|
ويـنـك يالسلف
السلام عليكم ورحمة الله وبركاته استاذي الشاعـر السلف الله لا يهينك متى ماجيت ابغاك تازن وثرك على هالبـيتين :cry: تلميذك الجرح . . ياصاحبي يبْست حياضي = والبير ماعــاد به ميا السيل بالسـد مكتاضي = وبلشت به الصرف والريا |
اقتباس:
هلا والله اخوي الجرح .. ابشر ولا يهمك ننتظر استاذنا السلف ليرد عليك لكني اشوف ان الصدر بالبيت الاول فيه كسر شوي يعني مو عالوزن يعني مثلا // يا إما تقول // يا صاحبي يبستوا حياضي // أو إنك تخلي المخاطب انثى مثلا // وتقول يا صاحبه يبستي حياضي ... مثلا يعني الوكاد عاد دبرها ومثل ما يقولون .. انت ابخص لكنه طرق طربي جميل .. وبيتين ولا أورع من جد صح لسانك شاعرنا وبفارغ الصبر منتظرين السلف يروينا اكثر على هالطاروق |
أخي الفاضل خالد حضور شاعر بحجمك زادني شرف اتمنى منك أن تضع على حرف الباء سكون في يبْست شكرا لروحك وممتن لمداخلتك العزيزه |
صح لسانك اخوي الجرح
بـ أنتظار شاعرنا السلْف .. * ينقل للقسم المناسب * .. |
اي بالله انك صدقت يبست حياضي يمال السحابه يالجارح .. بإنتظار السلف تقديري // |
الشاعر الجرح النازف صح لسآنك وسلمت يمينك وبآنتظآر شآعرنا السلف .. يعطيك الف عافيه .. |
صح بدنك أختي على النيه على مايبدولي اني توهــت الطريق الله يستر من تاليته يالسلف ربعنا قامو يتزاقفونن ياالله سلام تصبحون خير :cry: |
همس طلال ههههههههههه الله يقطع شياطينك بلا :) ليش تنقلينها هذي يبه مو محاوله هذي طلب مجاراة // مفروض تبقى بهمس لكن هين ان شفتك توطوطين إلا امصّع اذانتس ههههههههه ولا يهمك اختي همس امازحك ادري انك مجتهده يالغاليه .. ما قصرتي وانت يا شاعرنا الجرح دام هالبيتين لك اخوي ترانا نطالبك بقصيده ماكو فكه قصيده يعني قصيده وخل هذي لين يجيها السلف الظاهر انه يدق ويعلق يبي له اشتراك هههههههههه ( دعابه ) :) نتشرف بتواجدك معنا اخوي الجرح // |
المعذره منك اخوي
على ما يبدو اجتهادي غلط :) اشكرك خالد لـ نقلك .. |
ياهلا بك وبالجميع وعيدكم مبارك
تسلم يالجرح ولكن ترى الاتصال عندي عفن لو ابطيت عليك لاتيْأسْ هاك طنّشْ لْجُوهرْك يالقاضي= واقْرُبْ مدام اللّحم نيّا والأمْر يِلْعنْ ابُو ماضِي = والطّبّ آخِرْه بالكيّا |
اقتباس:
:h49: ههههههههههههه صحيح يابعدي مالكل مجتهـد نصيب وهمس طلال له الحق ومعذوره انا اللي اكرر اعتاذري وشكرا لك خالد على طيبة نفسك وسمو اخلاقك |
اقتباس:
هلا بك اكثر .. ووه بس منكم يالقرايا ومن اتصالكم واستلم الديك قالو لنا باضي = وخلف صقر وامه حديا ومادمت في وضعنا راضي = تعال سامرني هنيا |
هلوتين
والله يعطي الجنه هاك ياقبّة ٍ وسْطها فاضِي=واقول له ياملا الليّا ياليت به شمْعة ٍ تاضِي=وتْنوّر العين يالخيّا |
مبه على خشمك الهم في خافقي جاضي = والجرح مازال بك حيا يابو دهـش خلك رياضي = تــراك لعيوني الضيا |
الله عليكم قسم قسمات روعه .. محاوره جميييله تمنينا تستمر وتستمر خاصه يوم باض الديك هههههههههههه قويييييييييييييييه خلف صقر وامه حديا // الله الله على الطرق والشعععععععععر والله عليك يالسلف ... امتعتونا ودائما بإنتظار مداخلاتكم الكويسه :) تقديري لكما // |
هلوتين ياخالد منور يابعد حيي
يالذيب وانْكفْت مِرْكاضي=ردّيت للّي لنا عيّا في راسه العنْد خوّاضي =وياكودها قسْوة البيّا |
صحت آلسنتكم شعرائنا الجرح و السلف شعرآء رائعون ابدااع حد الآمتآع ... لآعدمناكم ,, |
ياهلا والله يالجرح النازف وشيخ الشعر السلف
وهنا يلتقي الشعر وتشتعل شموع الحروف النديه لكم من المتابعين |
هلووووتين بالسلف ياطرش مافيكم عياضي = وياقوم مافيكم حميا وياقاف علك متهتاضي = خلا الكلبشات بيديا |
