|
المنتديات النسائيه ليست نسائيه أصلآ!!!
مراحب على الجميع
لفتت إنتباهي إبنة أختي تسجل بمنتديات خاصه بالبنات فقط!! فسألتها ليه ؟!! هل هو إلتزام ديني منها وخوفآ من تعاملها مع رجال؟!! فردت أحب آخذ راحتي وكأني في مدرستي ومع صديقات لي بنات فقط!! وكل شوي تردد وتقول بنات فقط!! قلت له لعلمك غلاتي تري كل المنتديات اللي تمنع تسجيل الرجال مؤسسوها ومالكوها رجاااااااااااااال !! طيب سؤال خطر ببالي مالفائدة اللي يستفيدها مؤسس منتدى ما من تواجد أعضاء نساء فقط؟!! هل هدفه التعارف يعنى؟ والتطفل على خصوصيات البنات؟!! لانه كما نعلم الادارة تتطلع على كل صغيره وكبيره بين الأعضاء وحتى الرسائل الخاصه..وأستغرب من التجمع النسائي الكبير بهالنوعية من المنتديات ظنآ منهن بأنهن في مأمن وبعيد عن التواجد الذكوري بينهن مع العلم أنه الادارة والمؤسسون رجال..ربما يكون هدف البعض وليس الكل مادى وتجاري بحت لكن الأغلب فضول وتطفل فقط!! برأيكم ماهى أهداف من يفتح منتدى خاص بالنساء وهو رجل؟!! .. |
ماهى أهداف من يفتح منتدى خاص بالنساء وهو رجل؟!!
لعل ماذكرتي قد يكون قريب من الصحه.. انا اذكر زميل لي في العمل رجل كبير في السن وكنا نتكلم عن الانترنت ومشاكله وضروري الواحد يحافظ على ابنائه ويتابعهم ومن هذا القبيل.. رد علي وقال انا بناتي مسجلين في منتدى مافيه الا بنات عمهم وصديقاتهم صراحه استغربت من كلامه وقلت استحاله انه يكون منتدى بس بنات وكان مقتنع هو..والصراحه انا جاء في بالي انه بناته ضاحكين عليه وقالوا له انه مافيه الا بنات.. عموما قد يكون هدف صاحب المنتدى مادي وقد يكون له مغزى اخر.. لكن بالنهايه على البنات المسجلين ان يحذرو منه وان لايسلموو انفسهم لاي شخص كان.. كل الشكر لك على الطرح اختي |
طرح جميل وفريد من نوعه ْ حقيقتاً , أشكرك على هالمساحة
الجميل من الطرح .. .. وفي خصوص ما ذكر وما يهدف إليه الرجل ممكن أقرب ٌ شيء اللي قالها أخوي فايز الهدف المادي , وبعضهم هدفهم الضحك وإستغلال البنات في المادية نقدر نقول نوعاً من الإبتزاز يعني موب وآضح ولكن إستغلال . وممكن له ٌ أهداف أخرى ولكن ماهي الله أعلم ْ لا أجد ُ هدافاً غير المادي أو ضبط علاقات مع البنات / هالسببين وأعتقد لا ثالث ْ لهما ودي / |
اول شي اشكرك اخوووي على طرح المووضووع
انا من رائي ان البنت اللي تحافظ على خصوصياتها مو بس بالمنتديات حتى الجوالات والامور الاخرى والله الساتر صحيح انو فيه مثل هذه الامور من يغزو ويلهو بالبنات ومشاعرهن وهذا الشي يحصل بالمنتديات الخاصه ببالبنات وزي ما ذكرت اخوي اذا كان مادي نحنو نعرف ان اغلبيت بناتنا واخواتنا عاطلات يعني بس يبن يسولف ويبن يكتبن وعادي عنده لو تجلس يومين على النت فاضيه شغل فيستغل صاحب المنتدى الفرصه لكي يرتقي منتداه من المشاركات ما ودي ان اطيل لكن شكرا لك على طرح الموووضوع |
البعض هدف مادي لكثره النسااااااء
والبعض هدفه شخصي والله اعلم ولامكن انا اشجع الفتااه التي تبحث عن موقع حواء وهو معروف نسائي وصاحبته معروفه وهي نوره الخالدي تقديري لطرحك |
طرح مفيد ..
