ياخادم البيتيـن نـارن سعيـره=
بكبودنايامير شبـت مـن العـام
واليوم بانت والمـواري خطيـره=
تبينـت ياميـر والحـرب قـدام
والسيف يامشكاي عافـه جفيـره=
الرافضه يامير قامو على الشـام
تحالفـو والشـر جنـا نـذيـره=
ولاعاد تنفع يبيض الوجه الاحلام
ولاعاد ينفع به عنـان وشويـره=
مبطي نعرفه خان بديـار صـدام
ماينفـع الا والمدافـع هـديـره=
يدوي من البصرى الياحد الاهرام
نقصف بها بشار نقصف خشيـره=
نقصف به اللي للخنازيـر خـدام
والطايرات الشهب نجد(ن)مطيره=
تمطر عليه من الصواريخ هـدام
من هولها طهران تسمع صريـره=
من هولها نرهب حكومه وحكـام
ومن الزعل نفرق عشير وعشيره=
ويروب دم ويغتـذي كـل حـوام
ياخادم البيتين بالحـرب خيـره=
يامسندي بالله فره علـى الشـام
لعيونها ناطى علـى كـل ديـره=
لعيونها ناطى الروافض والاخصام

والله اني عن قصيد الحب تايـب=
والله انك بنـت وافيـت العهـود
مير خوذي مقصدي هذا لعايـب=
ون بغيتي جـد يـاورد الـورود
اعترفلك بالغلا والـراس شايـب=
بالوريد وكل عرقـأ بـه شهـود
ريم شمر لا تحسبيهـا غصايـب=
والله ان العلم فـي راس القعـود
مير خلي طرحتك فوق الذوايـب=
وعرفي يابنت ياطـرح الفهـود
ان في كبدي من الدنيـا لهايـب=
ليتني يابنت فـي وسـط الحـود
دوك قلبي من لهيب الحب ذايـب=
ودوك عيني من سهر ليل الرقود
لاسرقت النوم يسرقني عجايـب=
ثم يبيح اللى خفيت مـن السـدود
وازعج الونات من حر الهايـب=
دوك جسمي ما بقاء غيرالجلـود
وفوق هذا لويصير الـدم رايـب=
والله انـي لا تنخـوا بـك واذود
دون حبك وانهب الغازي نهايـب=
واتعلا وارتقـي لوهـي سنـود
وانقش اسمي بين غضات الترايب=
ثم يزيـن العلـم وتفـك القيـود
مير خلي طرحتك فوق الذوايـب=
واعرفي يابنت ياطـرح الفهـود
هالقصيدة كلها نصـب وكذايـب=
مقصدي يابنت تحميـر الخـدود

حالـفً بالله ياضبـي الحـمـاد=
ما اسبك لا ولا في نـص بيـت
لو خذيتي مـي عينـي والرقـاد=
ولو بديتي بالمراوغ مـا بديـت
ولو طعنتي في معاليـق الفواد=
من طعونك ياغزيل مـا شكيـت
ولو تشبي نار في كبـدي بـراد=
ولو رميتي شوك في دربي رميت
في دروبك من زهور الورد كاد=
لو هدمتـي كـل امالـي بنيـت
لجل عينـك ياعيونـي والـوداد=
من جديد امال ولحبـك خذيـت
ولو قلبتـي دنيتـي كلـه سـواد=
عن عيونك ياحياتـي ماسليـت
لعنبو حيك تراء هرجـي وكـاد=
لعنبو حيـك اذا بعتـي شريـت
الوكـاد انـي احبـك والوكـاد=
لو ادور غيـر حبـك مالقيـت
المحـب يثـورة حـر البـعـاد=
بس انا ماثور لو كلـي شويـت
والقريحه لو بغت ترقـاء سنـاد=
قلتله بالهون ولا معهـا رقيـت
قلتله هالبنـت مـن بـد العبـاد=
لو تقطع وسط جوفي ما طنيـت

