|
امثــاال وقصص .. .. .. ! ! ياليت القــى حماس منكــم
«®°·.¸.•°°·.¸¸.•°°·.¸.•°®»السلام عليكم ورحمة الله وبركاته «®°·.¸.•°°·.¸¸.•°°·.¸.•°®»
http://www.shmmr.net/upload/up/up/mathal.gif احلى مسااء لاحلى اعضــاء ولااحلى منتدى >> يبي شــرهه من ال ساريhttp://www.raash.com/vb/images/smilies/smsm.gif على العموم انــا اشوف القســم مافيه شي جديد وحبيت اجيب هالفكـــره على أمـــل انهــاا تعجبكم امثااال ترددهااا دائمااا على لساانك او سمعتهااا من ابوك أو شيباانكم اي مــثل يطري على بالك اسدحه هناا بدون تردد وياليت تكون القصــه معه ..................... وانــا اول واحد رااح اذكــر المثـل المعروووووف ؛¤ّ,¸¸,ّ¤؛|طير ابن برمان|؛¤ّ,¸¸,ّ¤؛| ابن برمان رجل عاشق للقنص بالصقور ،وذات يوم وجد صقرا صغيرا فاخذه وقام على تربيته وتدريبه على الصيد راجيا منه الفائده ، وحينما شعر ابن برمان أن طيره قد أكتمل تدريبه خرج به للصيد ، وهناك رأى حبارى فاطلق صقره خلفها . لكن الصقر بعد أن حلق عاليا رأى أفعى ضخمه تزحف على الأرض فانقض عليها وطار بها الى أن صار فوق رأس صاحبه ليتركها تسقط عليه وكادت الأفعى أن تنهش ابن برمان لولا أنه تفادها بسرعه بعد الله . وصار طير ابن برمان مضربا للمثل لمن ترجو منه الخير فلا يأتيك الا بالشر. قال أحد الشعراء... ياطير ابن برمان جبناك حنا ...................... يا حاذف الحيه على رأس راعيه هذا علمي وسلاامتكم واذاا تبوني البس البشت واجي واحد واحد فيكم واطلبه واحبه على خشمه اناا مستعد >> لاحوووول فرط القير هههههههههههههههههههههههههههههه بانتــظاااركــم |
وهـــــذاا مثل ثاني بس يضحك شوي
كان فرعون زي منتم عارفين يدعي الربوبيه ويتظاهر قدام الناس انه هو اللي يخلق المخلوقات وكان اذا جاه بعض كبار رعيته يزورونه يحتجب عنهم بحجة انه يوم يخلق غنم ويوم يخلق ابل ويوم يخلق بقر وهكذا .. وكان هامان وزيره ويعرف بمداخله ومخارجه واسراره ويعرف كذبه وادعائه المهم جا مره هامان بيدخل على فرعون ومنعه الحاجب بحجة ان فرعون قاعد يخلق ابل راح هامان وجاه باليوم الثاني وقابل فرعون وعاتبه على منعه من الدخول امس فقال له فرعون كنت مشغول البارح بخلق الابل فا التفت عليه هامان وقال .. على هامان يافرعون ( (على هامان يافرعون ) ) ...........http://www.raash.com/vb/images/smilies/lough.gif |
[align=center]
هههههههههههه ياحليلك يافرعون.. كل يوم ينخش ويخلق لهم شي.. بالمره ما سوى لقومه ملاهي... ..حلو حيل موضوعك عشوق..اوعدك لي رجعه مره ثانيه... عاشق..شنو معنى صقر وماهر..انت قلتها مره ب احد ردودك..ممكن توضح لي معناها[/align] |
مشكور على ردك السريع
الظاااهر رديتي واناا اكتب الموضوع صـــقر ومااااهر ......................... معناااه زي ماتقوليــن مثـــل بقريح خخخخخخخخخخخخ المهم ان المعنى قصــده عدم الاهتمااام من صاحب القصــه ويقول لــه يصقر ومااااهر أو واااحد تدعي عليـــه مثلاااااااا قالك ابروح المحل الفلاني ولا كـــذاا تقوله بصقــر ومــاهر لكن على العموم لي رجعه معك بالمثل هذاا بس تخبرين الحين آخـــر الليل والعجوز نايمه اذاا قعدت اعلمك هههههههههههههههههههههههههه دمتي .. بود |
عويشق.. ..
