|
امي تمشي
بسم الله الرحمن الرحيم
السلام عليكم ورحمة الله وبركاته 00 اخي جزاك الله الجنه اليوم قبيل صلاة الظهر رأيت كأن خالتي عندنا وحنا بمجلسنا الحريم قالت خالتي بس هاالنمل وش سالفته ياكثره قلت هذا بهذل فينا والا تخيلي الشغاله قبل شوي كانسه الغرفه وجت اختي الكبيره ومعاها صبغ وقعدت تصبغ الجدار وتسولف على خالتي قالت ام عبدالرحمن (اختي اللي اكبر منها) جاها ابو عبدالرحمن وهي تصبغ بيتهم قال ابي اكافئك وابي اصبغ لك البيت راحت خالتي وجلست انا وخواتي نسولف ونبي نتقهوى فجأه دخلت امي الكبيره الله يرحمه وهي تمشي على رجولها مشي طبيعي ومن دون عصا (مع انها قبل توفى مقعده ماتمشي) وجت من ورانا مسرعه وجلست بطرف الغرفه قبالنا فرحانه انا شفتها سكت مندهشه قالو خواتي وش فيك سكتي قلت بنات شفتو اللي شفت قالو وشو قلت امي قالو طيب عادي وش فيها قلت امي تمشي تمشي لحاله قالن أي والله طرنا من الفرحه وقعدت ابكي فرح احس صدري انشرح منه قلت اشوي لاختي قالت وش تبين تسوين قلت بشكر الله بسجد له اسجدن لله قالن اي والله وسجدنا وكنت اقول بسجودي اللهم لك الحمد والشكر على ان امي مشت عدد خلقك ورضا نفسك وزنة عرشك ومداد كلماتك كنت اقولها من قلب وابكي فرح دموعي غزيره وصدري منشرح وخواتي سجدن اللي وراي واللي جنبي 00 انـــتهى |
عليكي السلام أختي وكل عام وانتي بالف خير الرؤيا فيها امرين واحد شين وواحد زين الشين النمل الذي يدل على الحكي فيكم والحش من ناس قريبين لكم للاسف ماسكين سيرتكم سوالف ويحشون ولكن بحمدالله دليل الصبع يعني ان الحكي هذا لن يضركم بل هو مجرد حش وحكي فاضي . الثاني امك رحمها الله بخير وعافية عند الرحمن الرحيم وهي تطلب منكم الصدقة لها والدعاء بالرحمة طمعا بما عند الله لها والا هي بخير وتخبركم بهذا بهذه الطريقة . والله اعلم حاتم حائل |
| الساعة الآن 12:29 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010