|
.•:¨`:•. ديوان الشاعر فلاح العايد .•:¨`:•.
[TABLE1="width:80%;background-color:burlywood;"] | [/TABLE1]السلام عليكم ورحمة الله وبركاته يكتب بأحساس شاعر ويرسم الحرف بريشة فنان وتتلو كلماته أعذب المشاعر وأصدقها وتتوهج في سما الشعر معنى وحبكه وتصوير وجزاله اترككم مع ديوانه فهو اصدق بتقديمه .. |
سلام يالشعر
سلام يالشعر مبطي قافل بابك= زعلان مني تبي شعري على كيفك أصبحت أخافك وأنا أول من أحبابك= واجنب الدرب لامن شفت انا طيفك وش فيك قاسي علي بالله وش صابك= عشرين عام وأنا يامعزبي ضيفك أبعتذرمنك وأرجع اصدق أصحابك= لوقلت أبسهر عيونك صعب أنا أعيفك صحيح ماحد(ن)ذكرني بأول كتابك= لكنّ ماحد(ن)يعد(ن)من ملاقيفك تبي غزل أبشرأبشروأترك عتابك= المعركة حامية وأنا أنتظر سيفك تذكر حبيبً إلا من جيت هلابك= الصاحب اللي معه تحلى سواليفك مازال في غيبتك يشتاق لأهدابك= ويمني النفس تأصل له مظاريفك وإليا زعل قال أنا زعلان بأسبابك= قم أعتذر منه عده من مواليفك وإليا طرب صاحبي لاتشرح غيابك= أبحر معه واتركه يسحب مجاديفك هذاك لامن رضي غصب(ن)علي جابك= يجيبك بصدق لو حاولت تصريفك وش فيك راجع رفيقي منكسر نابك= قبل دقايق نغني من تواليفك أوشفت لك واحد ماكان بحسابك= خلاك ترجع حزين وكاشف زيفك قال أعذر(ن)كان ماوقفت في بابك= أخاف أغني ولا أغني على كيفك |
يا غاليه
يـاغـالـيـة مـاعـاتـبـك غــيـــر غــالـــي= وإلا العـذول اللـي حكـى فـرق أقـراب ياغالـيـة مـانـي عـلـى البـعـد سـالـي= لـو كنـت سالـي ماوصـل منـي عتـاب يـاغـالـيـة خــفــي عــلــي الــدلالــي= ولاتسمعـيـن لـهــرج عـــاذل وكـــذاب يـاغـالـيـة دامـــــه تــعـــذر وصــالـــي= لالا تـزيـديـنــي بــهــاذيــل واتـــعـــاب ياغالـيـة كـثـر الحـكـي ســـم حـالــي= وياليـتـهـم عـنــي بعـيـديـن وأغــــراب والـلـي حـكـى مـاظــن فـيـنـا يـبـالـي= فـلانـبـل الـطـيــن ونــزيــد الأســبــاب صــبــرك مــــع يـاغـالـيـة بأحـتـمـالـي= مصيرهـا تفـرج وتخـضـع لــي أرقــاب دام العتـب مـن غـالـي لقـلـب غـالـي= يخسى العذول أن فرق قلوب الأحباب |
هلابك ياحبيبـي والمحبـة كـل يـوم تزيـد= ولاهم(ن) حكـي عـاذل ولافكـرت بشعـوره أحبك تكفي أن قلته بـلا تفلسـف ولا تعقيـد= وأنا أفهم شـروط الحـب وأتقيـد بدستـوره أحبك يوم أقوله تشعر بصدقه ياأغلـى الغيـد= وإذا فزت ضلوعك مـن غـلا والله معـذوره وراها قلب يعشقني مثل عشقي بـلا تحديـد= يحدد كل شـيء ألا الغـلا ماياصـل بحـوره حبيبي ليش نتخاصـم ونقلـب ليلنـا تنديـد= ترى مافيه شيء يستحق الحـزن وحضـوره أنا أتضايق ألا مني سمعت بصـدرك التنهيـد= أجل وشلون لاشفت الدموع بصـدق منثـوره إذا ناوي عتب أعتب ترى بعض العتب تضميد= جروح القلب ما تبرى إذا بالقلـب مستـوره حبيبي والله أني ماأبي غيرك وشوفـك عيـد= شف أشعاري إلا غنت تغني فيـك مغـروره وإذا ذنبي غلاك الذنب هـذا زادنـي تمجيـد= حبيبي والذنوب بحضـرة العشـاق مغفـوره هلابك ياحبيبي والغلا لامـن حضـرت يزيـد= يرحب بك حبيب(ن) مايعرف الكذب بشعـوره |
صباح العطر والحب الشريف وساعة الأمطار= صباح الوردفي خدك صباح الخيـر ياوافـي صباح ٍ يشبه لوجهك صباح ٍ ممتلي أزهـار= صبـاح ٍ كـل ماناظرلعينـك فـز متعافـي صباح ٍ كل مايطلع يـدّور للجميـع أعـذار= مدام أجمل ضياء ضوك فضوك للبشر كافـي يعـود للغايـب وبالغيـاب يحـن للأقمـار= يلاقيهن معاك وينسحب ويموت بـك طافـي صباحك ياحياتـي عيـف البحـار بالمحـار= يغوص ولا لقاء اللؤلؤ تذكر نورك الظافـي صباحـك ميـزه أن الزهرغنالـك الأشعـار= وأنا عندي قصيد ولا قدرت أوقّف أطرافـي أحاول هالمشاعرتنجمع وأنـا بـلاي أنهـار= كثير الحب في قلبي ولاأذكر كنـت خوافـي ولكن شكل دنياالحب مليانـة كثيـر أسـرار= وأنا توي صغير ولافهمـت الحـب ياوافـي |