والله من امس واناااااا افكر.. .. وجاز لي موضوعك.. .. <<<<<مع ان القسم ماااا يستهوينن.. .. بس عشااااانك والله مااااتذكرت إلا .. ... بيااااااع الخبل عبااااااته.. ..<<<<<<خخخخخخخخخخخخخ بس حتى القصة مااااااش ماااااهي كاملة ابتقصى الحقائق وارجع.. .. يسلمووووووووووووووووووووووو عويشق.. .. |
مشكور اخوي عاشق على القصه
يبارك فيك براءه |
زلقت حبة الشمري..
[align=center]السلام عليكم ورحمة الله وبركاتة
يسعدني أن اقدم لكم قصة المثل ال مشهور من تراثنا الثري.. (((زلقت حبت الوضيحي ))) او حبة الشمري كلها جت من “بصري الوضيحي” الشمري والقصة تقول: ان بصري الوضيحي راح يحج ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب .. طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل ( ازلقت حبة الشمري ).. وقال القصيدة : التايه الي جاب بصري يقنه ... هيض جروح العود والعود قاضي جينا نحب ونطلب الله جنه ... جنة نعيم يوم يابس الحاضي[/align] واكيد طبعا منقول..و " كل الشمامره خياله ".. |
خخخخخخخخخخخخخخخخخخخخخخ
حلو المثل نويس.. .. يسلمووووووووووووووووو.. .. |
يسلمووووووووا على مروركم
ومشكوره نويس ولاهنتي غاليتي |
عاشق
مشكور الله يعطيك العافية على الامثال وقصصها والتطور |
العفـــو خيتي دموع الحــــب
|
اللي مايعرفا لصقر يشويه
[align=center]
اليوم مثلنا يقول :اللي مايعرف الصقر يشويه..وتقول قصة المثل : ان رجال راح يقنص وطلع طيره على حبارى .. وهده وابعدت به الحبارى وضيع الطير والحبارى .. يوم هده التعب شاف له راعي ابل وجاه ينشده.. قال الرجال ماشفت الا ذا الطيرين لقيتهم يتعافرون تحت الشجره وخبطتهم بعصاي وهذاهم في الضوى اشويهم يوم برق الرجال الا هذا صقره والحبارى قال انت مهبول وشلون تاكل الصقر هذا صقر ..رد عليه الراعي كلها طيور وقال المثل " اللي مايعرفا لصقر يشويه " http://www.moq3.com/pics/up/16_03_06/25615eb552.gif منقول على ذمة الراوي الاصلي..ودمتم سالمين.. عشوووق..شفته قدامي وبصراحه سرقته لك..اكييييييييييد بيعجبك.http://www.moq3.com/pics/up/16_03_06/2597725666.gif [/align] |
تسلمين يالغاااااااليه على تواصلك بالموضوع
ومااااااااا الباااقي زعلان عليهم والله لكـــن مبدعه انتي ............... ومكشوره على الحــــــرف هههههههههههه |
ويقولك انه كان فيه عالم كبير انتشر صيته في كل مكان وكان لهالعالم والد يحب يتظاهر بالعلم وانه يطلع قدام الناس مثل ولده في الاطلاع وسعة المدارك المهم سافر هالعالم هو وابوه لاحد المدن ونزل بضيافتهم واحتفو فيه واكرموه والتف الطلبه حوله والتف بعضهم حول ابوه لانهم يظنون ان الاب مايقل علم وفضل وعقل عن ولده ان ما زاد عنه وكان هالعالم يعرف ان ابوه يحب يتفشخر ويدعي العلم مع قصوره بالعلم والمدارك فقام ووكل فيه واحد من طلابه الاذكياء وقال لوالده اذا سالك احد عن مساله من مسائل العلم قل ان للعلماء فيه قولين وبعدين حول الشرح على