|
بقديش!!! لا أخي مابتزبط
صراحة الموضوع هذا غاثني وأحس اني كل يوم بيتنصب علي من هؤلاء النصابين
اتكلم عن تصليح السيارات جميع المحلات ووالاسواق والفنادق والمطاعم والمراكز التجارية لها اسعار محددة واقدر اكاسرهم لين اطلع ريحتهم لكن المصيبة تصليح السيارات تجي عنده يشيك والله القطعة هاي خربانه وهو يكذب والمشكلة لما يركبها ويصلحها يعطيك سعر اعلى من القطعة نفسها ولا تقدر تكاسر ولا شي يرد عليك لما تنزل السعر خمس ريالات بس يقوووول شووووو بقديش لا اخي مابتوفي معي بنوب وترضخ للأمر الواقع:102: وتعطيه وانت عارف انه ناصب عليك:t: والمشكله الأمر هذا متفشي ومنتشر في جميع ورش وصناعيات المناطق س| ليش مايوضع لهؤلاء النصابين اسعار محدده لتصليح كل شي؟ اتمنى اسمع رأيكم وبالأخير طلب ممن يستطيع كتابة نصيحة لهؤلاء وارفاق الايات التي تنهى عن الغش والنصب على الناس وارسالها لي لكي اوزعها على الورش لعل الله ان يهديهم والله الموفق |
يعطيك العافيه أخوي ولاهنت على الطرح ولي عوده على هالموضوع
للرفع ودي / |
حبيبي بعيد الخطوة افضل حل
انك تمر عشر ورشات اتعب بالبحث دايم لاتقف عند اول واحد وتكاسره مر عليهم كلهم او الاغلبية وخذ ما اقولك الاقل لا المتوسط منهم لان الاقل غالبا مايضبط لك الشغلة وبس تحياتي لك وحيات خالية من النصب<<ياخيي ياكثر ما انصب علينا لين تعلمنا وصرنا باشاوات بس وش عقبه |
س| ليش مايوضع لهؤلاء النصابين اسعار محدده لتصليح كل شي؟
أتوقع لهم تسعيرة خاصه للقطع الاصليه وللتجاريه بس هم يسعرون بمزاجهم لانه اللي يجيهم يكون محتاج لهم ولا هو فاضى يتقدم بشكاوي..شكرا ع الطرح والله يعين الجميع على النصابين بكل مكان. |
بآإك
مرحبا أخوي والله مثل ما قآل أخوي المسافر مر على أكثر من ورشه وبلا شك تجدهم متقاربين بالسعر لأنهم متفقين أصلاً وبالذآت أبو شكيب ملعون أبو صلايب والله يآخوي هذولا هم يرفعون عشان تكاسرهم وياصلون السعر اللي هم يبونه وتوهم أنت أو يوهمونك على إنك أنت تريد السعر والعكس أنه هذا السعر اللي يبونه يرفعونه لأنهم يدرون إن ّ اي وأحد لابد أن يكآسرهم , من نآحيتي أنا أبد أطلع قلبه بالمكاسر لمى يلعن ويعوف ابو الشغله وإذا دبلت تسبدهـ بالأخير أمشي وأتركه لأني أدري أنه نصاب أساساً يعني من الأول , والحين الحمد لله ماعمري رحت للورش ابداُ وأي شيء بصلحه مركز أو وكاله أنسب من هؤلاء عموماً من غشنا فليس منا وهؤلاء يغشون علينا , والمصيبه أتحدااك أنه يشتغل قدااامك لازم تروح وترجع له ثآني ولكن بديت أتغير وأجلس أشوفه قدامي وش يسوي وأعطيه على قد شغله فقط ..!! يعني أنت تقييم شغله . عموماً توضيح لـ ملامح أعتقد أخوي يقصد الأسعار اللي بالورش لا هو مافيه أسعار محدده ويآليت لو يوضع لهم أـسعار حتى مايستغلون الضعيفين ّ من الناس , أما قطع الغيار سوى الأصليه أو التجاري طبعاً السعر على الكرتون أو العلبه وبعضها مافي وأساساً لو يبون يلعبون بالسعر يقدرون يغيرونه , الله يعين وهالأشكال أشكال النصابين سيماهم في وجوههم , الله يوفقك أخوي ويعينك على بقديش وما بقديش . ودي / |
المسافر لاهنت
والله كلهم مثل بعض والمشكلة الشوام هم والزلمات نصب عيني عينك شكرا عالتعليق |
ولا هو فاضى يتقدم بشكاوي
كلام صحيح وانا اوافقك الرأي شكرا عالمرور |
وأي شيء بصلحه مركز أو وكاله أنسب من هؤلاء
عموماً من غشنا فليس منا وهؤلاء يغشون علينا , والمصيبه أتحدااك أنه يشتغل قدااامك لازم تروح وترجع له ثآني ولكن بديت أتغير وأجلس أشوفه قدامي وش يسوي وأعطيه على قد شغله فقط ..!! يعني أنت تقييم شغله . شيخ المافيا كلامك درر بس ترى الوكالات مثلهم وازود بالنصب وشكرا على التوضيح لملامح فعلا انا اقصد الاسعار لتصليح السيارات وليس القطع لاهنت خيو |