تبين أكتوف الرخم بالمواجه لا لا تقول اكتب عن الحب والشوق= ماعاد لي في عالم الحـب حاجـه من يوم شفت العز ياصاح مشنوق= وأكبر شنب فينا يزيـد احتجاجـه لا لا تقول اسكت ترى الدم محروق= شاعر وترديـد القصايـد علاجـه ياصاحبي مافيه بالكـون مخلـوق= إلا إليـا ضاقـت يـدور خراجـه ياصاحبي عدونـا يسوقنـا سـوق= وحنـا نـدور مايهـدي مـزاجـه ياصاحبي كم ضاعت حقوق وحقوق= ومازال فينا من يطيـع الخواجـه وتصدق ان ماعاد ياصاحبـي ذوق= نبـرر الذلـه بحمـق وسمـاجـه متى على الله تنتهي شلـة البـوق= والمسجد الأقصى يولـع سراجـه لوحاول الأعلام يرقى بهـم فـوق= تبيـن أكتـوف الرخـم بالمواجـه وتبيني أنسى الوضع وأغني بشوق= ماعاد لي في عالم الشـوق حاجـه |
تعال قربـي تعبـت أغنـي لحالـي= ياأول مراسي الغلاوآخـر موانيهـا قرّب ترى الكون بعدك صاير(ن)خالي= قصائدي ماتبـي غيـرك يحاكيهـا معقول عن هالغلا ياصاحبي سالـي= أو خايف(ن) ياحبيبي مـن تواليهـا أشتاقلك وأنت قربي ياهـوى بالـي= شفني إليا قلت أحبك قمـت أغنيهـا بنيت قصر الغلا وأصبحت به والـي= وأسوارك محصنة محد(ن) يعديهـا كثير منهم يبـي قربـي ولاطالـي= مشاعر القلب ملكك وأنـت كافيهـا غلاك ماهو كلام(ن) عابـر يقالـي= وألا قصيدة عشان الناس أبرويهـا ياللي معي صابر(ن)في كل الأحوالي= محبتك صعب مخلوق(ن) يجاريهـا ياحلو كلمة صباح الخيـر ياغالـي= أحـس مبسمـك لقلتـه يحليـهـا كرر كلامك علـى مغليـك لازالـي= مسمع حبيبك يذوب بحلـو طاريهـا قرّب ترى صعب أغني شعري لحالي= قصائدالحـب دونــك ماأدانيـهـا |
مهما قلوب الناس تقسى على الناس= ماأظن به قلب مـن الحـب خالـي الله خلق بقلوب هالناس الأحسـاس= أحـدً يبالـي بـه وأحـد مايبالـي ماهو بذنبه كان خانـوه الأنجـاس= الذنب ذنب اللي عن الحـب سالـي شف دمعة القاسي إذا ذاق الإفلاس= لـو ماذرفهـا بايـن بـه توالـي شف حالة الظالم بحبسات الأنفـاس= وينه عـن أيـام الكبـر والتعالـي والمعتدي لابد فـي يـوم ينـداس= في لحظـة ياصاحبـي وش يقالـي لذا ياراعي الحب لابـاس لابـاس= مافيه داعي تقول شعـري خيالـي خذ القلم واكتب على كـل قرطـاس= أحـب وأنّـا بالمحـبـة مثـالـي حب عفيف مامشى درب الأدنـاس= ماشي على منهاج عمـي وخالـي متوارثينه في الجزيرة على سـاس= ساس الشرف والطيب أول وتالـي حب نفاخر به على كـل الأجنـاس= يبقى على طول الزمن راس مالـي ياصاحبي اكتب ولو تزعل النـاس= وتذكر(ن)ماحد(ن)من الحب خالـي |
ياصاحبـي لله فـي الله أناديـك= اسمع كلامي واترك أبليس عنّـك إليـا تمـادوا لاتزيـد بتماديـك= واحذر يقولوا بادي الشـر منّـك صاحبك لخطـأ لتظنـه يعاديـك= اصبر عليه وراح يرجـع لظنّـك وإليا زعلت احذر يبين الزعل فيك= مايغبن الأعداء سوء ضحك سنّك واصنع من الأحزان شئ يسليـك= فأن كنت شاعر زود الحزن فنّـك وراع الردى ياصاحبي لايخاويـك= لابـد زلات الــردي يبتلـنّـك والصدق لوضرك مع الوقت ينجيك= بـه التـزم فضايلـه يسعـدنّـك وخلك طموح فقمة المجد تدعيـك= ولاتلتفـت للمغريـات أن دعنّـك وعليك باللي به تـزود حسانيـك= ترى غيرهن لحتجتهـن يخذلنّـك ولجاك ناقل هرج سكـر أذانيـك= اللي رمى غيرك سهامـه رمنّـك ولاضاقت الدنيـا فلابـد يأتيـك= بعد العسر يسرين جـنّ يسعفنّـك هذا وأنا ياصاحبي يـوم أناديـك= منك أستفيد ولأغتني يـوم عنّـك |
صوتك يانواف الإهداء للشاعر نواف الفيصل الجربا