هالطالب اللي بيلازمك في هالمواقف المهم الوالد مشى على هالطريقه وكل ماسالوه في مساله قال ان للعلماء فيها قولين ثم يحيل الشرح والتفصيل للتلميذ المرافق له استمر على هالحال فتره من الزمن ومافيه احد اكتشفه الين جا ذاك اليوم ولاحظ واحد من الطلاب الاذكياء ان هالعالم ماعنده من العلم شي وانه دايم يقول هالكلمه عشان ماينفضح امره يوم قال لاخوياه قالو له مانعتقد ان عالم فذ يكون ابوه جاهل قال لهم تشوفون انا بكشف لكم امره وراح تتأكدون من كلامي .. يوم اجتمع الطلاب عند ابو العالم جاه الطالب الذكي ووجه له سؤال : أفي الله شك؟؟ فقال ابو العالم جملته المعروفه ان للعلماء في ذلك قولين ..بعدين انتبه انه اخطأ بعد مافات الفوت فقال للطالب اللي يرافقه رقع يامرقع فقال له الطالب هذا شين ماينترقع فانكشف امره وزال زيفه وعاد كل شيء لاصله ( ( قال رقع يامرقع قال هذا شيٍ ماينترقع ) )http://www.raash.com/vb/images/smilies/smsm.gif وش رايك يانويس بس هي الحاله هههههههه |
[align=center]
هههههههههههههههههه...ياحليل هالعالم فيها قولين هاااهـ.. عشوق مشكور مشكور من الاعماق على موضوعك الرائع..وبصراحه انا مستمتعه جدا فيه..ولي عوده مع مثل..بس يمكن افاجأك بمثل من تأليفي...عاد مو تفشلني تقول اول مره اسمعه..مشها لي.. سلاااااااااااااااااام مربع..[/align] |
ههههههههههههههههههههههه
منوره والله الموضوع يانويــــس حيااااااااك ياغاااليه |
طير شلوى
[align=center]
نسمع دائما بطير شلوى...او فلان طير شلوى ...وهنا سوف اكتب لكم هذه القصة ..... ثلاثة اطفال كبيرهم عمره ثلاث سنوات,توفي والدهم وبعده بستة اشهر توفيت والدتهم فلم يبقى لهم الا جدتهم من ابيهم وتدعى شـلوى ونظرا لضيق ذات اليد اصبحت هذه العجوز تدور وسط البيوت تطلب اكل للاطفال..... فصارت ومن باب الاستلطاف تقول ماعندكم عشى او غدا لطويراتي تقصد بذلك الاطفال الثلاثة . شاع خبرها بين الناس وعلم الشيخ الجربا بامر هذه العجوز فأمر ان ينقل بيتها الى جوار بيته وقد تم ذلك وكان الجربا قبل ان يقدم الغداء او العشاء يقول لاتنسون طيور شلوى وكان يشرف هو بنفسه على ذلك ومع الايام كبر الاطفال الثلاثة وهم شويش ...وعدامه....وهيشان...واصبحوا رجال يستطيعون القتال . ونظرا لارتباط الحلال بالربيع رحل الجربا وجماعته الى مكان بالقرب من الحدود السورية حيث مكان الربيع والماء وهنا كان تواجد للدولة العثمانية الاتراك..وايضا قبيلة اخرى ( تقطن هذا المكان) وكان الجربا وجماعته قليلي العدد مقارنة لكثافة تواجد الاتراك وايضا عدد افراد تلك القبيلة .... هنا طمعت تلك القبيلة وايضا الوالي التركي بقبيلة شـمر بقيادة الجربا..فارسل الاتراك مرسال الى الجربا يطلبون ودي ( مثل الضريبة الان). اجتمع الجربا وافراد قبيلة شمر للتشاور ...