فيني غلا طاغي على لهفة الشوق=ترقص حروف اشعار روحه خفايا
مااقدر أوضح لهفتي لاي مخلوق=أخاف من فرحي تعكس المرايا
تدرون وش سرّى الدماء داخل عروق=طيفٍ سرق عقلي واضاء الزوايا
سريت مع طيفه بلا مانع وعوق=ورْدت لصدري مرهفاةٍ ضمايا
قال الغلا ؟ قلت انربط بالعنق طوق=وينزل مْنه سلكٍ لشبك الحنايا
قال الوعد ؟ قلت ارتقا بالبطا فوق=تْجدده سمر الليال العرايا
قال الشعر ؟ قلت ارتِجِل كل طاروق=واروّض ابياتي واسوق المطايا
أبدع وألحّن فيك واختار واذوق=وما ضَم شعري غير رمزك مزايا
فداك شعرٍ له مكانه ومرموق=تشهد بلي والوايلي والطنايا
كبدي ببعدك صابها وابل حروق=وعيني لشوفك كن دمعه سرايا
ياطيف لاتهجر مطاياك معشوق=إرحم عيونٍ للمواجع ضحايا
اخايلك كالبدو لاشافت بروق=ترجي مزونٍ في طرفها عطايا
ياطيف لاتبطي أطالبك بحقوق=حقٍ فرضه الله تزور البرايا
انت آخر آمال الغلا واعظم وفوق=واصْدَق أحاسيس الوله في مسايا

المشاركة الأصلية كتبت بواسطة مرتاح (المشاركة 1771888) صح لسان الشاعره ولا هنت يا ابو طارق ابيات جميله جداً لا عدمناك.

المشاركة الأصلية كتبت بواسطة ريم المحمد (المشاركة 1771900) قال الشعر ؟ قلت ارتِجِل كـل طـاروق واروّض ابـيـاتـي واســــوق الـمـطـايـا صح لسان شاعرتها شكرا على النقل المميز

المشاركة الأصلية كتبت بواسطة إحساس رسام (المشاركة 1771925) انتقاء قمة في الجمال شكري وتقديري لك أخي أبا طارق

المشاركة الأصلية كتبت بواسطة مزون شمر (المشاركة 1771930) اختيار حيل عجبني صح لسان الشاعره وتسلم ابو طارق يسعدك ربي

المشاركة الأصلية كتبت بواسطة وتم بعيد (المشاركة 1771973) ذائقه جميله وَ مميزه كَ العاده يسلّم قلبك وَ ذوقك يّ مبدع الهي يسعدك وَ يديمك :152:

انتقاء مميز شكرا لك

المشاركة الأصلية كتبت بواسطة أمير الشمال (المشاركة 1772376) انتقاء مميز شكرا لك