|
[ ديوان/ ريم الشمري ]
بسم اللّٰه الرحمن الرحيم
السلام عليكم ورحمة اللّٰه وبركاته ريم ال محمد الشمري مجرد شاعرة كلما اكتبه يلامس القلب والواقع اضع بين يديكم من ما يكتبه احساسي منه من نسج الخيال ومنه من واقع الحال |
[كثير الشوق]
كثير الشوق يا قلبي فـ غنّي
على لحون العتب جرّ الملامه على دقّات قلب اللي سكنّي رسم شاعر شعوره في كلامه كتبت الشعر لعيونن هونّي مغازل لا معاتب ببتسامه فـ كيف الحال في بعدي بظنّي لذيذ الموت بعدك يا هيامه ترى هالليل في بعدك سكنّي وفي حضني غفى نايم ظلامه وانا ساهر واقول انّي وأنّي انا ماغير ذنبي هو غرامه وذنبه عين في عينن طعنّي جروحه ذنبها تركت علامه وذنبي عاشقه من صغر سنّي وذنبه ماتفيده لا ندامه شكيت الحال ودموعي عمنّي وفي دنياي ماعشت السلامه عفى لله بالحياة عنّك وعنّي تلاقي يوم ما تنفع ندامه |
ويا ناشد انا مِن عالية قوم"ن" وماتنطال
ترى في ضلّنا تاريخ مجد"ن"نام مافاقي وانا مَن؟بنت شمّر بنت اسود"ن" منجبين شبال وقلت انّي ومن شمّر وبان الفخر بحداقي ترى شمّر وشمّر هم جبال"ن" نايفين ثقال وشمّر دولة"ن" من حايلي لشمال العراقي ويا شمر وكيف جمع بحر واسع وفي فنجال لوانّي كاتب"ن" في عزّكم ما كفّة اوراقي، ............................................... حين ما دار الزمن فينا لنا ضحكة ظروفه لاتخاف الظرف لكن خاف من ضحك القرايب الزمن دوّار فينا مثل ما قاعد تشوفه كلما هو دار نعرف ربعنا وقت المصايب نعرف اللي هو علينا ولـ لنا لا ما نعوفه لا زرعنا فيه طيبن نحصده وقت النوايب |
ديوان [الشاعرة /الريم ال محمد الشمري] قصيدة
لابـاس يـا راســي مــن الـــهـمّ لابـاس
هــذي حــيــاتـي كــلّـهـا هــي شـقــيّــه أيّـــاك تـــشكــيـها لــواحـد مــن النـاس تـــزداد هــمّ الـــلا تــــطــيــح بـ بلـيّــة امــما ذهـب مــا كـان صـايـغــه نـحّــاس والـهـمّ هــــو لــ الــنــا يـفـــات لــعـــلـيّة ياراس جـامـل ضـحـك خـلّيـك جرناس والــعـمر سـاري بـي ولـو عـشـت مـيّـــة ياراس انت شامخ شموخن على ساس حـنّا بـنـات الــعــــزّ واهـــل الـحــمـيّـــة عـيش الـتجارب والـتجارب فـ مـقيـاس والــلــي خـــذيـتـه هـي دروسـن قـويّـة يــا راســهــا انـت دوس وايـّاك تـنـداس احــذر تــدوســن غــيـــر روســـن رديّـه طيشك هواك وبوحك ان طالت امواس عــثــره لـهـا كـــلّ الــخـيـول الـحـمـيّــة والـمـجـلس الـلي لاش مافـيه نـومـاس صــايــد قـهـــاويـه و عـــلـومــه فضيّـه نـفسك مجالسها فـ هي خير مـجـلاس هـي صاحبـن فيــه الــخصـال الوفــيّة |
المرّ هو مرّ الفراق
واما الحلا هذا القى واصعبّ شي الأشتياق واما العمر كلّه شقى في غربتي كنت العراق في وحدتي كنت البقى في دنيتي حلو المذاق في لوعتي أنْت الشقى ما ذقت في بردك عناق عاشق وانا العشق احرقى عشقي برد يلأحتراق هاقي وخاب اللي هقى ياليت ما بالحبّ فراق يالـيت لـلعـاشـق لـقـى |
وما حبّ الشتا لانّه يجيبك لي وهو ماطر