ونظرا لقلتهم ايضا وجودهم المؤقت وافق الجربا على دفع الودي...... وبعد مدة بسيطة طُلب من الجربا ان يكون الودي مطبوق ( مضاعف) وهنا ايضا وافق الجربا وبعد مدة اي حوالي اسبوعين اقبل فرسان الاتراك ومن الجهة الاخرى فرسان القبيلة الموالية للاتراك وهنا ارسل الاتراك مرسال للجربا وطلب من الجربا ان يعطونهم خاكور..باللهجة التركية لم يعرفوا معنى خاكور وقال ماذا تقصدون بالخاكور؟؟؟ وقال المرسال (( اي نساء من حريم شمر لجيش الاتراك لغرض المتعة)) هنا تدخل شايب من شيبان شمر...وانشد قائلا.. وكان في مكان بعيد عنه قبور يستطيع الجميع من رؤيتها وهم في مجلس الجربا. انشــد قائلا: هنيكم ياساكنينن تحت قاع....مامركم وديٍ تقفاه خاكور هنيكم مُـتم بحشمه وبزاع....ومامن عـديم ينغـز الثـور؟ كان يُقال ان الدنيا على قرن ثور متى ماتحرك الثور قامت القيامة ...وهنا اراد الشاعر في شطر البيت الثاني ان يشعر الموجودين ان الموت ولا هذا الطلب... ما ان قال ...مامن عديم ينغز الثور ؟....الا ان قفز شـــويش .. وقال انا ...وانا طير شلوى . اخذ الشلفا ورفعها بالهواء وعند سقوطها ضربها بسيفه وامتطى صهوة جواده واندفع منفرداً بشجاعة منقطعة النظير على جيش الاتراك حيث شق طريقا وسط جمع الخيل والطرابيش الحمر تتطاير يمنة ويسرة من ظرب شويش لرؤوس الخيالة . هنا لحق به اخويه عدامة وهيشان ...... الجربا ومن معه اغاروا على القبيلة الاخرى ..وماهي الا ضحوية كان كل شي قد انتهى . لقد تم الانتصار على الاتراك وتلك القبيلة وغنم شجعان شمر والجربا مغانم وكانت هذه احد الاسباب في غناة الجربا ومن هنا ظهرت شجاعة طويرات شلوى...الشايب صاحب القصيدة لايزال على مركاه في مجلس الجربا يتفرج على كل الذي حصل وعند انتهاء المعركه وتقابل فرسان شمر .. يباركون لبعظهم هذا النصر المؤزر... قالو نريد اذا سال الشايب عن من مات نريد ان نقول شويش..وعندما سال الشايب قالو له شويش مات....انشد قائلا:- قالــو شــويش وقلت لالا عـــدامة.... او زاد هـيشان زبــون المــلايـيـش ماهــو ردى بمـــدبرين الجـهـامــة....لكن هــوش شويش يالربع ماهــيش يوم شويش حزم راسه نهار الكتامة......دبــر ظنى....وحـمـر الطـرابيش يوم شــويــش مـثل يــوم القـيامــة.... بالله عليكم لا تحـــكون بــ شـويش قالو لالا نبشرك حي ....وهنا ساد الجربا وجماعته المكان واصبحوا ياخذون الودي على من تبقى من القوم هذا والعهدة على الراوي0000[/align] |
نويس مشكوره على قصتك
لكــــــــــن الرااااوي ماعنده سالفه >> >> للتوضـــيح المهم فقط .. .. (( اي نساء من حريم شمر لجيش الاتراك لغرض المتعة)) لالالا يالرااااااوي مالك لواا المقصــود بالخاكور ليس المتعه من بناات شمـــر الاصيلات العفيفااات انما القصــد هو صنع الخبز من ايدي البناات من شمر للاتــراك وهـــنااك فرق واجد بين المتــعه وصنع الخبز ياسبحاان الله بالذات هالقــصه هذه انتشرت بالمنتديااات على انهااا متعه وكــم رديت على بعضهم وحاورتهــم وعدلت محور القصــه اللي لاتــمد الا الحقيقه باي صــله وتبقــى بنات شمــــــر هم على ماعرفناهم من خلق وعـــفه وحتى القبااائل الثاانيه ...... ... نويـــس انشاءالله المعلومه وصلت لك وعرفتي القصــه الصحيحه >> >> وش رايك اصلح مؤلــف هههههههههههههههههههههه تحيااااتي لك المــهم لاتقاطعين عشاااان توضيحي هع برب |