ولا ازيد على كلام اخواني .. غير اشكرك على طرحك .. |
مدري لية دايم نفترض سواء النية
ونظرية الموامرة تسيطر على تفكيرنا نعم هناك منتديات نسائية ومميزة وليس فيها استغلال مادي او عاطفي بل العكس تجد فيها الانثى كل ماترغب انا مسجلة من 4سوات بمنتدى نسائئ متكامل لم يحدث شئ رغم اننا نتعامل خارج المنتدى بالبيع والشراء وتوصيل الطلبات للمنازل تقبلي مروري ولك كل الود |
حياك
اختي والله اذا كان قصده مادي ما فيها شي يترزق الله ولا كن بعضهم له امور اخرى فا هاذي هي المشكله وعلى انه بيده جميع الصلاحيات عافاك ربي |
الله يعطيك العافية مراقبتنا طرح جميل
كثير من المنتديات التي نوهتي عنها أدارتها من الأناث كما ذكر اخوي الوافي وأن كان رجل ومقصده المكسب المادي فهذا حق له اما النوايا الأخرى فلا أعلم بالنوايا ولكن ملاحظه اريد أطرائها يجب على البنت ان تاخذ الحذر حتى من بنات جنسها وليس مقتصر على الشاب فقط اشكرك لاهنتي |
أنآ أعتقد انه المنتديآت النسآئيه تكون ادراتها نسآء وانا مسجله بأربع منتديآت نسآئيه ولا يوجد بيينآ أي رجل وبالعكس ماشفت منهم أي استغلال مادي او عاطفي بل بالعكس لو دخل رجل بنك امرأه ع طول يعطونه بآند ومااتوقع الرجل له مصلحه يفتح منتدى نسآئي اذا بيفتح رآح يفتح منتدى عام والاستغلال العاطفي تلقونه بكل المنتديات مو مقتصر ع المنتديات النسائيه عافاك ربي ع الطرح الجميل |
[align=right]عن نفسي ،، ما قد آستمريت بمنتدى نسائي ،، يعني آسجل أخد شغلة وآمشي ،، آحس همهم الأكبر ،، يشكوا ويبكوا ،، من رجالهم وآطفالهم !! وإلا الطبخ مدمرهم وكمان المشتريات ،، وهده الأمور مو مزاجي ،، فـ ما آشارك فيها !! وآنا عبالي هده المنتديات لـ نساء !! بس بكل الآحوال ،، لازم البنت تكون متحفظة لخصوصياتها ،، حتى لو حابه تفضفض بس بحذر ،، النت ما صار له آمان ،، والله يحفظنا من النفوس الشريرة !! " بعد حيي حائل " يعطيك العافية ع الطرح الرائع كل الشكر !! [/align] |
تسلمون جميعا على المرور والرد..
وآراؤكم جميعا على عيني وراسي وماكان هدفي إساءة الظن بمن يفتح منتدى نسائي بل بتفتيح عيون العالم أنه ليس كل منتدى نسائي تملكه نساء..قليل جدا إمرأة تفتح منتدى وتدفع دم قلبها لاستمراريته..وفعلا الحذر مطلوب من البنات والشباب على النت لانه الضرر يجي منهم كلهم.. وكلام هايدي قسم بالله فطست من الضحك عليه فعلا بالمنتديات النسائيه يشكن ويبكن وحياتهن بؤس وتعاسه يجبن الهم والغم عافاكم ربي وأكرر شكري لكل من مر ورد لا عدمتكم. |
انا في منتدى نسائي وماشفت منه الا كل خير بلعكس التواصل فيه فيه افضل بوااايد من المشترك
وأسلوب الاداره وااضح انها وحده مو واحد متواصله ويانا وتعرف في سوالف الطبخ والسوق وتربيه الاطفال يعني مو معقوله رجال يعرف في الاشياء الدقيقه اللي تخص النساء وأذا كان فيه منتديات مشكوك فيها الله يبعدنا عنها وياليت لو حد شاك في منتدى ينبه الناس اللي فيه والله يبعدنا من ها نوعيه من الناس المريضه ويعطيج العافيه على الطرح الرائع |
الله يسترنا وجميع المسلمين ماعندي خبرررر
|
وانا بعد مسجله باكثر من منتدى نسائي ..واحس الوضع عاادي ..