http://www.b3b7.com/vb/showthread.php?t=72933 حي إتصالً جـاء بصوتـك يانـواف= يفز له قلب علـى الوصـل ضامـي فزت فرح بالصوت والدمـع ينشـاف= دمع الفرح مافيـه شخـص يلامـي من الموصل أو حوله بهاذيك الأطراف= أو من ربيعـة قـال بلـغ سلامـي للي لهم في ساعة الضيـق ميقـاف= شمر هلي ربعـي خـوال وعمامـي اللي حموها يوم هي خيل وأسيـاف= دخيلهـم عبـر الزمـن مايظـامـي رمز الكرم ماقيل فـي ذلـك خـلاف= كل البشر تشهد لهـم فـي كلامـي قصده يجمعهم على الطيـب ماخـاف= من هرج جاهـل يختفـي باللثامـي يالله تحفـظ عالـي القـدر نــواف= اللي لجمع قلـوب الأجـواد ضامـي |
يازيد راعي الشعر معذور http://www.b3b7.com/vb/showthread.php?t=73861 يازيد راعي الشعـر معـذور= لويكتـم أحيانـاً شـعـوره بعض الحكي بهالزمن محظور= ودموع الأجـواد محظـوره قلبي تعـب رحـت للدكتـور= ماعالـج القلـب دكـتـوره حاولت أغني وأنـا مقهـور= لقيـت الأبيـات مقـهـوره سئلت أنا الناس عن مسرور= ماحد(ن) بهم بيّـن سـروره أوجاعهـم مابهـا مستـور= لوقالـوا بكـذب مسـتـوره المشكلـة نرفـع الدستـور= ونجهـل معانيـه وسطـوره البعض عند الطمع مسعـور= والعذر الأسعـار مسعـوره يأكل رشـاوي ويشهـد زور= ولاخجـل يـوم مـن زوره مايدري أن القبـر محفـور= وأفعـال الإنسـان مخبـوره الله يوسـع لـنـا بقـبـور= وكل نفس بالكـون مقبـوره المشكلة بعضهـم مشهـور= وأفعالـه بقبـح مشـهـوره ماهمـه إلا يزيـد حضـور= لوماأستفدنا مـن حضـوره وإليا مشى مشيت المغـرور= وتصفـق النـاس مغـروره هـذاك ودك يجيـه الـدور= وتـريـح الـدارمـن دوره يازيد هذا القصيـد شعـور= والعيـن بالدمـع مـعـذوره |
تبي حلول
http://www.b3b7.com/vb/showthread.php?t=75363 تبي حلول لحالتك أشلون أدور لـك حلـول= صارت حلولك ياوطن بيدين نـاي وغانيـة نطرد وراها كلنا من دون لانحـرك عقـول= نتبع مساراته غصب مثل الرشا والسانيـة تغيـرت كـل المعالـم لاجبـال ولاسهـول= مدامنـا فانيـن عـادي لـو تبعنـا فانيـة متى نفيق وننهي السكره ونرجع للأصـول= وألا الكرامة حرمت ترجع لنـا لـو ثانيـة حتى المنابر تشتكي من ضيمها قل الفحـول= يومه تزمجر ندعي بـأن السعـادة دانيـة اليوم لامنبـر ولاأحـد بنـا يقـدر يقـول= بس نتمنى تكون أيادي من جلدنـا حانيـة تعبت أناظر للماسي يارفيقـي فـي ذهـول= إليا نسيـت الصدمـة الأول تجينـي ثانيـة ماني متشاءم لوزمان الذل والعتمـة يطـول= لكنّ لي نفس من الأوضـاع ماهـي هانيـة في هالزمن ياصاحبي أن كنت تبغى لك حلول= دوّر لحن صاخب ولا تنسى تجيب الغانيـة |
لوتعتذر
http://www.b3b7.com/vb/showthread.php?t=76539 ضاقت وجيتك يارفيقـي مـن الهـم= والله يعين اللي من الوقـت مهمـوم صديت عن غيرك ولوهـو ولدعـم= ماهو ردى فيهـم فلانـي بمضيـوم هـم بقلبـي قلـت يمكنـه ارحــم= أجي رفيقي وأشرحه وأبعـد اللـوم تدري وش أصعب شئ ياصاح يصدم= لقالوا اللي حولـك أشفيـك مغمـوم أخـاف مـن نـاس تزيـد وتكلـم= وأنا ماني ناقص كـلام مـن القـوم حسيت يوم(ن)قلت لك وقـف الـدم= وعجزت أقول اللي بقلبي من علـوم حاولت أوضح لك وأنا عاجز أفهـم= وش سر خوفي وأنت طيب وشغموم ولو تعتذر ياصاحبي قلت لـك سـم= تبقى وسط قلبـي مقـدّر ومحشـوم عذرك سمين وراعي العـذر يسلـم= وقدرك ياساس الطيب بالقلب معلـوم عـنـدي امــل بالله والله يعـلـم= أني لأجل غيري معـذب ومحـروم يارب ياللـي عالـم السـر ترحـم= عبد(ن)فؤداه من عناء الوقت مكلوم وتفرج لعبد(ن) ضاق صدره من الهم= واجعل حياته مابها ضيـق وهمـوم |
الجرح أكبر