مشكور اخوي عاشق على القصه
يبارك فيك ايه صحيح من لايعرف الطير يشويه بنت القصيد |
[align=center]
مشكوووو عاشق على التوضيح..وكنت واثقه انه في تعقيب على هالقصه بالذات.. اقتباس:
شدعوه عشوق..الاختلاف في الرأي لا يفسد للود قضيه..وموضوعي اصلا منقول... وعندي لك مثل ...قالته اختي جماجم قبل بس بضيف عليه مناسبته.. (( بياع الخبل عباته )) بمناسبة تقلبات الجو هالايام بين برد وحر تذكرت مثل او حكمة او مقولة ..بياع الخبل عباته.. والعباة المقصود فيها الفروة او البشت او اي لبس للوقاية من البرد لان الواحد ايام البرد يلبس ملابس ثقيلة الى ان ينتهي موسم البرد...ولكن احيانا تمر فترة دفى وحر تستمر عدة ايام ثم يعود البرد من جديد (حقيقة لا اعرف السبب) ولكن اللي سبقونا قاموا بتسمية الفترة هذي بفترة (بياع الخبل عباته) وهي ان يقوم الشخص ببيع عباته في فترة الحر هذي لانه يتوقع ان البرد انتهى وبعد ايام يتفاجأ بان البرد لازال موجود.. منقول حرفيا..ودمتم سالمين.. [/align] |
ههههههههه هذاا يذكرني بنفسي
بس ماابيعه انااااا انزلــه باقرب استرااااحه واتركه خخخخخخخخخخخخخخ مشكوره نويـــس الله يونسك بالعااافيه والله ونستيني .................................. وين البااااقي ولا تعبانين لايكتبون ههههههههههه تحياتي الكبيره نويس |
نويس... .. يا جدوووووووووووودي.. ...
تسلمين يااااعمري... .. اية والله اني مستااااانسة بهالامثاااااال .... نسمع به ولااااا ندري وش ساااالفتة.. ... عطينا ماااافي جعبتك.. .. زيديناااااا امثااااالاااا.. .. يسلمووووووووووووووووو.. .. |
هذا بلا ابوك يا عقاب
-------------------------------------------------------------------------------- هالقصة قصة مثل بالشمال و قبل مانشرح هالمثل نبي نعرف من هو عقاب ومن هو أبوه،، قايل المثل هو : نمر بن قبلان بن نمر بن حمدان بن عدوان بن فايز ، والمعروف عندنا والمتداول هو نمر بن عدوان أمير البلقا وشيخ عشيرة العداوين ،، ويقول كوندر أحد المؤلفين : أن فايز وفوزان أخوان وهم عيال الصويط مشايخ قبيلة الظفير النجدية,, ويقال أيضا أن بنو عدوان من عمرو بن قيس بن عيلان بن مضر بن نزار بن عدنان وقبيلة العداوين من قبائل البلقا الغربية ولها في الغور بلدة الشونة ((شونة إبن عدوان )) وهي بلدة على الضفة الشرقية لنهر الاردن , ويقال كانت منازلهم حول الطائف ثم حدثت بينهم حروب ومنازعات أدت الى جلاء بطون عديدة من عدوان الى مصر وافريقيا ثم دارت حروب بين الذين بقوا في ديارهم فتفرقوا فنزلت هذه الفرقة الاردن فقويت شوكتها وتملكت اراضي زراعية وكثر عددها ، ولما ولى الملك عبدالله بن الحسين امارة شرق الاردن حاول بنو عدوان الخروج عليه فأخضعهم ثم