس جذور وتلمس الاغصان=تلاعب في شرايين الحياة وتربك التاقي قمر خمس وعشرحد الشبه مع خاتم سليمان=مداهيل الخيال ومعطياته وش بعد باقي تبي تنهي ,كفايه مابقي الا , بقايا انسان=اباهي با الشموخ وبا الشعور وقمة اخلاقي اقوله وانت يا وجه الشعاع وكفة الميزان=تحديت الظلام ولا قتلت المنهج الراقي وانا والخنجر المرفوع والميدان يا حميدان=سلم راس الطنا والا التسامح يسبق اشواقي |
..,** خــ راحتك ــذ **,..
خذ راحتك كان الشجون همست لك =واللي معايا عنك يبقا معايه حتى ولو بيض الليال اغرست لك=يقضي على غرس المشاعر ضمايه ان كان نفسك بالجفا وسوست لك=اتبع هواها لين حدّ النهايه -----------
ماني بقايل لك اجلس ياغلا لا تروح=اتبع هوا النفس في ليل الهوا والصباح روحك تدور مطامحها وانا لي طموح=واهم حاجه رضاة البال والانشراح زرع الغلا ورد لا مني زرعته يفوح=اسقيه من هجسي الصافي سواة القراح وانا لي اسلوبي الواضح واحب الوضوح=وان جيتني بالتسامح قلت كلي سماح خذ راحتك مابعد هالروح تبديل روح=لا تشرب الا من الحالي وكبّ الملاح ارقب على ماتبي من عاليات السطوح=اللي يريحك سوّه واتبع الارتياح لا تلتفت لي ولا تحسب حساب الجروح=اسرج خيول الخيال وخلها بالبراح والى, وصلت القناعه جدّ والا مزوح=ادخل على ماتراه انه لشخصك مباح علك ترد برضا خاطر خذاه النزوح=ابعد مع النازحين وزاحه الاجتياح وانا على ما انت خابر ماهدمت الصروح=باقي على كبريائي والشموخ الوشاح -------------
لا جيت لي مدّ اليمين وتكلم=اخذ معك واعطي وافتش كلامك http://www.b3b7.com/vb/showthread.php?t=48263علّ وعساك من المآسي تعلّم=تحفظ مراتب قيمتك واحترامك |
,,{ ياناس خلـــــــي },,
ياناس خلي يشبه (الشمس)ياناس=لوكان تحرق(للفضا) تعطي النور http://www.b3b7.com/vb/showthread.php?t=49571اغلا من الياقوت والدر والماس=عندي,وكل(ن)له هوايات وشعور لو كان للدنيا من الحور عساس=لا قلت اكيد انه هو اللي من الحور ماعاد فيني عرق ينبض با الاحساس=الا احس بداخل العرق له دور روحي ,تجاذب له على جذب الانفاس=وش لي,ومالي,دام انا فيه مجبور زعيم عشق, ويلعب اخماس واسداس=العشق يشفع له والاحساس دستور ولا باس اقوله الف مرّه ولا باس=وانثر على درب الغلا ورد وزهور قدر المحبه يلمس العين والراس=وبذر المحبه با الشرايين مبذور لا روّح الطاري,هوا البال ينحاس=وان عوّد الطاري,غدا البال مسرور ان قلت عفوا,ما ذكرته على ساس=اني بدل عفوا,ابي منه مشكور واجب,وانا في قلب الامواج غطاس=معذور لو اني تماديت معذور وش يملك المنهي بعد دق الاجراس=ان كان من دق القناعات مامور الجمر يمكن بعض الاحيان ينداس=اذا حطب ناره من احساس مقهور والحبل من شد الرجا يقطع الياس=لن الامل يبني عمارات وقصور |
,,, لامشكلـــــــه ,,,
ماهي غريبه لا غدا العقل مذهول=ولا هي غريبه يلمس السابح الجم يا ملهب احساسي,تجي منك, معقول=وانا الذي لاقلت لي قلت لك تم كنت اشتكي لك واشرح الهم واقول=واليوم عودت اشرحك انت للهم لوكان جرحي ينكتب ضد مجهول=كتبت , لكن يرفض الجرح والدم