http://www.b3b7.com/vb/showthread.php?t=77170 أحيـان يطـري علـىّ أكسّـر أقلامـي= وأجنب الشعر وأهـل الشعـر وألحانـه وأصدر على أوراق عمري حكم الأعدامي= وأريح الشاعر اللي بـي مـن أحزانـه وأريح النـاس مـن ترديـد الأحلامـي= وأغرق بنومي مـدام النـاس غرقانـه لكنّي أرجع إلامـن شفـت لـي ظامـي= يشّر على ناس مثلـه صـدق ظميانـه وأحطهـم قبـل لأكتـب بيـت قدامـي= وألقى القصيـدة تجينـي تقـل شفقانـة تقول لـي لاتراجـع والهـدف سامـي= الناس مثلك علـى الأوضـاع زعلانـه اكتب عن اللي سرق لو دينـه أسلامـي= مـدام جنـب ويمشـي خلـف شيطانـه واكتب عن اللي يقول المـال لأعمامـي= فلايمهـك حـلال ونــاس عميـانـه وعليك باللـي علـى مسكيننـا حامـي= ولاجاءه راعي ظهر زيّـن لـه لسانـه وعليك بالجاهل اللـي صايـر أعلامـي= لافــاد داره ولاحـبــوه جـيـرانـه وكم فيه مسوؤل صاير واجـب ألزامـي= خططـه متناقضـه وأفـكـار تعبـانـه قلـت أتركينـي أعيـش لباقـي أيامـي= الجرح أكبر من أهـل الشعـر وأوزانـه ياذا القصيدة طلبتـك باأكسـر أقلامـي= أصبحت أخاف القصيـد وكـاره ألحانـه |
دعاء وإبتهال http://www.b3b7.com/vb/showthread.php?t=78003 مال الضعيف إليا بكى غير يدعيك= ياواحد(ن)مارد عبد(ن) لجا لـه ارحم ضعيف(ن)جاء لبابك يناجيك= ماعنده إلا موحد(ن) في سوالـه وإلاذنوبه تحرجه يـوم يرجيـك= بس الأمل بك تسعده فـي مآلـه يالله يارحمـن عبـدك ينـاديـك= على كثر مااذنب ويشطح خيالـه لكن يسلي النفس لقـام يطريـك= أنك رحيم يرحم اللي سعـى لـه يارب ياللي تعلم بحـال راجيـك= لاتحرمه رحمتك وأغفـر خمالـه عبدك ولد عبدك وجا بذل ناصيك= جاء يطلبك وأنت عليـم بحالـه وعندي طلب يالله لاترد داعيـك= أغفر لأبوي وجنة الخلـد فالـه يالله تجمعنا تحت ظـل كرسيـك= في لحظة تنسى الحنونـة عيالـه والختم عد اللي بهالكون يدعيـك= صلي على الهادي محمـد وآلـه |
ليلة وبان الشوق
http://www.b3b7.com/vb/showthread.php?t=79481 ليلة وبان الشوق في عين مغليـك= بالله كيف الوضـع لوهـي ليالـي ياغاليـة هـذا نـدا مـن يناديـك= اللي يجر الصـوت ماهـو بخالـي من يوم رحتي والقصايـد تغنيـك= غصب على لو قلت مانـي مبالـي أي والله أحبـك ولآنـي بناسيـك= ولآني بشعـري ياغناتـي خيالـي وشلون ماأحبك وفي البعد أحاتيـك= وأنت الوفاء وأنـت الغلاوالدلالـي حبي لك أكبر من قصيـد يطريـك= وفيه أفتخر مدامـك أنتـي حلالـي ماني بخايف نقـد مدامـي أغليـك= حب على وضح النقاء راس مالـي لو لامني في الحب نـاس تعاديـك= ماوالله أسمع فيـك يـاأم العيالـي عشرة عمر ماهي سوالف (هلابيك)= وإلاسوالـف زايفـات الجمـالـي طالبك لاتبطين عن عيـن مغليـك= ليلة وبان الشـوق كيـف الليالـي |
الوطن اكبر http://www.b3b7.com/vb/showthread.php?t=80209 الوطن أكبر من الشعر واللي يكتبونه = بس لامنه نخانـا قلطنـا ماأنثنينـا كم شعر ينكتب ياعرب ما تسمعونـه= بس لاقيل الوطن جت مشاعرنا وجينا جيتكم في وصف شئ عزيز تعشقونه= كم شربنا غلاه صغار ليـن ارتوينـا كل موطن عزيز بعين من يسكنونـه= بس ميزة وطنّـا عشـق للمسلمينـا في ثراه اندفن مـن كلهـم يتبعونـه= سيد الخلـق يكفينـا لامـن حكينـا وفيه أيس أبليس وخيب الله ظنونـه= ماقـدر يهـدم التوحيـد أو يبتلينـا واستمروا هل التوحيد مايرخصونـه= ارتكـوا لـه العوجـا وحنـا وفينـا شعب مؤمن وجاهم منهج يطلبونـه= تحت راية أبو تركي وفيـه اكتفينـا واحد عز دينه كيف نقـدر نخونـه= معجزة هالزمن يومه قـدر يحتوينـا رحمـة الله عليه..فكـل مايذكرونـه= من كثر مابنا من شوق لجله شدينـا شاعر شال شعره صـادق تعذرونـه= لن طاري الأمام أكبر من اللي روينا اسمحو لي إذا قصرت باللي تبونـه= دوم هذا الوطن يبقى عزيـز علينـا |