قبل آتهام آلمقيم آرجع لخلف الستار لوراء الكواليس
آلمقيم له كفيل والمحل آو الورشة لها صاحب هو اللي يفرض تسعيرته آو ثمن موجودات المحل يعني هو اللي يتحاسب ليش نحاسب اللي جاي يترزق ويدور لقمة آنجبر يترك بلده بسبب حرب آو فقر لآجل لقمة عيشه ونسينا آسآس البلاء وصاحب آلرزق آو المحل أو هو ماله دخل فقط لانه سعودي أبن البلد ينصب ونبلعها ونسكت لا ونصفق له بس غيره لا هذا نصاب ولازم يتعاقب يآحظ المظلوم عند ربه |
روح مشكورين عالمرور
المشكله ان ابن البلد يأجرهم ولا يلتفت لأعمالهم واذا بغى يشارك الي تقولين جايين يسترزقون يخسرونه ولا يشتغلون عشان يطفش ويأجرهم وهم عاد يتفضووون لنا والله هالي تقولين مساكين والله لو دولتنا اعزها الله يصير لها شي ---------أول ماينهش عظمنا هم والبلا هالمسلسلات الي تعرض يصورون السعودي إنه فاحش الثراء ومايدرون بالواقع الله يعز دولتنا ويقلع هالنصابه عنا مشكورين عالتعليق لكن للأسف لا يلامس الواقع الشوام والزلمات ولحقهم ابو يمن هم الي ماسكين الصناعيات ويتحكمون بالأسعار ولاحسيب ولارقيب والإختلاف في الود لايفسد للود قضية |
اقتباس:
بلدك هي اللي ولدت فيها وتربيت من خيرها ولو السعودية يصير لها شيء آحنا آول من يدافع عنها والكثير من المقيمين يحلف آن نفسه فداء للسعودية لانه ماعرف بلد غيرها |
ومن قال اني ماولدت وتربيت فيها واكلت من خيرها
لاحول ولاقوة الا بالله والله لو حطوك هالي بالورش والصناعيات محامية لهم كان زين ياأختي أستغرب دفاعك عنهم وانتي أصلا لاتروحي لصناعيات ولا ورش هداك الله |
آنا مآ آدافع عن آحد ومر علي آوقات تعرضت فيها للنصب
وبعدين من قال مامريت على ورش مريت ورحت مرض آلوالد جبرني أروح وآجي وآتعرض لمواقف ونصب بس علشان آخلص شغلي وآوراقي وآقدر آعالج آلوالد ويمكن شفت شيء ما آحد شافه لا بمحاكم ولا مستشفيات ولا امارة وحتى الصناعية ومعارض السيارات آنجبرت آدخلها بسبب الظروف آنا ما ادافع عن آي شخص ولا آتكلم من فراغ وآنا ماتكلمت عنك وآختلاف الرأي لايفسد للود قضية |
طيب
الله يشفي والدك وجميع المسلمين بس اذا راجعتي ردودك تشوفين انك متناقضة مرة تقولين هم زينين والحين تقولين تعرضت للنصب اختي انا مع العرب ومع اننا نساعدهم لكن الشي هذا مايعطيهم الحق انهم يرفعون الاسعار لتصليح السيارات بالشكل هذا وانا قلت ان هذا مسؤلية الرقابة لكن مافيه أسعار محددة يرتكز عليه المواطن حتى لا يتعرض للنصب اختي انا افتخر بمرورك على موضوعي وبالعكس النقاش إذا ابتعد عن التهجم والتشكيك بكاتب الموضوع راح يثري النقاش وانا ماأجبرك تقتنعين بكلامي بقدر ماأحب أوضح الصورة لك وللأعضاء الآخرين حتى لو أختلفت معاهم لك فائق الإحترام أختي روح |
مش متناقضة لكن آنا ضد آنه كل شي يرمى عالآجنبي على قولتكم
وكآن آبن البلد منزه وعمره مانصب ولا ضحك وآنا ما آنكر النصب الموجود آخوي بس آنا آتكلم من منطلق موضوعك اللي صب كل النصب على المقيم ونسي صآحب آلشيء ،،والنصب موجود بالعرب وبغيرهم بالسعودية وغيرها لكن علشان نقضي على الظاهرة لازم نحلها من جذورها ماهو نمسك الفرع ونترك الاساس المفروض وزارة التجارة وفرع التفتيش التجاري يحارب التجار ويفرض عقوبات عليهم خصوصآ وآنه فيه لوائح تضمن للمستهلك حقه مهما آختلف نوع السلعة مش خلاص طلعت سجل تجاري وجبت عمالة ويلا روح ماحدا وراك يحاسبك آو يسآلك التفتيش التجاري يتحمل كل شيء وهو المسؤول الاول اللي كل من هب ودب طلع سجل وترك بدون متابعة ومحاسبة واللي أغلبها تكون الواسطة تلعب دور فيها وآلآقتناع بوجهة النظر ليس شرط لكنه يثري النقاش ويعطي دافع للنقاش والشكر لكَ آخي بقدر ما آستمتعت بالنقاش معك |
| الساعة الآن 02:25 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
HêĽм √ 3.2 OPS BY: ! ωαнαм ! © 2010