لا صرت انا وياك ياناعمه غيـر=
في جال خبرا والغضى شبت النار
ماغير انا وياك واثالـث الطيـر=
انا يمين الطير وانتي عن يسـار
بدري طلعنا ولمحاري على خير=
والجو غيم وريحت الجو الازهار
كذا يجي للهيـل والبـن تقديـر=
وبعترفلك في صغيـرات وكبـار
ابعترف بالحب من دون تفسيـر=
عز الله ان الحب يابنـت جبـار
ان قلت حبك كسر القلب تكسيـر=
اكذب عليك وراعي الكذب بالنار
وان قلت لك عندي معزه وتقديـر=
يشهد على الله جـلاب الامطـار
ذي وجهتي يابنت من دون تفكير=
وان كان ودك تالي العلم الاخبار
ياعشقتي درب الهوا فيـه تدويـر=
وانا على هالـدرب يابنـت دوار

اخوي ياماجد عساء مابك خـلاف=
البارحة جتنـي علومـن كليحـة
ناسن تقول انك عن الطيرعيـاف=
ياشمري وشلون ترضـى مطيحـة
الطيـر لصقارلاصـار مـيـلاف=
تسمع على قلـب المولـع فحيحـة
الطير والمسرا على زين الاوصاف=
لاسانعنلـك واليـالـي مليـحـة
اقطف ترى فيهن سمينات وعجاف=
ترى اليالي فـي قراهـا شحيحـة
ولياحصل قرناس وطياره أسراف=
ومرافقـة هـاك الوجيـة الفليحـة
في ليلتن قمرا بها الدرب ينشـاف=
بطراف خوعا والديـار الفسيحـة
يازين ذاك الوقت والجـو هفهـاف=
والشيح يلعب يفضح الجـو ريحـة
قلبن باليا حـب ياخـوك ينعـاف=
هذي تراهـا ياعظيـدي نصيحـة
حب الحرار وحب منبوز الارداف=
ثنتين في قلـب المعنـا طريحـة
وانا ترى قلبي على حـد ميهـاف=
الله ولاء بنتـن تجيـب الفضيحـه

يابنت دام انك طلبتـي بهـا العيـد=
والله لاجيـب العيـد عنـدك هنيـا
يابنت كم خشف مع الصيد ماصيـد=
ونا على هالخشـف عنـدي حميـا
تثـور لجلـه واتحـرى مواعيـد=
واليا عرضلي ثـار فينـي غزيـا
يابنت نور العين عن عينـي بعيـد=
ياليت نـور العيـن بيـدي تهايـا
واصير انا ويـاه وانعيـد ونزيـد=
تلعب علي والعـب عليهـا شويـا
وتصير سيدالي وانااصير له سيـد=
مثـل القمـر يومـه يخـم الثريـا
بقران خامس طامس العشب والصيد=
غرب النفود وشرق شيـب الفغيـا
يابنـت يفتلـي حبـالً بهـا قيـد=
والحر مثلي لا لقـي الشيـن عيـا

السالفه يابنت مـن ساسهـا عيـب=
وانا اعرفك زين وانتـي اتخبريـن
العيب ساسه عيب والطيب من طيب=
وانتي على هاالطرق عندي اتغنيـن
الله خلق بالكون مخطي مع امصيب=
والناس تفرق زين وانتي تخلطيـن
يابنت ثوب العيب مايلبسـه ذيـب=
الذيب دربه طيب كانـك تعرفيـن
ون كان ماتدريـن او انـه اتغيـب=
شوفي ترى ماعد يمـدي اتحطيـن
ابختصر لك شي مـن دون تعقيـب=
الضلم طعنه شيـن ليتـك اتذوقيـن
ليت الليالي تستلـم فيـك تعذيـب=
من زود همك لا ضحكنا اتصيحين

حرام حـرم الـدم ماكـان ودي=
يابنـت شبيتـي بقلبـي فتيـلـه
بذمتي والدمع من فـوق خـدي=
اني نقي يابنـت مانـي حثيلـه
اناوريث الطيب من جـد جـدي=
حرام ماتسـوى علـى الفشيلـه
انا رجل والعرف منشـه زنـدي=
اليابغيت الحـب عنـدي وسيلـه
واليا بغيت البس غدى الثوب قدي=
ماني من اللي يلتوي في شليلـه
بس البلا صرتي مع الوقت ضدي=
حتى معي بطبع صرتـي ثقيلـه
وهالحين مايمديك ماكان قصـدي=
خلاص مايمديك روحـي قتيلـه