عسى مجلسٍ مايزدحم بالرجال يهد=تهدّم ركونه لين ينهار بنيانه

وش ينبغيبه كان ماله مكان يعد=ياجا مجاله بين ربعه وحيانه

مادام هو ياشاف جمع الرجال يصد=يقضّي نهاره جالسٍ بين نسوانه

شرواه من ظمن الرجاجيل ماينعد=نقصٍ على اللي لوبغاء منه ماعانه

ياصار بابه دون حشد الرجال يرد=ودك تشيله شيل واتهدّم اركانه

حلات المجالس عندر جلٍ يعزالبد=ياجاء مجاله عند ربعه وجيرانه

والا الردي لوقالوانه عريب الجد=خساره وجوده ماحفظ ذكر جدانه

بنى مجلسه لوكان ماهو لهذا قد =فرشه سجين وجوّد القفل سجانه

وش خانة المجلس لياصار بابه سد=والعنكبوتة عشعشت داخل اركانه

مثله يبيله شيل لابد له لابد=والا يحول مجلس العفن لخزانه

صح لسانك ابيات جميله حكيمه شكرا