حبيبي ياحبيبي تذكر بذاك الشتا وش صار وسارح بك وانا انفاسي تخالط برده العابر يولّد به بخارن يرسمك في باردن أو حار حبيبي والشتا فـ يطول في ليلك وانا ذاكر شتانا باقين ليله يذكّرني بكلّ الصار واخون الليل بالماضي وانا في حضنه الساهر وانا طفّيت ناري مع دفى طيفك فـ خنت النار وخنت الناس غايب في مجالسها ولا حاضر وفي بالي يجالسني وانا اشوفه بوجه المار اناخنت الوعي دايم وبحضورك انا الساكر وهذ العشق سكراته دوى ما تشبه السكّار؟؟ وخنت الحزن في بسمة وانا هالخاين الشاطر وخاين شفتني خنت بوفاك الناس ولي اعذار عشقتك عشق بجنونن وخذ هالحبّ يا ناكر حبيبي خذت لي عبرة وخذ لك ما بقى تذكار ولا مْسامح ولا معاتب مـ هو هاليوم في باكر حبيبي رح بمان اللّه مدام انّ الزمن دوّار بـقلمي |
لوطالبي صمتي انا صمتي كفن
وخترت فدفن لك شعوري والكلام اذكر كفي نفسي ولعيونك احن حتّى حنيني صامتن صمت انهزام حتى لو حيي لك كلامي عن وعن وكسر سكوتي لك ويتشضّة ملام لا في ملامك لاتدفّعنا ثمن تبدا تجرّح في سكاكين الكلام كلن انا انت يلحق الثاني بطعن حتى عيوني تنزفك نزف الغمام حتى تقولن ذي دموعك لي لمن حتّى دموعي لك ترى ولله حرام طيّب عراك اصواتنا ليه انعلن لا لا تعاكسني بقولك مو تمام استملكّ لي بسّ ونعيش بسجن وتقول لي هذا هو الحبّ هتمام حتى انا لا حبّيت احبّ ابرزن لكن معك انت خلني ودّي هيام نهيم غرامن في هيامن بالعلن مجنون بك وقرا لدنيايا سلام انت في سموع العمر جرّيتك لحن روحي وما بعدك ولا قبلك غرام بقلمي |
بالحياة اربع سنينن كافية عشت التجارب
واشهدن كلّ التجارب كافية شدت رخانا هذي الدنيا حظوظ ومرّهم ضحك ومصايب بسّ حنّا عايشينن في شقاها وش بلانا عن هناها حينها عزّ الله انّي كنت غايب والدليل أنّ يقلبي بالحياة عشنا شقانا مالنا فيها حظوظ ومالنا فيها كسايب مالنا فيها نصيبن والزمن دايم عصانا قد عصينا هالنفوس وعصيها حقّن وواجب ولله ان لا ملتفتنا للملذّات و هوانا ذنبنا فيها عطينا ماحسبنا لا حسايب ذنبنا فيها هوينا والهوى عالي هوانا ماهوينا غير عزّ وصيتنا فوق السحايب هي بماها تمطر وحنّا فـ نمطر في عطانا نبذرو نمطر ولكن بور في بور الترايب نبذره هالطيب لكن مانناظر في ورانا بقلمي |
[ قصيدة في الأمير الراحل ]
[ طلال آل رشيد ] [ رحمه اللّٰه ] هو قصيدي مايحرّكه المهب والمدح ماني بمادح لي صغير في سموّك مدحي لغيرك صعب ناقصن هو دون من يمدح كبير يـا بعـد شـمّر ويـا عـزّ الـعـرب ما دحن والمدح واجب بالامير والفخر فيهن على لحنك لعب يا صغيّر طول عمرك اي صغير قاصرن ياللي تدوّر لك رتب لا تطول الثوب دام انْتَ قصير مجدنا تاريخ حاضر ما غرب من قصور العز ظل قومك حصير ويش اخلي ويش اقولن فالعتب يالجزاير في عتابك وش يصير لو عتابي لك يرد نورن غرب في غروبه ما دركه إلا البصير والله ان لو تبكي اعيون السُحب يالجزاير ماكفتنا فيه مير ما طفانا لو سحابك صبّ صبّ كيف يطفي نار شمّر تستثير لو يصير التراب في أرضك ذهب سامحك ربّن على أرضك بصير ويش اخلي ويش اقول ويالعجب في زمانن عزّ كل من هو صغير في زمان النار حمّال الحطب هو على الكرسي خذا منصب وزير يا أميرن مايكبّره اللقب في جنابك هاللقب اضحى كبير يا رشيد العز بك شعري طرب يا حروفي ملعبك مدح الامير لا انا مرثيك كيف ارثي صعب حاضرن صيتك كما فيضن غزير ما يموت الصيت في صيتك عجب يا أمير الناس وَ امير الضمير آه يـ التاريخ بالله أنتصب وذكره وذكر شموخه للأخير هو عدوّه من شموخه يرتعب والدليل أن اغدره أبْلا ضمير بـقلمي ريم ال محمد الشمري |