على النيه القديره
أحس احساس الغاااالي وجودكم مثل الوسم تدري عجزْت اجْمع اغْراضِي= كِنّ الجُنون احْتِوى لِيّا واِذْراعِي اليوم مِغْتاضِي = مكْسُور واعْظمْ جِدا أيّا |
آسف جدا على مروري امس
لم اعرف ان مشاركتي سوف تحذف من هذا وانه موضوع خاص او غير مرغوب بمشاركتي ولكن سبب مشاركتي اعجبتني الابيات وفكرتها اكرر شكري لمن حذفها وصح لسان شعرائنا وابشروا لا اتعود لها |
اخواني الأفاضل خالد / على النيه / احس احساس / الواصل مروركم من هنا كزخات المطر السلف استلم يابعدي weLcoome فوق الجبل ياضي = والعين تبكي قصر طيا والناس صابتهم امراضي = من يوم ضحو ببو عديا |
هلا بك
الخوف من صدْق فضْفاضي=والجوّ ياخوي محْميّا كريم يابارق ٍ ناضي=عسى العطا منّه سقيّا |
يابعدي خالد ليه القسم يعطيني تجاوزت اربع ردود باليوم .. حاولت ارد على السلف يمنع عندي وش السالف ياجدي
هذا تقييم تكرم به علي احد الإخوان اعتقد انه الجرح او ربما غيره لانه ما ذكر اسمه .. عموما انا اقول // حياك اخوي وقصة التجاوزات هي توماتيكلي كل قسم له عدد مسموح من المشاركات تمشي على الكل .. وزين انه هنا 4 لانه فيه اقسام 2 مثل المدونات ... وحاول لو رفض انك ترد بقسم ثاني .. وهذا الشي سببه ان بعض المستجدين يدّهر طال عمرك على هالمواضيع عشان يوصل مشاركاته عدد معين ويتمتع بأخصية الرسايل :) .. أو لاي سبب ثاني .. ويقوم ويعفل شغلنا فوق تحت ههههه مثل العاصفه :) وتنظلم مواضيع جديده تصير بالصفحه الثانيه والقديم يصير بارز .. وهكذا .. شكرا على التقييم بس لو انك ذاكرن اسمك عشان نقوم بالواجب :) الواصل ههههههه أبك أبك منهو اللي حاذفن مشاركتك .. صدقني اذا بوه احد حاذفه اكيد خطأ غير مقصود او له وجهة نظر ما عرفناها .. لكن انت مشاركاتك مثل البلسم وربي ما استانس بالموضوع إلا اذا شفت اسمك .. وانا بسميك وكالة بعد حيي للأخبار :) ماشاءالله عليك دايم تجينا بالجديد والمهم // الجرح والسلف .. روعه روعه روعه وحنا مستمتعين والكل مستمتع ... // |
هلا بك اكثر مريت مع ذيك الانقاضي = ولقيت لي عجيز عميا تقول نـبش بمرباضي = تلقا لكـم شي مـخـفيا |
اقتباس:
:h49: موووت عدوووك وش بلا تقييمي بالون الحمر كنت برد على الردود هنا كل واحد على حده .. وربي نسيت اكتب اسمي ياجدي هالخشم العذر لا تلومن ترن بكرتوني وش دراني بهالسوالف تاكد أن تشريف من هم مثـلك تاج على راس الجرح |
البقا يامشرفنا وهلا بالجميع
هاك يالجرح قريت به بعض الاعْراضي=وشفت الحقايق بعينيّا واظنّ في عظمها شاضي =والدرب لله مقفيّا |
استلم خـرفان ترتع بحماضي = وسراحها ذيخ شاويا هبيت ياوقـتـنا الماضي= تشوف وش حاصلٍ فيا |
هلوتين
الظفر محتاج مقراضِي=والجرح ماهوب عاديّا والزّبْد لمْلمْه مخّاضِي=والغاويه فوق غاويّا |
هلابك تشوفني ناشف لحاضي= ومافيك رحمه وماويا اعطف عليا بمافاضي = ياخوك مخباي خاويا |
. . استاذي واخي العزيز السلف تشرفت بمساجلتك كثيرا بأذن الله لنا عـوده قريبا وتحيتي وتقديري لك من مر من هنا |
الشرف لي طال عمرك حقا استمتعت بمساجلتك
حفظك المولى والشكر لكل من مر من هنا |
الاستاذ / الجرح النازف
الاستاذ / السلف الله يعطيكم العافية اعجبني اسلوب الاشاره الغير مباشر !! اسجل اعجابي بما تقدمونه واتمنى لكما التوفيق |
الجرح النازف
عاد مازاد اعجابى ورب البيت الا انه رديه على طرق الهجيني وصعوبة القافيه ومعانى جزله مبدعين وربي صحت قلوبكم وياليت تعيدونه مانمل من محاورتكم لكم تقديرى واحترامي |
| الساعة الآن 09:51 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010