|
(يالمنتدى جـــيتك معي لــــغز مضبوط
مشاركه اتمنى ان تنال ذائقتم ارجو التفكير قبل وضع الحل وان كان هناك من يضع الحل
بابيات شعريه يكون افضل وهذا خاص بالشعراء حتى نرتقي الى مستوى اللغز الشعبي والمحاوله مفتوحه للجميع وليس للشعراء فقط اتركم مع اللغز يالمنتدى جـــيتك معي لــــغز مضبوط من بدع فكــــري ضابطة بانضباطة ، شاعر ورايق فكر والــــبال مبسـوط وبحضوركم حالي يـــزيد امنبساطــة ، ياويش رجالن مع الــــــبنت مربوط قيدة صـــعيب ولا يفك ابســـــــــاطه ، القيد لـه فن وقوانـــين وشــــــروط والبنت هي صارت لبوها شبـاطـــة ، مايفك قيده غير من يلبس الـــنوط وصعبن على غيرة يفكــــه عباطه |
الله الله الله يالا روعتها انتَ مبدع ومتألق على الدوام كلمات ولا اروع منها عبارات ولا أرق منها سَلِمْت وسَلِمَتْ يمناك التي خطت هذه العبارات فكم راقت لي كثيرا تقبل مروري ودمت دوماً في تميز ,,, |
منتظر شعراء بعد حيي
|
يمكن يكون
اللاعب وكورة القدم |
اقتباس:
حاولي مره اخرى اخت مناهي كل الشكر لمرورك |
وهذي رمعتي الرجل هو الجنط الي يعبى بالهواء داخل كفر السياره .. والبنت هي الكفر الي يغطي الجنط .. والي يفك قيده هو البنشري او العامل والي له خبره بهالامور .. وتحيتي ,, |
صح لسانك على اللغز
ورمعه على الطاير ماتكون اللى فوق رتبة ريس الرقبا وان علق الصفره تنفك وان كان ماهو الحل لى عوده احس انه بالرتب العسكريه ولى عوده باذن الله |
اقتباس:
وهو عبار ه عن شيئ من جزئين مكملات لبعض وتسمعون به كثيرا |
اقتباس:
وانت تدور حول الحمى ولكن ليس بالاتجاه الذي ذكرت انتظر منك القاتله وراجع ردي على الاخت على النيه |
مرماعي انا اقول انه حيار الرجال لبنت عمه او قريبته..
مثل ما بقولون فلان حير على فلان .. اتوقع كذا والله اعلم |
اقتباس:
انتضر رمعتك القادمه دمت بخير |
اجل برمع رمعه اخيره دامه حول العسكريه
بقول انه رتبة الرائد..التاج تفك النجمه |
اخوي محمد اجل عقد النكاح
|
اقتباس:
ننتضر القاتله منك |
اقتباس:
وبالنسبه للرمعه بعيده جدا عن الهدف واللغز واضح بس يبغى شوي تركيز منكم ننتضر القاتله منك |
مدري ودي اقول الشيفره اللي بالخطط العسكريه الكلام يحول الى ارقام رموز ما يفمه الا العسكر
|
ابو ديهم استقبل رمعاتنا وعلمنا جالسين ننتظرك ونفكر
|
اقتباس:
العسكري وبندقيته والرصاص... هي في العساكر لأنك قلت "النوط " ... ولي عودة لو كان خطأ .. |
طيب الغالى
وش رايك برتبة الضابط ومعاها المنحه الملكيه ماكل يفكها الا تقلد له مالى خلفيه بالعسكريه |
محمد وينك ؟
ننتظر ردك ع شان إذا خطا نفكر بغيره ... رد واللي يعافيك .. |
رمعه اخيره واتمنى اشوف ردك يامحمد
اتوقع انه اللغم ومفتاح الامان او الكبسوله |
مآعرفته
لآكـن لي عووده آذآ عرفتهــآآ محمداديهم تسلم ع اللغز |
اسف وربي من قلبي على التاخير
وحياكم الله جميع كل الرمعات لم تصب الهدف الى رمعة المتالق كبرياء شمر اصابت الهدف بالصميم اصابه قاتله نعم المقصود اللغم والكبسوله التي توضع في اللغم ولولا الكبسوله لاصبح اللغم دون فائده وفك اللغم يبغى اناس متخصصين بفكه وهو مقيد في مكان ولا يستطيع العبث به جاهل في التعامل مع اللغم ومن يلبس النوط وهو اشاره تميزه عن غيره اي خبير اللغام اتمنى ان تكون الصوره واضحه وصح لسانك اخي المتالق كبرياء شمر والله لايهين الجميع انتضرونا مع لغز اخر اكرر اسفي على التاخير |
صح بدنك اخوي ابو اديهم ولاهنت
ننتظر جديدك الغالي |
صح لسان صاحب اللغز واللي حله ماشاء الله تبارك الله عليكما .. لاهنتوا اثنينكم...
|
صح لسانكم
|
مادري انا اتوقع استلام العسكر والله اعلم
|
| الساعة الآن 10:23 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010