كيف تصبح مقاول ناجح جدا في هذه الايام الذهبيه0
طبعا هذه الايام هي الايام الذهبيه لهذا القطاع لكثرة المشاريع الحكوميه والتجاريه والاهليه
الكل يرى منا عدد المشاريع الحكوميه في منطقتنا ونرى والله الحمد العماير التجاريه (الشقق) ونرى الفلل وسرعة البنك العقاري كي تصبح مقاول ناجح جدا والفوز بمكاسب جيده من هذه المشاريع وستغلال الفرصه يجب ان لاتقع في نفس الاخطاء التي وقعنا بها نحن المقاولين القدامى وهي على النحو التالي0 * يجب ان تكون لديه العماله الجيده وعلى راس طاقم المهندسين حتى ولو كانت رواتبهم عاليه 0 ولو كان عدد العماله والمهندسين قليل فسوف ياتي يوم يكون لديك قروب لاباس فيه * ان تخضع المؤسسه الى رقابه حسابيه من قبل محاسب له خبره ومحاسب قانوني بعد مرور السنه الاولى * الدراسه الجيده لكل مشروع من جميع النواحي ووضع السعر الجيد * عدم وضع سعر متدني لغرض الفوز بمشروع فقط فنه سوف يكون الانطلاقه الربح او للخساره لاسمح الله * وضع جميع ايرادات ومصروفات الموسسه حتى ولو كانت نثريه عن طريق البنك والتركيز على بنك واحد فقط فان هذا سوف يخدمك في تطوير وزدهار علاقتك مع بنكك * الحرص على تنضيم دفعات العقد مع توازن البرنامج الزمني للمشروع * الحرص جدا على توثيق القعود والاحتفاض بها وتقديمها بعد مرور ثلاث سنوات الى وكالة التصنيف فمتى ماتصنفت المؤسسه اعتبر انك نجحت واصبحت مقاول بمعنى كلمت مقاول * الموقع ليسى له ذاك الدور لان الناس تبحث عن الافضل والمشاريع الحكوميه انت من يذهب لهم هذا ماحبيت توضيحه لنني رئيت في جلسات فتح المضاريف تدني اسعار مخيف جدا لم نشهداها من قبل وبعداد هائله جدا فسوف ياتي يوم لايبقى الى الافضل مع تمنياتي للجميع بالتوفيق * * |
الله يعطيك العافية
|
اشكرك على التوضيح ووضع الاساسيات لنجاح
بالعمل تقبل مروري |
ياهلا نواف ياخوك قسمات حاولت اكون ناجح ومااااش
يبي لها خبره اكيد هذا مرتن رحت للفلبين بجيب عمال وجلست العب هناك وجيت لاعمال ولا شي لقيت هالوناسات ولعبت بفلوسي عاد بالطياره يوم هبطنا بالرياض قلت باعلى صوتي بالطياره ويبهط رجل الاعمال المفلس منذر :c: شكرياتي لك وربنا يوفقك |
الله يعطيك الف عافيه اخوي نواف على الطرح
اخوي والله الحين الوضع تغير من السنه الماليه هاذي صارت كل اكثر المشاريع يطلبون عليك تصنيف للمؤسسه والحين قعدنابه والله اكثر الناس اتجهو لتعليم لقلت العقود عندهم الذي لاتتطلب التصنيف يعني حركه مقصوده والله مايبون الناس ترزق الله يبون ينفعون الكباااار بس او يبونك تاخذ من الباطن وبسعر يقرره صاحب التصنيف وكيد الواحد ينجبر ياخذ على شان يمشي رواتب العماله عنده لاهنت على طرحك القيم والمفيد |
اقتباس:
شكرا اخوي هلالي على المرور |
اقتباس:
هلا ولد حائل بها المرور |
[QUOTE=منذر;551620]ياهلا نواف ياخوك قسمات حاولت اكون ناجح ومااااش