بين بدوي وحضري الـــحــــضــــري= سلامي سلامي لأهـل الحميـه هل الطيب والعـز والمقدريـه قضيتوا ولاباقي(ن) به بقيـه عسى الله يحفظ ديار السعودي الــــــبــــــدوي= يدوم البقاء يارفيـق الوظيفـة علامك علينا علومـك عنيفـه قلوب الحضر خابرينه نظيفـه عسى الله يحفظ ديار السعودي الـــحــــضــــري= على ماأنت خابر ولكن لقينـا هل البدو في دورنـا تبتلينـا إذا أنتم نسيتم تـرى مانسينـا عسى الله يحفظ ديار السعودي الــــــبــــــدوي= إذا ربعنـا للمـدن ساكنيـنـه تراهم على علمهـم حافظينـه عوايد على ماأنتـم بخابرينـه عسى الله يحفظ ديار السعودي الـــحــــضــــري= أنا أقول راحوا ولاعـاد باقـي من أهل البداوة بداري بواقـي أسامي تدلك عـل ذوق راقـي عسى الله يحفظ ديار السعودي الــــــبــــــدوي= صدقت بكلامي على ذوق ناسي ولكن تذكّـر إذا كنـت ناسـي من اللي صبر يوم داري مآسي عسى الله يحفظ ديار السعودي الـــحــــضــــري= قسـم يارفيقـي بأنّـي إليكـم إذا ضاق صدري أحن وأجيكم وأنا رغم ماقلت فيكـم أبيكـم عسى الله يحفظ ديار السعودي الــــــبــــــدوي= صدقت بكلامك وعندي دلايـل هل الحضر لو يكتبون الحمايل لهم ضلع راسخ بكـل القبايـل عسى الله يحفظ ديار السعودي |
|
شمر هلي
http://www.b3b7.com/vb/showthread.php?t=82814 أرجـوك يابنـت الأجـاويـد تكفـيـن= لاتحرجيني بالطلـب غصـب عنـي طبعي كذا ماأحب بـاب السلاطيـن= على كذا عايش ومن صغـر سنـي ماني مـن اللـي يطلبـون الملاييـن= ولأنــي أحــب أعيشـهـا بالتمـنـي صحيح أنا عايش وبلشان بالديـن= وإيـجـار بيـتـي جـيـتـه تمتـحـنـي وصحيح لاجوني ضيوف عزيزين= أحيانـاً ذبحـي ديـن وأحيـان منـي لكـن منـا صايرمـن اللـي تقولـيـن= لشاف راعي بشـت جاءلـه يونـي إذا بغيـت أمـدح مدحـت المسميـن= اللي بهم شعـري فخـر يـوم أغنـي اللـي لهـم تاريـخ بالعسـر والليـن= بأطرف بشـر فيهـم فلاخـاب ظنـي شمر هلي ويجـف حبـر الدواويـن= ماياصـل لـوصـف الطنـايـا يكـنـي هلـي هـل التاريـخ والمجـد وافيـن= كتـب العجـم قبـل العـرب يعرفـنـي من متحف اللوفر إلى وسط برلين= وكـل الكتـب فـي دورهـم يذكـرنـي تاريـخ والتـاريـخ فـيـه البراهـيـن= وأنـا علـى التاريـخ مانـي متجنـي من غير قاصر بالرجـال المياميـن= كــل القبـائـل بـالـوفـاء يطـربـنـي |
اخاف تنسين
http://www.b3b7.com/vb/showthread.php?t=83497 إلـى متـى وأنتـي كـذا يافلسطـيـن= وحنـا كـذا ماغيـر نكـتـب قصـايـد أقولهـا والدمـع مايـفـارق العـيـن= لشفت وضعك بالفضاء والجرايـد محبتـك ماهـي حكـاوي دواويـيـن= محبتـك فـي القلـب مـثـل العقـايـد ياغاليـة لوخانـوا الـروس تدريـن= أن الرخـم لـو هـدّ مـاهـو بصـايـد وأدري بعد تدرين بأن السلاطيـن= مهمـا حكـوا ماعـاد فيـهـم فـوايـد حنـا فـقـارى لــو ملكـنـا ملايـيـن= يكفيـك بــأن الــذل بـايـن وزايــد نعيش ناكل تقل مشـروع تسميـن= مابين غرب وشرق والوضع كايد ماودي آيـس منـك وأقـول بعديـن= لـعـل يـأتـي تـالـي الـوقــت قـايــد قايـد يرجعكـي لحضـن المصلـيّـن= ويلبـسـك بالـعـز أحـلـى الـقـلايـد مـن عـادة الأمـة تعـود بعـد حيـن= لوطولـت تبـقـى العـوايـد عـوايـد حكامـنـا مـانـي مطالبـهـم بـشـيـن= ماعندهـم غيـر الحكـي والوعـايـد أبـي أردد اسمـك أخـاف تنسييـن= أن الـعـرب مــازال فيـهـم ولايــد أبكتـبـك ملـيـون مــرة فلسـطـيـن= لـعـل تـشـفـع للفـقـيـر القـصـايـد |