سالموه ولهم اليوم وزن في في الامور الاردنية ،، ولا زالت عدوان الام تسكن شرق الطائف وهي قلة اليوم ويقال ان بعضها تحالف مع قبيلة زهران ، ومن فروعهم : 1-الثوابية : ومنهم النوفل 2-السكر 3-النمر : وهي ذرية نمر بن عدوان 4-العساف 5-القرضة : ومنهم العنيزات ، واللوزين ،وابن مفرز ، والدرعان والحجاج والسلامات والريشة وآل سويلم وآل أبو سجيان,,, هذه نبذه سريعه عن العداوين ، وهذي شجرة نمر بن عدوان وجماعته : فايز : 1- عدوان 2- شداد (جد الوريكات) عدوان : 1-حمدان 2-صبح (جد العساف ) حمدان :1-نمر الاول 2-عدوان الثاني نمر الاول : 1- سيف 2-مقبل 3- فارس 4- بركات 5-مسلم 6- قبلان 7- مطلق (جد السكر) عدوان الثاني : 1-كايد 2-صالح 3- ذياب 4- لامي 5-صقر قبلان من نمر الاول عقب : نمرالثاني (اللي هو شاعرنا وموضع النقاش) نمر بن عدوان : 1-سليمان 2-باكير 3- عبدالعزيز 4- فارس 5- فندي 6- شبيب 7-فاضل 8عقاب 9-ذياب 10مسلط 11-سلطان اما نسب نمر عدوان في كتاب تنوير المسير عن تاريخ الظفير : كما أن من آل صويط على ما ذكر المؤرخون / نمر بن عدوان شيخ البلقاء في وقته فلقد ذكر بيك باشا في كتابه تاريخ شرق الاردن وقبائلها عن عشيرة عدوان الاردنية نقلاً عن كبار تلك العشيرة أن أصلهم من عائلة ابن صويط شيخ الظفير وأتى ذلك بقصة نقلا عن الدرر المفاخر في أخبار العرب الاواخر لمحمد بن بسام... نجي لسالفة المثل : ملاحظة : وضحا زوجة نمر من قبيلة بني صخر ولنمر عيال منها : 8 عيال توفو ومابقى الا عقاب وسارة وذياب.. عقب ماتزوج نمر بن عدوان وضحاء زوجته الحبيبة اللي مالقى بها الدنيا حلياها لانها جميلة جدا ، طبعا هو نمر اللي ذبحها بالبندق يوم انه صحى بالليل وكانت وضحى تعسف له الخيل وهو مادرى بها الظلام ياكود ماخذن سلاحه ويذبح وضحى يحسبنها حايف او حرامي ويم هو مقبلن يم هاللي ذبحه والا هي وضحا وينجن نمر الوكاد ويكتب قصايد ويرثيها ومشت هاالسنين ونمر مايبي يتزوج الا مرة اسمه وضحى على اساس انه بيلقى العوض بوضحا الاولى والرجال هستر مايبي الا وضحا ، وكل ماتزوج مرة اسمها وضحا وما لقاها مثل وضحا الاولة طلقها وعقب هالحريم لقى مرة اسمها وضحا وتزوجها وكانت قريبة في المواصفات من وضحا الاولى ويوم من هالايام جا عقاب لبوه وقاله ( يا بوي خالتي وضحا ماهي مثل امي ) وينشد نمر بن عدوان ولده عقاب عن السبب وقاله وش بلاك ياعقاب عسى ماجاك شيء منها قال لا يابوي ماجني شيء مار أمي لا دحرجت هالحدجة (الشري) من تحتها وهي نايمة تمر من تحتها من دون ماتحس فيها ، وخالتي وضحى لدحرجت هالحدجة من تحتها تدق بجنبها وتصحى من النوم ، فقال له ابوه (هذا بلا أبوك يا عقاب ) وصار مثل،، لان ضمور خصر أم عقاب من الشروط اللي عنت وأتعبت نمر وهو يدور عنها ،،، وهذي قصيدة من قصايد نمر بن عدوان لولده عقاب يشكي من المرارة ويعدد أوصاف وضحا و تعاملها معه : يا عقاب جفني جض من فيض دمعـــي ،،،،،،،،،،،،،،،،،شطت اخدودي شط كنه حجر نــــــــــــــار