مهما يشح الوقت وانتي تشحين=يبقى الضمان اللي من اول ضمنتي ما همني جرح الغلا والمحبين=اطحن بهمي مثل منتي طحنتي هي مشكله وحده تعادل ملايين=لا مشكله مادامه المشكل انتي كل المشاعر في سجونك مساجين=وانتي فتحتي باب سجن وسجنتي يا ملهبه انتي لحرفي عناوين=يا ملهبه كنتي وكنتي وكنتي كنتي وما زلتي من اول وها الحين=با المسكن اللي لك بنيت وسكنتي ما ناش قلبي ناش كل الشرايين=بلاي دفن(ن)با المشاعر دفنتي روح الغلا تلمس عقول المجانين=وانا شتمت بليس وانتي لعنتي زان الزمان وشان بقلوب الاثنين=فيه ارتهنت الوصل وانتي رهنتي وش بدل الحاله بدل وجه وجهين=والا على ما قيل طلعت بلنتي كلمه وغيره وقفي لو تموتين=اصبر على الشدات لو امتحنتي انا شموخي يلمس الراس والعين=حتى لو بسود النواعس طعنتي اكثر من اللي تطلبينه عطيتك=وانتي مثل ماني عطيتك عطيني http://www.b3b7.com/vb/showthread.php?t=52036انا كتبتك با الغرام وقريتك=وسجلت بحروف القوافي حنيني ياما وياما با الهجوس احتميتك=يشهد شمالي با الهجوس ويميني كان اعترافي ذنب لني شريتك=ارجوك في صحرا الضياع اتركيني |
,,, هزيت غصن شجره ,,,
ماغاص بطن البحر واحد يهاب الغرق=اكيد ما حرّك الدره ولا جابها http://www.b3b7.com/vb/showthread.php?t=53228روح الرضا لو نزف فوق الجبين العرق=يبقى الرضا مثل عشق العين لهدابها زيجات الانفس تحب البرق لامن برق=غيث المشاعر فرح والحزن ينتابها وانا مشيت الطريق وجيت با المفترق=اما اترك العاليه والا اتعلابها البدر يجلا سواد الليل لا من شرق=لا داعب الحالكه ينزاح جلبابها الورد لابان لعيون الهواوي سرق=والشوك لاناش رجل المهتوي صابها وانا على طرقتي دق الخيال وطرق=واللي تفوق الخيال اموت واحيابها هزيت غصن شجره واهتز كل الورق=طيّرت كل الطيور وطارت اسرابها ماهمني من جحد ماهمني من درق=لن اعوجاجات سفن البيد بارقابها انا ادري ان احتراق الحس يترك حرق=واحد.ثلاثين واحد,يحرق اعصابها بعض الاسامي تشابه والله اللي فرق=والمهمله ما تفيد اللي تسمّابها ما غاص بطن البحر واحد يهاب الغرق=اكيد ما حرك الدره ولا جابها |
,,... ارفع يقينـ سما ــــــك ...,,
مدري من اللي دعاني يا مليك ودعاك=حتى ملكت المشاعر كلها يا مليك روحي معي وانت روحي فوق وزنه معاك=والامر ما كان فـ يديني ولا في يديك زايمت الاثقل وعانيت العنى من عناك=وانت بذرا عن عواصيف الجفا ما تجيك والهجس برض(ن)تشيلك والخيال بسماك=والطيف لا مرني قلت الله اكبر عليك يسعد صباحك ويسعد مع صباحك مساك=اقولها كل ما جيت انتظر واحتريك انت زعلك با الثواني للخفوق ارتباك=ونهايت الصبر بحدود الدقايق وشيك كل ارتباكي زعل يركد بلحظة رضاك=لنك لحالك تنوش الحس مالك شريك قبل امس لين امس حتى يومنا وش بلاك=ارفع يقينك سما والشك لا يعتريك جيت اشتكي لك همومي والدوافع غلاك=نسيت همي على شانك وقمت اشتكيك تطلع وتنزل ولكن ما نزل مستواك=من فوق حد السحاب وخاطري محتميك موت(ن)على موت كلك موت يا لعن اباك=لاوالله اسف وانا ابغى اقول يا لعن ابيك اقصد بشرع الغلا والا حياتي فداك=دام الغلا ترتديه وهو بعد مرتديك عساك تبقى على مسرح خيالي عساك=عساك تبقى ولا قبلك ولا احد(ن) يليك http://www.b3b7.com/vb/showthread.php?t=55057 |