قصيده قديمه ريح الشمال الباردة تنعـش الـروح http://www.b3b7.com/vb/showthread.php?t=83714 ريح الشمال الباردة تنعـش الـروح= ريـح الشمـال تعـذب اللـي عشقهـا ريح الشمال بعطر الاحباب له فوح= لاجــت شمـالـيـة تـذكــرت أهـلـهـا حبي لداري داخل الجـوف مطـروح= مـن خلقـتـي وأنــا أسـيـر لكرمـهـا هي دار حاتم حبه أكبـر مـن البـوح= يشهد علـي حبـي فـؤاد(ن) سكنهـا من شافها قال اكتب الشعر مسموح= لايـافـلاح الـلــي يـلـومـك جهـلـهـا وقالوا لي أني عاشق بات مفضوح= وزادوا على هروجهـم مـن سببهـا ثــم التـفـت وقـلـت يـالايـم الــروح= ربـي خلـق قلـبـي وقلـبـي عشقـهـا |
ياتابعين الغرب http://www.b3b7.com/vb/showthread.php?t=85174 البـارحـة بالقـلـب يـانــاس هـوجــاس= ومهمااستعـذت يعـود لـي فـي ثـوانـي صحيـح أنـا مثلـي مثـل بـاقـي الـنـاس= وكـثـيـر خــلــق الله مـثـلــي تـعـانــي أحـاول أنسـى الوضـع وأقـول لابـاس= وأتـذكــر أن مـــاالله خلـقـنـي أنـانــي المشكلـة شـاعـر ومبـلـي بالأحـسـاس= وأحساسي أنـي فـي زمـن مـو زمانـي لشفـت حـال الخـلـق عانقـنـي الـيـأس= والـهـم سهـمـه وســط قلـبـي رمـانـي لكـنّ فـي قلـبـي مــن الـديـن نـبـراس= يجعـلـنـي أتـفــاءل بـحـلــو الأمــانــي مــدام بـالأمـة أحـــد يـرفــع الـــراس= بـأرفـع مـعـاه الــراس والعـمـر فـانـي لوكـان مـالـي غـيـر حـبـر وقـرطـاس= أبـنـكــر الـمـنـكـر ولــــو بالـلـسـانـي ياتابعيـن الغـرب مــن يتـبـع أنـجـاس= ينـجـس ويبـقـى بـالـردى والـهـوانـي أحلامهم نسمع صدى صوت الأجراس= ونعـطـل المسـجـد وصــوت الأذانـــي وأنتـم معـاهـم لـلآسـف تـقـل حــراس= ماهـمـكـم غـيــر الـخـنــا والأغــانــي طموحكـم محصـور بالرقـص والكـاس= ونـشـر الخـلاعـة بـيـن كــل المبـانـي لكـن تـرى تبطـون والعلـم لـه ســاس= هــذا البـلـد محـفـوظ بأطـهـر مـكـانـي مـن دعـوة إبراهـيـم لــلآن مـاانـداس= لـوضـاع فـتـرة عـــاد لـلـحـق ثـانــي لــذا نصيـحـة كــان بـاقـي بـكـم راس= الحـق واضــح لـيـش طــول التـوانـي تذكـروا يـوم(ن) بـه تضيـع الأنـفـاس= وعـودوا تــرى ماينـفـع(ن) الغـوانـي حـرام هـذا العـمـر نقضـيـه هـوجـاس = كــل الـعـمـر لـوطــال يـبـقـى ثـوانــي |
ملهمتي http://www.b3b7.com/vb/showthread.php?t=86202 كثروها وش تبي بنشـر القصيـد= دام ماتنشـر وصـوف الملهمـه هات لحظـات بهايـذوب الجليـد= من حدود اللمس حتـى السلهمـه وارسم اللحظات بأسلـوب جديـد= القصائـد دون عـذرى معتـمـه مالـك ومـال السياسـة ماتفيـد= دايـم دورب السياسـة مظلـمـه شف جماهيـرك قليـل ولاتزيـد= وأنت عندك شعر فكـرك يظلمـه البشر ملت مـن الفكـر العنيـد= اركب الموجة وعيـش العولمـه التفـت للمـدح ويزيـد الرصيـد= عيشـة الحاجـة تراهـا مؤلمـه كثروها وكل يـوم(ن) لـه نعيـد= ماأبـي شهـرة ولاأبـي مكرمـه يابشـر مانـي بهالواقـع سعيـد= صعـب أنـا أتقبلـه وإلا أفهمـه أمتـي تنهـان والظالـم يـزيـد= ذنبهـا اسمـه واسمـه مسلمـه كيف ابنسى واوصف لهالناس جيد= أوشعـر أو خـد وإلا مبسـمـه يابشر هالشعر هو نبض الوريـد= غيرة بالقلـب شعـري ترجمـه المشاعـر صعـب تتقيـد بقيـد= لا بغيت أكتـب تجيـك مدرعمـه ودي اتـرك وأتجنـب هالقصيـد= بـس كيف؟وأمتـي لـي ملهمـه |
صاحبه ميت
http://www.b3b7.com/vb/showthread.php?t=86914 اكتب قصيدة وتصبـح ماتعـرف الديـون= ويمكن بعد يطرب الممدوح ويجيك بيت كم ناس كانت تقول أشعار مثل الجنـون= واليوم صارت لكثر المـال علـم وصيـت خلـك مـع النـاس باللـي يارفيقـي يبـون= يمكن غناتك إلا مـن قلـت لـك كـم بيـت والمـدح فـن قديـم مـثـل بـاقـي الفـنـون= ماحد(ن)يلومك إلا من قلت به واغتنيت ياصاحبي كل شيء بصدق يمكن يهـون= ألا أنـك تعيـش ذل ديـون فيهـا ابتلـيـت أويتصـل بـك رفيـق تـدري أنـه يـمـون= وتقـول لـه مانـي اللـي يارفيقـي هقيـت وش لك بشعرك مدام الناس مايسمعون= عليك باللـي يجيـب المـال لامـن حكيـت قفـى ودورت اسمـه داخـل (التيلـفـون)= وكتبت تحت الاسم والرقم صاحبه ميـت |
