مالي ومال الحبّ لازيد فيني=غاب الفرح واحزاني المستمرّه
وين الفرح يازين وينه وويني=وايام عمري في غيابك مضرّه
تدري حبيبي يوم اشوفك بعيني=نظرة عيونك عمر عايشه مرّه
عمراً مضى والشوق فيني دفيني=تدري غيابك نار قلبي تحرّه
باغي وصالك شوف يكفي حنيني=يا بنت الأكرام الكرم شحّ مرّه
ليه المكابر ليه دامك تبيني=لا بالمكابر حبّنا لا تضرّه
جيتك وانا مشتاقًا اوفيت ديني=دينك سجنتي القلب وانتي بحرّه
يابنت قولي العمر طلّت جبيني=تدري يطول العمر لا من تمرّه
ياكم تمنيتك لعندي تجيني=تكحل عيوني آه للّٰه درّه
تدري تفاصيل الحلا في يديني=طاغي جمالك قلبي دايم يجرّه
مبسم يضاهي الصبح نوّر سنيني=صوتك لحن موتي المسامع تجرّه
غازلتها وتقول ندّى جبيني=سامرتها وتقول نعسان مرّه

المشاركة الأصلية كتبت بواسطة عوادالعلي (المشاركة 1774494) صح لسانك ذيب الجزيرة الا شاعر ونص فهذه القصيدة العذبة لا يكتبها الا شاعر متمكن صح لسانك مره ثانية ولا انصحك بالتواضع ففي هذا المجال قليل من الكبرياء مطلوب تحياتي

المشاركة الأصلية كتبت بواسطة ابو طارق الشمري (المشاركة 1774496) هلابك ياعبدالعزيز وصح لسانك ملااااييين كتبت فأبدعت لاعـــــــدمنا وجووودك. تم التنســــــــيق

المشاركة الأصلية كتبت بواسطة جنون الشوق (المشاركة 1774502) رااااائعه شاعرنا ذيب الجزيره ليست محاوله انما باذخه راقيه سلمت وصح لسانك مليوووون تقييمي لسموك

المشاركة الأصلية كتبت بواسطة ولد القصيد (المشاركة 1774510) الله الله ع البوح الجميل صح لسانك ذيب الجزيره وسلم فكرك ابداع ابداع بما خطه قلمك تقديري وتقيمي لجهودك لـ روحك ورد الجوري

المشاركة الأصلية كتبت بواسطة نوارهـ (المشاركة 1774523) ماشالله تباركــ يسلم فمك شاعرنا