الغياب اللي حداني عنك ياراع الجديله=شيمةٍ عَيّت تِغِيْب البارحه ياشوق عني
شوفِتِك اصعب من ظْروف الحياة المستحيله=واسْهل من اللي يشوف الحلم مع ليت التمني
دَوِّرِي لي مع بدايات السنه والا رحيله=الوداع اللي يِخَيِّب هقوتي في حِسْن ظني
ارحلي مثل السحاب اللي مع البارق اخيله=رحلةٍ مابه وقوف ولا مشاريه وتَأَني
ابْعِدي بِعْد المكارم عن مساحات الفشيله=واقْرِبي قِرْب العفاف بْخَلْوِتِك وقت التجني
وان رسمتيني على الأطلال قولي ياجميله=انه اصدق من توفاه الامل قبل التبني
ولا تحطين العزاء في راس مرقاب الطويله=خايفٍ مشاعرك تٍشْرك بْصدْري وتْغَبِني

المشاركة الأصلية كتبت بواسطة ابو طارق الشمري (المشاركة 1749059) لله درك يابوخليفة وصـــح لسانك عـــدد نجوووم الســـــــماء رااائعة وتستحق الإشـــــادة والتميز دمت مبدعاً ولاعــــــــدمنا وجووودك. تم التنســيق والتقييــم

المشاركة الأصلية كتبت بواسطة متاابع (المشاركة 1749060) صح لسانك ابو خليفه تسلم ويعطيك العااافية

المشاركة الأصلية كتبت بواسطة هدوء الجوري (المشاركة 1749079) صح بوحك واحساسك غالينا

المشاركة الأصلية كتبت بواسطة ° • هوجــاس •° (المشاركة 1749094) سلمت ودمت ودام نبضك الراقي مودتي لشخصك

المشاركة الأصلية كتبت بواسطة جنون الشوق (المشاركة 1749120) سلمت لنا وسلم هذا البوح وصح لسانك شاعرنا عيادة الجهيلي اعجابي وتقديري ،،

المشاركة الأصلية كتبت بواسطة مزون شمر (المشاركة 1749140) كلمات حلوه ببساطتها وروعتها كانت سلسه وجميله تسلم اخوي عياده الجهيلي

المشاركة الأصلية كتبت بواسطة سـ1ـطـ1ن (المشاركة 1749146) جميل بوحك ابدعت في نثر حروفك طاب لي المكوث ودي ومحبتي