البكرة اللي مع دبشكم زعجناه
((((((((البكره)))))))))
البكرة اللي مع دبشكم زعجناه=ماشوف له في فوز الاشواط تمكين شفت السلف قامت تسابق مطاياه=وانا ذلولي للاسف مادري وين ارسلتها ابغا الفوز بالوجه والجاه=وابيه تجيب الجايزه بالميادين وهفت مهف الدلو ومقيط ورشاه=يوم ازدحم عد الروى باالمروّين ضاعة ذلولي مادري كيف ابا القاه=راحت مثل ماقيل ما بين عودين وين الامين اللي عليها ومنّاه=ياحيف وشقومه تنيساء المظامين اشره على اللي شرة الرجل تنصاه=اللي برز باسم الرجال المسمين اللي تكفل لي برعيه وسقياه=وحفظه من اللي ينهبون السمارين هوكيف يتركها وينسَى حلاياه=وينسَى الوداعه مع صفوف الثقلين ماقا دها ظمن الجموع المكنّاه=والا تخلا عن مجال السلاطين (((مشعل عسام الغافل التريباني))) في1444/3/11هـ |
خوفتني يابوعبدالرحمن،خلاص ماعاد أشارك في سباقات الهجن
تسلم يابوعبدالرحمن وصح لسانك مدد ولله درك قلمك جميل بكل الحالات لاعــــــدمنا وجووودك. تم التنســــــــيق |
اخوي ابوطارق
صح بدنك لاعدمتك يبعدي الف شكرلك على المتابعه لاهنت شف القصيده اللي تحت هذي نسقها لاعدمتك فضلا لامرا |
عاش قافك شاعرنا مشعل
ابدعت واجدت اسعدك الله |
اخوي عيونك اوطاني
تعيش يبعدي صح بدنك |
الشاعر مشعل صح بوحك الراقي
تقديري لسموك |
اخوي جنون الشوق
صح بدنك لاهنت يبعدي |
صح لسانك قصيده جميله شكرا لك |
اخوي اميرالشمال
صح بدنك لاهنت يبعدي |
الساعة الآن 10:47 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010