الإكرامية "البقشيش" عندنا بحائل غصب ببعض المطاعم!!
 

بسم الله الرحمن الرحيم
السلام عليكم ورحمة الله وبركاته





يسعد مساك غاليتي


والله نحن في اماكن تكتب بالفاتورة وفيه اماكن ندفع يلي بخاطرنا نحن


لكن لو فرضت كما قلت ولم تكتب براجع الادارة وشوف القصة لو حسيت انه موضوع نصب لي قريبة تعمل بالمالية أكيد بخبرها حتى مايصير تمادي

بعطي بكيفي انا حرة بس حد ينصب علي وعلى غيري هذي ما ينسكت عنها

إحترامي

والله دي الظاهرة منتشرة في كل مكان خاصة مع ارتفاع الاسعار
الواحد يتعشى في بيتو احسن
يسلمووووووووووووووووووووووووووووووو

يعطيك العافيه ملامح , أعجبني الطرح والأسلوب وهذا ما أناشد وأطالب فيه

الطرح الوآقعي والذي نعيشه في المجتمع ونخالطه يعني أطروحات من أمور الحياه .


نرجع للموضوع والله أنه لأمر مضحك وعجيب وبنفس الوقت ينرفز ويعصب تحس أنك

إنسان يعني مضحوك عليه ,, والله بالرياض لا أعلم عن المطاعم ولكن لم أمر بمثل هذا

الموقف أبداً , بخصوص مطعم البيتزاء ( fast food ) فوق مهم رآفعين أسعار المشروبات

يأخذون بقشيش والله حـاله , عموماً أنا تصرفي مع هالنوعيات أمر جداً سهل ومافيه أبسط من التصرف

إذا بقى ريال أعطيه كف وأحد يبي رياليين أعطيه كفين ّ ... !!! لهدرجه يظنون إن الموآطن غافل ومو فآهم ولا مدلخٍ

وأعتقد هذا هو التصرف السليم والله , إنك تزبد لهم وتقف ضد هذه التفهات , والعجيب في الأمر وفي هالعماله لا بارك الله فيهم

ولا باللي جابهم هنا , بالرياض كل ما أروح لمحل وأسآل عن السعر يدبله عليّ وأقوله وش السبب ّ يقول ( كلوه دنيا غالي ّ )

والحمد لله أنا عارف لنوعيتهم أساساَ وأخذه بالسعر اللي أبيه اللي أذكره , وإذا ما وأفق أتركه , ويرجع ينادي واسفهه .

عموماً والله أعتقد لو تقدمين عليهم شكوى سوف تكسبين أجر في حق بعض الموآطنين سوى أهل حائل أو المقيمين

وأعتقد أقرب مالهم إنك تشكيهم للبلديه , بس حبيت أعرف العماله اللي بالمطعم مطعم الـ ( fast food ) وش جنسيتهم ؟

وكل اللي أقدر أقوله مثل ماقالته ملامح الحذر ثم الحذر من هالعماله , اللي يلعبون على كيفهم لا حسيب ولا رقيب .

ودي

/

البخشيش

ذكرتيني بسالفه مره كنت معزوم
في العليا بمطعم اسمه يامال الشام
الشباب متعودين يجونه انا ناديت القرسون
واعطيته 10 ريال مع الطلب اثناء فترة العشاء
وهو واقف عند راسي وانواع الخدمه واستغربو العيال
بس فهمتهم بالاخير
واقتنعو ان العالم ماتمشي الابالريال

ودى اشكى والله
لكن عجزان

هذذى كلمة كل سعودى والغير مستغلنا



يعطيك العافيه


والف شكر ع الطرح


لكن ليه ماعزمتينا بعذر ربي بك
ههههههههههههههه


والله لو كلن سوى نفس كلامك
وحذر كان ماصار غلط لكن الصمت يعم ارجاء الشعب



كونى يخير

فعلا هالظاهره منتشره بقوه يسمونها خدمه
بس مو معقوله فوق غلاء اسعارهم
ياخذون منك خدمه بعد والله البلا انه محد شرشحهم كلن يدفع وهو ساكت

طيب لو بطلب وانا بالبيت بياخذون خدمة التوصيل ؟؟؟


الف شكر على النقاش تحيتي قبل ردي

باختصار يا أخت ملامح هذه سرقة داخلية .. حتى صاحب المطعم لا يعلم بها ..
عندك أكثر من حل ..
أولها الرفض التام .. لا تدفعي هللة ماهي مكتوبة في الفاتورة لأنها باختصار سرقة عيني عينك و ستذهب لجيب الجرسون ..
إذا أصر على الدفع ..
بإمكان أي واحد من أهلك اللي معك طلب مدير المطعم أو صاحب المطعم ... عادة يكون هناك رقم على الفاتورة أو لوحة معلقة للشكاوى ..
لم يوجد ....
بسيطة .. طلب الشرطة 999
هذا نصب علني و راح يندمون عليه ..
أمر آخر أكتبه للكل : هذا رابط مكافحة الغش التجاري للفائدة ..
http://www.commerce.gov.sa/mok2/background.asp

و هذا الرقم المجاني للتبليغ عن حالات الغش التجاري
8001241616

بلغ عن أي مخالفة و بالتليفون ..
بالنسبة لموضوعك الشرطة تفي بالغرض لأنها عملية نصب ..
و ستجدين أن الجرسون أول ما يشوف من معك من أهلك يريد طلب الشرطة أو صاحب المطعم سيحاول إرضاءه بأي طريقة ..

البخشيش

من جد ذكرتيني لما اكون مسافر برا السعوديه اعطيهم بخشيش على شان اخلص اموري بسرعه

بس عندنا في السعوديه اول مره ادري انه فيه ناس تاخذ بخشيش..

بس عموما طريقة التعامل معهم سهله ليش اعطيه بخشيش وانا عارف سعر

الشي الطلب اللي بطلبه


اعتقد ان المشكله من الناس نفسهم اعطوهم بخشيش بالبدايه وبعدين ذولا تمادوا وصاروا يطلبون

بخشيش بشكل علني..

ظاهره البخشيش الناس هي اللي نشرتها بالبدايه تعطيهم لو جه الله وكرم منك وبالنهايه صارت

ظاهره منتشره وهم يطلبونها بانفسهم..

اعتقد لازم نرجع للوضع الصحيح وهو كل شي بحقه وبس من غير زياده او غيرها

واذا تبي تصدق لوجه الله اعط الفقراء الصدق..

كل الشكر على الطرح الرائع

لاعدمتك

موضوع واقعي وبالصميم

اذبحونا بهالتصرف والغش عينك عينك .. لكن ندفع وربي بس من شان ما تصير شوشره وفضيحه بالذات لا صرنا عوائل فقط


ولو تلاحظين يالغلاا امر تعودوا عليه الاجانب استغلال السعوديين في اي مكان

وتعودنا عليه حنا بعد لان نبي امورنا تمشي بسرعه وتنتهي بدون تعقيد

الله يعين وبس من هالعماله الي ما تركوا حد بحالوا



اختيار جميل وموفق يالغاليه

يعطيك ربي الف عاافيه

بحفظ الرحمن

كل الشكر لك ملامح على الطرح
والاخوان والاخوات كفو ووفو
لاهنت ِ غلاتي