يبي لها خبره اكيد هذا مرتن رحت للفلبين بجيب عمال وجلست العب هناك وجيت لاعمال ولا شي لقيت هالوناسات ولعبت بفلوسي عاد بالطياره يوم هبطنا بالرياض قلت باعلى صوتي بالطياره ويبهط رجل الاعمال المفلس منذر :c: اخوي منذر شكرا على المرور بما انك مقاول من الخطاء انك تجيب عماله مقاولات من الفلبين في بداية الامر من الهند من الباكستان من بنقلادش حتى تمشي الامور وبعدين الفلبين الله يعوضك |
[quote=قناص الشمال;551794]الله يعطيك الف عافيه اخوي نواف على الطرح
اخوي والله الحين الوضع تغير من السنه الماليه هاذي صارت كل اكثر المشاريع يطلبون عليك تصنيف للمؤسسه والحين قعدنابه والله اكثر الناس اتجهو لتعليم لقلت العقود عندهم الذي لاتتطلب التصنيف يعني حركه مقصوده والله مايبون الناس ترزق الله يبون ينفعون الكباااار بس او يبونك تاخذ من الباطن وبسعر يقرره صاحب التصنيف وكيد الواحد ينجبر ياخذ على شان يمشي رواتب العماله عنده لاهنت على طرحك القيم والمفيد[/quote اخوي قناص الشمال بما انك مقاول لاتحمل تصنيف الئظام يجيز لك الدخول في مشاريع حتى اربع ملايين ومئنان الف تنفيذ والصيانه حدود مليون ريال فقط في جميع الجهات الحكوميه دون استثنى وغصب على خشومهم وحتى تتاكد من ذلك اعطيك التعاميم والانظمه التي تشير الى ذلك مر على في موسستي جنوب مستوصف ابن سينا |
اخوي نواف لاهنت والله يطول عمرك اخوي
انا اتكلم عن مشاريع الامانه اخوي الذي تفوق الخمس ملايين ممكن عندك خبر من السنه هاذي يعني قبل شهر تقريبا غيرو شي اسمه توزيع على البلديات صارت مناقصه وحده تشمل جميع محافظات وقرى المنطقه بعقد واحد يتجاوز 30 مليون اقل عقد شفته عندهم 5 مليون وعند تقدمي له رفضو لا بموجب التصنيف اما من ناحيه عقود التعليم والصحه لحد الاان ماشي وضعه اعتقد على ماكانت عليه كل الشكر لك والانستغني عن خدماتك بما نك من الممارسين للعمل علما باني اخوي احاول الابتعاد عن منطقة حائل نظرا لكثر المنافسن من صغار المقاولين الذين يبحثون عن الفيز وليس العمل ماقول الا الله يهديهم بس ويتركون الشغل الا اهله وينسحبون في كرامتهم انا قبل كم شهر تقدمت لعدة مناقصات وتم ترسية احد المناقصات على مقاول تقدم بسعر 980الف من مناقصه ميزانيتها 2 مليون ههههه طبعا انا المركز الثاني في سعر معقول مليون وست مائه وخمسين الف وسعري هاذا نظرا لوجودي في المنطقه وعندي الامكانيات الخاصه طبعا تم استبعاده من لجنة فحص العروض نظرا لتجاوزه الحد المسموح به واتضح في الاخير انه يبحث عن الفيز والا يبي ينفذ عمل اسف على الاطاله اخوي ولنا زياره لك ان شالله قريب احب انا قشك في مشاريع التعليم بشكل عام احس انه احسن من مشاريع الامانه والبلديات كل الشكر لك اخوي |
|
بارك الله فيك ولك على التوضيح والى الامام باذن الله تصير مثل عثمان احمد عثمان من الاعماق اتمنى لك التوفيق والازدهار
تحياتي |
شـكــ وبارك الله فيك ـــرا لك ... لك مني أجمل تحية .
|
الساعة الآن 04:49 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010