الصوت مبحوحاً فـ من فقد غاليه
ذاك الذي ماطال قلبي وداعه اما التغلّي يعرف القلب راعيه مات الغلا في قلب عاشق وباعه يكفي وصل غالي خيالاً أحاكيه هو صوت غيره ما اداني سماعه ان كان ودّك من تداريه إداريك ما اني من اللي يرخص العهد راعه ما اني من اللي يرخص بعهد هاويه لوّ الوفى في وقت خوّان لاعه فيني وفى لو حطّ يزرع مباديه في قلب خاين والخيانه انطباعه لي عهد بسلوم الهوى ما أخليه موفي وفى طاغي وسبب ضياعه منت اوّلى |
يا دجلتي وين السنين
يا دجلتي وين العمر في ضفتك غنا حزين موال دمعن مستمر ضاقت سماك من الانين صابر وهو كذب الصبر غيمك بكى من هالونين يبكي يسولف هالمطر عن حبن بقلبي دفين له شبني شبّ الجمر موجك خذه بالي لوين سارح وغارق بالفكر في موجها لحنن حزين أطرب جروحن بالصدر جرحي بكى نزفن وعين شابت واماني تنتظر يا دجلتي بينن وبين وينه ترى راح العمر هو من انا هو من ومين يا دجلتي يكفي قهر يا دجلتي ما تذكرين آجيك ما فيني كدر واليوم آجيكِ حزين يادجلتي طفلك كبر |
اناضاعت حياتي في زماني مشغلن هالبال
بدون حساب عشت ايام عمري كلّها شاقي بلا حيلة وحنّا في زمانن هد عزوم رجال وانا بنتن بكيفك ماتبيه يخون ميثاقي وانا حالم وانا طامح ولكن هالزمن ميّال ولو بي مال طييحني وبعزومي انا راقي وانا طامح طموحي مثل ما قالوا ترى قتّال طموحن عالين لابد انا صافحه با افاقي وانا بنتن لـ ذاك اللي يصون العهد في كل حال ومربايَ مرابي العز تضيع الشمس بشراقي انا في حضرته بنتن معَ غيره فـ انا رجّال ابويَ جعل يفداكَ سنين العمر وش باقي صحيح انني انا شاعر حروفي ما هي الاحبال وتسحب لك يسا معها خفايا تسكن عماقي وانا حرّن يلوّح له شعوره في سما هالبال وانا كاتم وطال الصمت بي وطلقت مسباقي واسرجت في ليلي هواجيسي وانا خيّال تراكض في ميادينن ترى في داخل وراقي وتنفض حبر في دكّت حوافر ها تقل زلزال وتحفر في حوافرها تجارب تعبت حداقي خذينا من تجارب غيرنا عبره وحنا ثقال قمم سنجار ما تخضع قممنا تتعب الراقي يذوب الشمع من بلوى فتيله منّه الشعال ومن مسّ الكرامه تم مـ يبشر غير بفراقي |
ياليتني بـ الشعر أوصف هوايا
أعظم شعور وعاجرن في قصيدي شمر عن قصوري انا ابدي خطايا مـ موفيتكم ياجعل عزكم مديدي لا قلت شمّر شفت هالصيت رايا بنتن لهم والعزّ يسري بوريدي لا قلت شمر أسمهم هو كفايا أسمن نحتّه بالقصايد بإيدي شمّر وشمّر ما تهاب المنايا شمر شموخن كل يومن يزيدي في قمة الأنساب حنا الطنايا حنا بسما الأمجاد صوت الرعيدي شمّر اهل الطولات عزّ البرايا لوطلتهم بالمدح يقصّر قصيدي ريم الشمري |
