كيف تتصرفين مع وحدة كاذبه تبي تفضحك لانها تغار منك ؟؟
 

بسم الله الرحمن الرحيم

باختصار قصة صارت لي هاليومين ان رفيجتي طلعت لها وحدة بحياتها

وهالوحدة تغار كثير منها شكلها تكرهها وتبي تنتقم منها اشد انتقام

تخيلوا تقول بزر واحد بدمرج وبدمر اهلج قصدها صور فبركته عليها وفيدوهات مالفتها :t:
حسبي الله ونعم الوكيل في ناس للحين جذي !!

وجى اخو رفيجتي وحاول يتفاهم معها قالها بدفع لج اللي تبين قالت فلوس مابي بس ابي ادمرها نفسيا ومعنويا حسبي االله ونعم الوكيل في حريم جذي هالايام الله المستعان


زين شتبين فالبنت شتبين يا؟؟؟؟؟؟؟؟؟؟؟استري عليها

تقول هاذي المنتقمه انها تحب واحد وماعطاها وجه وطلع يحب رفيجتي فانقهرت المدام تبي تشوه سمعة رفيجتي حسبي الله عليج الله واكبر عليج ياللي ماتستحين

يعني شالفايده تشوهين سمعة بنت على سبة واحد


زين تفاهمي انتي وياه شدخل هاذيج فيكم لابركتن فيج انتي وهو

الشاهد الله كم احب صديقتي والله ياناس من امس وهي مداومة حالتها لله وتبكي ومنقهرة من هالسالفه

لاحول ولاقوة الا بالله

انا مو موستعبه لحد الحين طلعت هاذي المنتقمه تراقب رفيجتي وتسرق صور منها وفبركة xفي فبركة

طلعت هكرت ايميلها وجابت كل الأرقام والمعلومات الله واكبر عليج يالنذله وصلت بج المواصيل إهانة صديقتي واستفزازها

تبي تفضحها جدام أهلها

ارجوكم ساعدونا احنا الثنتين والا بتدمر سمعة رفيجتي الطيبه


صاحبتي مالها دخل انسانة بريئه وطيبه وفحالها بس الحمارة شكلها مب هينه

والله لو عرفوا أهلها اعدام


نفسيتها زفت شفقت عليها ابي حل تكفون الفزعه شالحل المبتزة مالقينا لها أسباب تدخلها في الكمين عندها كل الثوابت

يا افضحج ياتطلعين بكيفها هو الله ينتقم منها اشد الانتقام

مانقول الا حسبنا الله ونعم الوكيل فيها

وكلمة الحق تكفي

بنات احذروا النساء احذروا رفيقات السوء نصيحه يودونكم لمكان لانهاية له لامطاف له

وكله تخريب سمعة فقط

تسلم الايادي
ويعطيك الف عافيه
يا بعدي موضوع جميل جدا ولي عوده يا بعدي

ابعد عن الداب شجرته
شكرا على الموضوع

هلابك أختي المستحيلة
الحسد أخرج أبونا آدم عليه السلام من الجنة
أما موضوعكِ هذا فهو معقد وشآئك إلى أبعد الحدود، لكن لايوجد مشكلة إلا لها حل بعون الله
فإذا كانت المنتقمة تعرف الله وتصلي فيمكن تخويفها بالله،وتذكيرها أن دعوة المظلوم ليس بينها وبين الله حجاب
وأن الزواج قسمة ونصيب
وإن كان العكس فلابد من تدخل الأهل(أقصد أهلها) لإيقاف هذه المهزلة قبل وقوع الكارثة
وأنا على يقين أن اهل هذه المتهورة لن يتأخروا في كبح جماح ابنتهم وإلحاق الضرر بالآخرين
أسأل الله تعالى أن يجعل العواقب حميدة،وتقبلي وجهة نظري بصدر رحب لاعــــــدمنا وجووودك.

شكرا لكم ....

انحلت مشكلتها

الله يكفينا شر هالنوعية من البشر اللي الانتقام صاير في نفوسهم
وبصراحة أنا مع حسن اختيار الصديق الصالح لاعتبارات عدة

بوركتي عزيزتي على الموضوع القيم
أسعدج المولى ورعاج