,, صدى صوتي ,,
يهون الامر دام اللي وراه من الظنون صعيب=ولا ينزل وحل من شد حيله وارقب المرقاب http://www.b3b7.com/vb/showthread.php?t=57036لقيت الوضع كله فوضوي في ذمة الترتيب=ولا داعي على شان الهقاوي نحرق الاعصاب معاذ الله ما ناش الخفوق احساس شك وريب=وانا فيني ثبات اللي مرازه للوطاة اطناب رفعت الهجس ما ناديت من شان المصد يجيب=لآني ما مشيت بدرب يحمل دفتين وباب زعمت ان الاجابه من صدى صوتي وقلب الذيب=على مبداي ابعثر با الحروف واجمعه بكتاب وانا بحدود زعمي ما وصلت حدود فري الجيب=ولا دورت كلمه صدق وحده من فم الكذاب قبلت الوواقع الملموس والباقي بعلم الغيب=ولا حطيت مابيني وما بين الشعاع حجاب يمر الموج بجنوب السفينه والمصيب مصيب=وانا دامي على متن السفينه ما حسبت حساب واذا يعطيني الصاحب عطيته والخديعه عيب=على راي المثل وحده بوحده والقلوب اصحاب |
‘‘,,ــ المعذره ــ,,‘‘
مع التحيه والتقدير
<u> ماحرك القلب غيرك يا الغلا يا الوليف=درب المحبه خلا لك والمحبه كشاف <u> http://www.b3b7.com/vb/showthread.php?t=58464<u> راحت عليك المروفه يا العنيد العنيف=تبعد مع الحرفنه وتنفذ الاحتراف <u> <u> زرع المحبه سقيته من رذاذ النزيف=حتى حميت الجذور من الجفا والجفاف <u> <u> وان جيت با الحمل الاثقل ما طلبت الخفيف=الا ترا كبريائي ترفض الانعطاف <u> <u> قومت حرب البسوس بخاطري والصريف=واجبرتني للجلوس بكرسي الاعتراف <u> <u> صيفي شتا يا مليح الوجه وشتاي صيف=جو الاحاسيس فيه من الهجوس اختلاف <u> <u> لنك بعيني ملاك ولا لوصفك وصيف=والعشق موج وبحر وانت الذرا والضفاف <u> <u> استرسلت لك خواطر ما تنوش الرصيف=يمكن تنوش المشاعر والشرف والعفاف <u> <u> والمعذره وان بدا جور الظلام الكثيف=في حال سلك الحرير يجر للانجراف <u> <u> وانا عسفت العسيف ولا تركت العسيف=كنه عروس تباها في ليال الزفاف <u> |
,, رحمك الله ,,
ابيات قليله وقليله بحق والدي يرحمه الله ما اطلبه منكم هو الدعاء له با الرحمه جزاكم الله خيرا
رحلت ورحت يا الوالد عسى الجنه عوض دنياك=عسى الجنة هي المدهل مقر ومسكنك فيها http://www.b3b7.com/vb/showthread.php?t=58841رحيلك حرك دموع الحزن وقلوبنا تنعاك=غيوم الحزن بفراقك توالت من مناشيها نعاك الطفل والشايب نعاك اللي كشف ممشاك=نعتك الاسره بحسره ولايه وانت واليها نعاك اللي سمع صيتك نعاك اللي عرفك وجاك=ونعتك العالم اللي قدمت لجلك تعازيها نعاك المجد والعزه نعاك البذل من يمناك=نعاك من الفخر روس علت وانت متعليها رحمك الله يا اللي لك مكانه بين ذاك وذاك=رحمك الله رحمه تغسل ذنوبك وتمحيها رحمك الله واحسن يا رفيع المرجله مثواك=رحمك الله يا اللي تعطي الكلمه وتحميها رحمك الله يا بوي العزيز وعزتك تحماك=تعيش بذاكرتنا والزمن لو مت محييها |
.,,اقبلت يا قبلت الله ,,.