يا عقاب إلمن اشتكي مر وجعـــــــــــــي ،،،،،،،،،،،،،،،،،علىأفراق كن خذاني اعن الــــــــــــــــدار راحوا وخلوني ابحري إو لوعـــــــــــــــي ،،،،،،،،،،،،،،،،،أبكي عليهم ليلتي وانحب إنهــــــــــــــــار يا عقاب فلكي بالبحر انكسر هو أو قلعي ،،،،،،،،،،،،،،،،،أضحيت أنا في لجة البحر محتــــــــــــــــار يا اعقاب طول الليل أنوح والعـــــــــــي ،،،،،،،،،،،،،،،،وأجوح جوح الذيب لن صابه اسعــــــــــــــار أصيح ابعالي الصوت بحس شنعـــــي ،،،،،،،،،،،،،،،،،أسايله وين المحبين يــــــــــــــــــــــــا دار يا دار وين هو نور شوفي او سمعــــي ،،،،،،،،،،،،،،،،،،وين الذي يجلي همي والاقــــــــــــــدار طابعتها إو جا طبعها لطبعـــــــــــــــي ،،،،،،،،،،،،،،،،،إو لايوم كدرني إو لاجانبـــــــــــــــــــه دار بحبها رضيان والعقل قنعــــــــــــــــــي ،،،،،،،،،،،،،،،،،،،تجلي اهموم القلب ما مثلها صـــــــــــار يا دار وين اللي بها القلب مرعـــــــــي ،،،،،،،،،،،،،،،،،،،وين الذي لو جرت للذنب غـــــــــــفــــار كن جاوبتني الدار بصوت شنعـــــــي ،،،،،،،،،،،،،،،،،،،يا شين خلك بارد القبر كـــــــــــــــن زار ياليت ذاك الصبح ما كان طلــــــــــع ،،،،،،،،،،،،،،،،،،،،إو لاتبدل ذاك الليل بانــــــــــــــــــــهار صبحا لعينا فرق اليوم جمعـــــــــــي ،،،،،،،،،،،،،،،،،،،،الاربعا يبلاه عابس إو غـــــــــــــــــــدار ناديت أنا سارة تعالي ابســـــــــــرع ،،،،،،،،،،،،،،،،،،،،،قدي اثيابك وادهني الخد بالقــــــــــار عمرك زغير لن بدا غير بضـــــــــع ،،،،،،،،،،،،،،،،،،،،،امك غدت يافانية وانتم ازغــــــــــــــار الله يرحم كل مسكين رضـــــــــــــــع ،،،،،،،،،،،،،،،،،،،يرحم امشيب سطه البين محتــــــــــار يرحم صغيرا صارعه الموت صرع ،،،،،،،،،،،،،،،،،،،،،إو خلاه خلفه إو مظلم القبر كـــن زار يارب قبل النضج حصدت زرعــي ،،،،،،،،،،،،،،،،،،،،يا بلشتي يا خالقي كومة ازغــــــــــار منقوووووووووول والعهدة على مااااقالوا للرااااوي.. .. ارجو ان تعجبكم.. .. |
هذا بلا ابوك يا عقاب
آ آ آه انااا اشهــد والله هذا الحـــــب مهو حب هاليومين جمااجم منوره بمشاركتك وكلك ذوووووووق على الاختيـار برب |
اقتباس:
عويشق M .. .. الله يرزقك بحب الى شووووووشتك ويكوووون مثل حب أووووول. .. يسلمووووووووووووووو .. .. بالله عطنااااا شعبي والله جاااازت لي السااالفة.. ..<<<< لا تبطي عليناااا |
هههههههههههههههههههههههههه
قولــي لرعد حائل يروح يخطب لي ويلبس هالبشت غدي النااس اذا شافوه يوافقون علي خخخخخخخخخخخخخخخخ ابشري بالقصص والله لاخليك تشبين الناار بهاذا وتستانسين ههههههههههههه برب |
اقتباس:
ياااجدي ,,, الناااار مشبوووووبة ...<<<< الحقنا باللي يوسع الصدر!! خخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخ اتخيل رعد حااااااايل <<<<< استغفر الله ,,, بالبشت <<<<<هههههههههههههههههه لا عدمناااااااك عويشق<<<<روووووووووووح الله يفتحه بوجهك يسلمووووووووووو.. ... |
