المرجله والطيب والعز والصيت=تجمّعَن بسعود مجد وزعامه
طيبه ماهو قَطه ولاجاه تصويت=طيبه جْبِلّه من ضمير الكرامه
ياقف ووقفاته ورى نهر تكريت=يوم ان ولد اللاش يبغَى السلامه
ودك مثل شرواه يكتب على البيت=هنا الشموخ اللي عليك احترامه
عز الرفيق مْشَتَّت الفكر تشتيت=وعون البعيد اللي عليه الملامه
ريف الضعيف اللي حْقروه السرابيت=اللي ردي القوم بالهرج ضامه
ياليت مثله عشرة اشخاص ياليت=من الشمال لنجد لاقْصَى تهامه
حتى يكون الفعل ثورة دناميت=ينهي وجود مْصَدّرين الرخامه
اسمه يِشَرّف حي ويِكَرّم الميت=ويرفع مقام اهل الوفاء من مقامه
صنديد لو ان الزمن به عناتيت=ضرغام لو الليل أسْدل ظلامه
مْثَبِّتٍ نهجه على الجود تثبيت=ودمه مشى بعروق جسمه شهامه
يكفيك لامنك وقَفْت وتَنَخِّيت=مايطري الا سعود وسعود هامه
هامه اليامن الخطر صار توقيت=يوم ان ولْد اللاش ترقل عظامه
هيجنت والا في سموّه تغنّيت=صيته مْخَلّد لين يوم القيامه

صح لسانك يابو خليفه ابدااع شكرا

المشاركة الأصلية كتبت بواسطة ابو طارق الشمري (المشاركة 1759315) تسلم يابوخليفة وصـــح لسانك بحجم الكووون ولله درك كتبت فأبدعت وابوفيصل يستاهل هذه الشامخة دمت متميزاً ولاعــــــــدمنا وجووودك.

المشاركة الأصلية كتبت بواسطة هدوء الجوري (المشاركة 1759323) سلمت لنا ودام لنا روعة وجودك وجودك وقلمك الزاكي

المشاركة الأصلية كتبت بواسطة جنون الشوق (المشاركة 1759332) يستااااهل سعود وزود يسلم السانك وراسك شاعرنا الداهيه الجهيلي

المشاركة الأصلية كتبت بواسطة نظرهـ خجولهـ (المشاركة 1759337) صح بوحك ع جزل الابيات والتدووين منك لها ويستاهل من كتبت به طبت بخيرر

المشاركة الأصلية كتبت بواسطة أمير الشمال (المشاركة 1759351) صح لسانك يابو خليفه ابدااع شكرا

المشاركة الأصلية كتبت بواسطة شاعر قوافي (المشاركة 1759381) ابدعت بالوزن والقافيه صح بوحك ونبضك

المشاركة الأصلية كتبت بواسطة مزون شمر (المشاركة 1759450) والله ماشالله قصيده روعة ومن حصل شي يستاهله صح السانك الشاعر عيادة الجهيلي