ناظر عْيوني وأقرا هالكلام
لا تعاتب في عتابك وش تبي في وصالك نصر في طعم انهزام اي مكابر لك وانا هالشوق بي وستفزك في عتابك لي غمام يروي الشرها وآصل مكسبي لو على عقلي ترى أقرا السلام والله ان ماكان حبك عاش بي لو تذاكا القلب ما كان الهيام لو أغظّ العين ماصل مطلبي وديَ اشوفك وحالك في تمام واسعد انسان فهذا اللي ابي عاد لو ماكنت لي ماهو حرام الحرام انّي أعارض مكتبي ريم الشمري |
بنت انا يا هيه من عالي الإمارة
بنت لـ للي ايتنومس به خويّه محيي اعظام الجدودي لـ الصدارة يكفي اني بنت أبويَ الأبيّه بالذكاء من هو غلبني وبـ الشطارة بالعواطف قصني به شاعريّه شاعره حكمه على الدنيا بْيسارة ما يفاخر بالجدود الإوليّه ما اني من الـ يفتخر في بيت جاره افخر بنفسي واقول العزّة ليّه بس هو تاريخ جدي لك منارة بنت قوما بالمكارم حاتمية افْخر بْنفسي اللي بالصدارة و الوصافه تحلم تْلامس يديّه ادري ان عيب افتخر بس افتخاره يكسر خشوما تعالت بالرديه بالشعر في قمة شْعوري لي اماره العب ببوزنه مع روحه وجيّه لي مع اهل الهوى قصة خساره قصة في نهج السلوم الأوليّه كلما اذكر لي حبيبا غاب داره في ضلوعي وارجع ادوره فيه كان اكبر من كلامي بختصاره لختصاره ما تكفي أبجديّه يخْلق التاريخ لـ تدوين الحضارة وانْخلق شعري لـ تدوين الخطيّه لا تصدق ذنب في دمي تجارة انت اطهر من شعورا عاش فيّه ذنب مدري ام خطأ بس الخساره الخسارة ما ارتكبته في يديّه ريم الشمري |
اللي كسر صعب ان تصلحه اعتذارات
جرب تصلح اقزاز لوّك كسرته كيف البشر تقدر تصلحه دمعات صعبه ترد الروح لـ اللي قتلته ما اني من اللي يبني الحلم مرات لا طاح حلمي في مطيحه تركته امّا الثقة هي تشبه الحلم بالذات من خانني لو ثانيه ما وثقته اسف وسامحني وبعض الروايات بـ لسان خاين اسفه ما صرفته تدري المسامح جبن يا اخوي مرات ان كان ما تقدر تسامحه و عذرته الا الخيانة عذرها لي نذالات نذل الووصايف خان لما أمنته تدري الخيانه جابت احلى الدلالات بأنك غبي «ن» بالثقه اللي منحته افخر واجاهر اني انا للأمانات من دار لي ظهره وفاء ما غدرته يا من مرابي ابوي عديت زلّات ما ذوقت غيري من اللي كرهته لوّ ان بظهري له طعون«ن» قديمات آواجهه حاشا لقدري رخصته رامي الحصى ما هزّ نايف حمولات رامي الحصى مغيوظ ولذا عذرته اصلي وذاتي مانعة للنقيصات اغدر بمربى الذيب لوّي غدرته ريم شمر |
عشقه شتاء يبقى بعيد ومعزول
قال المطر من دون بردًا أملته اضحك على وسع الخيال اللي بالقول يا مستحيله مبراه ذا اللي قلته ياقف على شرفة عيوني ومذهول في بله شفاه المطر كم عذلته كنت ارتجي ضحكه تجيب اربع فصول لكن حزنه بالبرد ما جهلته شفت الشتاء في معطفك كيف مذلول اسمع لساني يقول شيْ ما سالته تبغى الشتاء من دون برد مو معقول ابغاك انا من دون عيب عذلته تبغى الكمال اللي يخليك مذهول حاول تشوف ان الكمال اللي وصلته ناقص يشوف النقص سيده على طول كامل تغطي النقص بأنك جهلته السر كامل في نفس تصدق القول واما النقص في قلب ما قد صقلته تدري حبيبي ما كرهت الا الفصول في كل فصل جاء بدونك مللته وفبراير الليله على المسمع يقول هذا الشتاء شوف انتهى لو جهلته آخر ليالي البرد والشوق مسدول يا ليت قربك مثل شوقي سدلته بقلم ريـم |
