منتديات بعد حيي - فضفضات(مزيون حايل)..الجزء الاول

اسعد الله اوقاتكم
ويالله حيهم
الكتابة بالمنتديات الان اصبحت غير مشجعه بعد ان خرجت علينا التقنيات الحديثه خصوصا مواقع ماتسمى بالتواصل الاجتماعي
لكن يبقى للمنتدى رونقه لو زروني كل سنه مره
تصدقون في حقبة ماضية كنت مشارك باكثر يمكن من خمسين منتدى وهالرقم اقرب لقصة سنة من السنين وعقبها يجيك الهلش والذي منه
الوكاد اني دخلت على تلك المنتديات تصدقون اكثر من 45 منتدى بح
طارو
او انه تغير السيرفر لكن حتى البحث بالسيد قوقل ماجاب نتيجة
من المنتديات الصامدة وايضا مستمر بالستايل المعروفه عنه هذا المنتدى
عاد انا مدري من بقى ومن راح ومن رجع ومن سيرجع
لكن عسى الجميع بصحة وعافية
عاد وانا طفشان بالشغل وجالس العب بشنبي اللي اغراني الحلاق امسح ابو ابوه لين صار كنه بزر شارب حليب او توت وبقي الاثر فوق الشفايف هههههههههههه
يعني صاير كنه خطوط مشاة
الوكاد ماهو شنب وراحت الاشناب اللي تاقف عليها صقور(طاوله ماصار شنب)
يقولون اذا جو عيال اخوانك او خواتك وبدو يحبون راسك فاعرف ان الوضع مدحدر وان عليك الاستعداد لما بعده
قررت ابحث عن الاثار الجانبية لحبة الراس
طلبت شاهي منعنش اول كنت اصلح شاهي الان اطلب وهناك فرق:v9v9net_008:
لقيت ان اثار حبة الراس اولا: المصلحة الشخصية من الجهة المقبلة لراس المقبل
ترى الكلمات عليها حركات فحطوها علشان تقرونها زين:jhjb:
السبب الاخر انه فيه بعضهم رى اني شايب مصغر
يعني صح صغير بس شكلهم يرون اني بديت ادخل في اول مضمار الشيخوخه عاد مبكرة او متاخره مدري عنهم
قلت ياولد جرب حواسك الخمس
وانا اللي اشغل((خمس الحواس)):43srg:قلت اجرب اشوف السمع وين وصل وضعه
بصراحه بصراحه..السمع صار فيها اشياء تمر من عندي ما اسمعها فاكل الكلمه:114:وامشي الرقصه
يعني السمع نقص
وانا اشكشك لقيت فيه صوت طقطقه بس مدري من وين..ويوم قصرت الصوت وكملت الرقص تبين ان عظام الحوض كنها حوض ددسن قرمبع واللي مايعرف القرمبع يسال بالقسم الشعبي:git:
النسيان صار واجد
الا كثير
تدرون اني صرت ابلش اذا قابلت واحد وقال من انا:h73:
بس حلها استهبل واقول مدري من انت وش عندك
وبعدين اردفها بكلمة الواثق واقول اذا ماذكرتك انت من اذكر وهي طبعا تحت بند((التصريف)):43dfg:
الرجلين ماش مره فيكس ومره فولتارين ماش الوضع مدحدر

اخطر شي بالموضوع الان اني كل ما انسدحت نمت
افااا...الا والله هذا اللي صاير
:eytstg:وين زمان كانو يسمونن الذيب من كثر ما عيوني بس مفتحه
والحين صارت كنها شمعة كورولا:kwales_:

الحين طيب وين المشكلة

المشكلة انه اول الشيبان والعجز الاكشن عندهم واجد وسنتن من السنين هذي تفتح لك افاق واسعة وقل اللي عندك ولاحس ولاخبر
الحين لا ياحبيبي بظغطة زر وهم ماسكين عليك السالفه ويطالعون لبعض لذلك انسى الاكشن والافلام الهندية وخلك كنك طاير(البوم) بس تلفت وابلع العافيه
لكن اتوقع اكثر شي ابي اسولف لاحفادي
عن عدد الزوايا اللي جلست فيها اشحن جوالي:mmm:
اتوقع انه انجاز طيب وكثير يصعب عليهم يشحنون جوالهم هالايام((نبي فيس خاص بشحن الجوال لو سمحتوا يا ادارة المنتدى)
وبهذا ننهي الجزء الاول من فضفضاتي
لاتنسون تحطون لاي فلو ولايك وسبيسكرايب ههههههههههه متأثر من السالفه

خاتمه:
لازم نتحرش بالسحالي مانقدر نكتب موضوع بدون مايكون لي معهم وقفة
بعض البنات تلبس 6 اساور و 4 خواتم ومركبة رموش وعدسات وتقول ماحب البنات الاوفر
ههههههههههههه يابنت الحلال انتي بس باقي جرس ولمبات وتصيرين حصان على الكورنيش هههههههه

استودعكم الله

ودي احط الواتس اب واتشبب بس الربع مستقعدين لي هههههه

طيب ممكن اكتب البيجر
لالالا خلاص اتوب
مع السلامه