بس يمكن لاني انا نتحفظه بكل شي وادخل المنتديات بس بحدوود افييد واستفييد لاغييير .. لكن على الاقل افضل من المنتديات العامه ..لان بصراحه واجهتني مشكله وظلم ..من صاحب المووقع .. وليتها بسييطه اساء لكرامتي وسمعتي ...عند بعض العضوات لاني رفضت اعطييه رقمي ..ومتحفظه حيييل بالمنتدى .. فاكثر من مره يطلب مني اشياء ..واستحقرته اخرته قال لاحد العضوات ..ووصلن كلامه .. تركته هو منتداه ..حفاظ لكرامتي وعزت نفسي .. رغم اني كنت ادرايه ..بس ماتهمن ..اهم شي عندي كرامتتي .. واللحين وووربي افكر اذا بغيت اسجل ..اسجل بأسم وولد بس اخاف اتوهق بعد ههه يعطييك العهاافييه عالطرح |
اشكرك على الموضوع الهادف والقيم اسمحي لي صار لي موقف وابي اذكره بعد اذنك اختي بعد حيي انا راح اذكر قصتي مع احدى المنتديات الشهيره خاااص بالنساء واتمنى من كل وحده تنتبه والله وقسم بالله اللي راح اقوله فانه صحيح في احد المنتديات النسائيه وضعت تصميم جتني رساله خاااصه من احد العضوات ام فلانه طبعا فتحت الرساله تطلب مني ان اشترك معها وان اصمم بنرات لها وبنسبه ماليه طبعا انا فكرت بالامر على اني مو مرتاحه بس سبحان الله رحت استشرت وحده متدينه قلت لها قصتي قالت توكل على الله طبعا مع تشجيع من اهلي قالوا شوفي وش عندها من مشروع ماادامها امراءه طبعا استخرت وتوكلت على الله واضفت هذة المراءه بالمسنجر طبعا وهي تشرح لي كيف العمل معها حسيت من كلامها مو امراءه وقلت قبل لانبدا سالتها قلت انتي ام فلانه وحلفتها بالله تدورون وش قال قال انا اخوها قلت انا اتفقت ان اتعامل مع ام فلانه مو اتعامل مع ارجال قال لي هي مشغوله والله من ذاك اليوم سويت له حظر والغيته والحمدلله انها جت في اولها انتبهن يابنات اي احد يقول نبي نسوي مشروع او اي شي لا توافقن فان بعض الرجال يستخدمون معرفات نساء حتى لو كان منتدى نسائي انتبهن ااسفه للاطاله يوم قراءة الموضوع تذكرت الموقف قلت لازم اذكره |
بعض شخصيات الرجال يحب ان يعيش في مجتمعات نسائيه فالمنتديات هي اقرب للواقع بالنسبه للبعض فتجده بمعرف بنت وهو بالاصل رجل ويستمتع بالحديث معهم والبعض للهدف التعارف والبعض الهدف مادي بكل صراحه اتجمعت الاحمالات كلها يمكن ويمكن بس بعض البنات تدخل منتديات نسائيه ماتحب تختلط بالاقلام الذكوريه لخوفها منهم او لبعد الشبهه عنها والبعض يرتاح في هذا المنتدي لانه يتعلق بكل مايخص الفتاه فتجدهن بكثره بالمنتديات النسائيه لان الحوار بينهم ليس له قيود لان مايتحدثون عنه شي فيهم وعايشنه بعكس المنتديات الاخرى المختلطه التي تمنع بعض النصوص ان يكون لها تواجد بصفحاتها
|
\
يكافينا الشر :) الله يعطيك الف عافيه لاهنتي ياغاليه http://hmalil.com/vb/images/smilies/...1195975150.gif |
| الساعة الآن 05:09 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010