مع التحيه والتقدير للكل ,
ما وقفت الاّ , عجب للخلي من العيوب=والـ ـ بني ادم على منهجه وجبلّته رحمة الله كان با الطرد سيات وذنوب=المشاعر هيل عشق وخفوقي دلّته زلزل الخفاق زول(ن) ضرب وجه الهبوب=من مليكات الهوا والطريق احتلّته والقدر ساق المشقى قبل وقت الغروب=ولا بقي غير الشموخ يتوطّا ذلّته اقبلت يا قبلة الله على الجسم اللعوب=اقبلت تمشي خجل والمقابل تلّته كنت احسب من اللضا كلّ ما فيني يذوب=لين راحت عن طريق الهلاك وخلّته اتجهت ابغى شمالي وانا رايح جنوب=من كبر جور الحلا والزمان وزلّته ما شربت من العنا كود كوب وربع كوب=ولا خذيت من الهنا غير فاضي سلّته في خضم المعمعه لا نجاح ولا رسوب=صفحت(ن) عني طوتها وصفحه فلّته الف عقد(ن) با الشرايين لرضاه محسوب=والف حل(ن) هي حلا من حلاها حلّته http://www.b3b7.com/vb/showthread.php?t=59862 |
,,احتملتك ,,
مع التحيه والتقدير
يا مليح الوجه مدري ليش قلت وليش قلت=يا علامات الرضا لا تجزع القلب الجزوع تدري اني ما هضمت ولا جحدت ولا خذلت=والمساحه با الثلاثا نفس حجمه با الربوع لاتحداني وانا كلّي شموخ ولا نزلت=انتبه للخط الاحمر ما وراه الا الرجوع ماعلي من الزعل كانه ينوش ليا زعلت=ارتقي فوق الزعل وارقى على متن الطلوع راحتك خذها ولكن حط نقطه يا وصلت=وانت واصل واتصالك ينفصل قبل الخضوع زهرة اللون البنفسج من خطا اللمسة قتلت=واعتبرتك منت قاتل بس دهورك الشروع وانت في نص المسافه لانجحت ولا فشلت=والقطاعه ما تمادى كود با القلب القطوع كلمة تجرح شعوري تجرح اكثر لو خجلت=لاتوقع من خفوق(ن) يكره الظلما يفوع اعرف انك لو دهلت من الاماكن ما دهلت=ما تعلّي كبرياء ولا توقعها وقوع واعرف انك لو علا قولت هلا فيك احتفلت=احتفالك ما يولّع با الدهاليز الشموع احتملتك واحتملتك واحتملتك واحتملت=واحتمالي ما يوصل منهجي متن الخنوع والنهايه لو نقصت بخاطري والا اكتملت=ما يبيحن الخفايا اللي ورا هدف الضلوع http://www.b3b7.com/vb/showthread.php?t=61739 |
,, المـ المعركه ــعركه ,,
مع التحيه والتقدير
يا فاتنه ما تجاهلت وتجاهلتك=ياهيبة المعركه والرمح والرامي بعت الخطا والجفا من يوم قابلتك=ماكنّك الا ملاك حل قدامي حتى شعرت الوهم من ارض شايلتك=انه تميد وحصاها يلمس اقدامي مدري من الشكل والا كبر منزلتك=والا من الهيمنه والهول وهيامي روحي تهاوت وانا با الحيل جاملتك=من سطوة الليل فوق الشمس والنامي زايمت الاثقل وشاكلني وشاكلتك=المس ضلوعي واحسه تضرم اضرامي وكنت احسبنّي اسولف في مغازلتك=واثري ليالي سكوتي تسبق ايامي لو هي على الكيف ارضيتك وزعلتك=لكن وقوف الضمى يثر على الضامي كل البها ملبسك والموت راحلتك=ومن الهوا موقعك با الموقع السامي كن الحلا لك لحالك ورث عايلتك=وانا وريث الذهول وجرحي الدامي تدرين اسهل مصيبه يا تخيلتك=انسى غلا الاصدقا واحقاد الاخصامي http://www.b3b7.com/vb/showthread.php?t=63287 |
,., مد اليمين,.,
مع التحيه والتقدير
مد اليمين لكل يمنى سليمه=ويمناك لصحاب الردى لا تمدّه http://www.b3b7.com/vb/showthread.php?t=64280رد بقدر لاهل الوجيه الحشيمه=ورد(ن) يقدر غيرهم لا تردّه عد الكلام اللي ينومس كليمه=وهرج(ن) ينزل قيمتك لا تعدّه هد المباني والظنون العقيمه=واترك بنايات الوفا لا تهدّه شد الحبال اللي تشد العزيمه=واللي تهبط خلها لا تشدّه لد النظر فوق الفجوج العتيمه=وعلى دهاليز الخطاء لا تلدّه حد العدو حتى حدود الهزيمه=وصاحبك لحدود الخطاء لا تحدّه سد الطريق المنتهي با الوخيمه=ودرب(ن) يوصلك الرضا لا تسدّه ود الودود المندفع من صميمه=ومن لا يود وممتنع لا تودّه رد اللئيم وخل عندك شكيمه=واعط الكريم ليا طلب لا ترده |
الساعة الآن 05:20 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010