شاعر على قدي
http://www.b3b7.com/vb/showthread.php?t=88256 شاعر على قدي ولا أبـي جماهيـر= إلا أنـت ياسـيـد الـدلـع والنعـومـة ما أقولهـا ومـدور(ن) بـه معاذيـر= هـذا اعتقـاد القلـب واللـي يرومـه ياصاحبي تر صاحبك بالبشر غير= يكفيه يسمـع ضحكتـك قبـل نومـه في شوفتك يصبح قصيدي نواوير= وفي غيبتك شعري يضيّع علومـه في شوفتك تصبح حياتي تباشيـر= ولا غبـت ليلـي ماتسلـي حلـومـه هـذا الغـلا ماهـو بمحـتـاج تبـريـر= اللـي رمـاه الحـب محد(ن)يلـومـه للحب عنـد النـاس ياصـاح تقديـر= لصار راعي الحب حافـظ سلومـه |
صوت العقل http://www.b3b7.com/vb/showthread.php?t=89412 يأهـل الوطـن تكـفـون لاتدمـرونـه= لاتسمعـون لهـرج حاسـد وطـمـاع أنتـم هـل التوحيـد وأنتـم حصونـه= يـد بيـد نكـافـح الـلـي لــه أطـمـاع هـذا الوطـن غالـي ولازم نصـونـه= نـمـوت جــوع ولانسـلـم لـلأتـبـاع عـهـودنــا وأيـمـانـنـا مـانـخـونــه= واللي تمسّك بالعهد صدق ماضاع كـم واحد(ن)يطـرف بيـده عيـونـه= وش ضرّه أن هدا وركز بالأصبـاع أهدافـهـم هــذا الـوطـن يقسمـونـه= وأنتم هدفكم بس تحسين الأوضاع ومليكـنـا يسـعـى فكـونـوا بـعـونـه= مافيـه داعـي نحـول الهـم لأوجـاع الـلـي يـبـي التفـريـق لا تتبـعـونـه= السـم مايسـمّـن فقـيـر إلـيـا جــاع يــاأمــة الـتـوحـيــد لا تـفـرقـونــه= إليـا افترقنـا سهـل نـشـرا وننـبـاع مالي هدف غير الوطـن تحفظونـه= لعل ياصل مطلبي بعـض الأسمـاع صـوت العقـل طلبتـكـم تسمعـونـه= مـن شاعـر مخلـص ولاهـو بتبّـاع شعـري وفكـري بعضكـم يعرفونـه= عمري ماكنت بيوم كـاذب وطمـاع |
قلبي لك سكن
http://www.b3b7.com/vb/showthread.php?t=90049 أنـت أول مــن وســط قلـبـي سـكـن = لـو بغـيـت أخـفـي يعاتبـنـي غــلاك ليـش هـذا الدمـع مـاأحـب الشـجـن = كــل هــذا الشـعـر ياعـمـري فـــداك تــدري أنـــك يابعـدعـمـري وطـــن = والقصائـد مالـهـا طـعـم (ن) بــلاك فـي حضـورك صـار لأبياتـي لـحـن = مـن يلوم(ن)ماعـرف لحظـة لـقـاك أكـره دموع(ن)عـلـى خــدك مـشـن = لـلآسـف أهـــواك وأسـبــب غـثــاك مــن قصـيـدي مــن كتابـتـي بـكــن = وأنت ساكت مخفي بصـدرك عنـاك آســف آســف ياحبيـبـي واسمـعـن = بأعتزل هالدرب لأجل أكسب رضاك أبـشـر بـعـزك لــو أبيـاتـي عـصــن = مـاأبـي غـيـرك ولاهــم(ن) ســـواك صـــادق(ن) والله هالـشـلـة عـفــن = مـابـهـم طـاهــر ولافـيـهــم مــــلاك مـابـقـى بالـعـمـر يـاعـمـري زمـــن = يستحـق أشـوف فـي لحـظـة بـكـاك لاأسلـوك الـنـاس قــل خـلـي ركــن = للـغـلا وأنــا بـصــدق لـــك حـكــاك بـكــل لـهـجــات الـقـبـائـل لـحـكــن = مالهـن سيـرة سـوء طــاري وفــاك بـأتـرك أفـكـاري إذا وصـلـك ثـمــن = وحــدد أفـكـاري وأنـــا كـلــي وراك خلـنـا بالـحـب وأشـــوق(ن) نـمــن = كيف ينسى الحب من يجلس معـاك هــات يــدك يابـعـد عـمـري عـطــن = مـن حنانـك مـن دلالـك مــن حــلاك لـحـظـة الـعـشـاق نتـركـهـا لــمــن = وأنـت ظامـي بـس لاتخفـي ظـمـاك آيــه غــن بـصـوت هــادي سمـعـن = لاتـقـول الشـعـر يـاعـمـري نـســاك مـن صبـاح الخيـر كـم لجـلـك رون = ليـن ليلـة بـان شوقـي مــن جـفـاك كلـهـن فــي وصــف حـبـك غـــردن = والـغـزل عـنـدي مقـيـد فــي هــواك اسـكـن بقلـبـي وقلـبـي لــك سـكــن = وأبشر بشعر(ن) يترجـم لـك غـلاك |
