|
خير من الله ...
السلام عليكم ورحمة الله وبركاته الرئيا ؟؟؟؟ كنت متسطحه في غرفتى وفجئه كنى شفت واحد جالس على مكتب في الجهه اليمنى من سريري والجهه اليسر كان يقف زوجي نهضت من السرير واعطانى الرجل ورقه واخذتها وهذا الرجل كنى اعرفه وكنى مااعرفه يشبه واحد من اقارب زوجي المهم طال عمرك اخذة الورقه وكانت ورقة مادة التوحيد وكانت نتيجه صفر مثل نتيجة التفسير؟؟؟لاحول ولا قوة الاباالله قال زوجي اعطنى الورقه المهم مسكها وقال ليه راسب وكنه متفاجئ .....وانتهت.... رئيت ولدي ..يقول كنت في الشارع وشفت شوارع الرياض غرقانه والسياراة متغطيه باالمويه وكان الجو رعود وبروق وكاني شفت شجرتين وحده صغيره والثانيه طويله جا برق واحرق الطويله والنار اشعلتها وهي تنزل النار اطفئها المطر ....وانتهت . .ومحمد الله يهديه ويشفيه ..عنده رئيا ...كان هو ولد خال ابوه حمد ولد عمته محمد لبسين مضلات ونزلو فى مدرسة محمد السابقه ويقول المبنى هو ومو هو كن مدرسته متغيره محمد دخل وحمد ولد عمته بقو خارج المدرسه جالسين تحت شجره ..بعد ما دخل محمد شاف صديقه صالح وكنه زعلان منه وماعطه وجه وصرف محمد لما دخل عبد العزيز ولد عمت ابوه سلم على صديق محمد صالح وراحو مع بعض وبقى محمد متضايق وصار باقى زملائه يهايطون عليه وهايط عليهم محمد وطلع من المدرسه وراح عند حمد ومحمد وانتهت الرئيا. ...ورئيا ثانيه لى انا...كنت نايمه على السرير وصحيت واخذة مفتاح بيتى وفتحت الباب لمحمد المهم رجعت لغرفتى وكنت حاطه مخاد جنبى كنها زوجى نايم على السرير المهم دخل زوجي وسحب البطانيه وقال وش هذا قلت كنك موجود علشان عيالى يخافون قال والله ابتكار ودخلت اخته هند وطلعت مفتاح كانت عليه حلقه دائريه كبيره ولونها برتقالى طلعت انا مفتاحى وكان تعليقته لؤلؤ ابيض ونهايته ورده لونها موفى على نحاسي واطرافها خرز ذهبى المهم لما شافتها هند اخت زوجي طاحت الورده وكنها مستغربه وساكته قلت انا اعوذ باالله ,, ,وانتهت طال عمرك ممكن استفسار ؟؟ ؟محمد ولدي ماشفت له صوره كانك قد شفت صورته قلى ؟؟؟شافته حرمه تعالج وقالت الولد شكله مريض نفسى .. .؟؟واحد يقرا قال فيه مس ؟؟ ؟ابغا اعرف علشان اقولك اعراضه الي يحس فيها اذا امكن ؟؟؟ |
عليكي السلام أختي الغالية أم محمد وحياكي ربي الرؤيا الاولى : هذا خبر سوف يفاجا زوجك من ناحية احد معارفة ويتضايق من هذا الخبر المزعج له بالنسبة لهذا الشخص الذي هو من اقربائه ولايلزم ان يكون نفس الشخص اللي بالحلم بل احد اقربائه فقط . والله اعلم حاتم حائل |
الثانية : مشكلة سوف تقع لامرتين من معارفك ربما من حمواتك ولكن الله يستر وتنتهي على خير باذن الله او تنحل قبل ان تكبر المشكلة . والله اعلم حاتم حائل |
الثالثة : رؤيا محمد الله يشفيه ويصلحه هو خلاف بينه وبين زملائه وهو خلاف عادي جدا وسوء فهم يؤدي الى زعل من قبله عليهم فترة ثم يتصالحوا باذن الله . والله اعلم حاتم حائل |
الرابعة : هذا عمل طيب وفعل حلو سوف تفعلينه وتغار منكي هند لهذا الفعل الحلو لانه اعجب زوجك كثيرا ومدحك عندها بهذا الفعل فغارت منكي وعشان كذا طاحت الميدالية بسبب عينها الله يستر عليكي منها . والله اعلم حاتم حائل |
بالنسبة لمحمد ربي يشفيه لا والله ما شفت له صورة أثناء زيارتي لكم لكن ارسليها على البريد او على الجوال وسايط واكتبي الاعراض وربي يقدرني على فعل الخير لكي أختي الغالية ودعواتي الصادقة له بالشفاء ولكي بالحفظ من كل شر يارب . والله اعلم حاتم حائل |
اهلين ياشيخ ويعطيك ربى العافيه . .الله يستر منها وعينها . ..وجزاك الله على التفسير . ..وبنسبه لمحمد ابشر احاول ارسل صورته ان شاالله ابشر . ..والف شكر لك ياشيخ على كل ماقدمت لى وعيالى ... |
| الساعة الآن 11:34 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010