اللى عجز لايحل يطلب ولد عمه .. محلول القطمير حلته على النيه ..
 

صبحتوا ومستوا بالخير جميع
هو لغز ويمكن لاقريتوه صعب لكن حله سهل
يمكن لانى اعرف الحل ههههه لابجد سهل واللى يبي اى توضيح
او ماهو عارف معنى اى بيت يطلب التوضيح للمعنى واشرح له واتمنى
انه مايطول وينحل بسرعه
واللغز تحت امركم متى ماطلبتوا الحل
ابشروا بحله

صلوا على رسول الله

[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]


اللى عجز لايحل يطلب ولد عمه=وان كان عجزوا ابرسل زود ابن عمي
لغزى واعرفه يبي له عالي الهمه= مايشكى الصعب ولا للصعب مهتمي
بسألك من هو خذا له بنت ثم ضمه=وهي في بطن امها ياناس له ضمي
نحيل وصفه رقيق الحال منسمه=ولاشفت انا عرق به يطلع لنا الدمي
امه تراها رجل تدعى لكل امه=وان زاد عمره غدت انثي لها نسمي
سم اللغز كان جبت الحل لى سمه=ولايارد الما سوا من ياصل الجمي
[/poem]

صح لسانك اخوي عقاب
الا ياحالته ياانا :biggrin2: ومصدقة عمري لي اكثر من ربع ساعة لين افتر مخي فر
ومن الحين اقولك اذا هو شي له علاقة بالعدة والسيارات
تراي ماني عارفته :D

ياحي الله اختى انفاس الرحيل
اما الا ياحلته ليه:poiuyt: سهل اللغز والحل لو قلته
تعرفينه:116: ////// ولاله دخل بالعده والسيارات والحديد كله
توضيح مبكر للغز لاتقولى ماوضحت
ابروح انام هالحين ويالله انتظر
رمعاتك عسى رمعتك:24se:تفجر الحل
تقديرى لك واحترامي

صح لسانك ياعقاب انا كان عندي رمعه بس من شفت الوتد متواجد تحت طار كل شي من مخي هههههههه

وبعدين النصر مخربه البارح والتعاون مخربه قبل امس يعني الاخلاق شينه

ورغم كل هذا الا اني ابسدح رمعه يالامير

ماهو الخلال حق بيت الشعر

صح لسآنك عقاب النهار ع اللغز .. ويعطيك العافيه
بس وش هو المطلوب بالتحديد من شان نبدء التفكير بشكل محدد واتجاه واحد :closedeyes:
شكراً بلآ حد ...


لي عوده ..

يامرحبا
بالغالى مطعون
بالعكس النصر ماخربه البارح لعب بصراحه
والهدف جا تصليحه من الغامدي مع انى هلالى ترى بس احب
النقد الصريح النصر اجمل مالعب باللقاءات الاخيره البارح
وعادى يارجل خلك هادى الهلال امكانياته افضل حاليا
يعنى النصر وربي ماله ذنب لو انهزم

والخلال بعيد بالحيل

ياهلا بالمستحيله
وحياك ربي
مع ان الحل بعيد بالحيل
لكن وربي يعجبنى اتجاهك بالفكره للمطلوب باللغز
حاولى وبتجيبينه باذن الله

صح بدنك علي النيه
ولايحتاج وانا اخوك شرح
المطلوب واضح هاللى يحجز البنت عن امه
وهو رقيق حاله ووصفه باللغز باين
وزودت لكم معلومه ان الام يطلق عليها ببداية حياته
اسم مذكر ولاكبرت يتحول اسمه لمؤنث زياده بالتوضيح
والمطلوب الرجال

والعفوا لك ويشرفنى تواجدك


يالله هاتى رمعتك اتوقع تجيبينه:025:

رمعه سريعه
التمر والقشره اللي تفصل النواه عن التمره
والنخله اسمه يا كبرت ونمت ...
مدري جبت العيد او لا ...........

والله ياعلى النيه
انك تحولين حول الحل
وتجيبينه يمين وتجيبينه يسار

بس بقول لك صح لسانك
ههههههههههه ماهو مثل ماعقدتينى البارح

الحل طال عمرك القطمير اللى هو يفصل النواه عن التمره
والام اللى اقصد التمره كانت يسمونه رطب بلح لقاط بسر
حتى تستوى وتصير تمره

باختصار صح لسانك
واللى يبي توضيح مستعد

ولك تقديرى واحترامي

ههههههههههههههه قلت القشره اللي هي القطمير بس نسيت اسمه وقلت ابي ارمعه بسرعه قبل الوتد مايحله ..
وابي ارجع اعدل بالرد بس لقيت ردك وقلت الحمدلله !!
وطلبت التوضيح لانه وخالقي طرت علي التمر من قريت الابيات بس حبيت اتأكد ..:109:
الحمد لله اللي حليته من اول رمعه وصح بدنك ........ اوما لغز البارح وربي انا تعقدت منه وشكلي مابحط الغاز ابد ..:h49:
لك كل الشكر شاعرنا القدير عقاب النهار ..
وننتظر لغز جديد تحمست ههههههههههه ..
تقديري ...

صح السانكم جميعا لغز مليان مايبي شرح يابعدي ... كفو والله ابدعتي على النيه


وتســـــلم ياعقـــاب ... دمتم بخير ..... أشوى اللي مارمعت رمعتي ياهيي بعيده الله ستر

اها الحين القشرة اللي تفصل بين التمرة والنواه اسمها القطمير
قسم بالله توي ادري شكرا للمعلومة وصح لسانك اخوي عقاب ولسان على النية
يالله الحين دور اللجاوي بطرح اللغز ...:d

أبشري اختي انفاس الليله ينزل ان شاء الله .. وصح الله لسان الجميع