للنفوس الطيبه
http://www.b3b7.com/vb/showthread.php?t=92834 للنفـوس الطيـبـة قــدر وكـرامـة= في قلوب الناس من ربي خلقهـا والتسامـح شيمـة مـابـه مـلامـة= كم تعلى شخص من نفس عتقها المحيـا السمـح للطـيـب عـلامـة= كلً(ن) يرحـب ولكـن مـن فرقهـا فرقهـا مـن قبـل لايبـدى بسلامـه= ضحكة حجاجك إذا بعينه رمقهـا وآسفـه الخـايـب إذا زاد بكـلامـه= ديـتـه لاواجـهــك صـــد و(----) لايهمـك واحـد(ن) مثـل النعامـة= الحـرار تشـوم ماتطـرد سمقـهـا العزيـز يـمـوت مـاقّـل أحتـرامـه= عن دروب الخير رجله مافهقهـا واصل الرحلة على درب الكرامة= والنفـوس بحفـظ رحمـن خلقهـا |
كيف يسرق؟
http://www.b3b7.com/vb/showthread.php?t=93491 يقولـون لـي غلطـان وأنـا أعشقـك وأغلـيـك = عـسـاي أنـدفـن فــي تربـتـك وألـثـم تـرابـك شـعـوري وشـعـري يارفـيـع الـقـدر يفـديـك = يشرفنـي أسجـن يـوم سجنـي مــن أسبـابـك وطـــن يـــاذرى التـوحـيـد والله مانسـخـيـك = أبـيــك بشـمـوخـك تـرتـفـع تـرفــع كـتـابــك خـسـى كــل نــذل يـاوطـن بـالـردى يطـريـك = يكفـيـك نـبـض الـعـشـق ومـغــازل أحـبـابـك أنــا يــوم أقــول أهــواك ماأظـنـهـا تـوفـيـك = غـلاك أكـبـر مــن الـحـب لــو زدت بعتـابـك إذا اشتـد وقـت الـنـاس تـرجـع لــك تنـاديـك = تجيـهـم بعـطـفـك تـضـفـي بـحـبـك أهـدابــك وأنا أدري بك أن بعض العطاء ياوطن يكفيك = ولـكـن فـدتـك الــروح تـقــف عـلــى بـابــك حبيـبـي إذا احتـجـت الـفـزع كـلـنـا نحـمـيـك = يـمـوت الـعــدو يـاعـالـي الـقــدر مـاصـابـك أفـاخــر بـحـبـك صـــدّق ماهـمـنـي شـانـيـك= لأنـــك عـمــود الـديــن والـعـالــم أطـنـابــك إذا كـنــت زدت الـنـقــد والله مــــا أعـنـيــك = أبــي واحــد(ن) يـسـرق حـلالــك ولاهـابــك هـذاك الخبيـث اللـي لــه سنـيـن يـأكـل فـيـك = ولاخـــاف مـــن ربـــه ولا هـمــه حـسـابــك عجب كيـف يسـرق ؟ ثـم يحلـف أنـا أغليـك = طلـبـتـك إلا مـــن مـــات لايـضـمـه تـرابــك |
صوت الوطن صوتي لويقال لي مبحوح= وأنا صدقـه اللـي باقيـن ساكـن(ن) فينـي وأنا روحـه اللـي دونهـا مابقـى لـه روح= وأنــا راحـتـه لـوكــان مـاريّــح سنـيـنـي أنـا كـل شـيء فيـه مـن همسـتـه للـبـوح= أحـبـه لأنــه رغـــم الأحـــزان يحـويـنـي مصيبتـه لـو أزعـل وأجافيـه ويـن أروح= ثــراه بعـروقـي دام ديـنـه عـلــى ديـنــي أجاهـر بحبـه مانـي مــدور(ن) مصـلـوح= سـوء صـح نبضـك مـن رفيـق يواسينـي رفيق من الأوضاع فـي موطنـه مجـروح= ولـكـن يـسـلـي الـنـفـس لعـلـهـا تـزيـنـي وطن ياوطن لا تبتعـد عـن هلـك وتـروح= مازالـوا علـى التوحـيـد والـديـن باقيـنـي ترى ديننا له في ثراك وسماءك صـروح = ومدامك على نهجه ترى الشعـب وافينـي أخافـك تجنـب عنـه وتطـاوع المفـضـوح = تـرى ساعتـه بتطيـح يارمـز مـن عيـنـي |
ضحكة النت
http://www.b3b7.com/vb/showthread.php?t=96339 يابنت مالي بضحكـة النـت حاجـة= مالي بها عايـز ولا لـي بهـا زود أنا أعتبـر هـذه المحبـة سماجـة= وأحسهـا بيـن الأجاويـد منقـود واللـي بـلاه الله عنـدي عـلاجـه= تذكـر أن الفعـل للعبـد مــردود واللي تعكـر مـن كلامـي مزاجـه= لايعتقد بأنه مـن الهـرج مقصـود ماأحب أنـا كثرالحكـي واللجاجـه= العلم واضح لو زعل منـه مقـرود واللي يبي يعلـن علـيّ احتجاجـه= أدري بأنّ الخيـر بالنـاس موجـود كم عاقلاً يـدرك ويعـرف خراجـه= بس البلاء من جاهل(ن) صار مشدود |
| الساعة الآن 11:35 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010