تنتظرني نسهر اللية سوى
قمرة الليلة يروق إلها القصيد رغمي اشوفه بلا لون و ضوى واليالي بردها امسى عنيد والقلوب الفايحه بحرّ الجوى مالها عطرا سوى دمعي اليزيد والمسافة والدمع ماله روى واتولّه والمحك نجمًا بعيد وغيرتي يا غيرتي ما تحتوى لك حواها قلبي اللي من حديد حسّ قلبي من جروحه استوى شوف كيف ان ابدعك معنى القصيد بالضمأ نضمأ ضمأ ينبع روى نضمه و نروي بْضمانا بالجديد لو تفتش في جروحك عن دوا صدقني ان ما عشت بالدنيا وحيد والجرح لا بدّه ان قلبك الهوى ومن يخاف الجرح خل يبقى بعيد الذهب يبقى ذهب مهمة اكتوى والقلوب الصادقة تصبح عبيد ريم |
ابستم من كل قلبك يا خليله
وابتعد ما دامك اقرب من قرابي الحزن عنك انا قلبي يشيله ابتسم في بسمتك شي احتيا بي والسجن مو بالعماد اللي طويله والقتل رحمه اذا جاك بْحرابي والقبر مو كلّ ميتنا ينيله شفني الميت وعايش في عذابي لا ذكرت اللي مضى من دون قيله امْطرت صحراء نجدك من سحابي ولا تبسمت إلـ طيوفك كل ليله نوّرت اركان دارك من رحابي ماكفاني عقل لجل احيا الفضيله و لا كفاكَ حبّ وسط القلب رابي اعلمك رغم الصغر اللي اشيله اني اكبر من احدد من جنابي اتكمل فيك وانقوصي قليله وانت كلك تنقص بحزّة غيابي قلبي ان مات احتيي لجلي اشيله واشتقي به دام انه اشتقى بي ماشفيت من الجروح الا القليله ولا تْنشد في عمايا عن صوابي ما كرهت من النفوس الا البخيله ولا عشقت من الذكا الا التغابي التذاكي بالغبا افشل وسيله والحزن اني اشيّب في شبابي ولا وقفت الا على جْروحٍ عليله ولا ندمت الا على عشقٍ سرى بي والوطن مالم قلبي والرذيله قلبي اللي خان داره برتكابي هي بلاوي قلوبنا لا امست قتيله في عراق العزّ واشعر بغترابي ريم الشمري |
ديوان رائع ومميز
استمري متابع لجديدك |
بحر من الأبداع والجمال الشعري العذب
الله الله عليك صح لسانك وطاب منطوقك |
دروبها ايامي وان طالت بعثراتي
تَرَكت في نفسي العثرات تكويها لاجل آخذ دروسي وما آعيد غلطاتي ونفسي كذا لا تزل لو لا اربيها سري مع الوقت ماضي في بداياتي عيّا يشافي جروحٍ ما ادانيها أكبر وانا مخاوي جروحي وآهاتي وان ضحكت ابكي على الجارح وابكيها حتى تعب حاضر الوقت بمناداتي لا تترك ايام تندم في تواليها يا وقتي الحاضر السرّ بمعاناتي ما قدّر جْروحي من جاهل مآسيها الف وآدور وارجع في ملاماتي يا خاين عهودي انا اوفيت لك فيها وابكي واعاتب واهدئ في نهاياتي واخون حبّك مع نفسي واراضيها واقول يانفسي لا باس العوض ذاتي واضحك على نفسي بأن الوقت يشفيها حتى مضى عامي السابع وانا احاتي في ساعتي الحلم يُمحى في ثوانيها شاخ الحكي في محجر البوح بسكاتي وأما الامل مات في عتبة رجاويها لا باس ياراسي الحلم ببداياتي الوقت يهدم وانا اوعدك ببنيها ريم الشمري |
| الساعة الآن 09:38 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010