شكرااااااااا ياوخيتي
|
قصــــــة مقيــــط و رشــــاه
[align=center]إن عملية صيد الصقور من أوكارها وهي مازالت فرخا , عملية شاقة وخطرة جدا , فالمعروف أن الصقور تبني أعشاشها في
شقوق الجبال , على الواجهات الوعرة على مسافات مرتفعة جدا عن مستوى الأرض , حيث لايمكن للصيادين صيدها إلابعد الصعود إلى أماكن أعلى منها, ومن هناك يقوم واحد بربط حبل قوي وطويل حول نفسه ليقوم الاخر بانزاله ببطء حتى يصل إلى الوكر ليأخذ الفراخ فيرفعه صاحبه مرة أخرى. وجرت العادة أن يكون هناك اتفاق سابق بين صيادين على نصيب كل واحد منهما من الصيد , فالفراخ هذه منها ((النادر )) وهو أفضل الأنواع , ومن بعده ((اللزيز)) الذي يليه بالجودة واخرها ((التبع)) الذي لا يرغب به أحد . وحدث أن اتفق اثنان أحدهما اسمه (مقيط) حيث ينزل بالرشا إلى الوكر يدليه صاحبه , ثم يرفعه بعد ذلك . وقد اشترط صاحبه أن يكون النادر من نصيبه واللزيز من نصيب مقيط . وتم الاتفاق بينهما على هذا الأساس فلما نزل مقيط وصاحبه يرخي الحبل بحذر, حتى وصل للوكر , فوجد النادر فأعجبه , ثم زين له الطمع وقلة العقل أن يتمرد على الاتفاق , فصاح بصاحبه : إن النادر لي واللزيز لك . فقال صاحبه : لكن هذا عكس ما اتفقنا عليه. فأصر مقيط على رأيه وصاحبه يحاول أن يثنيه عن هذا الرأي ,وقدغاب عن مقيط أن موقفه ضعيف وهو على هذه الحال , بل هو محرج للغايه , حيث إن صاحبه لما طال الجدال ويئس منه قال {يامقيط.. هاك رشاك } فهوى مقيط ورشاه من علو شاهق فتمزق أشلاء! وذهبت عبارة (مقيط ورشاه) مثلا شائعا بين الناس لمن يريد الفائدة أو الخير فيعود بالخسران أو الشر . (*) منقول من كتاب البدو الظرفاء الرشا : الحبل منقـــول..[/align] |
يسلمووووووووووووووو نصيصي.. ..
جديييييييييييييييد علي.... أثريتي المعلوماااااااات |
هلا عشوق فكرة ممتازة وذكية منك .
ويقال للواحد اذا احتار بين شيئين وفي نظره مختلفين وهم في نفس الوقت لهم نفس الميزات ومابينهم فرق . (( سعيد اخو مبارك )) على حد علمي القصة كذا مدري والله . وتحياتي لافكارك ارائعة.. |
[align=center]ياهلا وغلا ببنت الهيلا ..
شرفتي بمرورك هناا .. وسلمتي على هالمثل الدارج [/align] |
حركاااااات والله ويني عنكم من زمااان والله اني شبيت النار ومعي ربابه بعد واهيجن ههههههههههههههههههههههههه
لقعد وشب النار واذكر وليفي.....وبحجه الدخان ابكي على كيفي والله امثال رووعه واعجبني قصه هذا بلاء ابوك يا عقاب عندي مثل وعذاب البعارين هههههههههههههههههههههه يقال من شدة العذاب <<<< ابوك يا الوصف ههههههههههههههههههه |
ياعذاب البعارين والله ردك
هههههههههههههه سلمتي يالحورية وبيض الله وجهك .. نورتي هالموضوع اللي طفى له مده طويلة |
| الساعة الآن 07:45 AM. |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010