ارفع مقام ابن عمك يارفيع المقام
(((ارفع مقام ابن عمك))))
ارفع مقام ابن عمك يارفيع المقام=واذكر مزاياه يامن جاء لذكره مجال انزل ولد عمك القمه وراس السنام=واشهر جزال الفعايل منه عند الرجال علّق فعول بن عمك فوق صدرك وسام=هو ظل راسك الكان احتجت برد الظلال تراء مهوعيب ذكرالطيب والاّ حرام=العيب حشّت رجوله في رهيف السلال والا تر المدح محدن ملحقك به ملام=منلا فرح لابن عمه تر وجوده وبال واللي اليا اطري ولد عمه تلفّت وقام=ودّك ايقوّم من المجلاس وسط الرجال شرواه لاتعتزيبه في نهار الزحام=خله يروْح ويلحق في سجل الحثال يستاهل المجد شبلاً حزت الازدحام=يظهر محاسن ولدعمه ويرفا الخمال خلقت ثقال العظايم للرجال العظام=وحشو الزلق باللوازم ماتشيل الثقال مايرفع الراس كوداهل الفعول الجسام=والاضعيف الهقاوي مثل جرفن هيال * (((مشعل عسام الغافل التريباني))) في1444/2/23هـ |
عشت والله الشاعر مشعل. وابن العم يستاهل كل خير
|
تعيش اخوي
وصح بدنك شكرا لمرورك |
صح لسانك ابيات راائعه شكرا |
اميرالشمال
صح بدنك لاهنت |
رايتك بيضاء صح لسانك التريباني
|
اخوي ابواريج
صح بدنك لاهنت يبعدي |
صح فكرك وبوحك بيض الله وجهك
|
صح لسانك وبيض الله وجهـك
قصيده رائعه حفظك الله. |
عشت وسلمت ودمت
|
اخواني الافاضل
ولدالقصيد المرتاح لعيونك صحت ابدانكم ورفع الله شانكم جميعا شكراللجميع |
خلقت ثقال العظايم للرجال العظام
وحشو الزلق باللوازم ماتشيل الثقال مايرفع الراس كوداهل الفعول الجسام والاضعيف الهقاوي مثل جرفن هيال مشعل التريباني صح لسانك مدد بلاعدد كل قصيده اجمل من الثانية شاعر متمكن وشاعر حكمه من العيار الثقيل دمت على هالجزاله يالجزل وتقبل مروري |
اخوي يعقوب
شكرالمرورك وشكرالك على ماتفضلت به من الكلام الطيب ولي الفخر فيك وفي مرورك |
تسلم يابوعبدالرحمن وصح لسانك ملاااايييين
تحياتي لك لاعـــــــــدمنا وجووودك. تم التنســــــيق |
اخوي ابوطارق
صح بدنك لاهنت يبعدي |
الساعة الآن 06:30 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010